“2 Nephi 31:1–13: ‘Pagsunod sa Panig-ingnan sa Anak sa Buhi nga Dios,’” Manwal sa Magtutudlo sa Basahon ni Mormon (2024)
“2 Nephi 31:1–13,” Manwal sa Magtutudlo sa Basahon ni Mormon
2 Nephi 31:1–13
“Pagsunod sa Panig-ingnan sa Anak sa Buhi nga Dios”
Unsa ang pipila ka mga paagi nga kita makasunod sa ehemplo sa Manluluwas? Si Nephi mitudlo nga ang pagsunod ni Jesukristo pinaagi sa pagpabunyag ug pagdawat sa Espiritu Santo importante aron maluwas diha sa gingharian sa Dios. Kini nga leksiyon makatabang kanimo nga mas makasabot ug makapasabot sa importansiya sa bunyag ug sa mga panalangin nga moabot gikan niini.
Pagpamatuod kanunay.Ang imong pagpamatuod makadugang sa hugot nga pagtuo sa imong mga estudyante ug makatabang kanila sa pagpalambo sa ilang mga pagpamatuod. Pangita og mga oportunidad sa paghatag og pagpamatuod mahitungod ni Jesukristo ug sa pagsulti mahitungod Kaniya uban ang balaang pagtahod, pasalamat, ug pagdayeg. Pagpaambit og personal nga mga kasinatian nga nakatabang kanimo sa pagduol ngadto kang Jesukristo.
Pagpangandam sa estudyante: Awhaga ang mga estudyante sa paghunahuna kon unsaon nila pagpasabot kon nganong ang usa ka tawo magtinguha nga mabunyagan. Mahimo usab silang mangutana og usa o duha ka mga sakop sa pamilya o mga higala kon nganong gipili nila nga magpabunyag.
Mga Posibleng Kalihokan sa Pagkat-on
Pagsunod ni Jesukristo pinaagi sa pagpabunyag
Ang mosunod nga kalihokan makatabang sa mga estudyante sa paghunahuna mahitungod sa katuyoan sa bunyag ug sa unsang paagi kini makatabang kanato.
Hunahunaa nga ang imong higala nga si Marites nakigtagbo sa mga misyonaryo sa Simbahan ug nalingaw kaayo sa kasinatian. Nagbasa siya sa Basahon ni Mormon ug nalingaw sa iyang nakat-onan. Ang mga misyonaryo bag-o lang midapit kaniya nga magpabunyag. Pagkasunod adlaw human sa imbitasyon, gisultihan ka ni Marites mahitungod niini ug miingon, “Gusto ko nga magpabunyag, apan naghunahuna usab kon nganong importante kaayo kini kon naningkamot naman ko nga mahimong maayong tawo. Unsa ang mahinungdanon kaayo bahin sa bunyag?”
-
Gibati ba nimo nga matubag nimo ang pangutana ni Marites sa paagi nga makatabang niya nga masabtan ang importansiya sa bunyag? Ngano o nganong dili?
Samtang magtuon ka karon, pangitaa ang mga kamatuoran nga makatabang nimo nga mas masabtan pa ang mahitungod sa Manluluwas ug nganong ang pagsunod sa Iyang ehemplo sa bunyag importante kaayo. Pagpamalandong kon sa unsang paagi kini nakaapekto sa imong kinabuhi ug niadtong imong nailhan. Sa kataposan sa leksiyon, makabaton ka og kahigayonan sa pagtubag sa importante nga pangutana ni Marites.
Samtang si Nephi nagkaduol sa pagtapos sa iyang mga sinulat diha sa gagmay nga mga palid, siya mitinguha nga mamulong mahitungod sa “doktrina ni Kristo.” Ikonsiderar ang pagmarka niini nga hugpong sa mga pulong diha sa 2 Nephi 31:2 ug sa 2 Nephi 31:21.
Ang bunyag usa ka mahinungdanon nga bahin sa doktrina ni Kristo.
-
Unsa ang imong nahibaloan mahitungod sa bunyag sa Manluluwas?
Paminawa og maayo unsa ang mga isulti sa mga estudyante. Kon kini makatabang, mahimo nimong dapiton ang mga estudyante sa pagbuhat sa usa sa mosunod aron sa pagrebyo sa bunyag sa Manluluwas.
-
Basaha ang Mateo 3:13–17.
-
ChurchofJesusChrist.org
-
ChurchofJesusChrist.org
Si Jesukristo walay sala, apan Siya gibunyagan. Basaha ang 2 Nephi 31:5–11 ug pangitaa nganong gibunyagan ang Manluluwas ug unsay atong makat-onan mahitungod Kaniya.
-
Unsay imong napalgan?
Ang mga estudyante mahimong mopaambit og lain-laing mga ideya mahitungod sa Manluluwas ug sa bunyag. Pipila sa mga kamatuoran nga mahimo nilang mailhan naglakip sa: Bisan og walay sala, si Jesukristo gibunyagan aron sa pagtuman sa tanang pagkamatarong, ug si Jesukristo mao ang hingpit nga ehemplo sa pagkamasulundon. Ikonsiderar ang pagsulat diha sa pisara sa mga baroganan nga gipaambit sa mga estudyante. Gamita ang bisan hain sa mosunod nga mga pangutana aron sa pagpalawom sa pagsabot sa mga estudyante:
Dapita ang mga estudyante sa pagpaambit sa unsay ilang nakaplagan. Kon makatabang sa diskusyon, ikonsiderar ang paggamit sa pipila sa mosunod nga mga pangutana.
-
Unsa sa imong hunahuna ang gipasabot sa pagsunod sa Manluluwas “uban ang hingpit nga katuyoan sa kasingkasing, [sa walay] pagpakaaron-ingnon” (2 Nephi 31:13)?
-
Unsa nga mga panalangin ang gihatag sa Langitnong Amahan niadtong sinsero nga nagsunod sa ehemplo sa Manluluwas sa bunyag?
Kon mapuslanon, ikonsiderar ang pagsulat og bisan unsang mga baroganan nga maila sa mga estudyante diha sa pisara. Ania ang usa ka ehemplo: Kon kita kinasingkasing nga mosunod sa Manluluwas pinaagi sa pagpabunyag, kita makadawat sa Espiritu Santo.
-
Sa unsang paagi nga ang pakig-uban sa Espiritu Santo nakapanalangin kanimo sa imong kinabuhi?
Kon makatabang kini sa mga estudyante nga mas makasabot pa sa mga tahas sa Espiritu Santo, mahimo nimo silang dapiton sa pagrebyo sa 2 Nephi 31:13, 17 ug basaha ang 2 Nephi 31:18; 32:3, 5, 8; ug 33:1. Mahimong pamalandungan sa mga estudyante ang lain-laing mga tahas sa Espiritu Santo ug ipaambit kon sa unsang paagi gipanalanginan sa Espiritu Santo ang ilang mga kinabuhi nga naglihok niini nga mga tahas.
-
Unsa pa nga ubang mga panabot ang imong nakaplagan?
-
Unsay mahinungdanon alang kanimo gikan sa bersikulo 5?
-
Unsa ang gisaksi, o gisaad ni Jesus, nga Iyang buhaton pinaagi sa pagpabunyag? (tan-awa sa 2 Nephi 31:7).
-
Unsa ang gitudlo niini nga mga bersikulo kanimo mahitungod sa mga pagbati sa Manluluwas ngadto sa mga sugo sa Amahan ug ngari kanato?
-
Unsa ang imong nahibaloan mahitungod ni Jesukristo nga nakadasig kanimo sa pagsunod sa Iyang ehemplo?
ChurchofJesusChrist.org.
![](https://www.churchofjesuschrist.org/imgs/https%3A%2F%2Fassets.churchofjesuschrist.org%2F98%2F92%2F98927f49b2fc2d107cb4c89895efeb865a9bfcf4%2F98927f49b2fc2d107cb4c89895efeb865a9bfcf4.jpeg/full/!250,/0/default)
Si Nephi mipadayon sa iyang rekord sa pagpamatuod sa mga panalangin sa pagsunod sa ehemplo sa Manluluwas sa bunyag. Aron matabangan ka nga makahibalo niini nga mga panalangin, basaha ang 2 Nephi 31:12–13, 17. Alang sa dugang nga mga panabot sa bunyag, ikonsiderar ang pagtuon sa pipila sa mosunod: Juan 3:3, 5; Mga Buhat 2:38; Alma 7:14; 3 Nephi 11:33–34, 37.
Base sa unsay imong nakat-onan, pagsulat og parapo ngadto kang Marites. Tabangi siya nga makasabot sa bunyag ug nganong tinguhaon niya nga mosunod sa ehemplo sa Manluluwas ug magpabunyag sama Kaniya. Ilakip ang mosunod:
-
labing menos duha ka kasulatan nga sa imong hunahuna makatabang kaniya
-
sa unsang paagi ang bunyag makapaduol nato sa Langitnong Amahan ug sa atong Manluluwas
Mahimo nimong dapiton ang mga estudyante sa pagpaambit sa ilang parapo diha sa managpares, sa gagmay nga mga grupo, o isip usa ka klase. Mahimo usab nga epektibo ang pagdapit og estudyante sa pag-adto sa atubangan sa kwarto ug modala sa papel ni Marites. Dapita ang lain nga estudyante sa pagpaambit og usa ka butang nga iyang giandam aron matabangan si Marites. Dayon pangutana kon kinsa ang gusto nga magdugang og lain pa. Dapita ang pipila ka mga estudyante sa pagpaambit. Pangita og mga paagi sa pag-awhag sa mga estudyante sa pagtutok ngadto sa Manluluwas ingon man sa pagpaambit sa ilang kaugalingong mga kasinatian ug mga hunahuna. Samtang nagpadayon ang kalihokan, dapita ang estudyante nga nagdala sa papel ni Marites sa pagpaambit kon unsay iyang bation ug mangutana og bisan unsa nga mga pangutana nga aduna siya. Ipadayon hangtod nga mabati sa mga estudyante nga ilang natabangan si Marites.
-
Ikonsiderar ang pagpahayag og pagdayeg alang sa pagpili nga mahimong gihimo sa mga estudyante aron mabunyagan. Mahimo usab nimong ipaambit ang imong kaugalingong kasinatian ug ang imong pagpamatuod sa bunyag.
-
imong personal nga mga hunahuna, mga kasinatian, o pagpamatuod mahitungod sa bunyag ug sa pakig-uban sa Espiritu Santo
Sa pagtapos niini nga leksiyon, hunahunaa ang imong natun-an karon. Unsay imong gibati bahin sa imong bunyag? Unsa kaha ang imong mahimo aron makapadayon sa pagsunod sa ehemplo sa Manluluwas? Unsaon kaha nimo pagtabang ang uban nga makasunod sa ehemplo sa Manluluwas ug magpabunyag? Ikonsiderar ang pagsulat sa imong mga hunahuna diha sa imong journal sa pagtuon.