Jakobi [LiM] 5:1–53

“Zoti i Vreshtit”

Perëndia kujdeset për të gjithë fëmijët e Tij, për ata që janë të drejtë dhe ata që zgjedhin të jenë të padrejtë. Jakobi tregoi alegorinë e Zenosit për pemët e ullirit, e cila në mënyrë simbolike ilustron shpërndarjen e disave që ishin të drejtë dhe të disave që nuk ishin të tillë. Kjo alegori ilustron edhe përpjekjet e Zotit për ta mbledhur Izraelin në ditët e fundit. Ky mësim mund të të ndihmojë ta ndiesh dashurinë që ka Jezu Krishti për ty dhe për të gjithë njerëzit.

Të ftuarit e Frymës së Shenjtë për të dëshmuar për të vërtetën. Ndërsa e jepni mësim doktrinën e vërtetë nga shkrimet e shenjta dhe fjalët e profetëve, Fryma e Shenjtë do të ketë mundësinë të dëshmojë për të vërtetën. Nëpërmjet fuqisë së Frymës së Shenjtë”, ne mund të dimë “të vërtetën e të gjitha gjërave” (Moroni 10:5).

Përgatitja e nxënësve: Merreni parasysh t’u siguroni nxënësve diagramin e titulluar “Alegoria e Pemëve të Ullirit (Jakobi [LiM] 5)” që gjendet në pjesën “Komente dhe Informacion për Rrethanat”. Ftojini nxënësit ta përdorin diagramin që t’i ndihmojë ta studiojnë alegorinë te Jakobi [LiM] 5 dhe të familjarizohen me mesazhin e përgjithshëm të saj.

Veprimtari të Mundshme të të Mësuarit

Dashuria e Perëndisë për ata që shkojnë në rrugë të gabuar

Si një alternativë për skenarin vijues, merreni parasysh të shfaqni materialin filmik “Unplanned Pregnancy, Adoption and The ‘Best Gift Ever” [“Shtatzënia e Paplanifikuar, Birësimi dhe ‘Dhurata më e Mirë nga të Gjitha’”] që gjenden në ChurchofJesusChrist.org, nga kodi kohor 00:00 deri në 01:41.

Liza ndihet fajtore rreth disa prej gabimeve që ka bërë kohët e fundit. Ajo ka filluar të vrasë mendjen a do t’ia dijë Perëndia ende për të për shkak të këtyre gabimeve.

• Çfarë mund të thuash po të ishe duke u përpjekur të ndihmoje dikë që ka të njëjtat ndjenja si të Lizës?

• Pse mund të jetë e vështirë ta dallojmë ose ndiejmë dashurinë e Perëndisë pasi zgjedhim të mëkatojmë?

Sot do të studiosh një tregim nga shkrimet e shenjta që demonstron dashurinë e Zotit për ata që shkojnë në rrugë të gabuar. Ndërsa studion, kërko mësime të rëndësishme rreth gatishmërisë së Jezu Krishtit për t’i ndihmuar ata që janë larguar prej Tij. Përsiat se si të vërtetat që mëson, mund të të ndihmojnë në rrethanat e tua.

Alegoria e pemëve të ullirit

Jakobi profetizoi se judenjtë do ta refuzonin Jezu Krishtin (shih te Jakobi [LiM] 4:15). Për ta ndihmuar popullin e tij ta kuptonte se si do t’i ndihmonte Shpëtimtari judenjtë që të ktheheshin tek Ai, Jakobi u mësoi atyre një alegori të dhënë nga një profet i quajtur Zenos. Një alegori përdor personazhe, objekte dhe veprime simbolike për të dhënë mësim të vërtetat.

Në vijim janë disa nga simbolet kyç të alegorisë, së bashku me kuptimet e tyre të mundshme. Merre parasysh t’i renditësh këto simbole në ditarin tënd të studimit ose në shkrimet e shenjta.

Merreni parasysh ta kopjoni tabelën e mëposhtme në dërrasë dhe ftojini nxënësit ta kopjojnë atë në ditarët e tyre të studimit. Mund t’i shtoni asaj ide dhe komente nga nxënësit gjatë gjithë mësimit.

