ព្រះគម្ពីរមរមន សៀវភៅសិក្សាសម្រាប់គ្រូបង្រៀនថ្នាក់សិក្ខាសាលា ( ឆ្នាំ ២០២៤ )

មាតិកា
ទំព័រចំណងជើង
សេចក្តីផ្តើមនៃ ព្រះគម្ពីរមរមន សៀវភៅសិក្សាសម្រាប់គ្រូបង្រៀនថ្នាក់សិក្ខាសាលា
ព្រះគម្ពីរមរមន—ឯកសារណែនាំ
ទំព័របុព្វកថានៃព្រះគម្ពីរមរមន
នីហ្វៃទី ១ ១–៥
នីហ្វៃទី១ ៦–១០
នីហ្វៃទី ១ ១១–១៥
នីហ្វៃទី ១ ១៦–២២
នីហ្វៃទី ២ ១–២
នីហ្វៃទី ២ ៣–៥
នីហ្វៃទី ២ ៦–១០
នីហ្វៃទី ២ ១១–១៩
នីហ្វៃទី ២ ២០–២៥
នីហ្វៃទី ២ ២៦–៣០
នីហ្វៃទី ២ ៣១–៣៣
យ៉ាកុប ១–៤
យ៉ាកុប ៥–៧
អេណុស–ពាក្យសម្ដីនៃមរមន
ម៉ូសាយ ១–៣
ម៉ូសាយ ៤–៦
ម៉ូសាយ ៧–១០
ម៉ូសាយ ១១–១៧
ម៉ូសាយ ១៨–២៤
ម៉ូសាយ ២៥–២៨
ម៉ូសាយ ២៩–អាលម៉ា ៤
អាលម៉ា ៥–៧
អាលម៉ា ៨–១២
អាលម៉ា ១៣–១៦
អាលម៉ា ១៧–២២
អាលម៉ា ២៣–២៩
អាលម៉ា ៣០–៣១
អាលម៉ា ៣២–៣៥
អាលម៉ា ៣៦–៣៨
អាលម៉ា ៣៩–៤២
អាលម៉ា ៤៣–៥២
អាលម៉ា ៥៣–៦៣
ហេលេមិន ១–៦
ហេលេមិន ៧–១២
ហេលេមិន ១៣–១៦
នីហ្វៃទី៣ ១–៧
នីហ្វៃទី ៣ ៨–១១
នីហ្វៃទី ៣ ១២–១៦
នីហ្វៃទី ៣ ១៧–១៩
នីហ្វៃទី ៣ ២០–២៦
នីហ្វៃទី ៣ ២៧–នីហ្វៃទី ៤ ១
មរមន ១–៦
មរមន ៧–៩
អេធើរ ១–៥
អេធើរ ៦–១១
អេធើរ ១២–១៥
មរ៉ូណៃ ១–៦
មរ៉ូណៃ ៧–៩
មរ៉ូណៃ ១០
ឧបសម្ព័ន្ធ

យ៉ាកុប ១–៤ ៖ ទិដ្ឋភាពទូទៅ

« យ៉ាកុប ១–៤ ៖ ទិដ្ឋភាពទូទៅ » ព្រះគម្ពីរមរមន សៀវភៅសិក្សាសម្រាប់គ្រូបង្រៀន ( ឆ្នាំ ២០២៣ )

« យ៉ាកុប ១–៤ » ព្រះគម្ពីរមរមន សៀវភៅសិក្សាសម្រាប់គ្រូបង្រៀន

យ៉ាកុប ១–៤

ទិដ្ឋភាពទូទៅ

មុននីហ្វៃស្លាប់ លោកបានប្រគល់ឲ្យយ៉ាកុបប្អូនប្រុសរបស់លោកនូវការទទួលខុសត្រូវក្នុងការរក្សាផ្ទាំងទាំងឡាយ និងកត់ត្រាលើផ្ទាំងទាំងនោះនូវអ្វីដែល « ពិសេសបំផុត » ( យ៉ាកុប ១:២ ) ។ សាររបស់យ៉ាកុបបានចង្អុលបង្ហាញផ្លូវដល់អ្នកដទៃទៅរកព្រះយេស៊ូវគ្រីស្ទ ដោយជួយពួកគេឲ្យចៀសផុតពីផលវិបាកនៃការឥតជំនឿ និងអំពើបាប ។ លោកបានដឹងតាមរយៈវិវរណៈមកពីព្រះថា ប្រជាជនសាសន៍នីហ្វៃកំពុងពុះពារនឹងអំពើបាបជាច្រើន ។ លោកបានប្រកាសការបង្រៀនមួយ ដែលលោកបានលើកឡើងពីអំពើបាបនៃសេចក្តីឆ្មើងឆ្មៃ ហើយបានបង្រៀនអំពីច្បាប់ព្រហ្មចារីភាព ។ ការបង្រៀនរបស់លោកអាចជួយយើងយកឈ្នះលើអំពើបាបក្នុងជីវិតរបស់យើងផ្ទាល់ ហើយមករកព្រះអង្គសង្គ្រោះ ។

