“2 Нифай 31:1–13: ‘Амьд Бурханы Хүүгийн үлгэр жишээг дагах,’” Мормоны Номын багшийн гарын авлага (2024)
“2 Нифай 31:1–13,” Мормоны Номын багшийн гарын авлага
2 Нифай 31:1–13
“Амьд Бурханы Хүүгийн үлгэр жишээг дагах”
Бид Аврагчийн үлгэр жишээг дагаж чадах ямар арга зам байна вэ? Баптисм хүртэж, Ариун Сүнсийг хүлээн авснаар Есүс Христийг дагах нь Бурханы хаант улсад аврагдахад чухал ач холбогдолтой гэж Нифай заасан. Энэ хичээл баптисмын ач холбогдол, үүнээс ирэх адислалыг ойлгож, тайлбарлахад танд тусална.
Ойр ойрхон гэрчлэх. Таны гэрчлэл суралцагчдын тань итгэлийг дэмжиж, гэрчлэлээ хөгжүүлэхэд нь тэдэнд туслах болно. Есүс Христийн талаар гэрчлэлээ хуваалцаж, Түүний тухай бишрэл, хүндэтгэл, талархалтай, хайрлангуй байдлаар ярих боломжуудыг эрэлхийл. Есүс Христэд ирэхэд тань тусалсан хувийн туршлагаа хуваалц.
Суралцагчийн бэлтгэл: Суралцагчдыг хүн яагаад баптисм хүртэхийг хүсдэг талаар хэрхэн тайлбарлах талаараа бодож үзэхэд урамшуул. Мөн тэд гэр бүл, найз нөхдөөсөө яагаад баптисм хүртэх болсныг нь асууж болно.
Боломжит суралцах үйл ажиллагаа
Баптисм хүртэж, Есүс Христийг дагах
Дараах үйл ажиллагаа нь суралцагчдад баптисмын зорилгыг мөн энэ нь хэрхэн бидэнд туслах талаар бодоход тусалж чадна.
Таны найз Ада саяхан Сүмийн номлогчидтой уулзсан бөгөөд үүндээ ихэд баярлаж байгаа гэж төсөөл. Тэрээр Мормоны Номыг уншиж эхлэн, сурч мэдэж байгаа зүйлдээ баяртай байна. Номлогчид түүнийг саяхан баптисм хүртэхэд урьжээ. Ада энэ урилгыг хүлээн авсныхаа маргааш танд энэ тухайгаа хэлээд “Би баптисм хүртэхийг хүсэж байгаа ч энэ нь намайг сайн хүн болохыг хичээж байхад яагаад тийм чухал байгааг гайхаж байна” гэж хэллээ. Баптисм яагаад тийм чухал вэ?
-
Та Адагийн асуултад баптисм хүртэхийн ач холбогдлыг ойлгоход нь түүнд туслах арга замаар хариулж чадна гэж бодож байна уу? Яагаад тийм эсвэл үгүй вэ?
Та өнөөдөр суралцаж байхдаа Аврагчийн тухай илүү ихийг мөн Түүний баптисмын жишээг дагах нь яагаад чухал болохыг ойлгоход туслах үнэнийг олж мэд. Энэ нь таны болон таньдаг хүмүүсийн тань амьдралд хэрхэн нөлөөлснийг тунгаан бод. Хичээлийн төгсгөлд та Адагийн чухал асуултад хариулах боломжтой болно.
Нифай жижиг ялтаснууд дээр бичсэн зүйлийнхээ төгсгөлд ойртох тусам “Христийн сургаал”-ын тухай ярихыг хүссэн. 2 Нифай 31: 2 ба 2 Нифай 31:21 дэх энэ үг хэллэгийг тэмдэглэ.
Баптисм нь Христийн сургаалын нэн чухал хэсэг байдаг.
-
Аврагчийн баптисмын тухай та юу мэддэг вэ?
Суралцагчдын хэлж буй зүйлсийг анхааралтай сонс. Хэрэв тустай бол та Аврагчийн баптисмын тухай ярилцах зорилгоор суралцагчдыг дараах зүйлсийн аль нэгийг хийхэд урь.
-
Матай 3:13–17-г унш.
-
ChurchofJesusChrist.org
-
ChurchofJesusChrist.org
Есүс Христ ямар ч нүгэлгүй байсан хэдий ч баптисм хүртсэн. 2 Нифай 31:5–11-ийг уншаад, Аврагч яагаад баптисм хүртсэнийг болон бид Түүний тухай юу сурч мэдэхийг хайж ол.
-
Та юу олж мэдсэн бэ?
Суралцагчид Аврагчийн тухай мөн баптисмын талаар янз бүрийн ойлголт хуваалцаж магадгүй. Тэдний тодорхойлж болох зарим үнэнд: Хэдийгээр гэм нүгэлгүй байсан ч Есүс Христ бүх шударга байдлыг гүйцэлдүүлэхийн тулд баптисм хүртсэн, мөн Есүс Христ дуулгавартай байдлын төгс жишээ байсан гэдэг үнэн багтаж болох юм. Суралцагчдын хуваалцсан зарчмуудыг самбарт бич. Суралцагчдын ойлголтыг гүнзгийрүүлэхийн тулд дараах асуултуудаас ашигла.
-
5-р шүлэг-ээс юу таны анхаарлыг татсан бэ?
-
Есүс баптисм хүртсэнээрээ юу хийхээ гэрчилж, амласан бэ? (2 Нифай 31:7-г үзнэ үү).
