2 Nefi 4

Psalmi i Nefit

Nefi duke u Lutur

Çdokush përballet me tundim dhe ndihet i ligështuar ose i shkurajuar nganjëherë. Edhe profeti Nefi u ndje ashtu. Pasi përjetoi vdekjen e të atit, Lehit dhe u përball me vëllezërit e tij të zemëruar, Nefi shkroi rreth disa prej ndjenjave të tij më të thella. Ai shprehu gëzimin e tij si dhe pikëllimin e tij. Shembulli i tij na tregon se si mund tʼi drejtohemi Zotit kur përjetojmë sfidat e vdekshmërisë. Ky mësim mund të të ndihmojë të reagosh me besnikëri ndaj tundimit dhe shkurajimit duke iu drejtuar Zotit.

Ftesa për nxënësit që të shprehin ndjenjat, përvojat dhe dëshmitë e tyre. Çdo individ në klasën tuaj mund të japë kontribut. Ndërsa i ndihmoni nxënësit të shprehin ndjenjat, përvojat dhe dëshmitë e tyre, ata mund ta bekojnë jetën e atyre që kanë përreth. Gjithkush në klasë mund të lartësohet nga Fryma e Shenjtë.

Përgatitja e nxënësve: Merreni parasysh t’i ftoni nxënësit t’i kërkojnë ndihmë Perëndisë për një tundim ose sfidë me të cilën po përballen.

Veprimtari të Mundshme të të Mësuarit

Sfidat e vdekshmërisë

Një mënyrë për ta filluar mësimin është të diskutoni sfidat e jetës që janë të përbashkëta për të gjithë. Për shembull, ne të gjithë përballemi me tundimin dhe ndihemi të trishtuar ose të shkurajuar nganjëherë. Merreni parasysh t’u jepni kohë nxënësve që të përsiatin në heshtje pyetjet vijuese. Nxënësit gjithashtu mund të shkruajnë në ditarin e tyre një tundim ose arsye specifike pse mund të ndihen të shkurajuar.

• Si mendon, pse çdokush tundohet dhe ndihet i shkurajuar nganjëherë?

• Në një shkallë nga 1 deri në 10 sa mirë ndien se po ua del në krye këtyre vështirësive?

• Si do të bekohej jeta jote po të ishe më në gjendje ta mposhtje tundimin dhe shkurajimin?

Psalmi i Nefit

Lexo te 2 Nefi 4:12–13, 18, duke kërkuar disa nga sfidat me të cilat u përball Nefi.

• Si e imagjinon ti, si e bënë të ndiheshin Nefin këto sfida?

Vargjeve 2 Nefi 4:16–35 shpesh iu referohen si psalmi i Nefit. Një psalm është “një poemë ose hymn i frymëzuar” (Udhëzuesi për Shkrimet e Shenjta, “Psalm”, scriptures.ChurchofJesusChrist.org). Në këto vargje Nefi shkroi rreth disa prej ndjenjave të tij më të thella. Ai tregoi sfidat e veta dhe mënyrën se si reagoi ndaj tundimit dhe shkurajimit. Ndërsa i studion këto vargje, kërko frymëzim nëpërmjet Frymës së Shenjtë për të ditur se çfarë mund të bësh në sfidat specifike me të cilat po përballesh.

Mund të kujtosh katër hapat që të të ndihmojnë t’i përshtatësh shkrimet e shenjta me jetën tënde.

1. Gjej hollësi të rëndësishme.

2. Bëj krahasime me jetën tënde.

3. Zbulo mësime të vyera.

4. Përcakto zbatimin në planin personal.

Jepuni nxënësve nga një kopje të fletushkës për ta plotësuar individualisht. Një mundësi tjetër është t’i plotësoni dy rreshtat e parë si klasë dhe më pas t’i ndani tre rreshtat e fundit mes grupeve dhe ta vini çdo grup të raportojë për atë që mësoi.