រៀបចំខ្លួនដើម្បីបង្រៀន

ព័ត៌មានខាងក្រោមនេះផ្តល់ជាគំនិតដល់គ្រូបង្រៀនអំពីអ្វីដែលអាចត្រូវរៀបចំទុកជាមុនសម្រាប់មេរៀននីមួយៗ ។

ចំណេះចំណានខាងគោលលទ្ធិ ៖ នីហ្វៃទី២ ៣២:៨–៩

គោលបំណងមេរៀន ៖ មេរៀននេះអាចជួយសិស្សឲ្យទន្ទេញសេចក្តីយោងនៃចំណេះចំណានខាងគោលលទ្ធិ និងឃ្លាបទគម្ពីរគន្លឹះសម្រាប់ នីហ្វៃទី២ ៣២:៨–៩ ពន្យល់ពីគោលលទ្ធិ និងអនុវត្តគោលការណ៍នៃការទទួលបានចំណេះដឹងខាងវិញ្ញាណទៅនឹងស្ថានភាពជាក់ស្តែង ។

ការរៀបចំសិស្ស ៖ សូមពិចារណាអញ្ជើញសិស្សឲ្យរកមើលគ្រាមួយនៅក្នុងជីវិតរបស់ពួកគេ ឬជីវិតរបស់នរណាម្នាក់ដែលពួកគេស្គាល់ កាលការអធិស្ឋានដោយស្មោះសរបានជួយពួកគេឲ្យខិតកាន់តែជិតព្រះវរបិតាសួគ៌ និងព្រះយេស៊ូវគ្រីស្ទ ។
យោបល់សម្រាប់ការបង្រៀនតាមសន្និសីទវីដេអូ ៖ សូមពិចារណាអញ្ជើញសិស្សឲ្យឆ្លើយសំណួរដោយប្រើមុខងារឈែត ។ ការណ៍នេះនឹងអនុញ្ញាតឲ្យសិស្សរៀបចំការឆ្លើយតបរបស់ពួកគេ មុនពេលបញ្ជូនចម្លើយទាំងនោះ ហើយវាក៏នឹងលើកទឹកចិត្តសិស្សដែលជាទូទៅមិនផ្តល់ការឆ្លើយតប ដើម្បីផ្តល់យោបល់របស់ពួកគេ ។

យ៉ាកុប ១

គោលបំណងមេរៀន ៖ មេរៀននេះអាចជួយសិស្សស្វែងរករបៀបនានាដើម្បីជួយអ្នកដទៃឲ្យមករកព្រះយេស៊ូវគ្រីស្ទ ។

ការរៀបចំសិស្ស ៖ សូមអញ្ជើញសិស្សឲ្យគិតអំពីគ្រានានាដែលពួកគេអាចនិយាយជាមួយអ្នកដទៃអំពីព្រះយេស៊ូវគ្រីស្ទ ។ សូមលើកទឹកចិត្តពួកគេឲ្យអធិស្ឋានរកឱកាសមួយ ហើយមានភាពក្លាហានដើម្បីធ្វើសកម្មភាពក្នុងគ្រានោះតែម្តង ។
វីដេអូ ៖ « Inviting All to Come unto Christ: Sharing the Gospel » ( ៤:៣០ ); « Worldwide Broadcast on Sharing the Gospel » ( ៥៤:០៦ សូមមើលពីនាទីទី ០:០០ ដល់នាទីទី ១:៣៥ ); « Member Stories: Youth and Young Adults » ( ៥:០៨ ); « Ministering as the Savior Does » ( ៦:០៨ )
យោបល់សម្រាប់ការបង្រៀនតាមសន្និសីទវីដេអូ ៖ សូមពិចារណាចែកសិស្សដោយប្រើមុខងារបំបែកក្រុម ដើម្បីពិភាក្សាអំពីរបៀបជួយអ្នកដទៃឲ្យមករកព្រះគ្រីស្ទក្នុងស្ថានភាពផ្សេងៗ ។

យ៉ាកុប ២:១–២១

គោលបំណងមេរៀន ៖ មេរៀននេះអាចជួយសិស្សឲ្យប្រែកាន់តែដូចជាព្រះយេស៊ូវគ្រីស្ទ ដោយការទទួលស្គាល់ ព្រមទាំងប្រឆាំងនឹងអំពើបាបនៃសេចក្តីឆ្មើងឆ្មៃ ។

