2 Nefia 26

Mijery sy mitia ary mitondra ny hafa amin’ny fomba anaovan’ Andriamanitra izany

Isan’andro, isika dia miatrika hafatra sy fampahalalana natao hitarika ireo fahatsapantsika sy ireo fomba fijerintsika. Ao amin’ny 2 Nefia 26 dia nampianatra momba ny fomba fijerin’ Andriamanitra i Nefia. Ity lesona ity dia natao hanampiana anao hijery sy hitia ary hitondra ny hafa amin’ny fomba anaovan’ Andriamanitra izany.

Manampy ny mpianatra hahatsapa fa omen-danja ny fandraisan’izy ireo anjara. Asehoy ny mpianatra amin’ny alalan’ny fihainoana tsara sy fanaovana ezaka amin-kitsim-po hahatakatra fa omenao lanja ny fanontaniana sy ny fanamarihana ataon’izy ireo. Ampitao amin’ny alalan’ny fifantohana amin’ny zavatra lazain’ny mpianatra fa tsy amin’ny zavatra hoteneninao manaraka ny fahaliananao.

Fanomanana ny mpianatra: Asao ny mpianatra mba hanontany ny ray aman-dreniny na namana itokiana iray momba ny fomba fiezahan’izy ireo mba hijery ny hafa tahaka ny ataon’ny Mpamonjy.

Ireo sahanasa fianarana azo atao

Ny fomba fijerintsika

Azonao atao, toy izay hampiseho ireto sary manaraka ireto, ny mitondra solomaso isan-karazany mba handraman’ny mpianatra ary avy eo dia hifanakalo hevitra amin’ny fomba anovan’ny tsirairay amin’izany ny fahitan’izy ireo sy ny fomba fijerin’izy ireo. Hevero ny hanasa ny mpianatra hizara ny zavatra niainan’izy ireo manokana tamin’ny fanaovana solomaso samy hafa na vera manify samy hafa apetaka amin’ny maso mba hanatsarana ny fahitana sy ny fahasamihafana entin’izany.

Diniho ireto sary manaraka ireto ary eritrereto ny fomba fiantraikan’ireo solomaso samy hafa eo amin’ny fahitantsika.

• Inona no mety ho fiantraikan’ireo solomaso isan-karazany ireo amin’ny fomba fahitan’ny olona iray?

• Inona avy ireo zavatra sasantsasany izay misy fiantraikany eo amin’ny fahitantsika sy ny fitondrantsika ny hafa?

Makà fotoana hisaintsainana ny fomba fiheveranao ny hafa. Eritrereto ny zavatra mety hamolavola ny fomba fijerinao sy ny fomba ahafahan’izany hisy fiantraikany eo amin’ny fahatsapanao sy fitondranao ny hafa. Rehefa mandalina ianao dia mikatsaha fitaomam-panahy mba hahafantarana ny zavatra azonao atao hijerena sy hitondrana ny hafa amin’ny fomba anaovan’ny Mpamonjy izany.

Ity lesona ity dia natao hanampiana anao hijery sy hitia ary hitondra ny hafa amin’ny fomba anaovan’ Andriamanitra izany.

Ny toetran’ Andriamanitra

Ao amin’ny 2 Nefia 26, i Nefia dia nahita ny asa fanompoana nataon’ny Mpamonjy teo anivon’ny Nefita, ary koa ny faharatsian’ny olony sy ny famongorana farany azy ireo. Hitany ihany koa ny faharatsian’ny Jentilisa amin’ny andro farany. Mifanohitra amin’izany, nasongadiny avy eo ny fikarakaran’ Andriamanitra ny zanany rehetra.

Diniho ireto fanontaniana telo manaraka ireto rehefa mamaky ny 2 Nefia 26:12–13, 23–33 ianao:

Omeo fotoana betsaka handalinana ny 2 Nefia 26:12–13, 23–33 ny mpianatra, ary hevero ny hanasa azy ireo hanisy marika ireo teny sy andian-teny izay mamaly ireto fanontaniana manaraka ireto. Mamoròna tontolo feno fanajana izay ahafahan’ny Fanahy Masina mampianatra. Azonao atao ny mandefa mozika malefaka mandritra ny fandehandehananao eran’ny trano, manontany mangingina ny mpianatra ny zavatra ianaran’izy ireo, na tsapan’izy ireo na ny zavatra nasian’izy ireo marika.

