Иаков 2:1–21

“… Энэ бардамнал бодгалийг тань устгахыг бүү зөвшөөр”

Нифайчууд өөрсдийн нүгэлд зовж байсныг Иаков Бурханаас ирсэн илчлэлтээр мэджээ. Эдгээр нүглийг ойлгуулахаар тэрээр бардамналын нүглийн тухай сургасан сургаал номлолыг ариун сүмд айлджээ. Бид бүгд заримдаа бардам зантай тулгардаг. Энэ хичээл суралцагчдад бардамналын нүглийг таньж, даван туулснаар Есүс Христтэй илүү адил болоход тусална.

Шинийг нээхэд хүргэх асуулт тавих. Суралцагчдад мөнхийн үнэнүүдийн талаар сайн мэдээний үнэнийг өөрсдөө нээхэд нь туслах асуултууд тавь. Асуултууд нь суралцагчдад судрыг ойлгох үйл явцад идэвхтэй оролцож, сайн мэдээний чухал үнэнийг ойлгож, таньж мэдэхэд тусалдаг.

Суралцагчийн бэлтгэл: Суралцагчдыг өнөөгийн дэлхийд бардамнал хэрхэн илэрч байгааг харж буй жишээгээ хуваалцахаар бэлдэж ирэхэд урь.

Боломжит суралцах үйл ажиллагаа

Бардамнал

Дараах хувилбарыг үзүүлж, суралцагчдыг бардамналын нотолгоог олж харахад урь.

• Багийн гишүүн нь тоглолтын үеэр алдаа гаргавал Кожи өөрөө илүү их тоглоно гэж найдаж байна.

• Силвиа бусдад илүү сайн буюу илүү чухал харагдахын тулд ололт амжилтаа хэтрүүлэн хэлдэг.

• Жэнс талархал илэрхийлдэггүй мөн бусдын сайн сайхныг хүлээн зөвшөөрдөггүй.

• Эми бусдыг басамжилж, араар нь шоолдог.

• Та нар бардамналын ямар нотолгоог олсон бэ?

Ерөнхийлөгч Эзра Тафт Бэнсон (1899–1994) ийн заасан.

Бардамнал гэх нүглийг бусдаас олж харах амархан ч өөрсдөдөө байгааг хүлээн зөвшөөрөх нь ховор. (Teachings of Presidents of the Church: Ezra Taft Benson [2014], 235)

Одоо Аврагчийн тухай бод. Тэрээр олон ололт амжилт, чадвартай ч үргэлж номхон даруу байсан (Матай 11:29-ийг үзнэ үү). Суралцах явцдаа, бардамнал таны амьдралд ямар нөлөө үзүүлсэн талаар бод. Энэ хичээл танд бардамналын нүглийг таньж, даван туулснаар Есүс Христтэй илүү адил болоход тусална.

“… Энэ бардамнал бодгалийг тань устгахыг бүү зөвшөөр”

Их Эзэн бошиглогч Иаковт хүмүүсийн санаа бодлыг мэдэхэд нь тусалж, түүнд ариун сүмд очиж, бардамналын гэм нүгэл зэрэг тэдний нүглийн эсрэг гэрчлэхийг тушаасан (Иаков 2:1–13-ыг үзнэ үү).

Суралцагчдыг дараах үйл ажиллагааг самбар дээр ангиараа гүйцэтгэхээс гадна судлах тэмдэглэлдээ хийхэд урь.

Судлах тэмдэглэлийн голд босоо шугам татна. Хуудасны зүүн дээд тал дээр “Бардамналын илрэл” гэж бичнэ. Баруун дээд тал дээр “Бид Аврагч шиг байж чадах, бардамналыг эсэргүүцэх арга замууд” гэж бичнэ.

Суралцагчдыг самбарын өмнө гарч, дараах шүлгүүдээс олсон бардамналын илрэлийн жагсаалтыг самбарын зүүн талд бичихэд урь.

Иаков 2:12–16-г уншиж, бардамналын илрэлийг олж мэд. Тэдгээрийг дэвтрийнхээ зүүн талд нэмнэ.   ChurchofJesusChrist.org 

Дараах тодоор бичсэн үнэнийг самбар дээр бичиж, бардамнал бидэнд өнөөдөр хэрхэн нөлөөлдөг болохыг илэрхийлэхэд суралцагчдад туслах дараах асуултыг ашиглаж болно.

