Мормоны Номын семинарын багшийн гарын авлага (2024)

Агуулга
Нүүр хуудас
Мормоны Номын семинарын багшийн гарын авлага-ын оршил
Мормоны Ном—Оршил материал
Мормоны Номын удиртгал хэсгүүд
1 Нифай 1–5
1 Нифай 6–10
1 Нифай 11–15
1 Нифай 16–22
2 Нифай 1-2
2 Нифай 3–5
2 Нифай 6–10
2 Нифай 11–19
2 Нифай 20–25
2 Нифай 26–30
2 Нифай 31–33
Иаков 1–4
Иаков 5–7
Инос–Мормоны үгс
Moзая 1–3
Moзая 4–6
Moзая 7–10
Moзая 11–17
Moзая 18–24
Moзая 25–28
Мозая 29–Алма 4
Алма 5–7
Алма 8–12
Алма 13–16
Алма 17–22
Алма 23–29
Алма 30–31
Алма 32–35
Алма 36–38
Алма 39–42
Алма 43–52
Алма 53–63
Хиламан 1–6
Хиламан 7–12
Хиламан 13–16
3 Нифай 1–7
3 Нифай 8–11
3 Нифай 12–16
3 Нифай 17–19
3 Нифай 20–26
3 Нифай 27–4 Нифай 1
Moрмон 1–6
Moрмон 7–9
Ифер 1–5
Ифер 6–11
Ифер 12–15
Moронай 1–6
Moронай 7–9
Моронай 10
Хавсралт

2 Нифай 32:1–7: “Христийн үгэн дээр найрла”

“2 Нифай 32:1–7: ‘Та нар урагш тэмүүлэх ёстой,’” Мормоны Номын багшийн гарын авлага (2024)

“2 Нифай 32:1–7,” Мормоны Номын багшийн гарын авлага

2 Нифай 32:1–7

“Христийн үгэн дээр найрла”

Амтат хоолоор дүүрэн баярын зоогийн зураг. Та өөрийгөө ийм найрыг хэрхэн таашааж байна гэж харж байна вэ? Нифай хүмүүстээ гэрээний замаар Есүс Христийг дагахыг заасныхаа дараа, тэд баптисм хүртсэнийхээ дараа юу хийхээ мэдэхгүй хэвээр байгааг мэдэрчээ. Тэрээр хариуд нь тэднийг “Христийн үгэн дээр найрлахыг” уриалан, Аврагчийн үг тэднийг урагш чиглүүлнэ хэмээн итгүүлсэн (2 Нифай 32:3). Энэ хичээл таныг Есүс Христийн үгэн дээр найрлахад туслах зорилготой.

Суралцагчийн туршлага. Бид институт, семинарын зорилгыг биелүүлэхдээ суралцагч бүрд хөрвөгдөх, хамааралтай байх болон харьяалагдахад нь туслахыг зорьдог. Суралцагчдыг Есүс Христэд хөрвөгдөж, сурч мэдэж байгаа зүйлээ хувийн нөхцөл байдалтайгаа холбож, суралцахдаа аюулгүй, дэмжлэгтэй байхад нь туслах арга замуудыг хай.

Суралцагчийн бэлтгэл: Суралцагчдыг бие даан судар судлахаа хоол идэхтэй харьцуулж, хичээлийн үеэр санаа бодлоо хуваалцахаар бэлтгэлтэй ирэхийг урамшуулан дэмж.

Боломжит суралцах үйл ажиллагаа

Хоолны цаг!

Хичээлээ эхлэхдээ доорх зургуудыг үзүүлэхээс илүү, хоёр суралцагчийг урьж дараахыг жүжигчлэн харуулах явцад ангийн үлдсэн хэсгээр юу үзүүлж байгааг таалга. Үүнд: амттан идэх, хоол идэх, хүлээн авалт эсвэл баяр ёслол дээр найрлаж байна.

Дараах зургуудыг ажиглан, амттан идэх, хоол идэх, онцгой хүлээн авалт дээр найрлах зэргийн ижил ба ялгаатай талуудын талаар бод.

Та ямар ижил ба ялгаатай талуудын талаар бодсон бэ?
Хэрэв бид Христийн үгийг судлах явцыг эдгээр гурван хооллох аргатай харьцуулбал тус бүр нь юуг илэрхийлэх вэ?

Тэнгэрлэг Эцэг, Есүс Христ хоёр таныг удирдамж, чиглэл, тусламж, тайтгарлаар адислахыг хүсдэг. Хамгийн сүүлд хэзээ Аврагчийн үгийг судалсан тухайгаа бод. Та тухайн үеийг амттан эсвэл хоол идэж буйгаар эсвэл найрлаж байгаагаар төсөөлж байна уу? Өнгөрсөн сард эсвэл өнгөрсөн долоо хоногт юу болсон бэ? Үргэлжлүүлэн суралцахдаа Христийн үгийг судлах нь таны амьдралыг хэрхэн адисалдаг болохыг олж мэдэхийн тулд Ариун Сүнсний тусламжийг эрэлхийл. Мөн Христийн үгэн дээр найрлахын тулд хэрхэн илүү хичээж чармайхаа олж мэдэхэд тань туслах сүнслэг нөлөөг эрэлхийл.

Есүс Христийн үг

Нифай хүмүүстээ “мөнхийн амьдрал руу хөтлөх давчуу бөгөөд нарийн зам”-ыг болон тэрхүү аяллыг эхлүүлэх шалгууруудын талаар зааж байсныг сана (2 Нифай 31:17–18-ыг үзнэ үү). Нифай хүмүүс нь баптисм хүртэх ёслолыг хүлээн авсныхаа дараа юу хийх, гэрээний замаа хэрхэн үргэлжлүүлэх талаар бодож байгааг ойлгож байв.

2 Нифай 32:1–3-ыг уншаад, Христийн үгсийг судлах талаар Нифайн зөвлөгөөг хайж ол. Хайх явцдаа өөрийн санаа зовсон асуудал, асуултууд, хэрэгцээгээ мөн Нифайн сургаалууд танд хэрхэн үр өгөөжтэй байж чадах талаар бод. “Хэрэв та Ариун Сүнсний хүчээр ярьж байвал” (Boyd K Packer, “The Gift of the Holy Ghost: What Every Member Should Know,” Ensign, Aug. 2006, 50), “тэнгэр элчүүдийн хэлээр ярьж байгаа нь тэр” (2 Нифай 32:2) гэсэн хэллэгийг мэдэж байх нь тустай юм.

2 Нифай 32:3 нь төгс эзэмших сургаалын судрын хэсэг юм. Төгс эзэмших сургаалын судрын хэсгүүдийг дараа нь олоход хялбар байлгахын тулд онцгойлон тэмдэглэ. Та дараагийн хичээл дээр энэ хэсэгт заасан сургаалыг асуулт эсвэл нөхцөл байдалд хэрэгжүүлэх дадлага хийх боломжтой болно.

Та юу олж мэдсэн бэ?

Суралцагчдыг олж мэдсэн зүйлээ хуваалцах хооронд тэдний самбар дээр хуваалцсан аливаа үнэнийг анхааралтай сонсоод бичиж ав.

2 Нифай 32:3-аас таны олж мэдэх нэг үнэн бол Биднийг Христийн үгэн дээр найрлах үед үгс бидний хийвэл зохих бүх зүйлийг бидэнд хэлэх болно гэсэн үнэн юм. Судар дээрээ энэ үнэнийг тэмдэглэж болно.

Бид Есүс Христийн үгийг хаанаас олж болох вэ?
Нифай Аврагчийн үгийг хэрхэн судлах ёстой болохыг дүрслэхдээ яагаад “найрлах” гэдэг үгийг ашигласан гэж та бодож байна вэ (2 Нифай 32:3)?

Далын ахлагч Такаши Вадагийн хэлсэн дараах мэдэгдлийг унш. Боломжтой бол Ахлагч Вадагийн захиас ChurchofJesusChrist.org видеог цагийн код 0:53-аас 1:42 хүртэл үзэж болно.

2:3

Би жаахан байхдаа найрлах гэдэг нь зүгээр л будаа, суши, шар буурцгийн шүүстэй элбэг дэлбэг хоолыг их идэхийг хэлдэг гэж боддог байлаа. Харин би одоо найрлах гэдэг нь үнэндээ амттай хоол тамшаалан идэхээс илүү зүйл гэдгийг мэддэг болсон. Энэ бол баяр баясгалангаа хуваалцах, хүчээ сэлбэх, баяр ёслол тэмдэглэх, гэр бүлийнхэндээ болон хайртай хүмүүстээ хайраа илэрхийлэх, Бурханд талархах, арвин, амтат хоолыг идэх зуураа харилцаа холбоо тогтоох боломж олгодог үйл явдал юм. Бид Христийн үгэн дээр найрлахдаа үүнтэй адил туршлагыг олж авна гэж бодох ёстой гэж итгэдэг. Судрууд дээр найрлах нь тэдгээрийг зүгээр л унших явдал биш юм. Энэ нь бидэнд жинхэнэ баяр баясгаланг авчирч, Аврагчтай харилцах харилцааг маань сайжруулж байх ёстой. (Такаши Вада, “Христийн үгэн дээр найрлах,” 2019 оны 4-р сарын Ерөнхий чуулган, 45–47)

Ахлагч Вадагийн мэдэгдлээс юу таны анхаарлыг татсан бэ?

