ព្រះគម្ពីរមរមន សៀវភៅសិក្សាសម្រាប់គ្រូបង្រៀនថ្នាក់សិក្ខាសាលា ( ឆ្នាំ ២០២៤ )

មាតិកា
ទំព័រចំណងជើង
សេចក្តីផ្តើមនៃ ព្រះគម្ពីរមរមន សៀវភៅសិក្សាសម្រាប់គ្រូបង្រៀនថ្នាក់សិក្ខាសាលា
ព្រះគម្ពីរមរមន—ឯកសារណែនាំ
ទំព័របុព្វកថានៃព្រះគម្ពីរមរមន
នីហ្វៃទី ១ ១–៥
នីហ្វៃទី១ ៦–១០
នីហ្វៃទី ១ ១១–១៥
នីហ្វៃទី ១ ១៦–២២
នីហ្វៃទី ២ ១–២
នីហ្វៃទី ២ ៣–៥
នីហ្វៃទី ២ ៦–១០
នីហ្វៃទី ២ ១១–១៩
នីហ្វៃទី ២ ២០–២៥
នីហ្វៃទី ២ ២៦–៣០
នីហ្វៃទី ២ ៣១–៣៣
យ៉ាកុប ១–៤
យ៉ាកុប ៥–៧
អេណុស–ពាក្យសម្ដីនៃមរមន
ម៉ូសាយ ១–៣
ម៉ូសាយ ៤–៦
ម៉ូសាយ ៧–១០
ម៉ូសាយ ១១–១៧
ម៉ូសាយ ១៨–២៤
ម៉ូសាយ ២៥–២៨
ម៉ូសាយ ២៩–អាលម៉ា ៤
អាលម៉ា ៥–៧
អាលម៉ា ៨–១២
អាលម៉ា ១៣–១៦
អាលម៉ា ១៧–២២
អាលម៉ា ២៣–២៩
អាលម៉ា ៣០–៣១
អាលម៉ា ៣២–៣៥
អាលម៉ា ៣៦–៣៨
អាលម៉ា ៣៩–៤២
អាលម៉ា ៤៣–៥២
អាលម៉ា ៥៣–៦៣
ហេលេមិន ១–៦
ហេលេមិន ៧–១២
ហេលេមិន ១៣–១៦
នីហ្វៃទី៣ ១–៧
នីហ្វៃទី ៣ ៨–១១
នីហ្វៃទី ៣ ១២–១៦
នីហ្វៃទី ៣ ១៧–១៩
នីហ្វៃទី ៣ ២០–២៦
នីហ្វៃទី ៣ ២៧–នីហ្វៃទី ៤ ១
មរមន ១–៦
មរមន ៧–៩
អេធើរ ១–៥
អេធើរ ៦–១១
អេធើរ ១២–១៥
មរ៉ូណៃ ១–៦
មរ៉ូណៃ ៧–៩
មរ៉ូណៃ ១០
ឧបសម្ព័ន្ធ

នីហ្វៃទី ១ ១៦–២២ ៖ ទិដ្ឋភាពទូទៅ

« នីហ្វៃទី ១ ១៦–២២ ៖ ទិដ្ឋភាពទូទៅ » ព្រះគម្ពីរមរមន សៀវភៅសិក្សាសម្រាប់គ្រូបង្រៀន ( ឆ្នាំ ២០២៤ )

« នីហ្វៃទី ១ ១៦–២២ ៖ ទិដ្ឋភាពទូទៅ » ព្រះគម្ពីរមរមន សៀវភៅសិក្សាសម្រាប់គ្រូបង្រៀន

នីហ្វៃទី ១ ១៦–២២

ទិដ្ឋភាពទូទៅ

មិនយូរប៉ុន្មានបន្ទាប់ពីគ្រួសាររបស់លីហៃ បានចាកចេញពីក្រុងយេរូសាឡិម ព្រះអម្ចាស់បានប្រទានការណែនាំបន្ថែមដល់ពួកគេតាមរយៈលីអាហូណា ។ ពួកគេបានប្រឈមមុខនឹងឧបសគ្គផ្សេងៗនៅក្នុងទីរហោស្ថាន ហើយរបៀបដែលនីហ្វៃបានប្រតិកម្មចំពោះឧបសគ្គទាំងនេះ ផ្តល់ឲ្យយើងនូវឧទាហរណ៍មួយអំពីរបៀបឆ្លើយតបទៅនឹងការសាកល្បងក្នុងជីវិតរបស់យើងផ្ទាល់ ។ ពេលបង្រៀនអំពីការខ្ចាត់ខ្ចាយ និងការប្រមូលផ្ដុំនៃអ៊ីស្រាអែល នីហ្វៃបានប្រើការព្យាករណ៍របស់អេសាយដើម្បីបង្ហាញថា ព្រះអម្ចាស់នឹងមិនភ្លេចវង្សអ៊ីស្រាអែលដែលខ្ចាត់ខ្ចាយនោះឡើយ ។ លោកក៏បានបង្រៀនផងដែរថា មិនថាប្រភពនៃការរងទុក្ខរបស់យើងជាអ្វីនោះទេ ព្រះយេស៊ូវគ្រីស្ទប្រទានកម្លាំង និងការព្យាបាលដល់អស់អ្នកដែលស្វែងរកទ្រង់ ។

