ព្រះគម្ពីរមរមន សៀវភៅសិក្សាសម្រាប់គ្រូបង្រៀនថ្នាក់សិក្ខាសាលា ( ឆ្នាំ ២០២៤ )

មាតិកា
ទំព័រចំណងជើង
សេចក្តីផ្តើមនៃ ព្រះគម្ពីរមរមន សៀវភៅសិក្សាសម្រាប់គ្រូបង្រៀនថ្នាក់សិក្ខាសាលា
ព្រះគម្ពីរមរមន—ឯកសារណែនាំ
ទំព័របុព្វកថានៃព្រះគម្ពីរមរមន
នីហ្វៃទី ១ ១–៥
នីហ្វៃទី១ ៦–១០
នីហ្វៃទី ១ ១១–១៥
នីហ្វៃទី ១ ១៦–២២
នីហ្វៃទី ២ ១–២
នីហ្វៃទី ២ ៣–៥
នីហ្វៃទី ២ ៦–១០
នីហ្វៃទី ២ ១១–១៩
នីហ្វៃទី ២ ២០–២៥
នីហ្វៃទី ២ ២៦–៣០
នីហ្វៃទី ២ ៣១–៣៣
យ៉ាកុប ១–៤
យ៉ាកុប ៥–៧
អេណុស–ពាក្យសម្ដីនៃមរមន
ម៉ូសាយ ១–៣
ម៉ូសាយ ៤–៦
ម៉ូសាយ ៧–១០
ម៉ូសាយ ១១–១៧
ម៉ូសាយ ១៨–២៤
ម៉ូសាយ ២៥–២៨
ម៉ូសាយ ២៩–អាលម៉ា ៤
អាលម៉ា ៥–៧
អាលម៉ា ៨–១២
អាលម៉ា ១៣–១៦
អាលម៉ា ១៧–២២
អាលម៉ា ២៣–២៩
អាលម៉ា ៣០–៣១
អាលម៉ា ៣២–៣៥
អាលម៉ា ៣៦–៣៨
អាលម៉ា ៣៩–៤២
អាលម៉ា ៤៣–៥២
អាលម៉ា ៥៣–៦៣
ហេលេមិន ១–៦
ហេលេមិន ៧–១២
ហេលេមិន ១៣–១៦
នីហ្វៃទី៣ ១–៧
នីហ្វៃទី ៣ ៨–១១
នីហ្វៃទី ៣ ១២–១៦
នីហ្វៃទី ៣ ១៧–១៩
នីហ្វៃទី ៣ ២០–២៦
នីហ្វៃទី ៣ ២៧–នីហ្វៃទី ៤ ១
មរមន ១–៦
មរមន ៧–៩
អេធើរ ១–៥
អេធើរ ៦–១១
អេធើរ ១២–១៥
មរ៉ូណៃ ១–៦
មរ៉ូណៃ ៧–៩
មរ៉ូណៃ ១០
ឧបសម្ព័ន្ធ

នីហ្វៃទី២ ២៦–៣០ ៖ ទិដ្ឋភាពទូទៅ

« នីហ្វៃទី២ ២៦–៣០ ៖ ទិដ្ឋភាពទូទៅ » ព្រះគម្ពីរមរមន សៀវភៅសិក្សាសម្រាប់គ្រូបង្រៀន ( ឆ្នាំ ២០២៤ )

« នីហ្វៃទី២ ២៦–៣០ ៖ ទិដ្ឋភាពទូទៅ » ព្រះគម្ពីរមរមន សៀវភៅសិក្សាសម្រាប់គ្រូបង្រៀន

នីហ្វៃទី២ ២៦–៣០

ទិដ្ឋភាពទូទៅ

ព្រះយេស៊ូវគ្រីស្ទបានសន្យាថា នឹងធ្វើកិច្ចការដ៏អស្ចារ្យនៃការស្ដារដំណឹងល្អរបស់ទ្រង់ រួមទាំងព្រះគម្ពីរមរមនមកផែនដីនៅថ្ងៃចុងក្រោយ ។ នីហ្វៃបានរកឃើញគំនិត និងយុទ្ធសាស្ត្រក្លែងក្លាយមួយចំនួន ដែលសាតាំងនឹងប្រើដើម្បីព្យាយាមបង្វែរមនុស្សចេញពីព្រះយេស៊ូវគ្រីស្ទ ។ លោកបានពន្យល់ថា ជារឿយៗចំណេះដឹងមកពីព្រះវរបិតាសួគ៌តែងតែបានមកបន្តិចម្តងៗ នៅពេលយើងមានឆន្ទៈបន្តទទួលនូវអ្វីដែលទ្រង់បង្រៀនយើង ។ នីហ្វៃក៏បានព្យាករណ៍ថា នៅថ្ងៃចុងក្រោយ មនុស្សជាច្រើននឹងបដិសេធព្រះគម្ពីរមរមន ដោយសារពួកគេមានព្រះគម្ពីរប៊ីបរួចហើយ ។