Энэ догол мөрөөс бид бардамнал бодгалийг устгадаг гэсэн үнэнийг олж мэдэж болох юм (Иаков 2:16).

• Бардамнал яагаад бидний бодгалийг устгах хүчтэй гэж та бодож байна вэ?

• Иаковын эдгээр анхааруулга өнөөгийн цаг үед хэр хамаатай гэж та бодож байна вэ?

Тэргүүн зөвлөлийн ерөнхийлөгч асан ахлагч Дийтр Ф.Угдорф, ерөнхийлөгч Эзра Тафт Бэнсон (1899–1994) нар бидний амьдралд бардамнал илэрч болох нэмэлт нөхцөл байдлуудыг хуваалцсан. Тэдний үгнээс олж мэдсэн зүйлсээ тэмдэглэлийн зүүн талд нэмнэ.

Суралцагчдад дараах мэдэгдлүүдийг үзүүлээд, мэдэгдлүүдийн талаарх ойлголтыг хуваалцаж, тэдгээрийг самбарын зүүн талд нэмэхэд урь.

Энэрлийн том дайсан нь бардамнал. Бардамнал нь гэрлэлт, гэр бүлүүдийн бэрхшээл зовлонтой тулгардаг хамгийн гол шалтгаануудын нэг юм. Бардам зан нь цухалдуу, бүдүүлэг, атаа жөтөөч байдаг. Бардам зан нь өөрийн хүч чадлыг өөгшүүлэн, бусдын ариун журмыг үл тоомсорлодог. Бардам зан нь хувиа боддог бөгөөд амархан өдөөн хатгагддаг. Бардам зан нь ямар ч хорон санаа байгаагүй үед байна гэж боддог ба хуурамч дүр үзүүлэн сул дорой талаа нуудаг. Бардам зан нь эрээ цээргүй, гутрангуй, уур уцаартай, тэвчээргүй байдаг. Энэрэл нь Христийн цэвэр хайр юм бол бардам зан нь Сатаны гол зан чанар юм. (Дийтр Ф.Угдорф, “Авран хадгалдаг тэднийг магтъя,” 2016 оны 4-р сарын Ерөнхий чуулган, 63)

Бидний ихэнх маань бардамналыг баян тарган, эрдэм мэдлэгтэй гэх мэт дээд түвшний хүмүүс үлдсэн биднийгээ дээрээс доош харж буй нүгэл гэж үздэг. (2 Ниф. 9:42-ыг үзнэ үү.) Харин ч доороос дээш харах бардамнал бидний дунд түгээмэл оршдог. Энэ нь өө сэв хайх, хов жив ярих, араар муулах, бувтнах, боломжоосоо хэтрүүлэн амьдрах, атаархах, шунах, хэн нэгэнд урам дэм өгч болох талархал, магтаал сайшаалын үг хэлэхгүй байх, өршөөж уучлахгүй байх, атаархах гэх мэт маш олон байдлаар илэрдэг. (Teachings of Presidents of the Church: Ezra Taft Benson [2014], 235)

Дараах асуултуудад хариулахдаа хичээлийнхээ бэлтгэлийн талаар эргэцүүлэн бодоход суралцагчдыг урь.

• Өнөө үед дэлхийд бардамнал илэрч буй ямар нэмэлт нөхцөл байдлыг та харж байна вэ?

• Бардам зан нь хэрхэн Есүс Христийн зан чанарын эсрэг байдаг вэ?

Дараах асуултуудыг харуулан, бардам зан амьдралд нь илэрч болох нөхцөл байдлуудыг шударгаар бодоход суралцагчдыг урь.

Түр азнаж, өөрийн бодол, үйлдлээ тунгаан бод. Та бардамналын гэм нүгэлтэй заримдаа ямар арга замаар тэмцдэг вэ? Бардам байдлын эдгээр илрэл таны харилцаа, аз жаргалд хэрхэн нөлөөлж байна вэ? Та юуг өөрчлөхийг хүсэж байна вэ? Яагаад?

Бардамналыг ялан дийлэх

Иаков бидэнд хэрхэн Христэд итгэх итгэл найдварыг олж авч, бардамналын нүглийг эсэргүүцэхийг заасан.

Суралцагчдыг дараах зүйлсийг судалж байхад нь тэднийг самбарт гарч, олж мэдсэн зүйлээ самбарын баруун талд бичихэд урь.