Nxënësit mund të inkurajohen të shkruajnë mendime dhe ndjenja personale rreth këtyre vargjeve në shkrimet e tyre të shenjta.

© 2023 by Intellectual Reserve, Inc. All rights reserved. 2 Nefi 4:16–35. Merreni parasysh të bëni disa nga pyetjet në vijim.

Disa nga pohimet në pjesën “Komente dhe Informacion për Rrethanat” mund ta përmirësojnë diskutimin.

Psalmi i Nefit dhe Unë (2 Nefi 4:16–35)

Manual i Mësuesit për Librin e Mormonit (2024) – “2 Nefi 4: Psalmi i Nefit”

	Përvoja e Nefit	Përvoja Ime
2 Nefi 4:16	Përvoja e Nefit Si po ndihej Nefi?	Përvoja Ime Kur kam pasur unë ndjenja të ngjashme?
2 Nefi 4:17–19	Përvoja e Nefit Si po ndihej Nefi?	Përvoja Ime Kur kam pasur unë ndjenja të ngjashme?
2 Nefi 4:20–25	Përvoja e Nefit Çfarë përvojash me Perëndinë e ndihmuan Nefin t’u përgjigjej me besim tundimeve dhe shkurajimit të tij?	Përvoja Ime Cilat janë disa përvoja shpirtërore që mund t’i kujtoj kur tundohem ose shkurajohem?
2 Nefi 4:26–29	Përvoja e Nefit Çfarë lloj mendimesh e ndihmuan Nefin të ishte i fortë kur ndihej i tunduar ose i shkurajuar?	Përvoja Ime Çfarë lloj mendimesh mund të më ndihmojnë mua të jem i fortë kur ndihem i tunduar ose i shkurajuar?
2 Nefi 4:30–35	Përvoja e Nefit Çfarë më lë mbresa nga lutja e Nefit?	Përvoja Ime Si mund ta zbatoj shembullin e Nefit në vetë lutjet e mia?

• Çfarë vargjesh ose frazash te 2 Nefi 4 të bëjnë më shumë përshtypje? Përse?

• Çfarë mësove rreth Shpëtimtarit nga 2 Nefi 4?

• Si ndikon përshtatja e shkrimeve të shenjta me jetën tënde te studimi yt i kapitullit 2 Nefi 4?

• Cilat janë disa parime që përcaktove?

  Si pjesë e diskutimit, ndihmojini nxënësit të përcaktojnë një larmi parimesh. Për shembull:

  • Mirëbesimi te Zoti dhe mbajtja mend e përvojave shpirtërore të së shkuarës mund të më ndihmojnë t’i përgjigjem me besim tundimit dhe shkurajimit.

  • Nëse i lutem Perëndisë sinqerisht, mund ta marr ndihmën e Tij kur tundohem dhe ndihem i shkurajuar.

• Si mendon se mund të të ndihmojnë këto parime t’i drejtohesh Zotit kur tundohesh ose ndihesh i shkurajuar?

Plani im për ta mposhtur tundimin dhe shkurajimin

Për t’i ndihmuar nxënësit të shohin se si të tjerët i janë drejtuar Zotit në kohë sprove, merreni parasysh të shfaqni një nga materialet filmike që sugjerohen në pjesën “Veprimtari Plotësuese të të Mësuarit”.

Merreni parasysh t’i ftoni nxënësit të flasin rreth rastit kur i janë drejtuar Zotit në një kohë të vështirë.

Ndiq shembullin e Nefit dhe shkruaj një psalm tëndin. Disa nga pyetjet vijuese mund të ndihmojnë:

• Çfarë parimi, mësimi ose vargu(gjesh) nga 2 Nefi 4 mund të zbatosh në jetën tënde?

• Si do ta zbatosh atë në jetën tënde?

• Si mendon se bërja e kësaj do të të ndihmojë t’i drejtohesh Shpëtimtarit?

• Kur jeta bëhet e vështirë, si mund të reagosh me besim te Shpëtimtari?

