Мормоны Номын семинарын багшийн гарын авлага (2024)

Агуулга
Нүүр хуудас
Мормоны Номын семинарын багшийн гарын авлага-ын оршил
Мормоны Ном—Оршил материал
Мормоны Номын удиртгал хэсгүүд
1 Нифай 1–5
1 Нифай 6–10
1 Нифай 11–15
1 Нифай 16–22
2 Нифай 1-2
2 Нифай 3–5
2 Нифай 6–10
2 Нифай 11–19
2 Нифай 20–25
2 Нифай 26–30
2 Нифай 31–33
Иаков 1–4
Иаков 5–7
Инос–Мормоны үгс
Moзая 1–3
Moзая 4–6
Moзая 7–10
Moзая 11–17
Moзая 18–24
Moзая 25–28
Мозая 29–Алма 4
Алма 5–7
Алма 8–12
Алма 13–16
Алма 17–22
Алма 23–29
Алма 30–31
Алма 32–35
Алма 36–38
Алма 39–42
Алма 43–52
Алма 53–63
Хиламан 1–6
Хиламан 7–12
Хиламан 13–16
3 Нифай 1–7
3 Нифай 8–11
3 Нифай 12–16
3 Нифай 17–19
3 Нифай 20–26
3 Нифай 27–4 Нифай 1
Moрмон 1–6
Moрмон 7–9
Ифер 1–5
Ифер 6–11
Ифер 12–15
Moронай 1–6
Moронай 7–9
Моронай 10
Хавсралт

1 Нифай 11: “Бурханы хүлцлийг болгоогтун!”

1 Нифай 11: “Бурханы хүлцлийг болгоогтун!” Мормоны Номын багшийн гарын авлага (2024)

1 Нифай 11: “Бурханы хүлцлийг болгоогтун!” Мормоны Номын багшийн гарын авлага

1 Нифай 11

“Бурханы хүлцлийг болгоогтун!”

Зураг

Онгон Мариагийн тухай Нифайн үзэгдэл

Судрууд бидэнд энэ амьдралдаа таашаах бүхнээс “хамгийн ихээр хүслийг татагч” мөн “бодгальд хамгийн их баясгалант” зүйл гэж юу болохыг заадаг (1 Нифай 11:22–23). Нифай тэнгэр элч нартай ярилцсанаар ертөнцийн Аврагчийн үзэгдлийг үзсэн бөгөөд хамгийн их баяр хөөр авчрах зүйл болох Бурханы хайрын талаар өөрийн гэсэн ойлголтыг хүлээн авсан. Энэ хичээл танд Тэнгэрлэг Эцэг, Есүс Христ хоёрын таныг гэх хайрыг мэдрэхэд тусална.

Заадаг хүмүүсээ хайрла. Аврагчийн дэлхий дээр үйлдсэн бүхэн хайраар өдөөгдсөн. Түүний жишээг дагаснаар хайр таны хичээлээ заах шалтгаан, сэдэл байх болно. Хайр танд юу хийх, суралцагчидтайгаа хэрхэн харилцахад нөлөөлнө.

Суралцагчийн бэлтгэл: Бурханы өөрсдийг нь хайрласан хайрыг харуулах ямар нэг зүйлийг ангидаа авчрахад суралцагчдыг урь.

Боломжит суралцах үйл ажиллагаа

Бурханы хайрын ач холбогдол

Хүүхдийн хэсгийн ерөнхий ерөнхийлөгчийн зөвлөх Сюзан Х.Портэр эгч ийн хэлсэн.

Зураг
Сюзан Х.Портэр эгч

Бурханы хүүхдийн хувьд та хэрхэн бүрэн дүүрэн хайрлуулдгаа мэдэж, ойлгох үед энэ нь бүхнийг өөрчилдөг. (Сюзан Х.Портэр, “Бурханы хайр: Бодгальд хамгийн их баясгалант болой,” 2021 оны 10-р сарын Ерөнхий чуулган)

Хэн нэгэн Бурханы өөрийг нь хайрлах хайрыг мэдэж, ойлговол юу өөрчлөгдөж болох вэ?
Бурханы хайрыг мэдрэх нь амьдралд тань хэрхэн нөлөөлөх вэ?

Бурханы хайрыг хэр их мэдэрдгээ мөн Түүний хайрыг амьдралдаа олж хардгаа батлах талаар тунгаан бодох хугацааг суралцагчдадаа гаргаж өг. 1 Нифай 11-ийг судалж байхдаа Тэнгэрлэг Эцэг, Есүс Христ хоёрын суралцагчдыг хайрлах хайрын баталгааг эрэлхийлэхэд тэднийг урь.