Иаков 2:17–21-ийг уншихдаа бардамналын нүглээс зайлсхийх аргуудыг эрэлхийл. Эдгээрийг хуудасныхаа баруун талд нэм.   ChurchofJesusChrist.org 

Суралцагчдыг дараах асуултыг хоёр хоёроороо эсвэл жижиг бүлгээр ярилцахад урь.

• Иаковын зөвлөгөөг дагах нь бидэнд хэрхэн бардамналыг эсэргүүцэж, Христэд итгэх найдвар олж авахад туслах вэ?

• Эдгээр шүлэгт тайлбарласан арга замуудаар бардамналыг эсэргүүцэж чадсан хэн нэгний сайн жишээг та нар мэдэх үү? Тэд юу хийдэг вэ?

• Бардамналаас зайлсхийхэд туслах Христийнхтэй адил ямар зан чанарыг бид анхааран, хөгжүүлж болох вэ? Эдгээр шинж чанар ямар учраас эсвэл хэрхэн туслах вэ?

Дараах урилгыг харуул.

Амьдралдаа бардамналын нүглийг таньж мэдэн, эсэргүүцэх хэрэгцээгээ эргэцүүлэн бод. Бардамнадаг тодорхой нөхцөл байдал эсвэл харилцааныхаа талаар бод. Бардам зан таны харилцаанд хэрхэн нөлөөлж болохыг ойлгохыг хичээ. Дараах замаар бардамналаа эсэргүүцэн, Аврагчтай илүү адил болохын тулд Ариун Сүнсээр дамжуулан Тэнгэрлэг Эцэгийн тусламжийг эрэлхийл.

1. Энэ удаад даван туулахад анхаарлаа төвлөрүүлэх урам зоригийг мэдэрч байгаа бардамналын нэг илрэлийг тэмдэглэлийнхээ зүүн талаас сонго.

2. Судлах тэмдэглэлийнхээ баруун талаас бардамналын илрэлийг эсэргүүцэх нэг арга замыг сонго. Христийнхтэй адил зан чанаруудын талаар бодож, хийж болох тодорхой үйлдлүүдээ бич.

Бардам зангаа ялан дийлж, Өөртэй нь илүү адил болоход туслах Аврагчийн чадварын тухай гэрчлэлээ хуваалц.

Тайлбар ба нөхцөл байдлын талаарх мэдээлэл

Бардамнал ямар арга замаар илэрдэг вэ?

Арван хоёр төлөөлөгчийн чуулгын ахлагч Квинтин Л.Күк дараах жишээг хэлсэн.

Ерөнхийлөгч Эзра Тафт Бэнсон (1899–1994) ийн заасан.

К.C.Льюисийн хэлснээр “Бардамнал нь ямар нэгэн зүйлтэй байснаар биш, зөвхөн хажуу дахь хүнээсээ илүү их зүйлтэй байснаар авах таашаал юм. … Харьцуулах буюу бусдаас илүү гарснаар авах сэтгэл ханамж таныг бардам болгодог. Өрсөлдөөн хэмээх бүрэлдэхүүн алга болж байж, бардамнал алга болно.” (Mere Christianity, New York: Macmillan, 1952, pp. 109–110.) …

Бардам хүн Бурханы шүүлтээс илүүтэй хүмүүсийн шүүлтээс айдаг. (Сургаал& ба Гэрээ 3:6–7; Сургаал& ба Гэрээ 30:1–2; Сургаал& ба Гэрээ 60:2-ыг үзнэ үү.) “Хүмүүс намайг юу гэж бодох бол?” гэдэг нь “Бурхан намайг юу гэж бодох бол?” гэхээс илүү хүнд жинтэй. (Teachings of Presidents of the Church: Ezra Taft Benson [2014], 233)

“Бардамнал ба санваар” бичлэгийг цагийн код 2:52-оос 4:27 хүртэл үзэж ChurchofJesusChrist.orgТэргүүн зөвлөлийн ерөнхийлөгч асан, ахлагч Дийтр Ф.Угдорф бардамнал гэж юу болохыг тайлбарласныг үз.

Тэргүүн зөвлөлийн ерөнхийлөгч асан ахлагч Дийтр Ф.Угдорф ийн тайлбарласан.