Një tabelë e zgjeruar me simbole shtesë gjendet në pjesën “Komente dhe Informacion për Rrethanat”.

Simboli	Kuptimi i Mundshëm
Simboli Zoti ose pronari i vreshtit	Kuptimi i Mundshëm Jezu Krishti
Simboli Vreshti	Kuptimi i Mundshëm Bota
Simboli Pema e ullirit të butë	Kuptimi i Mundshëm Shtëpia e Izraelit, populli i besëlidhjes së Zotit
Simboli Pema e ullirit të egër	Kuptimi i Mundshëm Johebrenjtë (ata që nuk kanë bërë besëlidhje me Zotin) dhe Izraeli braktisës

Për të të ndihmuar të mësosh rreth Jezu Krishtit ndërsa studion kapitullin te Jakobi [LiM] 5, shkruaj “Ajo që mësoj rreth Jezu Krishtit nga Jakobi [LiM] 5” në qendër të një faqeje bosh në ditarin tënd të studimit dhe vizato një rreth përreth asaj. Gjatë gjithë mësimit, kërko të vërteta dhe ide rreth Jezu Krishtit, Zotit të vreshtit. Shënoji këto gjetje në rrethin tënd ose përreth tij në ditarin tënd të studimit.

Të kuptuarit e alegorisë

Nëse nuk e keni bërë tashmë, sigurojuni nxënësve diagramin e titulluar “Alegoria e Pemëve të Ullirit (Jakobi [LiM] 5)” që gjendet në pjesën “Komente dhe Informacion për Rrethanat”. Nxënësit mund t’u referohen pjesëve të këtij diagrami gjatë gjithë mësimit.

Fillimi i alegorisë mund të përfaqësojë kohën përpara shërbesës në vdekshmëri të Jezu Krishtit. Lexo te Jakobi [LiM] 5:3–6, duke kërkuar atë që i ndodhi pemës së ullirit të butë, e cila përfaqëson popullin e besëlidhjes së Perëndisë.

• Çfarë mendon se simbolizon kalbja e pemës?

• Si mendon, çfarë mund të përfaqësojnë veprimet e krasitjes, gërmimit dhe ushqimit nga ana e pronarit të vreshtit?

• Çfarë të mësojnë këto veprime rreth Jezu Krishtit? (Shtoji idetë e tua në faqen e ditarit tënd.)

Mund të jetë e dobishme t’i ilustroni pikat vijuese duke vizatuar një përfaqësim të tyre në tabelë.

Pas kësaj vizite të parë, pronari i vreshtit ndërmori dy veprime të tjera të rëndësishme për të shpëtuar pemën e ullirit të butë:

1. Ai urdhëroi që degët kryesore të pemës së ullirit që qenë kalbur të hiqeshin dhe që disa degë nga një pemë ulliri e egër të shartoheshin me pemën kryesore (shih te Jakobi [LiM] 5:7–10). Ky shartim mund të përfaqësojë përpjekjet e Zotit për të ndihmuar johebrenjtë të bëhen pjesë e popullit të Tij të besëlidhjes nëpërmjet pagëzimit dhe kthimit në besim.

2. Ai mori degë të reja dhe të njoma nga pema kryesore e ullirit dhe i shartoi ato në pjesë të ndryshme të vreshtit (shih te Jakobi [LiM] 5:8, 13–14). Kjo mund të përfaqësojë shpërndarjen e Izraelit në pjesë të ndryshme të botës. Disa prej atyre që u shpërndanë qenë të drejtë, të tillë si familja e Lehit (shih te 1 Nefi 10:12–13). Të tjerët u shpërndanë për shkak të ligësisë.

Pjesa e mbetur e alegorisë portretizon vizitat që i zoti i vreshtit bëri në vreshtin e tij në kohë të mëvonshme. Këto vizita mund të simbolizojë periudha të ndryshme kohore në historinë e botës.

Merreni parasysh t’i ndani nxënësit të bashkëpunojnë në dyshe ose grupe të vogla dhe t’i caktoni secilit grup një nga grupet vijuese të vargjeve për t’i studiuar. Nxënësit mund t’ia raportojnë më pas gjetjet e tyre klasës.

