2 Nephi 31–33

Kinatibuk-ang Pagpasabot

Si Nephi mitudlo nga ang pagsunod ni Jesukristo pinaagi sa pagpabunyag ug pagdawat sa Espiritu Santo mahinungdanon kaayo aron maluwas sa gingharian sa Dios. Human sa pagtudlo sa iyang mga katawhan mahitungod sa pagsunod ni Jesukristo subay sa dalan sa pakigsaad, si Nephi nakamatikod nga dili gihapon sila segurado kon unsay buhaton human sa bunyag. Siya mitubag pinaagi sa pagdasig kanila sa “pagbusog sa mga pulong ni Kristo” ug mipasalig kanila nga ang mga pulong sa Manluluwas mogiya kanila sa unahan (2 Nephi 32:3). Gipahinumdoman usab niya sila sa kaimportante sa pag-ampo ug sa mga panalangin nga moabot gikan sa kanunay nga komunikasyon ngadto sa atong Langitnong Amahan.

Pangandam sa Pagtudlo

Ang mosunod nga impormasyon naghatag sa mga magtutudlo og mga ideya kon unsa ang kinahanglan nga andamon daan alang sa matag leksiyon.

2 Nephi 31:1–13

Katuyoan sa leksiyon: Kini nga leksiyon makatabang sa mga estudyante nga mas makasabot ug makapasabot sa importansya sa bunyag ug sa mga panalangin nga moabot gikan niini.

• Pagpangandam sa estudyante: Awhaga ang mga estudyante sa paghunahuna kon unsaon nila pagpasabot kon nganong ang usa ka tawo magtinguha nga mabunyagan. Kon ganahan sila, mahimo silang mangutana og usa o duha ka sakop sa pamilya o mga higala kon nganong gipili nila nga magpabunyag.

• Sugyot sa pagtudlo pinaagi sa videoconference: Human mabasa sa mga estudyante ang 2 Nephi 31:5–11, ikonsiderar ang pagpakita og usa o daghan pa sa mga bersikulo nga gusto nimong hisgotan. Dapita ang mga estudyante sa paggamit sa annotation tool, kon anaa, sa pag-highlight sa mga bahin sa bisan unsang (mga) bersikulo nga mahinungdanon alang kanila ug sa pagpaambit unsay ilang nakat-onan gikan niadtong mga pulong o hugpong sa mga pulong.

2 Nephi 31:14–21

Katuyoan sa leksiyon: Kini nga leksiyon makatabang sa mga estudyante nga madugangan ang ilang tinguha nga mopadayon sa unahan ug molahutay hangtod sa kataposan aron usa ka adlaw makaabot sila sa ilang kataposang destinasyon: kinabuhing dayon uban sa ilang Langitnong Amahan.

• Pagpangandam sa estudyante: Dapita ang mga estudyante sa pagtambong sa klase nga andam sa pagpaambit kon unsaon nila pagtabang ang usa ka tawo kinsa nanlimbasog sa pagtinguha nga mopadayon sa unahan diha sa pagkamatarong sa ilang panaw balik sa Langitnong Amahan.

• Content nga ipakita: Ang duha ka mga pangutana sa sinugdanan sa leksiyon nga tubagon sa mga estudyante diha sa ilang mga journal

• Mga bidyo: “Si Nephi Mipasabot sa Doktrina ni Kristo” (5:10; tan-awa gikan sa time code 2:55 hangtod sa 3:47); “Ugma ang Ginoo Mobuhat og Katingalahan diha Kaninyo” (19:24; tan-awa gikan sa time code 15:12 hangtod sa 16:20)

• Sugyot sa pagtudlo pinaagi sa videoconference: Kon ang mga estudyante hangyoon sa pagdrowing ug pagmarka sa dalan nga gihulagway sa 2 Nephi 31:17–20, ikonsiderar ang pagdapit kanila sa pagdrowing diha sa usa ka piraso nga papel o paggamit sa ilang kompyuter o mobile device. Mahimo gani nimong dapiton ang usa ka estudyante sa pagdrowing gamit ang whiteboard tool.

