2 Nephi 20–25

Kinatibuk-ang Pagpasabot

Timan-i: Ang mga leksiyon karong semanaha maghisgot og content nga gawas sa Dali, Sunod Kanako nga eskedyul.

Daghang mga propeta, lakip sila si Nephi ug Isaias, nanagna mahitungod sa 1,000 ka tuig nga kalinaw nga gitawag og Milenyum—ang melinyal nga paghari ni Jesukristo. Human sa paghatag og gibug-aton sa kaimportante sa propetikanhong mga pagtulun-an, si Nephi mipamatuod nga si Jesukristo lamang ang adunay gahom sa pagluwas sa tanang katawhan. Sa 2 Nephi 26, iyahang gitudlo ang panglantaw sa Dios, nga nagpatin-aw nga ang “tanan managsama ngadto sa Dios” (bersikulo 33).

Pangandam sa Pagtudlo

Ang mosunod nga impormasyon naghatag sa mga magtutudlo og mga ideya kon unsa ang kinahanglan nga andamon daan alang sa matag leksiyon.

2 Nephi 21–24

Katuyoan sa leksiyon: Kini nga leksiyon makatabang sa mga estudyante nga makasabot ug makaandam alang sa melinyal nga paghari sa Manluluwas.

• Pagpangandam sa estudyante: Dapita ang mga estudyante sa pagpamalandong sa unsay ilang nahibaloan mahitungod sa Milenyum ug sa pagtambong nga andam sa pagpangutana og mga pangutana nga tingali aduna sila mahitungod niini.

• Content nga ipakita: Usa ka hulagway sa mga pag-ayo sa Templo sa Salt Lake; Ang lista sa mga kasulatan nga gipakita diha sa pisara o diha sa mga papel sa palibot sa kwarto

• Sugyot sa pagtudlo pinaagi sa videoconference: Mahimong gamiton sa mga estudyante ang chat feature aron isumiter ang ilang mga pangutana bahin sa Milenyum. Mahimo usab silang bahinon ngadto sa mga grupo sumala sa ilang mga pangutana ug i-assign sa mga breakout room aron sa pagpangita sa mga tubag.

2 Nephi 25

Katuyoan sa leksiyon: Kini nga leksiyon makatabang sa mga estudyante nga makasabot kon sa unsang paagi sila maluwas pinaagi sa grasya ni Jesukristo.

• Pagpangandam sa estudyante: Ikonsiderar ang pagdapit sa mga estudyante nga motambong sa klase nga andam sa paghisgot mahitungod sa mensahe kabahin ni Jesukristo nga nakaapekto kanila.

• Bidyo: “Asa ang Hustisya, Gugma, ug Kaluoy Mag-abot” (5:36)

• Sugyot sa pagtudlo pinaagi sa videoconference: Ikonsiderar ang paggamit og whiteboard o susama nga function kon ang mga estudyante dapiton sa pagpaambit og mga pangutana mahitungod sa 2 Nephi 25:23. Mahimo nimong i-screenshot ang nahuman nga nasulatan nga whiteboard ug ipadala kini sa mga estudyante aron makita samtang mangita sila og mga tubag.

Sukda ang Imong Nakat-onan 2

Katuyoan sa leksiyon: Kini nga leksiyon gituyo aron sa pagtabang sa mga estudyante sa pagtimbang-timbang sa paglambo nga ilang nasinati atol sa ilang pagtuon sa Basahon ni Mormon.

• Pagpangandam sa estudyante: Dapita ang mga estudyante sa pagrebyo sa pipila sa ilang nakat-onan diha sa 1 Nephi 16 hangtod sa 2 Nephi 25 ug motambong nga andam nga mopaambit sa paborito nga mga kasulatan o importante nga mga kamatuoran.

• Butang: Usa ka samin

• Sugyot sa pagtudlo pinaagi sa videoconference: Sa higayon nga ang mga estudyante mopasabot mahitungod sa Pagkapukan ni Adan ug Eva, ikonsiderar ang pagpahigayon og drama-drama diin ikaw ang modala isip investigator ug ang duha ka estudyante ang modala sa mga tahas sa mga misyonaryo nga nagtudlo. Isip investigator, pangutana og mga pangutana nga magtugot kanila sa pagpasabot og dugang sa ilang hilisgotan.

2 Nephi 26

Katuyoan sa leksiyon: Kini nga leksiyon gituyo aron sa pagtabang sa mga estudyante nga makakita, mohigugma, ug motratar sa uban sama sa gibuhat sa Dios.

• Pagpangandam sa estudyante: Dapita ang mga estudyante sa pagpangutana sa ilang mga ginikanan o usa ka kasaligan nga higala kon giunsa nila pagpaningkamot nga makita ang uban sama sa pagtan-aw sa Manluluwas.

• Content nga ipakita: Lainlaing klase sa antipara (o mga hulagway niini)

• Sugyot sa pagtudlo pinaagi sa videoconference: Sa higayon nga ang mga estudyante magtuon sa 2 Nephi 26:12–13, 23–33, ikonsiderar ang pagtugot kanila sa pagbuhat nga magtinagsa sulod sa mubo nga panahon. Dayon pundoka sila pagbalik ug dapita sila sa pagreport sa ilang mga nakit-an nga magtinagurha o sa gagmay nga mga grupo. Ang dugang nga follow-up nga mga pangutana nga gisugyot sa leksiyon mahimong ipakita aron ang mga estudyante makapili kon asa ang tubagon.

Doktrinal nga Kahanas: 2 Nephi 26:33

Katuyoan sa leksiyon: Kini nga leksiyon makatabang sa mga estudyante sa pagsag-ulo sa pakisayran sa doktrinal nga kahanas ug sa mahinungdanon nga hugpong sa mga pulong sa kasulatan alang sa 2 Nephi 26:33, mapasabot ang doktrina, ug magamit ang mga baroganan sa pag-angkon og espirituhanong kahibalo sa tinuod nga mga sitwasyon sa kinabuhi.

• Pagpangandam sa estudyante: Dapita ang mga estudyante sa pagsag-ulo sa pakisayran sa kasulatan ug sa mahinungdanon nga hugpong sa mga pulong sa kasulatan: 2 Nephi 26:33, “Tanan managsama ngadto sa Dios.” Usa ka paagi sa pagbuhat niini tingali mao ang paggamit sa Doktrinal nga Kahanas nga app.

• Handout: “Ang Istorya ni George Rickford”