Studiojini vargjet vijuese, duke kërkuar atë që i ndodhi edhe pemës kryesore dhe pemëve të shpërndara gjatë secilës vizitë.

• Vizita e dytë (që simbolizon kohën e Jezu Krishtit): Jakobi [LiM] 5:15–17, 19–20, 23–28

• Vizita e tretë (që simbolizon Braktisjen e Madhe): Jakobi [LiM] 5:29–32, 38–41, 46–47

• Çfarë vure re rreth gjendjes së pemëve dhe frytit gjatë këtyre vizitave?

• Çfarë vure re rreth fjalëve dhe veprimeve të zotit të vreshtit gjatë këtyre vizitave?

• Çfarë të mësojnë këto fjalë dhe veprime rreth Jezu Krishtit? (Shtoji idetë e tua në faqen e ditarit tënd.)

Plaku Xhefri R. Holland, i Kuorumit të Dymbëdhjetë Apostujve, dha një mësim që mund të mësojmë rreth Perëndisë nga këto vargje:

“Pas gërmimit dhe plehërimit, ujitjes dhe pastrimit të barërave të këqija, prerjes, krasitjes, ndërrimit të vendit dhe shartimit, Zoti i madhërishëm i vreshtit e hedh lopatën dhe gërshërët e tij për krasitje dhe qan, duke thirrur për këdo që do ta dëgjonte: ‘Çfarë mund të kisha bërë unë më shumë për vreshtin tim?’ [Jakobi [LiM] 5:41, 49.]

Çfarë shëmbëlltyre e pashlyeshme e përfshirjes së Perëndisë në jetën tonë! Çfarë ankthi përjeton një prind kur fëmijët e Tij nuk e zgjedhin Atë, as ‘ungjillin e Perëndisë’ [Romakëve 1:1] që Ai e dërgoi! Sa e lehtë ta duash dikë që na do në mënyrë kaq të pazakontë!” (Jeffrey R. Holland, “The Grandeur of God”, Liahona, nëntor 2003, f. 72)

• Çfarë të bëri përshtypje nga kjo thënie? Pse?

Përpjekjet e vazhdueshme të zotit të vreshtit

Lexo te Jakobi [LiM] 5:51–53, duke kërkuar atë që zoti i vreshtit zgjodhi të bënte pasi i pa pemët e tij të kalbura.

• Çfarë ju mësojnë këto vargje rreth Zotit? (Shtoji idetë e tua në faqen e ditarit tënd.)

• Si do t’i përmblidhje mësimet që ke mësuar nga Jakobi [LiM] 5 me një pohim të vërtete?

Një e vërtetë që mund të mësojmë nga Jakobi [LiM] 5 është se Zoti i do të gjithë fëmijët e Atit Qiellor dhe vazhdon të kujdeset për ta edhe kur ata largohen prej Tij.

• Si mund ta ndihmojë kjo e vërtetë dikë që të ndiejë një dëshirë më të madhe për t’u penduar?

• Cilët janë disa shembuj nga shkrimet e shenjta apo nga jeta juaj, që ilustrojnë se si Zoti vazhdon t’i dojë dhe të kujdeset për njerëzit edhe pasi ata largohen prej Tij?

Nëse fillimi i materialit filmik vijues u shfaq më herët, merreni parasysh ta shikoni pjesën tjetër këtu (kodi kohor 01:41 deri në 05:42).

Mendo rreth faktit se si mund të ndikojë në jetën tënde ajo që ke mësuar dhe ndier sot. Merre parasysh t’i shënosh mbresat e tua në ditarin tënd të studimit.

Komente dhe Informacion për Rrethanat

Cilat janë simbolet dhe kuptimet e mundshme shtesë te Jakobi [LiM] 5?

Sa vijon siguron një vështrim të përgjithshëm bazë të hollësive dhe simbolikës së alegorisë te Jakobi [LiM] 5.