2 Nephi 32:1–7

Katuyoan sa leksiyon: Kini nga leksiyon gituyo aron matabangan ang mga estudyante sa pagbusog sa mga pulong ni Jesukristo.

• Pagpangandam sa estudyante: Dapita ang mga estudyante nga itandi ang ilang personal nga pagtuon sa kasulatan ngadto sa nagkaon og pagkaon [eating food] ug awhaga sila sa pag-andam sa pagpaambit sa ilang mga ideya atol sa klase.

• Content nga ipakita: Mga hulagway sa pagkaon sama sa snack, usa ka kaonan sa pamahaw, paniudto, panihapon [meal], ug kombira

• Sugyot sa pagtudlo pinaagi sa videoconference: Isip kabahin sa imong diskusyon kon unsay ipasabot sa pagbusog sa mga pulong ni Kristo, ang mga estudyante mahimong magkalingaw sa pagpangita og ilang kaugalingong mga hulagway nga nagrepresentar sa ilang paborito nga mga pagkaon. Dapita sila sa paggamit sa ilang mga computer o mga mobile device sa pagpangita og mga hulagway sa pagkaon nga ganahan nilang magbusog, ug hangyoa sila sa pagpaambit sa mga hulagway diha sa screen.

Doktrinal nga Kahanas: 2 Nephi 32:3

Katuyoan sa leksiyon: Kini nga leksiyon makatabang sa mga estudyante sa pagsag-ulo sa pakisayran sa doktrinal nga kahanas ug sa mahinungdanon nga hugpong sa mga pulong sa kasulatan alang sa 2 Nephi 32:3, mapasabot ang doktrina, ug magamit ang mga baroganan sa pag-angkon og espirituhanong kahibalo sa tinud-anay nga mga sitwasyon sa kinabuhi.

• Pagpangandam sa estudyante: Ang mga estudyante tingali nakahigayon sa pagpraktis nga “magbusog sa mga pulong ni Kristo” sa kataposan sa miaging leksiyon. Dapita sila sa pagpadayon sa pagpraktis sa ilang personal nga pagtuon sa kasulatan ug motambong sa klase nga andam sa pagpaambit sa ilang kasinatian.

• Content nga ipakita: Usa ka hulagway sa gihan-ay nga lamesa

• Sugyot sa pagtudlo pinaagi sa videoconference: Ikonsiderar ang pagbahin sa mga estudyante ngadto sa tinagtulo ka mga grupo ug ibutang sila sa breakout room aron ipasabot ang mga baroganan sa pag-angkon og espirituhanong kahibalo sa usag-usa. Kon adunay dili makasabot sa usa sa mga baroganan, dapita ang uban diha sa grupo sa pagtabang kaniya.

2 Nephi 32:8–9

Katuyoan sa leksiyon: Kini nga leksiyon makatabang sa mga estudyante nga madugangan ang ilang tinguha sa pagpakig-istorya sa ilang Langitnong Amahan pinaagi sa pag-ampo.

• Pagpangandam sa estudyante: Ikonsiderar ang pagdapit sa mga estudyante sa pagmatikod kon unsa kasagad silang mag-ampo ug kon ngano.

• Handout: “Pagkat-on og Dugang mahitungod sa Pag-ampo”

• Sugyot sa pagtudlo pinaagi sa videoconference: Kon mahuman sa mga estudyante ang labing menos duha sa tulo ka mga kalihokan duol sa kataposan sa leksiyon, dapita sila sa pagsulat og usa ka kapahayag [sentence] diha sa chat feature nga nagpamubo sa usa ka butang nga ilang nakat-onan o nga makahuluganon ngadto kanila. Pagpili og pipila ka mga estudyante nga mopaambit og dugang mahitungod sa unsay ilang nasulat.