ព្រះគម្ពីរមរមន សៀវភៅសិក្សាសម្រាប់គ្រូបង្រៀនថ្នាក់សិក្ខាសាលា ( ឆ្នាំ ២០២៤ )

មាតិកា
ទំព័រចំណងជើង
សេចក្តីផ្តើមនៃ ព្រះគម្ពីរមរមន សៀវភៅសិក្សាសម្រាប់គ្រូបង្រៀនថ្នាក់សិក្ខាសាលា
ព្រះគម្ពីរមរមន—ឯកសារណែនាំ
ទំព័របុព្វកថានៃព្រះគម្ពីរមរមន
នីហ្វៃទី ១ ១–៥
នីហ្វៃទី១ ៦–១០
នីហ្វៃទី ១ ១១–១៥
នីហ្វៃទី ១ ១៦–២២
នីហ្វៃទី ២ ១–២
នីហ្វៃទី ២ ៣–៥
នីហ្វៃទី ២ ៦–១០
នីហ្វៃទី ២ ១១–១៩
នីហ្វៃទី ២ ២០–២៥
នីហ្វៃទី ២ ២៦–៣០
នីហ្វៃទី ២ ៣១–៣៣
យ៉ាកុប ១–៤
យ៉ាកុប ៥–៧
អេណុស–ពាក្យសម្ដីនៃមរមន
ម៉ូសាយ ១–៣
ម៉ូសាយ ៤–៦
ម៉ូសាយ ៧–១០
ម៉ូសាយ ១១–១៧
ម៉ូសាយ ១៨–២៤
ម៉ូសាយ ២៥–២៨
ម៉ូសាយ ២៩–អាលម៉ា ៤
អាលម៉ា ៥–៧
អាលម៉ា ៨–១២
អាលម៉ា ១៣–១៦
អាលម៉ា ១៧–២២
អាលម៉ា ២៣–២៩
អាលម៉ា ៣០–៣១
អាលម៉ា ៣២–៣៥
អាលម៉ា ៣៦–៣៨
អាលម៉ា ៣៩–៤២
អាលម៉ា ៤៣–៥២
អាលម៉ា ៥៣–៦៣
ហេលេមិន ១–៦
ហេលេមិន ៧–១២
ហេលេមិន ១៣–១៦
នីហ្វៃទី៣ ១–៧
នីហ្វៃទី ៣ ៨–១១
នីហ្វៃទី ៣ ១២–១៦
នីហ្វៃទី ៣ ១៧–១៩
នីហ្វៃទី ៣ ២០–២៦
នីហ្វៃទី ៣ ២៧–នីហ្វៃទី ៤ ១
មរមន ១–៦
មរមន ៧–៩
អេធើរ ១–៥
អេធើរ ៦–១១
អេធើរ ១២–១៥
មរ៉ូណៃ ១–៦
មរ៉ូណៃ ៧–៩
មរ៉ូណៃ ១០
ឧបសម្ព័ន្ធ

វាយតម្លៃការរៀនសូត្ររបស់អ្នកទី ៣ ៖ នីហ្វៃទី២ ២៦–យ៉ាកុប ៧

« វាយតម្លៃការរៀនសូត្ររបស់អ្នកទី ៣ ៖ នីហ្វៃទី២ ២៦–យ៉ាកុប ៧ » ព្រះគម្ពីរមរមន សៀវភៅសិក្សាសម្រាប់គ្រូបង្រៀន ( ឆ្នាំ ២០២៤ )

« វាយតម្លៃការរៀនសូត្ររបស់អ្នកទី ៣ » ព្រះគម្ពីរមរមន សៀវភៅសិក្សាសម្រាប់គ្រូបង្រៀន

វាយតម្លៃការរៀនសូត្ររបស់អ្នកទី ៣

គោលបំណងនៃមេរៀននេះគឺដើម្បីជួយអ្នកឲ្យមើលឃើញពីរបៀបដែលអ្នកបានរីកចម្រើន ឬផ្លាស់ប្តូរក្នុងអំឡុងពេលការសិក្សារបស់អ្នកអំពី នីហ្វៃទី២ ២៦–យ៉ាកុប ៧ ។

