“2 Nephi 26: Pagtan-aw, Paghigugma, ug Pagtratar sa Uban Sama sa Gibuhat sa Dios,” Manwal sa Magtutudlo sa Basahon ni Mormon (2024)
“2 Nephi 26,” Manwal sa Magtutudlo sa Basahon ni Mormon
2 Nephi 26
Pagtan-aw, Paghigugma, ug Pagtratar sa Uban Sama sa Gibuhat sa Dios
Kada adlaw nag-atubang kita og mga mensahe ug impormasyon nga gituyo aron maimpluwensiyahan ang atong mga pagbati ug mga panglantaw. Sa 2 Nephi 26, si Nephi mitudlo sa panglantaw sa Dios. Kini nga leksiyon gituyo aron sa pagtabang kanimo sa pagtan-aw, paghigugma, ug pagtratar sa uban sama sa gibuhat sa Dios.
Pagtabang sa mga estudyante nga mobati nga ang ilang mga kontribusyon gihatagan og bili.Ipakita sa mga estudyante nga imong gihatagan og bili ang ilang mga pangutana ug komento pinaagi sa pagpaminaw og maayo ug paghimo og sinsero nga paningkamot nga makasabot. Ipahibalo ang imong interes pinaagi sa pagtutok sa gisulti sa mga estudyante ug dili sa unsay sunod nimong isulti.
Pagpangandam sa estudyante: Dapita ang mga estudyante sa pagpangutana sa ilang mga ginikanan o sa usa ka kasaligan nga higala kon giunsa nila pagpaningkamot nga makita ang uban sama sa pagtan-aw sa Manluluwas.
Mga Posibleng Kalihokan sa Pagkat-on
Atong panglantaw
Imbes nga ipakita ang mosunod nga mga hulagway, mahimo kang magdala og lain-laing matang sa antepara aron sulayan sa mga estudyante ug dayon hisgoti kon sa unsang paagi ang matag usa nagausab sa ilang panan-aw ug panglantaw. Ikonsiderar ang pagdapit sa mga estudyante sa pagpaambit sa ilang personal nga mga kasinatian sa pagsul-ob og lain-laing mga antepara o corrective lens ug ang kalainan nga nahimo niini.
Susiha ang mosunod nga mga hulagway ug hunahunaa kon sa unsang paagi ang lain-laing mga antepara makaapekto sa atong panan-aw.
-
Sa unsang paagi kining lain-laing mga antepara makaapekto sa panglantaw sa usa ka tawo?
-
Unsa ang pipila ka mga butang nga makaapekto kon sa unsang paagi kita motan-aw ug motratar sa uban?
Paggahin og panahon sa pagpamalandong sa imong pagtan-aw sa uban. Hunahunaa kon unsa kaha tingale ang nagporma sa imong panglantaw ug sa unsang paagi kini makaimpluwensiya sa imong pagbati ug pagtratar sa uban. Samtang magtuon ka, pagtinguha og inspirasyon aron makahibalo kon unsay imong mahimo aron makita ug matratar ang uban sama sa gibuhat sa Manluluwas.
Kini nga leksiyon gituyo aron sa pagtabang kanimo sa pagtan-aw, paghigugma, ug pagtratar sa uban sama sa gibuhat sa Dios.
Ang kinaiya sa Dios
Sa 2 Nephi 26, nakita ni Nephi ang pangalagad sa Manluluwas taliwala sa mga Nephite, ingon man usab ang pagkadautan ug ang kataposan nga kalaglagan sa iyang mga katawhan. Nakita usab niya ang pagkadautan sa mga Hentil sa kataposang mga adlaw. Sa kasukwahi, iyang gihatagan og gibug-aton ang pag-amuma sa Dios sa tanan Niyang mga anak.
Ikonsiderar ang mosunod nga tulo ka mga pangutana sa imong pagbasa sa 2 Nephi 26:12–13, 23–33:
Hatagi ang mga estudyante og daghang panahon sa pagtuon sa 2 Nephi 26:12–13, 23–33, ug ikonsiderar ang pagdapit kanila sa pagmarka sa mga pulong ug hugpong sa mga pulong nga motubag sa mosunod nga mga pangutana. Paghimo og hilom nga palibot diin ang Espiritu makatudlo. Mahimo kang magpatukar og hinay nga musika samtang maglakaw ka palibot sa kwarto, hilom nga mangutana sa mga estudyante kon unsay ilang nakat-onan, gibati, o gimarkahan samtang sila nagtuon.
Mahimong makatabang ang pagpakita sa mga pangutana samtang magbasa ang mga estudyante.
-
Unsa ang pagtan-aw ug pagbati sa Dios mahitungod sa Iyang mga anak?
-
Giunsa Niya kini pagpakita?
-
Sa unsa nga paagi Siya gusto nga kita magtan-aw ug motratar sa uban?
Human matun-an sa mga estudyante ang mga pagtulun-an ni Nephi mahitungod sa kinaiya sa Dios, dapita sila sa pagpaambit sa unsay ilang nakat-onan. Ang mosunod nga mga pangutana, uban sa dugang nga follow-up nga mga pangutana, mahimong makatabang sa pagdasig sa pagpaambit. Sa laing paagi, mahimong ilista sa mga estudyante diha sa pisara ang mga kamatuoran mahitungod sa Dios nga ilang nakat-onan ug dayon hisgotan ang kahulugan ug kamahinungdanon niini.
-
Unsa nga mga pulong, hugpong sa mga pulong, o kamatuoran ang imong gimarkahan nga makatubag sa mga pangutana? Ngano man?
-
Unsa ang imong nakat-onan o gibati mahitungod sa kinaiya sa Dios?
-
Sa unsang paagi kaha nga ang paghinumdom niini nga mga kamatuoran mahitungod sa Dios makaimpluwensiya sa imong relasyon ngadto Kaniya? Sa unsang paagi kaha kini makaimpluwensiya kon unsaon nimo pagtratar ang uban?
Ang mga estudyante tingali nakamatikod sa lain-laing mga kamatuoran mahitungod sa kinaiya sa Dios. Ikonsiderar ang pagpangutana sa mga estudyante nganong makahuluganon ang mga kamatuoran nga ilang napalgan ug ang pagdayeg kanila sa ilang mga panabot. Ang sunod nga bahin niini nga leksiyon magtutok sa kamatuoran sa bersikulo 33 nga “tanan managsama ngadto sa Dios.” Makatabang kini sa mga estudyante nga maandam sa paggamit niini nga tudling diha sa pagbansay sa paggamit sa doktrinal nga kahanas sa mosunod nga leksiyon.
Matikdi nga sa 2 Nephi 26:33, si Nephi mipatugbaw [highlight] sa daghang lain-laing mga matang sa mga indibidwal pinaagi sa pagpares kanila sa magkasukwahi nga mga grupo. Ang mosunod nga mga kahulugan mahimong makatabang kanimo nga mas masabtan kini. Mahimo nimong ikonsiderar ang pagsulat niini nga mga kahulugan diha sa imong mga kasulatan tapad niini nga bersikulo.
-
Ulipon: Usa ka ulipon.
-
Luog: Usa ka tawo nga dili motuo sa Dios.
-
Judeo ug Hentil: Usa ka hugpong sa mga pulong nga nagpasabot sa tanan nga sakop sa balay ni Israel ug niadtong wala.
Ang2 Nephi 26:33 usa ka tudling sa doktrinal nga kahanas. Ikonsiderar ang pagmarka sa mga tudling sa doktrinal nga kahanas sa lahi nga paagi aron mas dali ra nimo kining makit-an. Mahatagan ka og kahigayonan sa sunod nga leksiyon sa pagpraktis sa paggamit sa doktrina nga gitudlo niini nga tudling ngadto sa usa ka pangutana o sitwasyon.
-
Unsa ang kalainan nga mahimo niini kon ang kalibotan modawat ug mogamit sa mga pagtulun-an sa bersikulo 33?
Paggahin og kadiyot sa pagpamalandong sa imong panglantaw, lakip sa paagi sa imong pagbati ug pagtratar sa uban, kon itandi sa panglantaw sa Dios ug sa paagi sa Iyang pagbati ug pagtratar sa uban.
Usa ka paagi sa pagtabang sa mga estudyante sa pagtandi kon giunsa nila pagtratar ang uban ngadto sa kon giunsa sa Dios pagtratar ang uban mao ang paghangyo sa mga estudyante sa pag-usab sa mga pulong [rephrase] sa mga pangutana nga gipaambit ni Nephi sa 2 Nephi 26:25–28 aron magamit sa ilang mga kaugalingon. Pananglitan, “Gipabati ba nako sa mga tawo nga gusto nako nga sila mopalayo kanako? o dili mosimba uban kanako? O nagdahom ba ko nga dili sila kinahanglang moambit sa kaayo ni Jesukristo?”
ChurchofJesusChrist.org
Ang mosunod nga mga pangutana ug parapo makatabang sa mga estudyante sa pagsukod sa ilang mga pagbati ug mga aksiyon ngadto sa uban ug dayon magamit ang unsay ilang nakat-onan. Mahimong magrekord ang mga estudyante diha sa ilang journal o hisgotan ang ilang mga tubag sa mga pangutana.
-
Sa unsang paagi makaapekto kanimo ang paghinumdom sa panglantaw ug pagbati sa Dios ngadto sa tanang tawo?
-
Sa unsang mga paagi nga maayo ang imong gibuhat sa pagtan-aw ug pagtratar sa uban sama sa pagtratar sa Langitnong Amahan ug ni Jesus kanila?
-
Sa unsang paagi nga ang paghinumdom sa mga pagtulun-an mahitungod sa Ginoo diha sa 2 Nephi 26:33 makatabang kanimo sa pagtan-aw, paghigugma, ug pagtratar sa uban sama sa gibuhat sa Dios?
Sa mosunod nga pipila ka mga adlaw, sulayi sa pagmatikod ang imong pagtan-aw, pagbati, ug pagtratar sa uban. Paminaw sa mga pag-aghat gikan sa Espiritu Santo ug pagtinguha sa tabang sa Ginoo sa paghimo og bisan unsang gikinahanglan nga mga kausaban sa paghigugma ug pagtratar sa uban nga mas sama sa gibuhat sa Dios.