រៀបចំខ្លួនដើម្បីបង្រៀន

ព័ត៌មានខាងក្រោមនេះផ្តល់ជាគំនិតដល់គ្រូបង្រៀន អំពីអ្វីដែលអាចត្រូវរៀបចំទុកជាមុនសម្រាប់មេរៀននីមួយៗ ។

នីហ្វៃទី២ ២៧

គោលបំណងមេរៀន ៖ មេរៀននេះអាចជួយសិស្សឲ្យមានអារម្មណ៍ដឹងគុណកាន់តែខ្លាំងចំពោះព្រះអម្ចាស់សម្រាប់ការស្ដារឡើងវិញនូវព្រះគម្ពីរមរមននៅលើផែនដី ។

ការរៀបចំសិស្ស ៖ សូមអញ្ជើញសិស្សឲ្យមកដោយរៀបចំខ្លួនដើម្បីចែកចាយអំពីបុគ្គលម្នាក់ដែលបានធ្វើអ្វីដ៏អស្ចារ្យសម្រាប់ពួកគេ ឬនរណាម្នាក់ដែលពួកគេស្គាល់ ។ ឧទាហរណ៍ ៖ ប្រហែលជាមាននរណាម្នាក់បានសង្គ្រោះពួកគេពីស្ថានការណ៍ដ៏គ្រោះថ្នាក់ ឬផ្តល់ឲ្យពួកគេនូវអំណោយដ៏សប្បុរសមួយ ។
វីដេអូ ៖ « Solving Life’s Problems with the Book of Mormon » ( ១:០០ ); « The Book of Mormon: What Would Your Life Be Like without It? » ( ១៥:០១ សូមមើលពីនាទីទី ៥:៣៨ ដល់នាទីទី ១១:២៦ )
យោបល់សម្រាប់ការបង្រៀនតាមសន្និសីទវីដេអូ ៖ សូមពិចារណាចែកសិស្សជាក្រុមដោយប្រើមុខងារបំបែកក្រុម ហើយឲ្យពួកគេបំពេញតារាងក្នុងមេរៀនជាមួយក្រុមរបស់ពួកគេ ។

នីហ្វៃទី២ ២៨:១–២៦

គោលបំណងមេរៀន ៖ គោលបំណងនៃមេរៀននេះគឺដើម្បីជួយសិស្សឲ្យស្គាល់ល្បិចកលរបស់សាតាំង ហើយស្វែងរកជំនួយពីព្រះអង្គសង្គ្រោះដើម្បីយកឈ្នះល្បិចកលទាំងនោះ ។

ការរៀបចំសិស្ស ៖ សូមពិចារណាអញ្ជើញសិស្សមើល « Spiritual Crocodiles » ( ៨:១៩ ) ឬ « Watchful unto Prayer Continually » ( ១៥:៥៩ ) ចាប់ពីនាទីទី ១:២៧ ដល់នាទីទី ៥:០០ ដោយរកមើលពីរបៀបដែលការយល់ដឹងអំពីសត្វកាចសាហាវនេះអាចបង្រៀនសេចក្តីពិតដ៏សំខាន់អំពីកលល្បិចរបស់សាតាំង ។ វីដេអូទាំងពីរមាននៅលើ ChurchofJesusChrist.org ។,
យោបល់សម្រាប់ការបង្រៀនតាមសន្និសីទវីដេអូ ៖ ត្រង់ចំណុចណាមួយនៃមេរៀន នៅពេលសិស្សកំពុងស្វែងរកបទគម្ពីរ ឬការបង្រៀនពីថ្នាក់ដឹកនាំសាសនាចក្រដែលអាចជួយពួកគេយកឈ្នះលើសាតាំង សូមពិចារណាអញ្ជើញពួកគេប្រើមុខងារឈែតដើម្បីចុះផ្សាយអ្វីដែលពួកគេរកឃើញ ។ សូមជ្រើសរើសសេចក្តីយោងបទគម្ពីរ ឬសេចក្ដីថ្លែងការណ៍មួយចំនួនដើម្បីអានរួមគ្នាក្នុងថ្នាក់ទាំងមូល ។

នីហ្វៃទី២ ២៨:២៧–៣២

គោលបំណងមេរៀន ៖ មេរៀននេះអាចជួយសិស្សឲ្យយល់កាន់តែស៊ីជម្រៅអំពីរបៀបដែលព្រះវរបិតាសួគ៌បើកសម្ដែងសេចក្ដីពិតដល់យើង ។

ការរៀបចំសិស្ស ៖ សូមអញ្ជើញសិស្សឲ្យអាន នីហ្វៃទី២ ២៨:៣០ ហើយមកថ្នាក់រៀនដោយរៀបចំខ្លួនដើម្បីចែកចាយគំរូមួយអំពីរបៀបដែលព្រះបង្រៀនដំណឹងល្អរបស់ទ្រង់ដល់យើងបន្តិចម្តងៗ ។
វត្ថុ ៖ អាហារជាច្រើនមុខសម្រាប់ចែកជាមួយសិស្សម្នាក់
វីដេអូ ៖ « Patterns of Light: Spirit of Revelation » ( ៣:០៤ )

ចំណេះចំណានខាងគោលលទ្ធិ ៖ នីហ្វៃទី២ ២៨:៣០

គោលបំណងមេរៀន ៖ មេរៀននេះអាចជួយសិស្សឲ្យទន្ទេញសេចក្ដីយោង និងឃ្លាបទគម្ពីរគន្លឹះសម្រាប់ នីហ្វៃទី២ ២៨:៣០ ពន្យល់គោលលទ្ធិដែលបានបង្រៀននៅក្នុងវគ្គនេះ និងអនុវត្តគោលការណ៍នៃការទទួលបានចំណេះដឹងខាងវិញ្ញាណនៅក្នុងស្ថានភាពជីវិតជាក់ស្តែង ។

ការរៀបចំសិស្ស ៖ សូមពិចារណាអញ្ជើញសិស្សឲ្យទន្ទេញសេចក្តីយោងបទគម្ពីរ និងឃ្លាបទគម្ពីរគន្លឹះ « នីហ្វៃទី២ ២៨:៣០ ៖ ព្រះ ‹ នឹងប្រទានដល់កូនចៅមនុស្សមួយបន្ទាត់ម្តងៗ មួយសិក្ខាបទម្តងៗ › » ។
មាតិកាដែលត្រូវបង្ហាញ ៖ ស្ថានភាព និងសំណួរពិភាក្សានៅក្នុងផ្នែក « រៀនអនុវត្ត »
យោបល់សម្រាប់ការបង្រៀនតាមសន្និសីទវីដេអូ ៖ បន្ទាប់ពីសូមសិស្សឲ្យពន្យល់ពីអត្ថន័យ « មួយបន្ទាត់ម្តងៗ » រួច សូមពិចារណាលើកទឹកចិត្តពួកគេឲ្យប្រើកាំមេរ៉ារបស់ពួកគេដើម្បីបង្ហាញពីអ្វីមួយ ដែលពួកគេត្រូវរៀនពីរបៀបធ្វើមួយបន្ទាត់ម្តងៗ ឬបន្តិចម្ដងៗ ។

នីហ្វៃទី២ ២៩

គោលបំណងមេរៀន ៖ មេរៀននេះមានគោលបំណងជួយសិស្សឲ្យកាន់តែមានឆន្ទៈក្នុងការទទួលព្រះបន្ទូលរបស់ព្រះអម្ចាស់នៅក្នុងជីវិតរបស់ពួកគេ ។

ការរៀបចំសិស្ស ៖ សូមអញ្ជើញសិស្សគិតអំពីអ្វីដែលពួកគេកំពុងធ្វើ ដើម្បីងាយទទួលបានការប្រាស្រ័យទាក់ទងពីព្រះ ។
សំណៅចែក ៖ កម្រងសំណួរដែលត្រូវចែកឲ្យសិស្ស ឬដាក់បង្ហាញ ដើម្បីពួកគេអាចបំពេញវានៅក្នុងសៀវភៅកំណត់ហេតុការសិក្សារបស់ពួកគេ ។
វត្ថុ ៖ ពែងទទេស្អាត
វីដេអូ ៖ « A Book of Mormon Story » ( ៥:១៥ )
យោបល់សម្រាប់ការបង្រៀនតាមសន្និសីទវីដេអូ ៖ បន្ទាប់ពីសួរថា « តើចំណេះដឹង និងពរជ័យអ្វីដែលអ្នកគិតថាព្រះសព្វព្រះទ័យឲ្យយើងទទួលតាមរយៈព្រះគម្ពីរមរមន ? » អ្នកអាចណែនាំសិស្សឲ្យមើលសារលិខិតសន្និសីទទូទៅខែ តុលា ឆ្នាំ ២០១៧ របស់ប្រធាន រ័សុល អិម ណិលសុន « The Book of Mormon: What Would Your Life Be Like without It? » ( Ensign ឬ Liahona ខែ វិច្ឆិកា ឆ្នាំ ២០១៧ ទំព័រ ៦០–៦៣ ) ។ សូមពិចារណាចាក់វីដេអូនៃសាររបស់លោកចាប់ពីនាទីទី ៥:៣៥ ដល់នាទីទី ៨:៤៤ ដើម្បីស្តាប់ឧទាហរណ៍នានាអំពីរបៀបដែលមនុស្សបានឆ្លើយតបនឹងសំណួរនេះ ។