ការជំរុញចិត្តសិស្សឲ្យរៀន ។សូមលើកទឹកចិត្តសិស្សឲ្យអនុវត្តសិទ្ធិជ្រើសរើសរបស់ពួកគេដើម្បីចូលរួមក្នុងបទពិសោធន៍សិក្សា ។ អែលឌើរ ដាវីឌ អេ បែដណា ក្នុងកូរ៉ុមនៃពួកសាវកដប់ពីរនាក់បានបង្រៀនថា « សិស្សដែលអនុវត្តសិទ្ធិជ្រើសរើសដោយធ្វើតាមគោលការណ៍ត្រឹមត្រូវ បើកចិត្តរបស់ខ្លួនចំពោះព្រះវិញ្ញាណបរិសុទ្ធ ហើយអញ្ជើញការបង្រៀនរបស់ទ្រង់ ធ្វើទីបន្ទាល់ដល់អំណាច និងបញ្ជាក់សាក្សី » ( « Seek Learning by Faith » Ensign ខែ កញ្ញា ឆ្នាំ ២០០៧ ទំព័រ ៦៤ ) ។

ការរៀបចំសិស្ស ៖ សូមពិចារណាអញ្ជើញសិស្សឲ្យសញ្ជឹងគិតពីរបៀបដែលពួកគេបានរីកចម្រើនខាងវិញ្ញាណ តាមរយៈការសិក្សាព្រះគម្ពីរមរមនក្នុងរយៈពេលបួនសប្តាហ៍ចុងក្រោយនេះ ។ អ្នកអាចអញ្ជើញពួកគេឲ្យរំឭកកំណត់ហេតុការសិក្សារបស់ពួកគេ ហើយរកមើលការបង្រៀនជាក់លាក់ដែលពួកគេបានអនុវត្ត ឬខគម្ពីរដែលមានអត្ថន័យជាពិសេសចំពោះពួកគេ ។

សកម្មភាពរៀនសូត្រដែលអាចមាន

បានប្រសើរឡើងបន្តិចម្តងៗជារៀងរាល់ថ្ងៃ

សូមពិចារណាចាប់ផ្តើមមេរៀននេះជាមួយនឹងការពិភាក្សាអំពីគោលបំណង និងតម្លៃនៃការវាយតម្លៃខ្លួនឯង ។ សិស្សអាចចែកចាយការបង្រៀនជាក់លាក់ពីព្រះគម្ពីរមរមន ដែលពួកគេបានអនុវត្តចំពោះជីវិត ឬខគម្ពីរពីព្រះគម្ពីរមរមនដែលមានអត្ថន័យជាពិសេសចំពោះពួកគេ ។

ប្រធាន ឡូរែនសូ ស្នូ ( ឆ្នាំ ១៨១៤–១៩០១ ) ប្រធានទីប្រាំនៃសាសនាចក្របានបង្រៀន ៖

កុំរំពឹងថានឹងបានល្អឥតខ្ចោះក្នុងពេលតែម្តងឡើយ ។ ប្រសិនបើអ្នករំពឹងដូច្នោះ នោះអ្នកនឹងខកចិត្តជាមិនខាន ។ ថ្ងៃនេះចូរអ្នកធ្វើឲ្យបានល្អប្រសើរជាងកាលពីម្សិលមិញ ហើយថ្ងៃស្អែកសូមធ្វើឲ្យបានល្អប្រសើរជាងថ្ងៃនេះ ។ ការល្បួងដែលវាប្រហែលជាបានយកឈ្នះលើយើងខ្លះៗនៅថ្ងៃនេះ ចូរកុំឲ្យវាយកឈ្នះលើយើងនៅថ្ងៃស្អែកឡើយ ។ ដូច្នេះ សូមបន្តមានភាពប្រសើរបន្តិចបន្តួចពីមួយថ្ងៃទៅមួយថ្ងៃ ហើយកុំបណ្តោយឲ្យជីវិតរបស់អ្នកបន្តទៅ ដោយមិនបានធ្វើល្អដល់អ្នកដទៃក៏ដូចជាខ្លួនយើងដែរ ។ ( Teachings of Presidents of the Church: Lorenzo Snow [ ឆ្នាំ ២០១២ ] ទំព័រ ១០៣ )

តើធ្វើដូចម្តេចទើបដឹងថាថ្ងៃនេះអ្នកបានល្អជាងថ្ងៃម្សិលមិញ ?
តើព្រះវរបិតាសួគ៌ និងព្រះយេស៊ូវគ្រីស្ទអាចជួយអ្នកក្នុងការខិតខំរបស់អ្នក ដើម្បីឲ្យថ្ងៃស្អែកអ្នកមានភាពល្អប្រសើរជាងថ្ងៃនេះដោយរបៀបណា ?

គោលបំណងនៃមេរៀននេះគឺជួយអ្នកឲ្យគិតអំពីការរីកចម្រើនរបស់អ្នក ក្នុងនាមជាសិស្សរបស់ព្រះយេស៊ូវគ្រីស្ទ រួមទាំងសមត្ថភាពរបស់អ្នកក្នុងការពន្យល់គោលលទ្ធិដែលអ្នកបានរៀននៅក្នុងព្រះគម្ពីរផងដែរ ។ សូមគិតអំពីរបៀបដែលការសិក្សាព្រះគម្ពីរមរមនរបស់អ្នក បានជួយអ្នកឲ្យរីកចម្រើនក្នុងនាមជាសិស្សរបស់ព្រះគ្រីស្ទ ។ នៅពេលអ្នកសិក្សាថ្ងៃនេះ សូមអញ្ជើញព្រះវិញ្ញាណបរិសុទ្ធឲ្យជួយអ្នកមើលពីរបៀប ដែលការសិក្សាព្រះគម្ពីរមរមនរបស់អ្នកកំពុងជះឥទ្ធិពលលើសមត្ថភាពរស់នៅ និងចែកចាយដំណឹងល្អរបស់ព្រះយេស៊ូវគ្រីស្ទ ។

ការសិក្សារបស់សិស្សក្នុងថ្នាក់របស់អ្នកអំពី នីហ្វៃទី២ ២៦ ដល់ យ៉ាកុប ៧ ប្រហែលជាបានសង្កត់ធ្ងន់លើសេចក្តីពិតផ្សេងពីសេចក្តីពិតដែលរកឃើញនៅក្នុងសកម្មភាពខាងក្រោម ។ សូមជ្រើសរើសដោយសេរីនូវសកម្មភាពណាមួយដែលបំពេញតម្រូវការនៃថ្នាក់របស់អ្នកបំផុត ឬកែសម្រួលសកម្មភាពទាំងនោះដើម្បីបញ្ចូលសេចក្តីពិតដែលសិស្សរបស់អ្នកបានរកឃើញ ។

គោលបំណងនៃសកម្មភាព ក និង ខ គឺផ្តល់ឲ្យសិស្សនូវឱកាសមួយដើម្បីពន្យល់ពីគោលលទ្ធិដែលបានបង្រៀននៅក្នុងមេរៀនមុនៗ ។ វាប្រហែលជាចាំបាច់ដើម្បីធ្វើតែសកម្មភាពមួយក្នុងចំណោមសកម្មភាពទាំងនោះដើម្បីទុកពេលសម្រាប់សកម្មភាព គ ឬ ឃ ។

សកម្មភាព ក ៖ ពន្យល់គោលលទ្ធិរបស់ព្រះយេស៊ូវគ្រីស្ទ

សកម្មភាពខាងក្រោមនឹងតម្រូវឲ្យសិស្សរំឭកពីខគម្ពីរមួយចំនួន ។ សូមយកចិត្តទុកដាក់ខ្ពស់ចំពោះសិស្សដែលមានការលំបាកក្នុងការអាន ឬយល់ព្រះគម្ពីរ ។ សូមពិចារណាដាក់សិស្សជាគូ ឬក្រុម ហើយជួយពួកគេឲ្យរកឃើញគោលការណ៍ និងពិធីបរិសុទ្ធនៃគោលលទ្ធិនៃព្រះគ្រីស្ទ ។ ទាំងនេះរួមមានសេចក្តីជំនឿលើព្រះយេស៊ូវគ្រីស្ទ ការប្រែចិត្ត ពិធីបុណ្យជ្រមុជទឹកសម្រាប់ការផ្ដាច់អំពើបាប ការទទួលអំណោយទាននៃព្រះវិញ្ញាណបរិសុទ្ធ និងការកាន់ខ្ជាប់ដរាបដល់ចុងបំផុត ។

នីហ្វៃបានបង្រៀនពីអ្វីដែលយើងត្រូវធ្វើ ដើម្បីទទួលបានជីវិតអស់កល្បជានិច្ច ។ គោលការណ៍ និងពិធីបរិសុទ្ធទាំងនេះត្រូវបានហៅថា គោលលទ្ធិនៃព្រះគ្រីស្ទ ( សូមមើល នីហ្វៃទី២ ៣១:២, ២១ ) ។ គោលលទ្ធិនៃព្រះគ្រីស្ទ « គឺជាផ្លូវ ហើយគ្មានផ្លូវឯណាទៀតទេ ឬក៏ឈ្មោះណាទៀតនៅក្រោមមេឃនេះ ដែលមនុស្សអាចបានសង្គ្រោះនៅក្នុងនគរនៃព្រះឡើយ » ( នីហ្វៃទី២ ៣១:២១ ) ។ សូមរំឭកអំពី នីហ្វៃទី២ ៣១:១០–១២, ១៧, ២០–២១ ដោយរកមើលគោលការណ៍ និងពិធីបរិសុទ្ធដែលជាផ្នែកនៃគោលលទ្ធិរបស់ព្រះគ្រីស្ទ ។

សូមអញ្ជើញសិស្សឲ្យឆ្លើយសំណួរខាងក្រោមជាមួយក្រុមរបស់ពួកគេ ឬសរសេរចម្លើយរបស់ពួកគេនៅក្នុងសៀវភៅកំណត់ហេតុការសិក្សារបស់ពួកគេ ។

តើអ្នកអាចពន្យល់គោលលទ្ធិនៃព្រះគ្រីស្ទដល់នរណាម្នាក់ដោយរបៀបណាដោយប្រើអ្វីដែលនីហ្វៃបានកត់ត្រានៅក្នុង នីហ្វៃទី២ ៣១ ?
តើគោលលទ្ធិនៃព្រះគ្រីស្ទជួយយើងឲ្យពឹងផ្អែកលើទ្រង់សម្រាប់សេចក្ដីសង្គ្រោះរបស់យើងយ៉ាងដូចម្ដេច ?
តើអ្នកមានពរតាមរយៈការធ្វើតាមគោលលទ្ធិរបស់ព្រះគ្រីស្ទយ៉ាងដូចម្ដេច ?

សកម្មភាព ខ ៖ ពន្យល់តួនាទីនៃព្រះគម្ពីរមរមននៅក្នុងការស្ដារឡើងវិញនៃដំណឹងល្អរបស់ព្រះយេស៊ូវគ្រីស្ទ

អ្នកអាចបង្ហាញនូវស្ថានភាពខាងក្រោមជាការដើរតួសម្ដែងដោយអ្នកដើរតួជាប្រធានស្តេក ហើយសិស្សនឹងឆ្លើយតបក្នុងនាមជាលូកា ។ ប្រសិនបើអ្នកធ្វើដូច្នេះ សូមសួរសំណួរតាមដានដែលជួយសិស្សឲ្យថ្លែងទីបន្ទាល់អំពីព្រះគម្ពីរមរមនជាដៃគូ និងជាសាក្សីអំពីសេចក្ដីពិតនៃព្រះគម្ពីរប៊ីប ( សូមមើល នីហ្វៃទី១ ១៣:៤០–៤២; នីហ្វៃទី២ ៣:១១–១២ ) ទីសម្គាល់នៃការស្តារឡើងវិញ ( សូមមើល នីហ្វៃទី២ ២៧; ២៩:១–១០ ) និង « មូលដ្ឋាននៃសាសនារបស់យើង » ( បុព្វកថាព្រះគម្ពីរមរមន ) ។

សូមស្រមៃពីស្ថានភាពខាងក្រោមនេះ ៖

លូកាកំពុងរៀបចំខ្លួនដើម្បីធ្វើជាអ្នកផ្សព្វផ្សាយសាសនាពេញម៉ោង ។ ប្រធានស្តេករបស់គាត់បានផ្ញើសារដូចខាងក្រោម មួយសប្តាហ៍មុនពេលពួកគេបានជួបគ្នាធ្វើការសម្ភាសន៍ ៖

« លូកាខ្ញុំរំភើបណាស់ដែលបានជួបប្អូន ។ ដើម្បីរៀបចំខ្លួនសម្រាប់ការប្រជុំរបស់យើង សូមប្អូនរៀបចំប្រើព្រះគម្ពីរមរមន ដើម្បីឆ្លើយសំណួរនេះ ៖ តើអ្វីជាតួនាទីនៃព្រះគម្ពីរមរមននៅក្នុងការស្ដារឡើងវិញនៃដំណឹងល្អរបស់ព្រះយេស៊ូវគ្រីស្ទ ? ( សូមមើល នីហ្វៃទី២ ៣:១១–១២; នីហ្វៃទី២ ២៧:២៥–២៦; នីហ្វៃទី២ ២៩:៧–១១ ) » ។

តើលូកាអាចចែកចាយអ្វីខ្លះពីព្រះគម្ពីរមរមន អំពីតួនាទីរបស់គម្ពីរនេះនៅក្នុងការស្ដារឡើងវិញនៃដំណឹងល្អរបស់ព្រះយេស៊ូវគ្រីស្ទ ?

សកម្មភាព គ ៖ ទប់ទល់នឹងអារក្សដោយសេចក្តីជំនឿលើព្រះយេស៊ូវគ្រីស្ទ

ប្រសិនបើសិស្សមិនត្រូវបានអញ្ជើញឲ្យបង្កើតផែនការមួយជាផ្នែកនៃមេរៀន « នីហ្វៃទី២ ២៨:១–២៦ » នោះផ្នែកនេះនឹងត្រូវកែសម្រួលទៅតាមនេះ ។ ឧទាហរណ៍ ៖ អ្នកអាចជួយសិស្សបង្កើតផែនការ ឬពិភាក្សាអំពីយុទ្ធសាស្ត្រដែលប្រឆាំងនឹងការខិតខំរបស់សាតាំង ។

នៅក្នុង នីហ្វៃទី២ ២៨:២០–២២ នីហ្វៃបានបង្រៀនអំពីយុទ្ធសាស្ត្រដែលសាតាំងនឹងប្រើ ដើម្បីទាញមនុស្សចេញពីព្រះនៅថ្ងៃចុងក្រោយ ។ ទាំងនេះរួមបញ្ចូលការចាក់រុកចិត្តមនុស្សឲ្យខឹងនឹងអ្វីដែលល្អ បង្ក្រាបមនុស្សឲ្យបានសុខ ហើយបំពេរពួកគេឲ្យបានខុសខាងរូបកាយ ហើយប្រាប់មនុស្សថា គ្មានស្ថាននរក និងគ្មានអារក្សទេ ។ ជាផ្នែកមួយនៃការសិក្សារបស់អ្នកក្នុងមេរៀន « នីហ្វៃទី២ ២៨:១–២៦ » អ្នកប្រហែលជាបានបង្កើតផែនការមួយ ដើម្បីការពារខ្លួនអ្នកឲ្យកាន់តែប្រសើរឡើង ប្រឆាំងនឹងកលល្បិចរបស់សាតាំង ។ សូមពិនិត្យឡើងវិញនូវអ្វីដែលអ្នកបានសរសេរនៅក្នុងសៀវភៅកំណត់ហេតុការសិក្សារបស់អ្នកពីមេរៀននោះ ។

តើអ្នកបានអនុវត្តផែនការរបស់អ្នកប្រកបដោយប្រសិទ្ធភាពកម្រិតណា ? ហេតុអ្វី ?
តើផែនការរបស់អ្នកបានជួយអ្នកទទួលបានការការពាររបស់ព្រះអង្គសង្គ្រោះប្រឆាំងនឹងកលល្បិចរបស់សាតាំងតាមរបៀបណាខ្លះ ?
តើអ្នកបានរៀន ឬជួបប្រទះអ្វីខ្លះដែលអាចជួយអ្នកបន្ថែមទៅលើផែនការរបស់អ្នក ?

សូមពិចារណាវិធីផ្សេងៗដើម្បីប្តេជ្ញាចិត្តឡើងវិញចំពោះផែនការរបស់អ្នក ។ ត្រូវប្រាកដថា ស្វែងរកព្រះវរបិតាសួគ៌ និងព្រះយេស៊ូវគ្រីស្ទ ដើម្បីព្រមានអ្នកអំពីគ្រោះថ្នាក់ ហើយប្រទានអំណាចឲ្យអ្នកគេចចេញ ឬយកឈ្នះលើការខិតខំរបស់សាតាំង ( សូមមើល គោលលទ្ធិ និងសេចក្តីសញ្ញា ១០:៥ ) ។

សកម្មភាព ឃ ៖ ចូលរួមក្នុងការប្រមូលសាសន៍អ៊ីស្រាអែល

ទាំងនីហ្វៃ និងយ៉ាកុបបានចាប់អារម្មណ៍យ៉ាងខ្លាំងទៅនឹងការប្រមូលសាសន៍អ៊ីស្រាអែល ។ ប្រហែលនេះជាផ្នែកខ្លះៗដោយសារព្រះអម្ចាស់បានបង្ហាញនីហ្វៃ នូវអ្វីដែលនឹងកើតឡើងចំពោះកូនចៅរបស់ពួកគេ ( សូមមើល នីហ្វៃទី១ ១២–១៣ ) ។

អ្នកប្រហែលជាត្រូវបានអញ្ជើញឲ្យចូលរួមក្នុងការប្រមូលសាសន៍អ៊ីស្រាអែលជាផ្នែកមួយនៃការសិក្សារបស់អ្នក នីហ្វៃទី១ ១៩–២២; នីហ្វៃទី២ ៦ ឬ យ៉ាកុប ៥:៥២–៧៧; ៦:១–១៣ ។ ប្រសិនបើដូច្នេះមែន សូមពិនិត្យមើលការប្តេជ្ញាចិត្ត ឬផែនការណាមួយដែលអ្នកបានធ្វើ ឬឥរិយាបថ និងឆន្ទៈរបស់អ្នកក្នុងការចូលរួមក្នុងការងារនេះ ។

តើអ្នកបានរៀនអ្វីខ្លះក្នុងការសិក្សារបស់អ្នកអំពីការប្រមូលសាសន៍អ៊ីស្រាអែលដែលអ្នករកឃើញថា មានការលើកទឹកចិត្ត ឬមានប្រយោជន៍ ?
តើអ្នកបានប្រឹងប្រែងធ្វើអ្វីខ្លះដែលអ្នកមិនធ្លាប់បានសាកល្បងពីមុនមក ? តើអ្នកបានជោគជ័យដែរឬទេ ? ហេតុអ្វីជោគជ័យ ឬហេតុអ្វីមិនជោគជ័យ ?
តើអ្នកមានអារម្មណ៍យ៉ាងណាដែលព្រះអង្គសង្គ្រោះដឹកនាំ ឬពង្រឹងអ្នក នៅពេលអ្នកចូលរួមក្នុងកិច្ចការរបស់ទ្រង់ ?
តើអ្នកបានឃើញពរជ័យអ្វីខ្លះពីការចូលរួមក្នុងកិច្ចការនេះ ?