1 Նեփի 16–17

Գործել հավատքով դժվար իրավիճակներում

Մտածեք այն դժվարությունների մասին, որոնց բախվեցին Լեքին և նրա ընտանիքը Երուսաղեմից հեռանալուց հետո և անապատում ապրելու ընթացքում: Այն, թե ինչպես արձագանքեց Նեփին իր դժվարություններին, մեզ համար մեր կյանքի փորձություններին արձագանքելու օրինակ է: Այս դասը կարող է օգնել ձեզ սովորել, թե ինչպես համադրել սուրբ գրությունները և հավատքով դիմակայել դժվարություններին:

Օգնել ուսանողներին զարգացնել ուսումնական հմտությունները Որպեսզի օգնեք ուսանողներին հաջողությամբ ուսումնասիրել սուրբ գրությունները, առաջնորդեք նրանց սուրբ գրությունների ուսումնասիրության տարբեր հմտություններով և մեթոդներով: Ընտրեք այն հմտություններն ու մեթոդները, որոնք ուսանողներին օգնում են հրավիրել Հոգու ներկայությունն իրենց ուսումնասիրության ժամանակ, ավելի լավ հասկանալ սուրբ գրությունները և կիրառել ավետարանի սկզբունքներն իրենց կյանքում:

Ուսանողի նախապատրաստում. ուսանողներին առաջարկեք կարդալ 1 Նեփի 19.23 հատվածը և մտածել, թե ինչ է նշանակում համադրել սուրբ գրությունները մեր կյանքի իրավիճակների հետ:

Հնարավոր ուսումնական վարժություններ

Իմաստ գտնել սուրբ գրություններում

Ստորև ներկայացվածը նախատեսված է օգնելու ուսանողներին մտածել, թե ինչ նշանակություն ունի սուրբ գրություններն իրենց կյանքի հետ համադրելը: Դա ձեզ հնարավորություն կտա ստուգել, թե ուսանողներն ինչ առաջընթաց ունեն սուրբ գրություններն անձամբ ուսումնասիրելիս: Սցենարի փոխարեն կարող եք սկսել «Ի՞նչ մտահոգություններ են ունենում դեռահասները սուրբ գրությունները կարդալու հետ կապված»: հարցով:

Պատկերացրեք, որ մեկը ձեզ ասում է, թե չի կարծում, որ արժե ժամանակ կորցնել սուրբ գրությունները կարդալու վրա: Նա կարծում է, որ սուրբ գրություններն այդքան էլ օգտակար չեն մեր օրերի դժվարություններին ու խնդիրներին դիմակայելու համար:

• Ինչպե՞ս կպատասխանեիք նրա մտահոգությանը:

Մտածեք սուրբ գրությունների ձեր ուսումնասիրության, արժեքի և սուրբ գրությունները ձեր կյանքում օգտագործելու մասին: Մտածեք, թե ինչն է խոչընդոտել սուրբ գրությունները իմաստալից դարձնելուն, և ինչն է օգնել ձեզ հաղթահարել այդ խոչընդոտները:

Մարգարե Նեփին, որպեսզի օգնի իր եղբայրներին սովորել սուրբ գրություններից և օգտագործել դրանք, մի արժեքավոր դաս ուսուցանեց, որը կարող է օգնել նաև մեզ՝ սուրբ գրությունների մեր ուսումնասիրության ընթացքում:

Կարդացեք 1 Նեփի 19.23 հատվածը և գտեք, թե Նեփին ինչ էր ուսուցանել:

• Ձեր բառերով ինչպե՞ս կնկարագրեիք այն ճշմարտությունը, որ Նեփին ուսուցանել էր:

Սուրբ գրությունները համադրել մեզ հետ

Այս հատվածում բացահայտված ճշմարտություններից մեկը կարող է լինել այն, որ երբ համադրենք սուրբ գրությունները մեզ հետ, կսովորենք ու կշահենք դրանցից:

• Ի՞նչ գիտեք սուրբ գրությունները համադրելու մասին:

• Սուրբ գրությունները համադրելու ի՞նչ փորձառություն եք ունեցել:

• Ըստ հատված 23-ի՝ ո՞րն էր Եսայիայի խոսքերը կարդալու և համադրելու Նեփիի նպատակը:

• Ինչպե՞ս կարող է սուրբ գրությունների համադրումն օգնել ձեզ լիովին գալ դեպի Հիսուս Քրիստոսը և հավանալ Նրան:

Համադրել սուրբ գրությունները նշանակում է՝ նրանցում գրվածը զուգադրել մեր կյանքի հետ:

Ստորև ներկայացվող քայլերը կարող են օգնել ձեզ սուրբ գրությունները ձեր կյանքի հետ համադրելու ձեր ջանքերում: Գրանցեք այս քայլերը ձեր օրագրում:

Ցուցադրեք ստորև ներկայացվող քայլերը, որպեսզի ուսանողները կարողանան դասի ընթացքում օգտվել դրանցից:

1. Գտեք կարևոր մանրամասներ:

2. Կատարեք համեմատություններ ձեր կյանքի հետ:

3. Բացահայտեք արժեքավոր դասեր:

4. Որոշեք անձնական կիրառումը:

Այս դասին հնարավորություն կունենանք սուրբ գրությունները ձեր կյանքի հետ համադրելու վարժություններ կատարել, երբ ուսումնասիրեք որոշ իրադարձություններ, որոնք տեղի են ունեցել Լեքիի և նրա ընտանիքի հետ անապատում:

Նեփին կոտրում է իր աղեղը

Ստորև ներկայացվող նյութը նախատեսված է ուղղորդելու ուսանողներին համադրել սուրբ գրությունները և պատրաստելու նրանց ինքնուրույն անել դա դասի ընթացքում:

Քայլ 1. Գտեք կարևոր մանրամասներ

Վարժվեք կատարել այս քայլը՝ ուսումնասիրելով 1 Նեփի 16.17–25, 30–32 հատվածներըը և գտնելով կարևոր մանրամասները: Այդ մանրամասները կարող են ներառել՝ մարդկանց, վայրեր, առարկաներ, գործողություններ կամ իրադարձություններ: Ձեր ուսումնասիրության համար կարող եք դիտել նաև «Տերն առաջնորդում է Լեքիի ճամփորդությունը» տեսանյութը 5:33-16:18-ը, որը հասանելի է ChurchofJesusChrist.org կայքում:

• Ի՞նչ կարևոր մանրամասներ գտաք:

Ձեր հայտնաբերած մանրամասներից կարող են լինել՝ Նեփիի կողմից իր աղեղը կոտրելը, Լեքիի, Լամանի, Լեմուելի և Իսմայելի որդիների տրտնջոցը, Նեփիի նոր աղեղ պատրաստելը և Նեփիի վերադարձը հոր մոտ՝ սնունդ հայթայթելու ուղղորդում ստանալու համար:

Քայլ 2. Կատարեք համեմատություններ ձեր կյանքի հետ

Մտածեք ձեր կյանքի այն ոլորտների մասին, որոնք կապ ունեն նախորդ քայլում ձեր բացահայտած մանրամասների հետ: Դա անելու համար ձեզ կօգնի հետևյալ հարցը.

• Իմ կյանքի ո՞ր իրավիճակներն են նման այդ հատվածներում նկարագրված իրավիճակներին:

Գուցե համեմատել եք Նեփիի աղեղը կոտրելը ձեր կյանքի անսպասելի դժվարությունների հետ: Գուցե նաև Նեփիի և նրա ընտանիքի անդամների խոսքերն ու գործողությունները համեմատած լինեք դժվար իրավիճակներում հայտնված մարդկանց արձագանքներին:

Քայլ 3. Բացահայտեք արժեքավոր դասեր

Մտածեք, թե ինչ սովորեցիք սուրբ գրություններից, որ կարող է կիրառելի լինել ձեզ համար: Կարող եք մտածել նաև այն մասին, թե ինչ սովորեցիք Փրկչի մասին:

• Ի՞նչ դասեր քաղեցիք Նեփիի աղեղը կոտրելու և վերանորոգելու պատմությունից, որը կարող է կիրառելի լինել ձեր կյանքի համար:

• Այդ պատմությունն ի՞նչ է ուսուցանում ձեզ Հիսուս Քրիստոսի մասին:

Այս պատմությունից բացահայտված ճշմարտություններից մեկը կարող է լինել այն, որ եթե գործադրենք ջանքեր և փնտրենք Տիրոջ ուղղորդումը, Նա մեզ կօգնի դիմակայել մեր դժվարություններին:

Քայլ 4. Որոշեք կիրառությունը ձեր կյանքում

• Որոշեք, թե անձամբ ձեր կյանքում որտեղ եք կիրառելու բացահայտած ճշմարտությունները:

• Ի՞նչ եղանակներով կարող եք այս ճշմարտությունը կիրառել ձեր կյանքում:

Այս ճշմարտությունը կիրառելու բազմաթիվ եղանակների հետ մեկտեղ կարող եք մտածել, թե ինչպես հետևել Նեփիի օրինակին, երբ կյանքում անսպասելի դժվարություն եք ունենում կամ փակուղու մեջ եք զգում ձեզ: Տրնտջալու կամ ոչինչ չանելու փոխարեն կարող եք նախաձեռնությունը ստանձնել և առաջ շարժվել հավատքով ու վստահությամբ, որ Հիսուս Քրիստոսը կօգնի ձեզ:

• Ուսումնասիրության այս օրինակին հետևելն ինչպե՞ս օգնեց ձեզ իմաստ գտնել սուրբ գրության այս պատմության մեջ:

Նեփիին պատվիրվում է նավ կառուցել

Ստորև ներկայացվածը նախատեսված է օգնելու ուսանողներին օգտագործել սուրբ գրություններն ինքնուրույն համադրելու հմտությունը: Ուսանողներին խրախուսեք սկզբում ինքուրույն վարժվել: Հետո ուսանողները կարող են զույգեր կամ փոքր խմբեր կազմել և կիսվել իրենց բացահայտածով:

Ուսանողներին ներկայացրեք դասի ընթացքում ավելի վաղ ցուցադրված չորս քայլերը, որպեսզի ինքնուրույն աշխատելիս կարողանան օգտվել դրանցից:

Ութ տարի անապատում ճամփորդելուց հետո Լեքին և նրա ընտանիքը եկան ծովափնյա մի երկիր, որն իր առատ մրգի և մեղրի համար Լիառատ անվանեցին (տես 1 Նեփի 174–6):

Կարդացեք 1 Նեփի 17.5–20, 48–55, 1 Նեփի 18.1–4 հատվածները և օգտագործեք ավելի վաղ ներկայացված չորս քայլերը, որոնք կօգնեն ձեզ համադրել այս պատմությունը ձեր կյանքի հետ: Կարող եք դիտել նաև «Տերը պատվիրում է Նեփիին նավ կառուցել» տեսանյութը 0:00-12:07-ը, որը հասանելի է ChurchofJesusChrist.org կայքում: Թույլ տվեք, որ Հոգին առաջանորդի ձեր մտքերը և ուսումնասիրությունը: Հաճախ ընդմիջեք, որպեսզի մտածեք, թե ձեր սովորածն ինչպես կարող է համադրվել ձեր կյանքի հատուկ իրավիճակների հետ: Գրի առեք ձեր ստացած տպավորությունները:

Ուսանողներին առաջարկեք կիսվել չորս քայլերից յուրաքանչյուրից կատարած իրենց բացահայտումներով: Կարող եք պատմել նաև, թե ձեր կյանքի հետ սուրբ գրությունների համադրումն ինչ ազդեցություն է ունեցել ձեր կողմից սուրբ գրությունների ուսումնասիրության վրա:

Բացատրական և պատմական տեղեկություններ

Նավի կառուցումն ինչո՞ւ էր դժվար լինելու Նեփիի համար:

Տասներկու Առաքյալների Քվորումից երեց Դեյվիդ Ա. Բեդնարն ուսուցանել է․

Նեփին նավաստի չէր: Նա մեծացել էր Երուսաղեմում՝ ծովերից հեռու գտնվող քաղաքում, և ոչ թե Միջերկրական ծովի ափեզրին: Անհավանական է թվում, որ նա շատ բան իմանար կամ փորձառություն ունենար նավ կառուցելու համար անհրաժեշտ գործիքների և հմտությունների հետ կապված: Նա միգուցե երբեք նախկինում չէր տեսել օվկիանոսում լողացող նավ: Ըստ էության, Նեփիին պատվիրվեց և ցուցում տրվեց կառուցել մի բան, որը նա երբեք չէր կառուցել նախկինում (Դեյվիդ Ա. Բեդնար, «Սովորել սիրել սովորելը», Ensign, փետրվար 2010թ., 28):

1 Նեփի 17:45: Ի՞նչ է նշանակում «անզգայացած լինել»:

Առաջին Նախագահությունից նախագահ Ջեյմս Ե. Ֆաուստն (1920–2007) ուսուցանել է.