Mety hanampy raha aseho ireo fanontaniana rehefa mamaky ny mpianatra.

• Ahoana no fomba fijerin’ Andriamanitra ireo zanany sy fahatsapany momba azy ireo?

• Ahoana no anehoany izany?

• Ahoana no fomba tiany mba hijerentsika sy hitondrantsika ny hafa?

Rehefa avy mandalina ireo fampianaran’i Nefia momba ny toetran’ Andriamanitra ny mpianatra, dia asao izy ireo hizara ny zavatra nianaran’izy ireo. Ireto fanontaniana manaraka ireto, miaraka amina fanontaniana fanaraha-maso fanampiny, dia mety hanampy amin’ny famporisihana hizara. Raha tsy izany dia azon’ny mpianatra atao ny mitanisa eny amin’ny solaitrabe ireo fahamarinana momba an’ Andriamanitra izay nianaran’izy ireo ary avy eo dia mifanakalo hevitra mikasika ny hevitra fonosin’izy ireo sy ny lanjan’izy ireo.

• Teny, na andian-teny, na fahamarinana inona no nasianao marika ka afaka mamaly ireo fanontaniana? Nahoana?

• Inona no nianaranao na tsapanao momba ny toetran’ Andriamanitra?

• Inona no mety ho fiantraikan’ny fahatsiarovana ireo fahamarinana momba an’ Andriamanitra ireo eo amin’ny fifandraisanao Aminy? Inona no mety ho fiantraikan’izany eo amin’ny fomba itondranao ny hafa?

Mety nahatsikaritra fahamarinana isan-karazany momba ny toetran’ Andriamanitra ny mpianatra. Hevero ny hanontany ny mpianatra ny antony mahatonga ireo fahamarinana hitan’izy ireo ho manan-danja sy hidera azy ireo noho ny hevi-baovao avy amin’izy ireo. Ny ampahany manaraka amin’ity lesona ity dia hifantoka amin’ny fahamarinana ao amin’ny andininy 33 hoe “ho an’ Andriamanitra dia mitovy ny rehetra.” Izany dia hanampy ny mpianatra hiomana hampiasa io andalan-tsoratra masina io ao amin’ny fampiharana ny famerimberenana fifehezana fotopampianarana ao amin’ny lesona manaraka.

Mariho fa ao amin’ny 2 Nefia 26:33, i Nefia dia nanasongadina olona samihafa maro tamin’ny alalan’ny fanaovana fampiarahana azy ireo tsiroaroa ao anatina vondron’olona mifanohitra. Mety hanampy anao hahatakatra tsara kokoa izany ireto famaritana manaraka ireto. Mety ho azonao heverina ihany koa ny hanoratra ireo famaritana ireo ao amin’ny soratra masinao amin’ny alalan’ity andininy ity.

• Hafa firenena: Olona iray tsy mino an’ Andriamanitra.

• Jiosy sy Jentilisa: Andian-teny manondro ireo rehetra izay ao anatin’ny mpianakavin’i Isiraely sy ireo izay tsy ao anatiny.

Ny 2 Nefia 26:33 dia andinin-tsoratra masina fifehezana fotopampianarana. Hevero ny hanisy marika ireo andinin-tsoratra masina fifehezana fotopampianarana amin’ny fomba miavaka mba hahafahanao mahita azy ireny mora foana. Ao amin’ny lesona manaraka ianao dia hanana fahafahana hamerimberina fampiharana ny fotopampianarana nampianarina tao amin’io andininy io amina fanontaniana na toe-javatra iray.

• Inona no mety ho fiovana nisy raha nanaiky sy nampihatra ireo fampianarana ao amin’ny andininy 33 izao tontolo izao?

Makà fotoana hisaintsainana ny fomba fijerinao, ao anatin’izany ny fahatsapanao sy ny fitondranao ny hafa, raha mitaha amin’ny fomba fijerin’ Andriamanitra sy ny fahatsapany sy fitondrany ny hafa.

Fomba iray hanampiana ny mpianatra hampitaha ny fomba itondrany ny hafa amin’ny fomba anaovan’ Andriamanitra izany ny fanasana ny mpianatra hiteny amin’ny fomba hafa ireo fanontaniana zarain’i Nefia ao amin’ny 2 Nefia 26:25–28 mba hiantefan’izany amin’ny tenan’izy ireo. Ohatra, “Ataoko mahatsapa ve ny olona hoe tiako hiala amiko izy ireo? na tiako tsy hiaraka hivavaka amiko? Na mihevitra ve aho fa tsy tokony hahazo anjara amin’ny fahatsaran’i Jesoa Kristy izy ireo?”