-
Эдгээр шүлэг Эцэгийн зарлигуудыг болон бидэнд хандах Аврагчийн мэдрэмжийн талаар танд юу зааж байна вэ?
-
Есүс Христийн жишгийг дагахад урамшуулах Түүний тухай юуг та мэдэх вэ?
ChurchofJesusChrist.org
![](https://www.churchofjesuschrist.org/imgs/https%3A%2F%2Fassets.churchofjesuschrist.org%2F98%2F92%2F98927f49b2fc2d107cb4c89895efeb865a9bfcf4%2F98927f49b2fc2d107cb4c89895efeb865a9bfcf4.jpeg/full/!250,/0/default)
Нифай тэмдэглэлдээ Аврагчийн баптисмын жишээг дагахад ирэх адислалуудыг үргэлжлүүлэн гэрчилсэн. Эдгээр адислалыг мэдэж авахад тань туслах 2 Нифай 31:12–13, 17-г унш. Баптисмын талаар нэмэлт ойлголт авах бол дараахаас заримыг нь судал: Иохан 3:3, 5; Үйлс 2:38; Алма 7:14; 3 Нифай 11:33–34, 37.
Суралцагчдыг олж мэдсэн зүйлээ хуваалцахад урь. Ярилцлагад тустай гэж үзвэл дараах асуултуудаас ашигла.
-
Аврагчийг “бүх зүрх сэтгэлээрээ … хоёр нүүр гарга[лгүй]” (2 Нифай 31:13) дагах гэдэг нь юу гэсэн утгатай гэж та бодож байна вэ?
-
Аврагчийн баптисмын жишээг чин сэтгэлээсээ дагасан нэгэнд Тэнгэрлэг Эцэг ямар адислал хүртээдэг вэ?
Тустай бол самбарт суралцагчдын тодорхойлсон зарчмыг бич. Нэг жишээ нь: Хэрэв бид баптисм хүртэж, Аврагчийг чин сэтгэлээсээ дагах аваас Ариун Сүнсийг хүлээн авах болно гэсэн зарчим юм.
-
Ариун Сүнсний нөхөрлөл таны амьдралыг хэрхэн адисалсан бэ?
Хэрэв суралцагчдад цаашид Ариун Сүнсний үүргийг ойлгоход нь тусална гэвэл та тэднийг 2 Нифай 31:13, 17-г хараад, 2 Нифай 31:18; 32:3, 5, 8; 33:1-ийг уншихад урь. Суралцагчид Ариун Сүнсний тал бүрийн үүргийг тунгаан бодож, Ариун Сүнс эдгээр үүргээрээ тэдний амьдралыг хэрхэн адисалсан болохыг хуваалцаж болно.
-
Та өөр ямар ойлголтыг олж мэдсэн бэ?
Та сурч мэдсэн зүйл дээрээ үндэслэн Адад зориулж догол мөр бич. Баптисм хүртэхийг мөн яагаад Аврагчийн жишгийг дагаж, Түүнтэй адил баптисм хүртэхийг хүсэж байгааг ойлгоход нь түүнд тусал. Дараах зүйлсийг багтаа. Үүнд:
-
түүнд тусалж чадна гэж бодсон хамгийн багадаа хоёр судар
-
баптисм хүртэх нь хэрхэн биднийг Тэнгэрлэг Эцэгт болон Аврагчид маань ойртуулдаг болох
-
баптисм, Ариун Сүнсний нөхөрлөлийн талаарх өөрийн хувийн бодол, туршлага эсвэл гэрчлэл
Та суралцагчдыг бичсэн догол мөрөө хоёр хоёроороо, жижиг бүлгээр эсвэл ангидаа хуваалцахыг урьж болно. Нэг суралцагчийг ангийн өмнө гаргаж, Адагийн дүрд тоглуулах нь хэрэгтэй байж магадгүй. Өөр нэг суралцагчийг Адад туслахаар бэлдсэн нэг зүйлээ хуваалцахад урь. Дараа нь хэн өөр зүйл нэмэхийг хүсэж байгааг асуу. Хэдэн суралцагчийг хуваалцахад урь. Суралцагчдыг Аврагчид анхаарлаа төвлөрүүлэхийн зэрэгцээ өөрсдийн туршлага, мөн бодлыг хуваалцахад урамшуулах арга зам хай. Үйл ажиллагаа үргэлжилж байх үед Адагийн дүрд тоглож буй суралцагчийг ямар мэдрэмжтэй байгааг нь хуваалцахад урьж, түүнээс асууж болох аливаа асуултыг асуу. Суралцагчдыг Адад тусалж чадсан гэж бодох хүртэл үргэлжлүүл.
Энэ хичээлийн төгсгөлд сурч мэдсэн зүйлийнхээ талаар бод. Та баптисмынхаа талаар ямар сэтгэгдэлтэй байдаг вэ? Аврагчийн жишээг дагахын тулд та юуг үргэлжлүүлэн хийж болох вэ? Та бусдад Аврагчийн үлгэр жишээг дагаж, баптисм хүртэхэд нь хэрхэн туслах вэ? Бодлоо судлах тэмдэглэлдээ бичих талаар бод.
Суралцагчид баптисм хүртэхийн тулд хийсэн сонголтоо биширч байгаагаа илэрхийлэх талаар бодож үз. Та мөн баптисм хүртэх тухай өөрийнхөө туршлага, гэрчлэлийг хуваалцаж болно.