Երբեմն … մենք անհասանելիության գոտիներում ենք լինում, որտեղ ազդանշանը չի հասնում բջջային հեռախոսին: Դա կարող է պատահել, երբ բջջային հեռախոսի օգտագործողը թունելում կամ կիրճում է, կամ երբ այլ խանգարող բան կա:

Այսպես է նաև աստվածային հաղորդակցման ժամանակ: … Մեր կյանքում գուցե ինչ-որ բան խանգարում է մեզ լսել ուղերձը, քանի որ մենք «անզգայացած ենք» [1 Նեփի 17.45]: Մենք մեզ հաճախ հոգևոր անհասանելիության մեջ ենք գցում. պայմաններ ու իրավիճակներ, որոնք փակում են աստվածային ուղերձները: Այդպիսի անհասանելիություն ստեղծող պայմաններից են վախը, պոռնոգրաֆիան, կարգազանցությունը, եսաիրությունը և այլ իրավիճակներ, որոնք վնասում են Հոգուն (Ջեյմս Ե. Ֆաուստ, «Դուք ստացե՞լ եք ճիշտ ուղերձը», Ensign կամ Լիահոնա, մայիս 2004թ., 67):

Օժանդակ ուսումնական վարժություններ

Կոտրված աղեղի լրացուցիչ դասերը

Կարող եք օգնել ուսանողներին բացահայտել կոտրված աղեղի փորձառության լրացուցիչ դասերը: Կարող եք դա անել, օրինակ, ընդգծելով, որ բացի Լամանի և Լեմուելի տրտնջոցից, տրտնջում էր նաև Հայր Լեքին: Ուսանողներին առաջարկեք նշել, թե այդ իրավիճակում Նեփին ինչ չարեց (նա չգնաց հոր մոտ, չխորհրդակցեց նրա հետ, ամոթահար չարեց նրան կամ չհորդորեց նրան ապաշխարել, քանի որ դա Նեփիի պարտականությունը չէր) և ինչ արեց (նա խնդրեց Լեքիին, որ հարցնի Տիրոջը, թե ուր գնալ սնունդ հայթայթելու): Ի՞նչ կարող ենք սովորել այս տեսանկյունից: Մեր օրերում սա ինչպե՞ս կարող է առնչվել Տիրոջ կարգված ծառաների հետ մեր հարաբերությանը:

Նմանեցումը Իսրայելի զավակներին

Իր եղբայրներին ուղղելիս՝ Նեփին Մովսեսի և Իսրայելի զավակների փորձառությունը նմանեցրեց իր ընտանիքի իրավիճակի հետ: Կարող եք ուսանողներին առաջարկել կարդալ Նեփիի խոսքերը 1 Նեփի 17.21–47 հատվածում և գտնել նմանություններ այդ երկու փորձառությունների միջև: Ի՞նչ նմանություններ կարող են գտնել ուսանողներն այս պատմությունների և իրենց կյանքի միջև: Ինչո՞ւ կարող է այս երկու փորձառությունը հիշելը հատկապես օգտակար լինել մեր օրերում:

Ամրապնդվել Տիրոջով

Ուսանողների համար օգտակար կլինի 1 Նեփի 17.3 հատվածի քննարկումը: Կարող եք որևէ կամավորի առաջարկել կարդալ այդ հատվածը և ուսանողներին խնդրել գտնել դրանում ուսուցանվող ճշմարտությունը: Ուսանողները կարող են հետևյալի նման ճշմարտություն գտնել. եթե պահենք պատվիրանները, Տերը կուժեղացնի մեզ և միջոցներ կտա մեզ կատարելու այն, ինչ Ինքն է պատվիրել:

Ուսանողներին առաջարկեք մտածել Լեքիի և նրա ընտանիքի մասին պատմության այս սկզբունքի մասին կամ գտնել դրա ապացույցը: Նրանց առաջարկեք մտածել իրենց կյանքում այս ճշմարտության ապացույցի մասին: