Семинар
Moзая 12–13: Тушаалуудыг зүрх сэтгэлдээ бичих нь

“Мозая 12–13: Тушаалуудыг зүрх сэтгэлдээ бичих нь,” Мормоны Номын багшийн гарын авлага (2024)

“Мозая 12–13,” Мормоны Номын багшийн гарын авлага

Moзая 12–13

Тушаалуудыг зүрх сэтгэлдээ бичих нь

Ангидаа тойрон сууж буй өсвөр үеийнхэн

Ноа ба түүний санваартнууд сүнслэг удирдагчид байх ёстой байсан. Гэсэн хэдий ч тэд нүгэл үйлдэж, бусдыг ч мөн ийн сургасан. Абинадай тэдэнд авралд нь гүйцэтгэх Есүс Христийн үүрэг, Бурханы тушаалуудыг зүрх сэтгэлдээ бичихийн ач холбогдлын талаар заажээ. Энэ хичээлийн туршид та тушаалуудыг зүрх сэтгэлдээ бичиж, Есүс Христийг илүү сайн дагахад суралцах болно.

Дуулгавартай байдал ба хайр. Аврагч “Та нар Намайг хайрладаг бол тушаалуудыг минь сахь” (Иохан 14:15) хэмээн заасан. Дуулгавартай байдал нь хайраар өдөөгдсөн үед энэ нь илүү төрөлхийн, утга учиртай болдог. Сайн мэдээний дагуу амьдрах, Аврагчийг хайрлах хоёрын хоорондын ач холбогдолтой холбоог олж харахад суралцагчдад тусал.

Суралцагчийн бэлтгэл: Суралцагчид гэр бүлийн гишүүнээсээ эсвэл найзаасаа тэдний хувьд зарлиг тушаал утга учиртай болсон туршлагаасаа хуваалцахыг хүсэж болно.

Боломжит суралцах үйл ажиллагаа

Та өөрийнхөө дуулгавартай байдлыг хэрхэн эрэмбэлэх вэ?

Та дараах хоёр өгүүлбэрийг самбар дээр бичээд, суралцагчдаас 1–10 (10 нь тэднийг маш сайн тодорхойлж байна гэсэн үг) оноогоор уг өгүүлбэрүүд тэднийг хэр сайн тодорхойлж байгааг дотроо үнэлэхийг хүс.

Би Бурханы зарлиг, тушаалуудын ач холбогдлыг МЭДЭРЧ байна

Би Бурханы зарлиг, тушаалуудыг ДУУЛГАВАРТАЙ ДАГАДАГ

  • Хэрэв Бурханы зарлигуудын ач холбогдлыг мэдэрдэг ч дуулгавартай дагахгүй байгаа хэн нэгэнд ямар асуудал байж болох вэ?

  • Хэрэв Бурханы зарлигуудыг дуулгавартай дагадаг ч ач холбогдлыг нь мэдрэхгүй байгаа хэн нэгэнд ямар асуудал байж болох вэ?

Та энэ хичээлийг судлахдаа Бурханы зарлигуудын тухай өөрийн мэдрэмж, дуулгавартай байдлын талаар эргэцүүлэн бод.

Зүрх сэтгэлээс гарах дуулгавартай байдал

Абинадайг хаан Ноагийн ёс бус байдлыг гэрчилснийх нь төлөө шоронд хорьж, дараа нь (Мозая 12:9–17-г үзнэ үү) Ноа ба түүний санваартнуудын өмнө авчирсан. Абинадай тэднийг ойлгохын тулд зүрх сэтгэлээ зориулаагүй байж Бурханы үгийг ойлгож, зааж буй дүр эсгэсэн хэмээн зэмлэсэн. Ноагийн санваартнууд Мосегийн хуулийг заана гэж мэдэгдсэн боловч тэд Мосегийн хуулийг сахиагүй, мөн Арван зарлигийг дуулгавартай дагаагүй. Абинадай Ноад болон түүний санваартнуудад зарлигуудыг дагахын ач холбогдлыг заасан (Мозая 12:25–37-г үзнэ үү).

