Doctrinal Mastery: 2 Nephi 2:27

Tayo ay Malayang Makapipili sa Pamamagitan ng Dakilang Tagapamagitan

Ang Kapangyarihang Magpabalik-loob ng Aklat ni Mormon

Sa nakaraang lesson, “2 Nephi 2:26–30,” natutuhan mo na malaya tayong makapipili ng kalayaan at buhay na walang hanggan sa pamamagitan ni Jesucristo. Ang lesson na ito ay makatutulong sa iyo na maisaulo ang doctrinal mastery reference at ang mahalagang parirala ng banal na kasulatan para sa 2 Nephi 2:27, maipaliwanag ang doktrina, at magamit ang mga alituntunin ng pagtatamo ng espirituwal na kaalaman sa mga sitwasyon sa totoong buhay.

Pagpapalawak ng kaalaman sa pamamagitan ng mga aktibidad sa pagrerebyu ng doctrinal mastery. Ang regular na paggawa ng mga aktibidad na ito ay tumutulong sa mga estudyante na maisaulo ang mahahalagang parirala ng banal na kasulatan. Maaari mong hikayatin ang iyong mga estudyante na ipagpatuloy ang pag-aaral ng mga doctrinal mastery passage sa labas ng klase.

Paghahanda ng estudyante: Maaari mong anyayahan ang mga estudyante na subukang isaulo ang 2 Nephi 2:27. Ipaalala sa mga estudyante na magagamit nila ang Doctrinal Mastery app.

Mga Posibleng Aktibidad sa Pag-aaral

Ang doctrinal mastery passage lesson na ito ay ginawa upang maituro pagkatapos ng lesson na “2 Nephi 2:26–30,” na siyang kontekstuwal na lesson para sa doctrinal mastery passage na 2 Nephi 2:27. Kung kailangang ilipat ang doctrinal mastery passage lesson na ito sa ibang linggo, tiyaking ituro din ang kaukulang kontekstuwal na lesson sa linggong iyon.

Isaulo at ipaliwanag

Gumamit ng anumang epektibo at angkop na paraan upang matulungan ang mga estudyante na maisaulo ang scripture reference at mahalagang parirala ng banal na kasulatan para sa 2 Nephi 2:27 at maipaliwanag ang mga katotohanang matatagpuan sa scripture passage na ito.

Kung gagamitin ang sumusunod na mungkahi, maaari mong anyayahan ang mga estudyante na magdrowing sa pisara o sa isang malaking papel kasama ang buong klase. Panatilihing maikli ang aktibidad na pagdrowing upang magkaroon ng sapat na oras para sa pagsasanay para sa pagsasabuhay. Kung maaari, idispley ang drowing ng klase nang ilang araw upang matulungan ang mga estudyante na maisaulo nang mas mabuti ang reperensya at mahalagang parirala ng banal na kasulatan.

Basahin ang 2 Nephi 2:27 at magdrowing ng isang larawan na tumutulong sa iyo na mailarawan sa isipan ang kahulugan ng mahalagang parirala ng banal na kasulatan na: “Sila ay malayang makapipili ng kalayaan at buhay na walang hanggan … o … pagkabihag at kamatayan.” Isama ang mahalagang parirala sa iyong drowing upang matulungan kang maisaulo ito.

Pagkatapos, isulat sa iyong drowing kung ano ang ibig sabihin ng tayo ay malayang makapipili ng kalayaan at buhay na walang hanggan sa pamamagitan ni Jesucristo, o piliin ang pagkabihag at kamatayan. Isama kung ano ang ibig sabihin sa iyo ng talatang ito at kung paano ito makatutulong sa iyo na mas masunod si Jesucristo.

Kung nagdrowing ang klase, sabihin sa mga estudyante na magtulungan sa pagsusulat ng paliwanag tungkol sa talata.

Kung nagdrowing ang bawat isa sa mga estudyante, sabihin sa kanila na magsulat ng sarili nilang mga paliwanag at pagkatapos ay lumibot sa silid at ibahagi ang kanilang drowing at paliwanag sa dalawa pang estudyante.

Sa huli, habang tinitingnan ang larawan, ulitin ang reperensyang banal na kasulatan at mahalagang parirala ng banal na kasulatan hanggang sa matandaan mo ang mga ito.

Pagsasanay para sa pagsasabuhay

Ang alternatibo sa sumusunod na mungkahi upang matulungan ang mga estudyante na rebyuhin ang mga alituntunin ng pagtatamo ng espirituwal na kaalaman ay anyayahan ang tatlong estudyante bago magklase na pag-aralan ng bawat isa sa kanila ang isa sa mga alituntunin. Sa bahaging ito ng lesson, sabihin sa kanila na maglaan ng isa o dalawang minuto upang ipaliwanag sa klase ang alituntuning pinag-aralan nila.

Upang marebyu ang mga alituntunin ng pagtatamo ng espirituwal na kaalaman, tingnan kung maaalala mo kung ano ang bawat isa sa tatlong alituntunin. Pagkatapos ay tingnan kung maitutugma mo ang mga sumusunod na parirala sa tamang alituntunin. (Gamitin ang talata 5–12 sa bahaging “Pagtatamo ng Espirituwal na Kaalaman” ng Doctrinal Mastery Core Document [2022] upang makita kung tama ka.)

• “Protektahan tayo mula sa maling impormasyon at sa mga naghahangad na wasakin ang pananampalataya”

• “Tingnan ang mga ideya batay sa pamantayan ng katotohanan ng Panginoon sa halip na tanggapin ang mga paniniwala o palagay ng mundo”

• “Magtiwala sa patotoo na mayroon na tayo”

Huwag mag-atubiling iakma ang mga sitwasyong iminungkahi sa kurikulum upang mas umangkop ito sa sitwasyon ng iyong mga estudyante. Halimbawa, sa sumusunod na sitwasyon, maaaring palitan ng ibang kasalanan ang alak.