ChurchofJesusChrist.org, 

We Don’t Need to Be the Same to Be One

We are different by design. Embrace the “and.”

Ireto fanontaniana sy andiam-pehezanteny manaraka ireto dia afaka manampy ny mpianatra hanombantombana ny fahatsapan’izy ireo ny hafa sy ny fihetsika ataon’izy ireo amin’ny hafa ary avy eo hampihatra ny zavatra ianaran’izy ireo. Azon’ny mpianatra atao ny mirakitra an-tsoratra ao amin’ny diarin’izy ireo ny valintenin’izy ireo amin’ireo fanontaniana.

• Inona no mety ho fiantraikan’ny fahatsiarovanao ny fomba fijerin’ Andriamanitra ny olona rehetra sy ny zavatra tsapany momba azy ireo eo aminao?

• Amin’ny fomba ahoana no ahombiazanao eo amin’ny fijerena sy fitondrana ny hafa tahaka ny itondran’ny Ray any An-danitra sy i Jesoa Kristy azy ireny?

• Ahoana no ahafahan’ny fahatsiarovana ireo fampianarana momba ny Tompo ao amin’ny 2 Nefia 26:33 manampy anao hijery, hitia, ary hitondra ny hafa amin’ny fomba anaovan’ Andriamanitra izany?

Mandritra ny andro vitsy manaraka, dia ezaho dinihina ny fomba fijerinao ny hafa, sy ny fahatsapanao momba ny hafa ary ny fitondranao ny hafa. Mihainoa ireo bitsika avy amin’ny Fanahy Masina ary mikatsaha fanampiana avy amin’ny Tompo mba hanaovana izay fanovana rehetra ilaina mba hitiavana sy hitondrana ny hafa mitovy kokoa amin’ny fomba anaovan’ Andriamanitra izany.

Fanamarihana sy fampahalalana voarakitra

Ahoana no ahafahako hitovy kokoa amin’ Andriamanitra eo amin’ny fijerena sy fitiavana ny hafa?

Ny Filoha Russell M. Nelson dia nampianatra ny fomba ahafahan’i Jesoa Kristy manampy antsika eo amin’ny ezaka ataontsika mba hivoarana:

Tsy mbola tratrantsika ny firindrana sy ny fifanajana izay hanome fahafahana ny lehilahy sy vehivavy rehetra ary ny ankizilahy sy ny ankizivavy rehetra ho tonga amin’ilay izy ireo tsara indrindra.

Ny fanasitranana ny zavatra maharary antsika dia nolazain’Ilay Tompo Mpanasitrana, i Jesoa Kristy. Rehefa nitsapa Azy amin’ny famantarana ny didy lehibe indrindra ao amin’ny lalàna ny Fariseo nanesoneso iray, dia tena tsy hay hadinoina sy tena fohy ny valintenin’ny Mpamonjy. Feno fahamarinana izay mitarika any amina fiainana feno fifaliana izany. Ny torolalany dia, voalohany, ny mitia an’ Andriamanitra amin’ny fontsika rehetra ary manaraka izany, ny mitia ny namantsika tahaka ny tenantsika (jereo ny Matio 22:35–39). …

Mifandray avokoa isika ary nomen’ Andriamanitra andraikitra mba hanampy hanatsara ny fiainan’ireo olona manodidina antsika. Tsy voatery hitovy isika vao afaka mifankatia. Tsy voatery hitovy hevitra akory aza isika vao afaka mifankatia. Raha te hanana fanantenana ny hiverenan’ny hatsaram-panahy sy ny fanomezana lanja ny maha-olombelona izay irintsika fatratra isika dia tsy maintsy manomboka amintsika tsirairay izany, olona iray isaky ny mandeha. (Russell M. Nelson, “NAACP Convention Remarks” [lahateny nandritra ny fivoriambe fanao isan-taona an’ny Fikambanana Nasiônaly ho an’ny Fampandrosoana ny Olona hafa volon-koditra (NAACP), tany Detroit, Michigan, 21 jolay 2019], newsroom.ChurchofJesusChrist.org)

Nizara izao manaraka izao ny Loholona Dale G. Renlund ao amin’ny Kôlejin’ny Apôstôly Roambinifolo:

Manafoana ny fandrafiana ny fiadanan’i Kristy

Mampianatra ny Loholona Renlund fa afaka mandresy ny tsy fitovian-kevitra sy mahita fiadanana isika amin’ny alalan’ny fanaovana lohalaharana ny fitiavana an’ Andriamanitra sy ny maha-mpianatr’i Jesoa Kristy antsika.