Бардамнал нь үхэлд хүргэдэг хавдар мөн. Бардамнал нь бусад бүх нүглийг дагуулдаг нүгэл мөн. Бүр тодруулбал бусад бүх нүглийн илэрхийлэл нь бардамналаас үүсэлтэй гэж хэлж болно. (Дийтр Ф.Угдорф, “Бардамнал ба санваар,,” 2010 оны 10-р сарын Ерөнхий чуулган, 61)

Би бардамналын нүглийг хэрхэн эсэргүүцэж чадах вэ?

Арван хоёр төлөөлөгчийн чуулгын ахлагч Гари Э.Стивэнсон ийн заасан.

Бардамнал нь “Их Эзэний хүсэл зоригийг нэгдүгээрт тавих”-ын эсрэг буюу даруу байдлын эсрэг байдаг” [Миний сайн мэдээг номло: Номлогчийн үйлчлэлд зориулсан удирдамж (2004), 137–138-ыг үзнэ үү]. … Гэвч бардамнал нь Христийнхтэй адил зан чанар буюу даруу байдалд дарагддаг. (Гари И.Стивэнсон, “Сүнслэг хиртэлт,” 2017 оны 10-р сарын Ерөнхий чуулган, 36)

Тэргүүн зөвлөлийн гишүүн асан, ахлагч Дийтр Ф.Угдорф дараах зөвлөгөөг өгсөн. “Бардамнал ба санваар” бичлэгийг цагийн код ChurchofJesusChrist.org13:26-аас 15:57-ийн хооронд үзнэ үү.

  ChurchofJesusChrist.org 

Нэмэлт суралцах үйл ажиллагаа

Иаков 2:17–19. Баялгийн зорилго

Суралцагчдыг дэлхий ертөнц баялгийн зорилгыг хэрхэн үздэг талаар ярилцахад урь. Иаков 2:17–19, 1 Тимот 6:6–11, Сургаал ба Гэрээ 38:39-ийг унш. Их Эзэний баялгийн талаарх зорилгын талаар мөн дэлхийн худал үзэл санааг бид хэрхэн даван туулах талаар ярилц. Та мөн баялгийг Их Эзэний үздэг жишгээр үздэг хүмүүсийн жишээг мөн эдгээр сургаалыг дагах нь Аврагчтай илүү адил болоход хэрхэн тусалж болох талаар ярилцаж болно.

Иаков 2:21. “Мөн түүний хувьд нэг нь бусдын адил эрхэм болой.”

Бусдыг Бурхан шиг харахыг хичээх нь бардамналыг даван туулахад бидэнд хэрхэн тусалж болох талаар ярилц. Хэрэв хүн бүр бусдыг ингэж харвал суралцагчдын гэр бүл, хамт олон, сургууль гэх мэт зүйлс хэр өөр байх талаар ярилц.

Өөрийнхөө тухай бага бодох нь

Суралцагчдыг Иаков 2:11–21-ийг судалсны дараа, тэднийг даруу байх, өөрсдийнхөө тухай бага бодох зэрэг Христийнхтэй адил зан чанарын ач холбогдлыг тунгаан бодоход урь. Тэргүүн зөвлөлийн ерөнхийлөгч асан, ахлагч Дийтр Ф.Угдорфын хэлсэн дараах үгийг хуваалцах талаар бод.

“Зарим хүн даруу төлөв байна гэдэг нь өөрсдийгөө байнга хязгаарлаж байхыг хэлдэг гэж ойлгодог. Даруу төлөв байдал нь бид ямар ч үнэ цэнгүй, утгагүй, хэрэггүй гэж өөрсдөдөө итгүүлэхийг хэлдэггүй. Даруу төлөв байдал гэж Бурханы өгсөн авьяас чадварыг үгүйсгэж, нуун дарахыг ч хэлдэггүй. Бид өөрсдийгөө хэн ч биш гэж бодсоноор даруу төлөв болдог юм биш; харин бусдыг бодсоноор даруу төлөв болно. Бурханд болон хөршүүддээ үйлчлэх сэтгэлтэй явснаар даруу төлөв болдог билээ” (“Бардамнал ба санваар,,” 2010 оны 10-р сарын Ерөнхий чуулган, 63).

Дараа нь суралцагчдыг Аврагчийн амьдралаас, Өөрөөсөө илүү бусдын тухай бодож байсныг нь харуулсан, тэдэнд сэтгэгдэл төрүүлсэн үеийн жишээнүүдийг хуваалцахад урь. Суралцагчдаас Аврагчийн үлгэр жишээг хэрхэн өдөр бүр дагаж болох талаар төлөвлөгөө гаргахыг хүс.