Нифайн үзэгдэл

Зураг

Лихайн зүүд

1 Нифай 8-р бүлэгт цэдэглэгдсэн Лихайн зүүдний гол бэлгэ тэмдгүүдийг дурдахыг суралцагчдаас хүс. Суралцагчдад тусламж хэрэгтэй тохиолдолд уг бүлгийг товчхон эргэн харж болно.

Та 1 Нифай 8-р бүлэгт цэдэглэгдсэн Лихайн зүүдний ямар гол бэлгэ тэмдгүүдийг санаж байна вэ?

Нифай эцгийнхээ зүүдний утгыг ойлгохыг чин сэтгэлээсээ хүсэж, Их Эзэн өөрт нь мэдэгдэнэ гэдэгт итгэлтэй байсан. Түүнийг зүрхэндээ тунгаан байхад Их Эзэний Сүнс үзэгдэж, амьдралын модыг харуулсан. Нифайг модны тайлбарыг олж мэдэхээр асуухад үзэгдэлд харсан зүйлийн тухай илүү ихийг олж мэдэхэд нь туслахаар тэнгэр элч үзэгдсэн (1 Нифай 11:1–14-ийг үзнэ үү).

Модны утга учрыг ойлгоход нь туслахаар тэнгэр элч Нифайгаас асуулт асуужээ. 1 Нифай 11:16-г уншиж, ямар асуулт асуусныг олж мэд.

Суралцагчдыг хоёр хоёроор нь хуваагаад, 17-р шүлэг-ийг уншихын өмнө 16-р шүлэг дэх асуултыг бие биеэсээ асууж, хариулахыг даалга.

16-р шүлэг-ийн асуултад та хэрхэн хариулах вэ?

17-р шүлэг-ээс Нифайн хариултыг унш.

17-р шүлэг дэх Нифайн хариултаас юу танд онцгой санагдсан бэ?

“Хүлцэл” гэдэг үг нь нэр хүнд, сүр жавхлангаас өөрийн хүслээр татгалзах гэсэн утгатай. Жишээлбэл: Аврагчийн Өөрийн шавь нарын хөлийг угаасан үйлдлийг хүлцэл хэмээн тооцож болох юм (Иохан 13:3–17-г үзнэ үү). Эдгээр шүлэгт Бурханы хүлцлийг тайлбарлахын зэрэгцээ Тэнгэрлэг Эцэгийн хүлцлийн тухай өгүүлж болох тул энэ хичээлээр Есүс Христийн хүлцэлд гол анхаарлаа хандуулна.

Нифайн юу харсныг 1 Нифай 11:13–23-аас уншиж, Бурханы хүлцлийг харуулах баримтыг олж мэд.

Бурханы хүлцлийн ямар ямар баримтыг та олж мэдсэн бэ?
Бурханы хүлцлийн талаар та ямар үнэнийг мэдэж авсан бэ?

Бурханы хүлцэл Түүний биднийг хайрлах хайрыг илэрхийлнэ гэсэн нэг үнэнийг бид мэдэж авна.

Аврагч төрсөн нь энэ үнэнийг хэрхэн илэрхийлсэн гэж та бодож байна вэ?

1 Нифай 11:26–33-ыг уншаад, Есүс Өөрийн хайрыг хүн төрөлхтөнд үзүүлэхийн тулд хүлцсэн бусад арга замыг олж мэд.

Суралцагчдыг хэдэн бүлэгт эсвэл хоёр хоёроор хуваарилаад, бүлэг тус бүрд 1 Нифай 11:26–33-аас хэсэгчлэн оноож болно. Хуваарилсан шүлгийг уншсаныхаа дараа суралцагчид дараах асуултуудыг бүлгээрээ хэлэлцэж болно.

Эдгээр шүлэгт Аврагчийн амьдралыг тусгасан дүр зургийг дүрсэлсэн зургуудыг үзүүлж мөн болох юм. Дараа нь суралцагчдад зураг бүр дээр дүрсэлсэн үйл явдлыг Шинэ Гэрээнээс олох даалгавар өг.

Суралцагчид мөн зургийг үзэж, холбогдох Шинэ Гэрээний үйл явдлыг олж, дараа нь уг хүлцлийг дүрсэлсэн үйл явдлыг тайлбарлаж болно.

Аврагчийн хүлцлийн ямар баталгааг та олсон бэ?
Эдгээр үйлдэл хэрхэн Түүний хайрыг үзүүлж байна вэ?
Есүс Христийн амьдралаас өөр ямар жишээ Түүний хайр мөн хүлцлийг харуулсан гэж та бодож байна вэ?

Биднийг хайрлах Аврагчийн хайрыг харахад туслах үйл явдлуудын талаар Арван хоёр төлөөлөгчийн чуулгын ахлагч Квинтин Л.Күкийн хэлснийг унш. Эсвэл та ChurchofJesusChrist.org дээрх “Өдөр бүр мөнх байдлын дагуу амьдрах нь” видеог 4:01-4:43-ын хооронд үзэж болно.

Зураг
Ахлагч Квинтин Л.Күк

Аврагчийн даруу байдлын үлгэр жишээ, бүх хүн төрөлхтний төлөө хийсэн золиос бол түүхэн дэх хамгийн агуу үйл явдал юм. Бурхан Тэргүүтэний гишүүн болох Аврагч хүртэл бяцхан хүүхэд болон дэлхийд мэндэлж, ах, эгч нартаа зааж, тэднийг анагаан, эцэст нь Цагаатгалаа гүйцэлдүүлэхийн тулд Гетсеманид болон загалмай дээр үгээр илэрхийлшгүй зовлон шаналал амсах амьдралаар амьдрахыг хүссэн юм. Христийн хайрлах сэтгэлээр, даруу байдалд хийсэн энэ үйлдлийг хүлцэл гэж нэрлэдэг. Тэрээр энэ бүхнийг Бурханы бүтээсэн эсвэл бүтээх бүх эрэгтэй, эмэгтэй хүний төлөө хийсэн. (Квинтин Л.Күк, “Өдөр бүр мөнх байдлын дагуу амьдрах нь,” 2017 оны 10-р сарын Ерөнхий чуулган, 44)

Ахлагч Күкийн мэдэгдэл Бурханы хүлцлийг ойлгоход танд хэрхэн тусалсан бэ?

Аврагчийн хүлцлийн адислал үргэлжилсээр

Аврагчийн хүлцэл өнөөг хүртэл Түүний хайрын баталгаа болсон хэвээр байна.

Аврагчийн хүлцэл хэрхэн таныг адисалсан талаар та хуваалцаж болно. Энэ нь Тэнгэрлэг Эцэг, Есүс Христ хоёрын хайрыг мэдрэхэд суралцагчдад тусална.

Судлах тэмдэглэл дээрээ дараах асуултад хариулах нь суралцагчдад тустай байж болно.

Тэнгэрлэг Эцэг, Есүс Христ хоёр хайраа танд хэрхэн үзүүлсэн бэ?
Тэдний хийсэн зүйл Тэднийг мэдрэх мэдрэмжид тань хэрхэн нөлөөлсөн бэ?
Тэнгэрлэг Эцэгийг болон Есүс Христийг хайрлах хайраа харуулах ямар сэдэл танд төрж байна вэ?

Суралцагчдад бичих хугацаа өгч, тэднийг хүсвэл өөрсдийн бодол, мэдрэмжийг хуваалцахыг урь. Хэрэв суралцагчид хичээлд бэлдэж ирсэн бол тэд авчирсан зүйлээ хуваалцаж, энэ зүйл тэднийг хайрлах Бурханы хайрыг мэдрэхэд хэрхэн тусалсан болохыг тайлбарлаж болно.

Тайлбар ба нөхцөл байдлын талаарх мэдээлэл

Үзэгдлийн эхэнд Нифайтай ярьсан Сүнс хэн бэ?

Арван хоёр төлөөлөгчийн чуулгын ахлагч Жэймс Э.Талмэйж (1862–1933) ийн заасан.

Зураг
Ахлагч Жэймс Э.Талмэйж

Өөрийгөө бошиглогчид илчилж, түүнээс хүсэл эрмэлзэл, итгэл үнэмшлийнх нь талаар асууж, зааварчилгаа өгч, Бурханы зүйлсийг түүнд зааж, хүнтэй нүүр тулан ярилцсан Сүнс, Нифай хоёрын хоорондын гайхамшигтай ярилцлага Их Эзэний Сүнс хүний дүр төрх, хэлбэрээр Өөрийгөө илэрхийлэх чадвартай болохыг илтгэдэг.” (James E. Talmage, The Articles of Faith [1968], 159–60; Marion G. Romney, “The Holy Ghost,” Ensign, May 1974, 90–92-ыг мөн үзнэ үү)

Бурханы хүлцлийн талаар Сүмийн удирдагчид юу заадаг вэ?

Бошиглогч Иосеф Смит (1805–44) ийн хэлсэн.

Зураг
Бошиглогч Иосеф Смит

Өөрийгөө золиослох замаар Түүнд хүрэх замыг нээсэн агуу Багшийнхаа ариун нандин, төгс төгөлдрийн талаар бид эргэцүүлэн бодоход л бидний зүрх сэтгэл түүний хүлцлийн төлөө хайлдаг. (Сүмийн ерөнхийлөгчдийн сургаалаас: Иосеф Смит [2011], 53–54)

Арван хоёр төлөөлөгчийн чуулгын ахлагч Д.Тодд Кристоффэрсон ийн тайлбарласан:

Зураг
Ахлагч Д.Тодд Кристоффэрсон

Есүс бол сүнснүүдийн дундах төрсөн ууган нь мөн бие махбодыг олсон Бурханы цорын ганц төрсөн хүү нь байсан. Хэдий бидний махбод Бурханаас төрөөгүй ч бид Есүсийн адилаар Бурханы сүнслэг үр удам юм. Иймээс бидний мөнх бус амьдралд төрсөн нь Христийнхтэй адил нэг төрлийн хүлцэл бөгөөд эрхэм зорилготой билээ. Яг л Есүс шиг, бид Түүний хүслийг биелүүлэхийн тулд мөн Христийн нигүүлслээр үхэшгүй байдал, мөнх амьдралд хүрэхийн тулд тэнгэрээс бууж ирсэн. Магадгүй бидний хувьд “өндөрт авирах”-ын зэрэгцээ ядахдаа зарим зүйлийг илүү бүрэн дүүрэн ойлгож, Христтэй илүү адилхан болохын тулд доош буух нь чухал байж болох уу? Есүст тодорхой туршлага шаардагдсантай адил “[бидний] дотор махан биеийн дагуу өршөөл нигүүлслээр дүүрэн байхын тулд, ингэснээр [бид] [бие биедээ] [өөрсдийн] сул дорой байдлын дагуу хэрхэн туслахаа махан биеийн дагуу мэдэхийн тулд” биднээс мөн тодорхой сорилт, туршилт шаардагдаж болох уу [Алма 7:12]? (D. Todd Christofferson, “The Condescension of God and of Man” [First Presidency Christmas devotional, Dec. 7, 2014], ChurchofJesusChrist.org)

Нэмэлт суралцах үйл ажиллагаа

1 Нифай 11:34–36. “Агуу хийгээд нүсэр барилга”

Лихайн зүүдэнд гарсан агуу хийгээд нүсэр барилгын талаар санахыг суралцагчдаас хүс. Шаардлагатай бол суралцагчид 1 Нифай 8:26–28, 31–34 хэсгийг товчхон эргэн харж болно.

Суралцагчдаас 1 Нифай 11:34–36-г уншиж, агуу хийгээд нүсэр барилгын утгын талаар олж мэдэхийг хүс. Энэ нь тэдний хувьд ямар утгатайг мөн нуран унаж буй барилгын бэлгэдлээс юу сурч мэдсэнийг нь асуу. Ямар учраас энэ барилгыг тэд “Хурганы арван хоёр төлөөлөгчийн эсрэг тэмцэл” гэж бодож байгааг нь асуугаад, (35-р шүлэг) дараа нь бидний цаг үед юу тохиож болох талаар хуваалцахад урь.

Төлөөлөгчид үнэхээр “Хурганы төлөөлөгчид” болох гэрчлэлээ хүчирхэгжүүлэхэд нь тохиолдсон туршлагаа эсвэл Төлөөлөгчидтэй хамт байх арга замуудын талаар хуваалцахыг суралцагчдаас хүс. Суралцагчдыг Аврагч, мөн Түүний сонгогдсон төлөөлөгчдийн талд зогсох зорилгоо тодорхойлоход урь.

1 Нифай 11. “Харагтун!”

Нифайтай хамт байх хугацаандаа Сүнс, Их Эзэний тэнгэр элч нар Нифайд харагтун хэмээн олон удаа хэлсэн. Суралцагчдыг 1 Нифай 11 бүлгээс харагтун гэсэн үгсийг хайж олон, Нифайд үзүүлсэн зүйлсийг тэмдэглэж ав.

Ариун Сүнсний гол зорилгын нэг бол Тэнгэрлэг Эцэг, Есүс Христ хоёрын талаар гэрчлэх явдал юм гэдгийг суралцагчдад сануул (3 Нифай 28:11-ийг үзнэ үү).

Ариун Сүнс хэрхэн анхаарлыг нь Есүс Христэд хандуулж, Түүнийг таньж мэдэхэд тусалсан талаар хуваалцахыг суралцагчдаас хүс.

Мормоны Номыг судалж байхдаа Аврагч руу чиглүүлэхийг Тэнгэрлэг Эцэгээс хүсэхийг суралцагчдад уриал. Бурханы Хургыг харж, ажиглахад нь өөрсдийг нь чиглүүлэх Сүнсний өдөөлтөд анхаарлаа хандуулахыг суралцагчдад сануул (1 Нифай 11:31-ийг үзнэ үү).