ការរៀបចំសិស្ស ៖ សូមឲ្យសិស្សមករៀនដោយត្រៀមខ្លួនដើម្បីចែកចាយឧទាហរណ៍អំពីរបៀបដែលពួកគេឃើញសេចក្តីឆ្មើងឆ្មៃបានបង្ហាញនៅក្នុងពិភពលោកសព្វថ្ងៃ ។
មាតិកាដែលត្រូវបង្ហាញ ៖ ស្ថានភាពនៅដើមមេរៀន សម្រង់ពីប្រធាន អ៊ែសរ៉ា ថាហ្វ ប៊ែនសឹន និង អែលឌើរ ឌៀថើរ អេហ្វ អុជដូហ្វ និង ការអញ្ជើញបញ្ចប់ ។
យោបល់សម្រាប់ការបង្រៀនតាមសន្និសីទវីដេអូ ៖ អ្នកអាចចែកសិស្សដោយប្រើមុខងារបំបែកក្រុមដើម្បីសិក្សា យ៉ាកុប ២:១៧–២១ និងពិភាក្សាសំណួរដែលពាក់ព័ន្ធ ។ សូមពិចារណាផ្ញើសារទៅកាន់ក្រុមដែលបានបំបែកទាំងអស់នោះ ដើម្បីរំឭកពួកគេអំពីសំណួរនានា ។

យ៉ាកុប ២:២២–៣៥

គោលបំណងមេរៀន ៖ មេរៀននេះអាចជួយសិស្សឲ្យរីករាយក្នុងច្បាប់ព្រហ្មចារីភាពដូចដែលព្រះអម្ចាស់សព្វព្រះទ័យដែរ ។

ការរៀបចំសិស្ស ៖ អ្នកអាចអញ្ជើញសិស្សឲ្យសួរឪពុកម្ដាយ ឬអ្នកដឹកនាំសាសនាចក្រអំពីពរជ័យដែលកើតមកពីការគោរពតាមច្បាប់ព្រហ្មចារីភាព ។ អ្នកក៏ប្រហែលជាចង់ទាក់ទងឪពុកម្ដាយដើម្បីជូនដំណឹងពួកគាត់ថា សិស្សនឹងរៀនអំពីច្បាប់ព្រហ្មចារីភាព ដូច្នេះឪពុកម្តាយអាចបន្តការពិភាក្សានៅផ្ទះប្រសិនបើពួកគាត់ចង់ ។
មាតិកាដែលត្រូវបង្ហាញ ៖ ក្រាហ្វិកដែលប្រៀបធៀបបទដ្ឋា្ននរបស់ព្រះអម្ចាស់ជាមួយនឹងបទដ្ឋានពិភពលោក
វីដេអូ ៖ « Stand Strong in Holy Places » ( ១៦:០៧ សូមមើលពីនាទីទី ៣:២២ ដល់នាទីទី ៤:៥០ ); « Jacob Teaches about Chastity » ( ៤:៥៣ សូមមើលពីនាទីទី ០:២០ ដល់នាទី ១:៥១ ); « I Choose to Be Pure » ( ៤:១៩ )
ឯកសារសម្រាប់សិស្ស ៖ ច្បាប់ចម្លងនៃ ដើម្បីកម្លាំងនៃយុវជន ( កូនសៀវភៅឆ្នាំ ២០១១ ) សម្រាប់សិស្សម្នាក់ៗ

យ៉ាកុប ៤

គោលបំណងមេរៀន ៖ មេរៀននេះអាចជួយសិស្សពង្រឹងសេចក្ដីជំនឿរបស់ពួកគេលើព្រះយេស៊ូវគ្រីស្ទ តាមរយៈការរកមើល កត់ត្រា និងសញ្ជឹងគិតអំពីគោលការណ៍ និងសេចក្ដីពិតដែលយ៉ាកុបបានបង្រៀន ។

ការរៀបចំសិស្ស ៖ សូមពិចារណាអញ្ជើញសិស្សឲ្យអាន យ៉ាកុប ៤:៧–១៤ ហើយរៀបចំដើម្បីចែកចាយគោលការណ៍ ឬសេចក្តីពិតមួយដែលពួកគេយល់ឃើញថា ពួកគេទទួលអារម្មណ៍ថា ត្រូវការជាពិសេសនៅក្នុងពិភពលោកសព្វថ្ងៃនេះ ។
សម្ភារៈសម្រាប់សិស្ស ៖ អ្វីផ្សេងក្រៅពីប៊ិក ឬខ្មៅដៃ ដែលសិស្សអាចប្រើដើម្បីកោស ឬឆ្លាក់កថាខណ្ឌទៅក្នុងក្រដាស ឬក្រដាសអាលុយមីញ៉ូម
មាតិកាដែលត្រូវបង្ហាញ ៖ ចំណុចដិតៗនៅចុងបញ្ចប់នៃមេរៀន ដែលជួយសិស្សឲ្យពិចារណាពីសេចក្តីពិតដែលពួកគេបានរកឃើញ
យោបល់សម្រាប់ការបង្រៀនតាមសន្និសីទវីដេអូ ៖ សូមពិចារណាអញ្ជើញសិស្សពីរបីនាក់ឲ្យប្រើមុខងារឈែតដើម្បីចែកចាយគោលការណ៍ ឬសេចក្តីពិតដែលពួកគេបានរកឃើញនៅក្នុង យ៉ាកុប ៤:៧–១៤ ។ បន្ទាប់មក សិស្សផ្សេងទៀតអាចចែកចាយសំណួរសម្រាប់ថ្នាក់ទាំងមូល ដើម្បីពិចារណាអំពីគោលការណ៍ ឬសេចក្ដីពិតនោះ ។