Maaari ding gamitin ang iba’t ibang sitwasyon upang maisakatuparan ang parehong layunin. Halimbawa, maaaring tumuon ang mga estudyante sa isang alternatibong sitwasyon tungkol sa isang miyembro ng Simbahan na naiinis dahil hinihikayat siya ng kanyang mga magulang na sumunod sa isang partikular na pamantayan ng Simbahan. Dahil sa inis, maaari siyang sumagot ng, “May kalayaan akong pumili! Puwede kong gawin ang kahit anong gusto ko!” Pagkatapos ay maaaring gamitin ng mga estudyante ang mga alituntunin ng pagtatamo ng espirituwal na kaalaman at 2 Nephi 2:27 sa sitwasyong ito.

Basahin ang sumusunod na sitwasyon at pag-isipan kung paano magagamit ni Ivan ang mga alituntunin ng pagtatamo ng espirituwal na kaalaman.

Nagpaplano si Ivan na gugulin ang Sabado ng hapon kasama ng kanyang mga kaibigan, ngunit nang ang isa sa kanila ay hindi inaasahang dumating nang may dalang alak na pagsasaluhan, nadama niya na oras na para umalis siya. Alam niya na hindi magugulat ang kanyang mga kaibigan dahil palagi siyang umuuwi kapag may gayon ding mga sitwasyon noon. Habang naglalakad siya palayo, narinig niyang sinabi ng kaibigan niyang si Daniel, “Si Ivan, parang hindi hahayaan ng simbahan niya na gumawa ng kahit ano.”

Patuloy na pinag-isipan ni Ivan ang komento ni Daniel habang naglalakad siya pauwi.

Suriin ang mga konsepto at tanong nang may walang-hanggang pananaw

Basahin ang talata 8 sa bahaging “Pagtatamo ng Espirituwal na Kaalaman” ng Doctrinal Mastery Core Document (2022). Pagtuunan ng espesyal na pansin ang ibig sabihin ng ibahin ang pananaw sa mga tanong.

• Paano mo ilalarawan ang ibig sabihin ng ibahin ang pananaw sa isang komento o tanong?

Pakinggang mabuti ang mga sagot ng mga estudyante sa nakaraang tanong upang matulungan kang malaman kung gaano kahusay na nauunawaan ng mga estudyante ang konseptong ito. Kung nauunawaan nila ito nang mabuti, maaari mong anyayahan ang isang estudyante na pamunuan ang iba pang mga estudyante sa pag-iba ng pananaw sa komento ni Daniel.

Kung hindi pa handa ang mga estudyante na mag-iba ng pananaw sa mga ideya nang walang tulong, maaari mong gamitin ang ilan sa mga sumusunod na mungkahi upang matulungan sila.

1. Tukuyin ang mga posibleng paniniwala o palagay.

   • Ano ang tila pinaniniwalaan ni Daniel tungkol sa kalayaan at layunin ng kalayaang pumili?

   • Ano ang tila pinaniniwalaan niya tungkol sa mga pamantayan ng Simbahan ng Tagapagligtas?

2. Pag-isipan ang isyu sa konteksto ng plano ng kaligtasan at ng mga turo ng Tagapagligtas.

   • Ano ang naranasan mo sa pamumuhay ng ebanghelyo ni Jesucristo na tumutulong sa iyo na makita ang mga bagay-bagay nang naiiba kaysa kay Daniel?

   • Sa iyong palagay, anong mga aspeto ng plano ng kaligtasan ang lubos na makatutulong para makaunawa si Daniel?

   • Anong uri ng kalayaan ang ibinibigay ng Tagapagligtas sa mga gumagamit ng kanilang kalayaang pumili upang sundin ang Kanyang mga kautusan? Anong uri ng pagkabihag ang bunga ng hindi pagtanggap sa mga ito?

Maaari mong pagpartner-partnerin ang mga estudyante na ang bawat kapartner ay pag-aaralan ang isa sa sumusunod na dalawang alituntunin ng pagtatamo ng espirituwal na kaalaman. Pagkatapos ay anyayahan silang ibahagi ang kanilang mga sagot sa mga kasamang tanong sa kanilang kapartner.

Basahin ang talata 5–7, 11 ng bahaging “Pagtatamo ng Espirituwal na Kaalaman” ng Doctrinal Mastery Core Document (2022) at isipin kung paano naaangkop ang sumusunod na dalawang alituntunin sa sitwasyon ni Ivan.

Kumilos nang may pananampalataya

• Kung magsisimulang pag-alinlanganan ni Ivan ang kanyang desisyong lumayo sa mga mapanganib na sitwasyong espirituwal, ano ang maaari mong ibahagi sa kanya mula sa talata 5–7? Bakit?

Hangaring mas makaunawa sa pamamagitan ng sources na itinalaga ng Diyos

• Sa iyong palagay, anong sources na binanggit sa talata 11 ang may pinakamalaking maitutulong kay Ivan?

• Paano makatutulong sa kanya ang mga katotohanan sa 2 Nephi 2:27?

Pagrerebyu ng doctrinal mastery

Sa mga darating na lesson, tulungan ang mga estudyante na sandaling rebyuhin ang reperensyang banal na kasulatan at mahalagang parirala para sa 2 Nephi 2:27. Ang isang paraan upang magawa ito ay sabihin sa mga estudyante na tingnan ang idinrowing nila at tingnan kung naaalala pa nila ang reperensya at mahalagang parirala ng banal na kasulatan. Maaari itong ulitin sa simula o katapusan ng iba’t ibang lesson sa hinaharap.