រៀបចំខ្លួនដើម្បីបង្រៀន

ព័ត៌មានខាងក្រោមនេះផ្តល់ជាគំនិតដល់គ្រូបង្រៀន អំពីអ្វីដែលអាចត្រូវរៀបចំទុកជាមុនសម្រាប់មេរៀននីមួយៗ ។

នីហ្វៃទី ១ ១៦:១៨

គោលបំណងមេរៀន ៖ មេរៀននេះអាចជួយសិស្សឲ្យស្គាល់ និងធ្វើតាមការណែនាំរបស់ព្រះអម្ចាស់នៅក្នុងជីវិតរបស់ពួកគេ ។

ការរៀបចំសិស្ស ៖ សូមអញ្ជើញសិស្សឲ្យកត់សម្គាល់ពីរបៀបដែលព្រះអម្ចាស់ប្រទានការណែនាំ និងការចង្អុលបង្ហាញពេញមួយថ្ងៃដល់ពួកគេ ។
រូបភាព ៖ រូបភាពលីអាហូណាមួយ ឬច្រើន
យោបល់សម្រាប់ការបង្រៀនតាមសន្និសីទវីដេអូ ៖ បន្ទាប់ពីសិស្សបានបង្កើតតារាងដូចដែលបានណែនាំក្នុងមេរៀនហើយ សូមពិចារណាអញ្ជើញពួកគេឲ្យប្រើមុខងារជជែក ឬក្ដារខៀន ដើម្បីចែកចាយអ្វីដែលពួកគេបានរៀនអំពីលីអាហូណា ។ បន្ទាប់មក ពួកគេអាចពិភាក្សាជាមួយគ្នាអំពីរបៀបដែលសេចក្ដីពិតទាំងនេះទាក់ទងនឹងការយល់ដឹង និងការប្រើប្រាស់អំណោយទាននៃព្រះវិញ្ញាណបរិសុទ្ធ ។

នីហ្វៃទី ១ ១៦–១៧

គោលបំណងមេរៀន ៖ មេរៀននេះអាចជួយសិស្សរៀនពីរបៀបប្រៀបធៀបបទព្រះគម្ពីរ ហើយប្រឈមមុខនឹងឧបសគ្គនានាដោយសេចក្ដីជំនឿ ។

ការរៀបចំសិស្ស ៖ សូមអញ្ជើញសិស្សឲ្យអាន នីហ្វៃទី ១ ១៩:២៣ ហើយគិតអំពីអត្ថន័យនៃការប្រៀបធៀបបទព្រះគម្ពីរទៅនឹងខ្លួនយើង ។
វីដេអូ ៖ « The Lord Guides Lehi’s Journey » ( ១៦:១៨ សូមមើលពីនាទីទី ៥:៣៣ ដល់នាទីទី ១៦:១៨ ) « The Lord Commands Nephi to Build a Ship » ( ១៥:១២ សូមមើលពីនាទីទី ០:០០ ដល់នាទីទី ១២:០៧ )
យោបល់សម្រាប់ការបង្រៀនតាមសន្និសីទវីដេអូ ៖ ស្ថានភាពនៅដើមមេរៀនអាចជាឱកាសដ៏ល្អមួយ ដើម្បីតាមដានពីសភាពនៃការសិក្សាព្រះគម្ពីរផ្ទាល់ខ្លួនរបស់សិស្ស ។ ជំនួសឲ្យស្ថានភាពនេះ សូមពិចារណាបញ្ចាំងលើអេក្រង់នូវសំណួរមួយដូចជា « តើមានកង្វល់អ្វីខ្លះដែលក្មេងជំទង់មានជារឿយៗក្នុងការអានព្រះគម្ពីរ ? » ហើយអនុញ្ញាតឲ្យសិស្សឆ្លើយតបដោយប្រើការស្ទង់មតិអនាមិក ឬមុខងារសំណួរ-ចម្លើយ ។

នីហ្វៃទី ១ ១៧–១៨

គោលបំណងមេរៀន ៖ មេរៀននេះអាចជួយសិស្សឲ្យមានអារម្មណ៍ស្រឡាញ់ និងដឹងគុណចំពោះព្រះអម្ចាស់ ដោយមិនគិតពីកាលៈទេសៈដែលពួកគេកំពុងប្រឈមមុខនោះទេ ។

ការរៀបចំសិស្ស ៖ សូមអញ្ជើញសិស្សឲ្យរៀបចំខ្លួនដើម្បីចែកចាយបទពិសោធន៍ដែលពួកគេមាន ដែលបានជួយពួកគេឲ្យមានអារម្មណ៍ស្រឡាញ់ និងដឹងគុណកាន់តែខ្លាំងចំពោះព្រះ ។
វីដេអូ ៖ « Lehi’s Family Sails to the Promised Land» ( ១២:៥៣ សូមមើលពីនាទីទី ៣:១៣ ដល់នាទីទី ១១:៣១ ) « That I Might Draw All Men unto Me » ( ១៣:៤២ សូមមើលពីនាទីទី ៣:៥២ ដល់នាទីទី ៤:៤០ )
យោបល់សម្រាប់ការបង្រៀនតាមសន្និសីទវីដេអូ ៖ សម្រាប់សកម្មភាពដែលប្រៀបធៀបទង្វើ និងអាកប្បកិរិយារបស់នីហ្វៃជាមួយនឹងទង្វើ និងអាកប្បកិរិយារបស់ លេមិន និង លេមយួល សូមពិចារណាអញ្ជើញសិស្សឲ្យជ្រើសរើស « ការធ្វើដំណើរក្នុងទីរហោស្ថាន » ឬ « ការសង់សំពៅ » ។ បន្ទាប់មក សូមឲ្យពួកគេអានវគ្គបទគម្ពីរដែលត្រូវនឹងជម្រើសរបស់ពួកគេ ហើយរៀបចំចែកចាយអ្វីដែលពួកគេបានរៀនជាមួយសិស្សទាំងអស់នៅក្នុងថ្នាក់ ។

នីហ្វៃទី ១ ១៩–២២

គោលបំណងមេរៀន ៖ គោលបំណងនៃមេរៀននេះគឺដើម្បីជួយសិស្សឲ្យទទួលអារម្មណ៍នៃសេចក្តីស្រឡាញ់របស់ព្រះអម្ចាស់ចំពោះពួកគេ និងមនុស្សទាំងអស់ និងព្រះរាជបំណងប្រាថ្នារបស់ទ្រង់ក្នុងការប្រមូលផ្តុំពួកគេមករកទ្រង់ ។

ការរៀបចំសិស្ស ៖ សូមពិចារណាសូមសិស្សឲ្យមក ដោយត្រៀមខ្លួនដើម្បីចែកចាយពាក្យពីរ ឬបីម៉ាត់ដែលពួកគេនឹងប្រើ ដើម្បីពិពណ៌នាអំពីព្រះទ័យរបស់ព្រះយេស៊ូវគ្រីស្ទមានចំពោះពួកគេ ។
វីដេអូ ៖ « God Has a Plan for You » ( ៧:០៦ )

ការរំឭកចំណេះចំណានខាងគោលលទ្ធិទី ២

គោលបំណងមេរៀន ៖ មេរៀននេះនឹងជួយសិស្សឲ្យទន្ទេញសេចក្តីយោងបទគម្ពីរ និងឃ្លាបទគម្ពីរគន្លឹះសម្រាប់វគ្គចំណេះចំណានខាងគោលលទ្ធិនៃព្រះគម្ពីរមរមន ។

ចំណាំ ៖ មេរៀនវគ្គចំណេះចំណានខាងគោលលទ្ធិ អាចចាំបាច់ត្រូវបង្រៀនជំនួសឲ្យមេរៀនរំឭកនេះបាន ។ សូមមើលកាលវិភាគល្បឿននៃការបង្រៀនដែលផ្តល់ដោយតំបន់ ឬនាយក ឬអ្នកសម្របសម្រួលប្រចាំភូមិភាគ ដើម្បីធានាថា មេរៀនវគ្គចំណេះចំណានខាងគោលលទ្ធិនីមួយៗ នឹងត្រូវបានបង្រៀន អំឡុងវគ្គសិក្សារបស់ថ្នាក់សិក្ខាសាលា ។

ការរៀបចំសិស្ស ៖ សូមអញ្ជើញសិស្សឲ្យសញ្ជឹងគិត ហើយត្រៀមខ្លួនដើម្បីពិភាក្សាអំពីវគ្គបទគម្ពីរទាំងឡាយដែលបានជួយពួកគេក្នុងជីវិតរបស់ពួកគេ ។
សម្ភារ ៖ ក្រដាសពីរសន្លឹកសម្រាប់សិស្សម្នាក់ៗដើម្បីបង្កើតកាតចងចាំរបស់ពួកគេ សម្ភារៈគំនូរដូចជាខ្មៅដៃ ឬហ្វឺត
យោបល់សម្រាប់ការបង្រៀនតាមសន្និសីទវីដេអូ ៖ បន្ទាប់ពីសិស្សបំពេញកាតចងចាំរបស់ពួកគេហើយ សូមដាក់សិស្សនៅក្នុងមុខងារបំបែកក្រុម ( ជាគូៗ ឬក្រុមតូចៗ ) ដើម្បីអនុវត្តការទន្ទេញវគ្គចំណេះចំណានខាងគោលលទ្ធិមួយចំនួននៅលើកាតរបស់គាត់ ។ សិស្សម្នាក់អាចដាក់កាតម្ខាងរបស់ខ្លួនទៅរកកាំមេរ៉ា ហើយសិស្សផ្សេងទៀត ឬសិស្សនៅក្នុងមុខងារបំបែកក្រុម អាចអនុវត្តការនិយាយឡើងវិញនូវអ្វីដែលនៅម្ខាងទៀតនៃកាត ។