Зоримог үнэнийг шинжлэхэд суралцагчдад туслахын тулд дараах асуултуудаас заримыг нь эсвэл бүгдийг нь ашигла.
Есүс Христийн талаар мэддэг зүйлээ санах нь яагаад Түүний үг баяр хөөр, баясал, хайрыг мэдрүүлдэг вэ?
Аврагчийн үгэн дээр найрлах нь таны амьдралд чиглэл өгч мөн юу хийхийг тань хэрхэн хэлж чадах вэ?

ChurchofJesusChrist.org

2:3

Өөрийн туршлагыг бодож үзэх нь Христийн үгэн дээр найрлахад тань тусалж чадна.

Христийн үгийг зөвхөн уншаад зогсохгүй тэдэн дээр найрлахад тань юу тусалдаг эсвэл тусалж чадах вэ?

Цөөн суралцагчийг хариулахад урьж, тэдний хэлснийг самбар дээр жагсааж бич. Шаардлагатай бол тэдэнд дараахыг сануул.

Христийн үгэн дээр найрлахаа сайжруулахад тань туслах судлах аргууд маш олон бөгөөд үүнд судалж эхлэхээсээ өмнө урам зориг авахын тулд залбирах, судалж эхлэхээсээ өмнө болон дундуур өөрт байгаа асуултуудыг асуух, үгсийг тодорхойлох, тунгаан бодох, солбицсон эшлэл хайх, тэмдэглэл хөтлөх, Тэнгэрлэг Эцэг, Аврагчийн талаарх үнэнийг хайж олох, судруудыг өөрсдийн амьдралтай адилтгах гэх зэрэг орно (1 Нифай 19:23-ыг үзнэ үү).

Христийн үгэн дээр найрлаж байх үед танд ямар ерөнхий сэтгэгдэл эсвэл тодорхой удирдамж ирсэн бэ?

Христийн үгэн дээр найрлах

Дараах үйл ажиллагаанд зориулан суралцагчдад хангалттай цаг гаргаж өг. Суралцагчдыг найрлах үйл ажиллагааг дуусгахдаа туршиж үзэх боломжтой суралцах аргуудыг бичсэн самбар дээрх санаанууд руу чиглүүл.

Өнөөдөр сурч мэдсэн зүйлээ ашиглаж, Христийн үгэн дээр найрлах дадлага хийхэд хэдэн минут зарцуул. Үүнд судруудыг болон бошиглогчдын үгсийг судалж болно. Найрлах үедээ дараах зүйлсээс нэг эсвэл нэлээдийг биелүүлэхийг хичээ. Тухайлбал:

Тэнгэрлэг Эцэг, Есүс Христ хоёртой харилцах харилцаагаа бий болго.
Тэдэнд илүү их итгэж, бас хайрла.
Танд баяр баясгалан, амар амгаланг авчирдаг үнэнийг ол.
Цаашид амьдралдаа хийх ёстой зүйлийнхээ удирдамжийг хүлээн ав.

Христийн үгэн дээр найрлаж байх үедээ өөрийн сурч мэдсэн, мэдэрсэн, мөн тохиолдсон зүйлсээ тэмдэглэ.

Хичээлийн төгсгөл хэсэгт цөөн хэдэн суралцагчийг Христийн үгэн дээр найрласан туршлагаа хуваалцахад урь. Тохиромжтой бол тэднийг олсон үнэн, мэдэрсэн мэдрэмж эсвэл хүлээн авсан удирдамжаа хуваалцахыг урамшуул. Үе тэнгийнхнээсээ сонсох нь суралцагчдад маш хүчтэй сэтгэгдэл төрүүлж болох юм.

Христийн үгэн дээр найрлахдаа хүлээн авдаг адислалуудынхаа тухай гэрчилж, туршлагаасаа хуваалцах талаар бод.

Тайлбар ба нөхцөл байдлын тухай мэдээлэл

2 Нифай 32:2. Би хэрхэн тэнгэр элч нарын хэлээр ярих вэ?

Арван хоёр төлөөлөгчийн чуулгын ахлагч Жэффри Р.Холланд бид бусадтай эерэг байдлаар ярьж, тэднийг хайрлахдаа тэнгэр элч нарын хэлээр ярьж байдаг гэж тайлбарласан.

Ах, эгч нар аа, Аврагчтай илүү адил болох гэсэн энэхүү мөнхийн эрэл хайгуулдаа ядаж энэхүү арга замаар, үг хэлээрээ гомдоолгүй, өөрөөр хэлбэл, шинэ хэлээр буюу тэнгэр элч нарын хэлээр ярьж, “төгс” эрэгтэй, эмэгтэйчүүд байхыг хичээцгээе. Бидний үйл хэргүүдийн нэгэн адил бидний үг өнөөдөр дэлхийд амин чухал хэрэгтэй байгаа Христийн шашны агуу гурван зарчим болох итгэл, найдвар, энэрлээр дүүрэн байх ёстой. Сүнсний нөлөөн доор хэлсэн ийм үг нь урссан нулимсыг хатааж, зүрх сэтгэлийг эдгээж, амьдралыг өөд татан, итгэл найдварыг эргүүлэн авчирч чадна. (Jeffrey R. Holland, “The Tongue of Angels,” Liahona, May 2007, 18)

Судрууд дээрх Аврагчийн үгэн дээр найрлах нь надад юу хийх ёстойг хэрхэн харуулж чадах вэ?

Далын ахлагч Спэнсэр Ж.Конди ийн заасан.

Номлолд явах, ирээдүйн ажил мэргэжлээ шийдэх, гэрлэж, гал голомтоо бадраах зэрэг асуудлуудаар шийдвэр гаргах шаардлага танд тулгарч болно. Та судар уншиж, удирдамж хүсэж залбирсан үедээ залбирлынхаа хариуг хуудас цаасан дээр хэвлэсэн үгсээр хүлээн авна гэж найдах хэрэггүй ч тод томруун санаа бодол, тэрчлэн Ариун Сүнс “та нарын хийвэл зохих бүх зүйлийг та нарт үзүүлэх болно” [2 Нифай 32:5] гэсэн амлалтын дагуу сүнсний өдөөлтийг мэдрэх болно. (Spencer J. Condie, “Becoming a Great Benefit to Our Fellow Beings,” Ensign, May 2002, 45)

Би яагаад Христийн үгэн дээр байнга найрлах хэрэгтэй вэ?

2:51

Нэмэлт суралцах үйл ажиллагаа

Бүх зүйлд удирдамж бий

Суралцагчдад Христийн үгэн дээр найрлах, Ариун Сүнсээр удирдуулах энэ хоёрын хоорондох холбоог ойлгоход нь туслахын тулд 2 Нифай 32:3, 5-ыг уншуулж, 3-р шүлэг дэх “бүх зүйлийг та нарт хэлнэ”, 5-р шүлэг дэх “бүх зүйлийг та нарт үзүүлэх болно” гэсэн хэллэгүүдийг тэмдэглэж авахад урь. Дараах асуултуудыг ярилцлагадаа ашиглаж болно.

Христийн үг хэрхэн танд хувийн удирдамж, тусламж өгч чадах вэ?
Христийн үгэн дээр найрлах нь хэрхэн Ариун Сүнснээс тайвшрал, удирдамж хүлээж авахад тань туслах вэ?
Та Ариун Сүнс хэн нэгэнд хийх ёстой зүйлийг нь харуулж байсан эсвэл тодорхой нөхцөл байдалд хэрхэн хариу үйлдэл үзүүлж байсан туршлагын талаар мэдэх үү?

Судрууд дахь жишээнүүд

Сударт байдаг эсвэл Сүмийн түүхээс Христийн үг хэн нэгнийг шийдвэр гаргахад нь чиглүүлсэн жишээг бодоход суралцагчдыг урь. Хэрэв суралцагчдад бодож олоход нь тусламж хэрэгтэй бол та дараах эшлэлүүдийг самбарт жагсаан, өөр өөр бүлэг суралцагчаас хэсгүүдийг уншиж, сурч мэдсэн зүйлээ ангийнхантайгаа хуваалцахыг хүс.

Өөрийгөө үнэлэх

Дараах жагсаалтыг самбарт бичиж, суралцагчдыг Есүс Христийн үгийг дараах нөхцөл бүрд хэрхэн судлах талаар бодоход урь. Тэд амттан идэх, хооллох эсвэл найрлах зэрэг үгийг ашиглан, өөрсдийгөө үнэлж болно. Хэрэв тэд одоогоор эдгээр нөхцөлийн аль нэгэнд суралцаагүй эсвэл сонсохыг оролдож байгаа бол алгасах гэдэг үгийг хэрэглэж болно.

Хувиараа судар судлах
Гэр бүлээрээ сайн мэдээг судлах
Ариун ёслолын цуглаан
Ерөнхий чуулган
Семинар
Ням гаргийн анги
Залуу эмэгтэйчүүдийн ангийн эсвэл Аароны санваарын чуулгын хурал

Суралцагчдыг тодорхой нөхцөл байдалд хэрхэн Христийн үгэн дээр илүү сайн найрлаж болох талаар зарим санаагаа хуваалцахад урь. Та мөн суралцагчдыг тодорхой нөхцөл байдалд Христийн үгэн дээр найрлах нь тэдэнд ямар үр өгөөжтэй байсан талаар хуваалцахад урьж болно. Суралцагчид эдгээр талбарын аль нэгийг сайжруулах зорилго тавьж болно.