Ftojini nxënësit e gatshëm t’ia tregojnë psalmin e tyre klasës. Merreni parasysh të jepni dëshminë tuaj për Shpëtimtarin. Mund të jetë e dobishme t’u kujtoni nxënësve se ata do të përballen me pengesa dhe shpesh do t’iu duhet të bëjnë orvatje të përsëritura për t’i kapërcyer ato. Megjithatë, nëpërmjet hirit të Jezu Krishtit, ata mund të marrin forcën për t’i kapërcyer dhe duruar të gjitha gjërat.

Komente dhe Informacion për Rrethanat

Si mund të më ndihmojë mbajtja mend e përvojave shpirtërore të së shkuarës?

Plaku Nil L. Andersen, i Kuorumit të Dymbëdhjetë Apostujve, dha mësim:

Plaku Nil L. Andersen

“Bashkë me udhëzimin plot paqe që marrim nga Fryma e Shenjtë, herë pas here, Perëndia e siguron fuqimisht dhe shumë personalisht secilin prej nesh, se Ai na njeh dhe na do dhe se Ai po na bekon në veçanti dhe haptas. Atëherë, në çastet tona të vështirësisë, Shpëtimtari na i sjell këto përvoja sërish në mendje. …

Ju mund të mendoni në këtë mënyrë për kujtimet tuaja shpirtërore. Me lutje të vazhdueshme, me një vendosmëri për t’i mbajtur besëlidhjet tona dhe me dhuratën e Frymës së Shenjtë, ne e përshkojmë rrugëtimin tonë gjatë jetës. Kur vështirësia vetjake, dyshimi, ose shkurajimi na e errësojnë shtegun, ose kur rrethanat e botës përtej kontrollit tonë na shtyjnë të vrasim mendjen për të ardhmen, kujtimet që na përcaktojnë shpirtërisht nga libri ynë i jetës, janë si gurë të shndritshëm që ndihmojnë të na e ndriçojnë udhën para nesh, duke na siguruar se Perëndia na njeh, na do dhe ka dërguar Birin e Tij, Jezu Krishtin për të na ndihmuar që të kthehemi në shtëpi.” (Nil L. Andersen, “Kujtime që të Përcaktojnë Shpirtërisht”, Liahona, maj 2020, f. 19, 21)

Plaku Ronald A. Rasband, i Kuorumit të Dymbëdhjetë Apostujve, dha mësim:

Plaku Ronald A. Rasband

“Ju nxit juve tani, që të sillni ndër mend, veçanërisht në kohë krizash, kohën kur ju e ndiet Shpirtin dhe dëshmia juaj ishte e fortë; kujtoni themelet shpirtërore që keni ndërtuar.” (Ronald A. Rasband, “Në Mënyrë që të Mos Harroni”, Liahona, nëntor 2016, f. 114)

Si mund ta mposht tundimin dhe shkurajimin?

Plaku Xhefri R. Holland, i Kuorumit të Dymbëdhjetë Apostujve, dha mësim:

Plaku Xhefri R. Holland

“Kur përballemi me tundime … në kohën tonë, ne duhet të shpallim, sikurse i riu Nefi në kohën e tij: ‘[Nuk do të lë] më vend për armikun e shpirtit tim’ [2 Nefi 4:28]. Ne mund ta refuzojmë të ligun. Nëse ne duam me një dëshirë e thellësi të mjaftueshme, ai armik mund të qortohet e do të qortohet me anë të fuqisë shëlbuese të Zotit Jezu Krishti.” (Xhefri R. Holland, “Jo Më Vend për Armikun e Shpirtit Tim”, Liahona, maj 2010, f. 46)

Plaku Alen D. Hejni, i Të Shtatëdhjetëve, dha mësim:

Plaku Alen D. Hejni

“Vëllezër dhe motra, nëse ndiheni të shkurajuar ose nëse e pyetni veten a do të dilni dot ndonjëherë nga gropa shpirtërore që keni hapur, ju lutem mbajeni mend se kush qëndron ‘mes [nesh] dhe drejtësisë’, kush është ‘i mbushur me dhembshuri ndaj fëmijëve të njerëzve’ dhe kush i ka marrë mbi Vete paudhësitë dhe shkeljet tona dhe ‘ka plotësuar kërkesat e drejtësisë’ [Mosia 15:9]. Me fjalë të tjera, siç bëri Nefi në çastin e tij të dyshimit në vetvete, thjesht mbajeni mend ‘në cilin [keni] besuar’ [2 Nefi 4:19], madje Jezu Krishtin, dhe pastaj pendohuni dhe përjetoni edhe një herë ‘një ndriçim të përkryer të shpresës’ [2 Nefi 31:20].” (Alen D. Hejni, “Të Kujtojmë në Cilin Kemi Besuar”, Liahona, nëntor 2015, f. 123)

Veprimtari Plotësuese të të Mësuarit

Material Filmik

Në materialin filmik muzikor “Fragile” (3:46), një e re këndon rreth mënyrës se si Zoti është aty me ne kur jemi të lënduar dhe ndihemi të dëshpëruar.

2 Nefi 4:17, 19. “Megjithatë”

Tërhiqeni vëmendjen e nxënësve te fjala “megjithatë” te 2 Nefi 4:17, 19. Dallojeni ndryshimin te ndjenjat që shprehu Nefi menjëherë para dhe pas kësaj fjale. Diskutoni se çfarë mund të mësojnë nxënësit nga përvojat e jetës së Nefit dhe shembulli i tij.

2 Nefi 4:17. “O, ç’njeri i mjerë”

Nxënësit mund të përfitojnë nga krahasimi i Nefit me Apostullin Pal. Shih te 2 Nefi 4:17–19; Romakëve 7:22–25; 2 Korintasve 12:7–10. Diskutoni se si Jezu Krishti mund të na ndihmojë të gjithëve ta mposhtim dobësinë tonë. Mund të jetë e dobishme të vini në dukje se sa më pranë i shkojmë Atit Qiellor, aq më të ndjeshëm bëhemi ndaj devijimeve nga drejtësia (shih Bruce C. Hafen, “The Atonement: All for All” [“Shlyerja: E Gjitha për të Gjithë”], Liahona, maj 2004, f. 97–99).

2 Nefi 4:15. “Shpirti im kënaqet pa masë në shkrimet e shenjta”

Ftojini nxënësit të tregojnë shkrime të shenjta prej të cilave kënaqen pa masë. Nxënësit mund t’i shkruajnë referencat e shkrimeve të shenjta në tabelë dhe të diskutojnë për arsyen pse ato fragmente janë kuptimplota për ta. Përveç kësaj, mund t’i ftoni nxënësit t’ia tregojnë një varg të përzgjedhur familjes ose miqve në një mbrëmje të shtëpisë, me një mesazh në celular ose në mediat shoqërore.

2 Nefi 4:15–16. “Gjërat e shpirtit tim”

Merreni parasysh t’i ftoni nxënësit të mendojnë me kujdes rreth gjërave të shpirtit të tyre dhe t’i shkruajnë ato. Për ta filluar këtë veprimtari, mund të shpërndani këtë thënie nga Plaku Ronald A. Rasband, i Kuorumit të Dymbëdhjetë Apostujve, ku ai citoi Nefin:

“‘Vini re, shpirti im kënaqet pa masë në gjërat e Zotit; dhe zemra ime mediton vazhdimisht mbi gjërat që unë kam parë dhe dëgjuar’ [2 Nefi 4:16; theksimi i shtuar].

Fjalët e Nefit ngrenë pyetjet: ‘Çfarë gjërash përsiatni?’ ‘Cilat gjëra kanë vërtet rëndësi për ju?’ ‘Cilat janë gjërat e shpirtit tuaj?’” (“Gjërat e Shpirtit Tim”, Liahona, nëntor 2021, f. 39).

Nephi’s Psalm and me handout