2 Nephi 26–30

Kinatibuk-ang Pagpasabot

Si Jesukristo misaad sa paghimo sa kahibulongan nga buhat sa pagpahiuli sa Iyang ebanghelyo, lakip sa Basahon ni Mormon, dinhi sa yuta sa ulahing mga adlaw. Si Nephi miila sa pipila ka sayop nga mga ideya ug mga estratehiya nga gamiton ni Satanas sa pagsulay sa pagpahilayo sa mga tawo gikan ni Jesukristo. Iyang gipasabot nga ang kahibalo gikan sa Langitnong Amahan sa kasagaran anam-anam nga moabot samtang kita andam nga magpadayon sa pagdawat sa unsay Iyang gitudlo kanato. Si Nephi usab nanagna nga sa kataposang mga adlaw, daghang mga tawo ang mosalikway sa Basahon ni Mormon tungod kay aduna na silay Biblia.

Pangandam sa Pagtudlo

Ang mosunod nga impormasyon naghatag sa mga magtutudlo og mga ideya kon unsa ang kinahanglan nga andamon daan alang sa matag leksiyon.

2 Nephi 27

Katuyoan sa leksiyon: Kini nga leksiyon makatabang sa mga estudyante nga mobati og mas dakong pasalamat sa Ginoo sa pagpahiuli sa Basahon ni Mormon dinhi sa yuta.

• Pagpangandam sa estudyante: Dapita ang mga estudyante nga motambong nga andam sa pagpaambit mahitungod sa usa ka tawo kinsa nakahimo og usa ka butang nga talagsaon alang kanila o sa usa ka tawo nga ilang nailhan. Sama pananglit, tingali may tawo nga miluwas kanila gikan sa usa ka makuyaw nga sitwasyon o mihatag kanila og usa ka manggihatagon nga gasa.

• Mga Bidyo: “Ang Basahon ni Mormon: Unsa kaha ang Imong Kinabuhi kon wala Kini?” (15:01; tan-awa gikan sa time code 5:38 hangtod sa 11:26)

• Sugyot sa pagtudlo pinaagi sa videoconference: Ikonsiderar ang pagbahin sa mga estudyante ngadto sa mga breakout room ug pasulati nila ang tsart sa leksiyon uban sa ilang mga grupo.

2 Nephi 28:1–26

Katuyoan sa leksiyon: Kini nga leksiyon gituyo aron matabangan ang mga estudyante nga makaila sa malimbongon nga mga taktika ni Satanas ug magtinguha og tabang sa Manluluwas sa pagbuntog niini.

• Pagpangandam sa estudyante: Ikonsiderar ang pagdapit sa mga estudyante sa pagtan-aw sa “Magmabinantayon ngadto sa Pag-ampo sa Kanunay” (15:59) gikan sa time code 1:27 hangtod sa 5:00, nga mangita kon sa unsang paagi ang pagsabot sa manunukob nga mga mananap makatudlo sa importante nga mga kamatuoran mahitungod sa mga taktika ni Satanas. Ang bidyo anaa sa ChurchofJesusChrist.org.

• Sugyot sa pagtudlo pinaagi sa videoconference: Atol sa porsyon sa leksiyon sa higayon nga ang mga estudyante mangita og mga kasulatan o mga pagtulun-an gikan sa mga lider sa Simbahan nga makatabang nila sa pagbuntog ni Satanas, ikonsiderar ang pagdapit kanila sa paggamit sa chat function aron ma-post ang ilang nakit-an. Pagpili og pipila ka mga pakisayran sa kasulatan o mga pamahayag nga dungan nga basahon isip usa ka klase.

2 Nephi 28:27–32

Katuyoan sa leksiyon: Kini nga leksiyon makatabang sa mga estudyante sa pagpalawom sa ilang pagsabot kon sa unsang paagi ang Langitnong Amahan mopadayag sa kamatuoran ngari kanato.

• Pagpangandam sa estudyante: Dapita ang mga estudyante sa pagbasa sa 2 Nephi 28:30 ug sa pagtambong sa klase nga andam sa pagpaambit og ehemplo kon sa unsang paagi ang Dios nagtudlo kanato sa Iyang ebanghelyo sa anam-anam.

• Butang: Usa ka dako nga aytem sa pagkaon nga ipakigbahin sa usa ka estudyante

Doktrinal nga Kahanas: 2 Nephi 28:30

Katuyoan sa leksiyon: Kini nga leksiyon makatabang sa mga estudyante sa pagsag-ulo sa pakisayran ug sa mahinungdanon nga hugpong sa mga pulong sa kasulatan alang sa 2 Nephi 28:30, mapasabot ang doktrina nga gitudlo niini nga tudling, ug magamit ang mga baroganan sa pag-angkon og espirituhanong kahibalo sa tinud-anay nga mga senaryo.

• Pagpangandam sa estudyante: Ikonsiderar ang pagdapit sa mga estudyante sa pagsag-ulo sa pakisayran sa kasulatan ug sa mahinungdanon nga hugpong sa mga pulong sa kasulatan sa “2 Nephi 28:30: Ang Dios ‘mopadayag ngadto sa mga katawhan og pagtulun-an human sa usa ka pagtulun-an, lagda human sa usa ka lagda.’”

• Content nga ipakita: Ang mga senaryo ug mga pangutana sa panaghisgotan nga anaa sa seksiyon nga “Pagbansay sa paggamit”

• Sugyot sa pagtudlo pinaagi sa videoconference: Human hangyoa ang mga estudyante sa pagpasabot kon unsa ang gipasabot sa “pagtulun-an human sa usa ka pagtulun-an,” ikonsiderar ang pag-awhag kanila sa paggamit sa ilang kamera sa pagpakita og usa ka butang nga kinahanglan nilang makat-onan unsaon pagbuhat pagtulun-an human sa usa ka pagtulun-an, o sa hinayhinay.

2 Nephi 29

Katuyoan sa leksiyon: Kini nga leksiyon gituyo aron sa pagtabang sa mga estudyante nga mahimong mas andam sa pagdawat sa pulong sa Ginoo sa ilang mga kinabuhi.

• Pagpangandam sa estudyante: Dapita ang mga estudyante sa paghunahuna kon unsay ilang gibuhat aron mahimong madinawaton sa komunikasyon gikan sa Dios.

• Handout: Ang questionnaire nga ihatag sa mga estudyante o ipakita aron makompleto nila kini sa ilang mga journal sa pagtuon

• Butang: Usa ka walay sulod nga tasa

• Sugyot sa pagtudlo pinaagi sa videoconference: Human mangutana “Unsa nga kahibalo ug mga panalangin ang gusto sa Dios nga atong madawat pinaagi sa Basahon ni Mormon?” mahimo nimong i-refer ang mga estudyante ngadto sa mensahe ni Presidente Russell M. Nelson sa Oktubre 2017 nga kinatibuk-ang komperensiya, “Ang Basahon ni Mormon: Unsa kaha ang Imong Kinabuhi Kon wala Kini?” (Liahona, Nob. 2017, 60–63). Ikonsiderar ang pagpasalida sa bidyo sa iyang mensahe gikan sa time code 5:35 ngadto sa 8:44 aron makadungog og mga ehemplo kon giunsa pagtubag sa mga tawo kini nga pangutana.