Mitaky ezaka ny firaisan-kina. Mitombo izany rehefa mikolokolo ny fitiavana an’ Andriamanitra ao am-pontsika isika ary mifantoka amin’ny anjarantsika mandrakizay. Ny mampiray antsika dia ny fototra maha-isika iraisantsika amin’ny maha zanak’ Andriamanitra antsika sy ny fanolorantenantsika amin’ireo fahamarinana ao amin’ny filazantsara naverina tamin’ny laoniny. Ny fitiavantsika an’ Andriamanitra sy ny maha mpianatr’i Jesoa Kristy antsika dia miteraka fiahiana amin-kitsim-po ho an’ny hafa. Zava-dehibe amintsika ny fahasamihafana maro karazana eo amin’ny toetoetran’ny hafa sy ny fomba fijeriny ary ny talentany. Raha tsy haintsika ny mametraka ny maha mpianatr’i Jesoa Kristy antsika ho ambonin’ny tombontsoa sy fomba fijerin’ny tena manokana dia tokony hamerina handinika ireo laharam-pahamehantsika isika ary hiova. (Dale G. Renlund, “Manafoana ny fandrafiana ny fiadanan’i Kristy,” Liahona, nôv. 2021, 84)

Pray for Eyes to See as He Sees

Michelle D. Craig of the Young Women General Presidency shares how to see things more deeply, as Jesus Christ does. “Pray for eyes to see,” she counsels. “His grace will increase our capacity.”

Jesus is Real: Calyann's Experience with the Book of Mormon

Friends, fun, success—Calyann had it all! That was until she realized she lived in a prison of her own making. While learning of Jesus Christ, Calyann felt His love, which is available to all who seek Him.

Midika ve ny fitambarana ao amin’i Kristy fa tsy maintsy mitovy isika rehetra?

Ny Loholona Quentin L. Cook sy Jeffrey R. Holland ao amin’ny Kôlejin’ny Apôstôly Roambinifolo dia nampianatra ny fanomezan’ny kolontsain’i Kristy fahalalahana eo amin’ny fahasamihafana misy eo amin’ny olona tsirairay:

Amin’izao androntsika izao, … ho an’ny olona maro, ny zavatra tena asongadina dia ny resaka foko, izay matetika no miorina amina sata, ny maha-lahy na vavy, ary ny harena. Any amin’ny firenena maro, ary saika na aiza na aiza mihitsy, dia mizarazara be ny olona raha ny amin’ny tokony ho fomba fiainana. Ao amin’ny Fiangonan’ny Tompo, ny hany kolontsaina arahintsika ary ampianarintsika dia ny kolontsain’ny filazantsaran’i Jesoa Kristy. Ny firaisankina katsahintsika dia ny mba hiray amin’ny Mpamonjy sy ireo fampianarany. …

Ny fanatontosana ireo asa masina nampandraiketina amin’ny alalan’ny fahamarinana sy ny firaisankina ary ny fitovian-jo eo anatrehan’ Andriamanitra dia mitondra fahasambarana sy fiadanan’ny tena manokana eto amin’ity izao tontolo izao ity ary manomana antsika ho amin’ny fiainana mandrakizay any amin’ny tontolo ho avy. (Quentin L. Cook, “Miomàna hihaona amin’ Andriamanitra,” Liahona, may 2018, 116)