Simboli	Kuptimi i Mundshëm
Simboli Rrënjët e pemës së ullirit të butë	Kuptimi i Mundshëm Individët me të cilët Zoti besëlidhi në lashtësi, të tillë si Abrahami, Isaku dhe Jakobi (shih te Jakobi [LiM] 6:4); gjithashtu besëlidhjet që Zoti bën me ata që e ndjekin Atë
Simboli Fryti i pemës	Kuptimi i Mundshëm Jeta ose veprat e njerëzve
Simboli Gërmimi, krasitja, plehërimi	Kuptimi i Mundshëm Përpjekjet e Zotit me fëmijët e Tij
Simboli Ndërrimi i vendit të degëve	Kuptimi i Mundshëm Shpërndarja e grupeve nëpër botë ose rivendosja e tyre në pozicionin e tyre fillestar
Simboli Shartimi	Kuptimi i Mundshëm Shpërndarja dhe mbledhja e popullit të besëlidhjes së Zotit; gjithashtu kthimi në besim i atyre që bëhen pjesë e popullit të besëlidhjes së Zotit (shartimi i degëve të egra në pemën e ullirit të butë)
Simboli Degët e kalbura	Kuptimi i Mundshëm Mëkati dhe braktisja
Simboli Flakja e degëve në zjarr	Kuptimi i Mundshëm Gjykime të Perëndisë për të ligjtë

A pret Perëndia të më dojë derisa t’i mposht dobësitë e mia?

Presidenti Diter F. Uhtdorf, asokohe i Presidencës së Parë, dha mësim:

“Perëndia ju do pikërisht sot dhe përgjithmonë.

Ai nuk po pret që t’ju dojë derisa t’i keni mposhtur dobësinë tuaj dhe zakonet tuaja të këqija. Ai ju do sot, me një të kuptuar të plotë të ndeshjeve tuaja. … Ai i di vuajtjet tuaja. Ai e di brejtjen tuaj të ndërgjegjes për kohët kur nuk ia keni dalë mbanë apo keni dështuar. Dhe Ai akoma ju do.” (Diter F. Uhtdorf, “Të Jetuarit e Ungjillit Plot Gëzim”, Liahona, nëntor 2014, f. 123)

Çfarë mund të më ndihmojë të kuptoj alegoria e pemëve të ullirit rreth Shlyerjes së Shpëtimtarit?

Plaku Xhefri R. Holland, i Kuorumit të Dymbëdhjetë Apostujve, shpjegoi:

“Kjo alegori siç tregohet nga Jakobi, është synuar qysh në fillim të jetë rreth Krishtit. …

Ndërkohë që Zoti i vreshtit dhe punëtorët e tij përpiqen të ndihmojnë, krasitin, pastrojnë dhe me fjalë të tjera t’i bëjnë frutdhënëse pemët e tyre siç përshkruhet te skica historike në një kapitull për shpërndarjen dhe mbledhjen e Izraelit, domethënia më e thellë e Shlyerjes i siguron dhe përforcon fund e krye punët e tyre. Pavarësisht nga prerjet dhe shartimet dhe të ushqyerit që i përziejnë e i bashkojnë pemët në pothuajse të gjitha pjesët e vreshtit, është kthimi i tyre sërish te burimi tema kryesore e kësaj alegorie. Rikthimi, pendimi, ribashkimi – shlyerja – ky është mesazhi nga fillimi në fund.” (Jeffrey R. Holland, Christ and the New Covenant [1997], f. 165)

Veprimtari Plotësuese të të Mësuarit

Mbështetja te fuqia e Zotit nëpërmjet besëlidhjeve

Rrënjët e pemës në këtë alegori janë simbole të fuqishme të besëlidhjeve të Zotit me ne. Ftojini nxënësit të bëjnë një kërkimi të fjalës “rrënjë/rrënjët” te Jakobi [LiM] 5 – fjala shfaqet te Jakobi [LiM] 5:11, 34–37, 48, 53–54, 59–60, 65. Nxënësit mund t’i studiojnë këto fragmente dhe t’u përgjigjen pyetjeve të tilla si kjo në vijim: Çfarë bëjnë rrënjët për pemët? Si ngjason kjo me atë që besëlidhjet e Zotit mund të bëjnë për ne ndërsa i mbajmë ato? Kur e ke përjetuar ti ose dikush që njeh fuqinë ushqyese dhe forcuese të besëlidhjeve?