Misy toerana ho an’ireo izay miteny tenim-pirenena hafa, mankalaza kolontsaina hafa, ary miaina amina toerana maro ao. Misy toerana ho an’ireo tokan-tena, ho an’ireo manambady, ho an’ireo fianakaviana maro olona, ary ho an’ireo tsy manan-janaka ao. Misy toerana ho an’ireo izay nisy fotoana nanana fanontaniana momba ny finoan’izy ireo sy toerana ho an’ireo izay mbola manana ao. Misy toerana ao ho an’ireo olona izay miaina zavatra hafa mifanohitra amin’ny fifanintonan’ny lehilahy sy ny vehivavy. Amin’ny teny fohy, misy toerana ho an’ny olona rehetra tia an’ Andriamanitra sy manaja ny didiny ao izay tehina fandrefesana tsy azo tsinontsinoavina ho an’ny fitondrantena manokana,. (Jeffrey R. Holland, “Ireo hira hay hiraina sy hira tsy vita ny mihira azy,” Liahona, may 2017, 51)

Jereo ity horonan-tsary manaraka ity, izay anomezan’ny Loholona Holland torohevitra ireo izay mahatsapa ho kivy na voailika amin’ny fanjakan’ny Tompo satria mieritreritra izy ireo fa tena tsy mitovy amin’ny olona hafa rehetra.

“Songs Sung and Unsung”

When you’re feeling low and your days are difficult, remember, “the Savior hears the songs you cannot sing. ”Don’t give up. “Believe in yourself and believe in Him.”

Ireo hira hay hiraina sy hira tsy vita ny mihira azy

Amin’ny alalan’ny fampiasana sary avy ao amin’ilay fihirana “Ce jour, au coeur j’ai du soleil,” ny Loholona Holland dia manome fampaherezana ho an’ireo izay mahatsapa fa tsy afaka mihira ny “hiran’ny fifaliana.”

Sahanasa fianarana fanampiny

Mampifanohitra an’ Andriamanitra sy i Satana

Hevero ny hampitaha ny fomba itondran’ Andriamanitra ireo zanany amin’ny fomba amporisihan’i Satana ady sy fisarahana. Asao ny mpianatra hanao lisitra ireo fomban’ Andriamanitra avy amin’ny fandalinan’izy ireo ny 2 Nefia 26:23–28, 33 sy ireo fomban’i Satana hita ao amin’ny 2 Nefia 26:20–22, 29, 32. Asao ny mpianatra hizara ny zavatra nianaran’izy ireo momba ny zavatra tsapan’ny Ray any An-danitra momba antsika sy ny fomba ahafahan’ity andinin-tsoratra masina ity manampy azy ireo ho tonga tahaka Azy kokoa.

2 Nefia 26:29–31. Komiberaky ny mpisorona

Hevero ny hamaritra ny komiberaky ny mpisorona (andininy 29) ary hifanakalo hevitra amin’ny antony andidian’ Andriamanitra mba tsy hisian’ny komiberaky ny mpisorona. Azon’ny mpianatra atao ihany koa ny mifanakalo hevitra mikasika ny mety hilatsahan’ny isam-batan’olona ao anatin’ny fandriky ny komiberaky ny mpisorona sy ny fomba ahafahan’ny fiantrana manampy amin’ny fandresena ny komiberaky ny mpisorona. Mety hanampy raha asongadina fa ireo manao komiberaky ny mpisorona dia manao izany mba ho tombony ho azy manokana, ary araka izany, manodina ny fifantohana hiala amin’ilay Fahazavan’Izao Tontolo Izao, dia i Jesoa Kristy izany. Afaka mandresy ny komiberaky ny mpisorona amin’ny alalan’ny fifantohana amin’ny Mpamonjy isika.

Loharanom-pitaovana fanampiny

Hevero ny hanokana fotoana ao an-dakilasy hanampiana ny mpianatra hahalala misimisy kokoa momba ny firazanana, ny rariny, ary ny fitoviana ho an’ny rehetra, amin’ny alalan’ny fampiasana ireo loharano hita ao amin’ny Médiathèque de l’Évangile sy ao amin’ny tranonkala ôfisialin’ny Fiangonana. Mety hahitana ireto manaraka ireto ireo loharano ireo:

• ChurchofJesusChrist.org

  Fankalazana ny tsingerin-taona faha - 40 ny fanambarana momba ny fisoronana-“Aoka ho iray”

  Nanolotra ny fankalazana ny tsingerin-taona faha - 40 ny fanambarana momba ny fisoronana- nantsoina hoe “Aoka ho iray” ny Fiadidiana Voalohany

• Sujets de l’Évangile, “Préjugés raciaux et culturels,” topics.ChurchofJesusChrist.org

• Sujets de l’Évangile, “Race et prêtrise,” topics.ChurchofJesusChrist.org

• ChurchofJesusChrist.org