  ChurchofJesusChrist.org 

4:35

Суралцагчдыг дараах хэсгүүдийг уншихаас өмнө та тэднээс Арван зарлигаас аль болох олныг цээжээр жагсаан бичихийг хүсэж болно. Суралцагчдыг зарлигуудыг хэлэх үед самбар дээр мөн бич. Тэд дараа нь жагсаалтыг гүйцээхийн тулд дараах судраас хайж болно.

Мозая 12:34–36; 13:15–24-ийг уншаад, Арван зарлиг тус бүрийг нэрлэ. Тэдгээрийг судар дээрээ дугаарла.

Мозая 13:11-ийг уншаад, Абинадай Ноад болон түүний санваартнуудад Арван зарлигийг заасан шалтгаануудын нэгийг ол.

  • Бид энэ шүлгээс ямар үнэнийг мэдэж авч болох вэ?

Энэ шүлгээс бидний сурч мэдэж болох нэг үнэн бол Бурханы зарлигууд бидний зүрх сэтгэлд бичигдэх ёстой гэсэн үнэн юм.

  • Таны хувьд, зүрх сэтгэлдээ тушаалуудыг бичнэ гэдэг нь юу гэсэн утгатай үг вэ?

  • Хүмүүс зарлигуудыг зүрх сэтгэлдээ бичээгүй бол дуулгавартай байж чадах уу? Яагаад тийм эсвэл яагаад үгүй вэ?

  • Зарлигууд бидний зүрх сэтгэлд бичигдсэн байх нь Есүс Христийг дагахад хэрхэн бидэнд тусалдаг гэж та бодож байна вэ?

Залуу эмэгтэйчүүдийн ерөнхий ерөнхийлөгч асан Бонни Л.Оскарсон зарлигуудыг зүрх сэтгэлдээ бичих гэдэг нь юу гэсэн үг болохыг ойлгоход тус болох чухал үнэнүүдийг заасан.

Бонни Л.Оскарсон эгч

Бид итгэхийн тулд сайн мэдээг толгойноосоо зүрх сэтгэл рүүгээ суулгах хэрэгтэй! Биднээс хүсэн хүлээдэг учраас эсвэл бидний өсөж торнисон соёл, дадал хэвшил учраас сайн мэдээг автоматаар дагах нь боломжтой зүйл. …

Бид бүгд цаашид дэлхийн арга замуудыг дагах хүсэлгүй, харин Бурханы тааллыг олох хүсэлтэй байж болохын тулд зүрх сэтгэл, эгэл байдлаа өөрчлөхийг эрэлхийлэх хэрэгтэй. (Бонни Л.Оскарсон, “Би итгэдэг үү?” 2016 оны 4-р сарын Ерөнхий чуулган, 72)

  • Та хүмүүс сайн мэдээг хэрхэн толгойноосоо зүрх сэтгэл рүүгээ оруулж чадна гэж бодож байна вэ?

Арван зарлигийн аль нэгийг сонгон, асуултууд дээр ангиараа хамтран ажиллаж, дараах үйл ажиллагааг загварчлах талаар бодож үз. Жишээлбэл: “Хулгай хийж үл болно” гэсэн зарлигийг зүрх сэтгэлдээ бичсэн тохиолдолд тухайн хүн ажилсаг, хуурч мэхлэхгүй болоход хүрнэ. Үүний нэгэн адил “Хөнөөж үл болно” гэж бичсэн хүн бусдыг хүндэлж, уур хилэнгээр хариу үзүүлэхгүй байхыг хичээдэг. Дараа нь та суралцагчдаар тус үйл ажиллагааг ганцаарангаар нь, хоёр хоёроор нь эсвэл жижиг бүлгээр хийлгэж гүйцэтгүүлж болно.

Өөр нэг сонголт бол суралцагчдад өөр өөр зарлигийг оноо, тэд асуултад хэрхэн хариулснаа хамтрагчтайгаа хуваалцаж, дууссаныхаа дараа өөр хүнтэй солигдох юм. Эсвэл суралцагчид зүрх сэтгэлд нь зарлиг бичигдсэн хэн нэгний хэрхэн үйлдэхийг жүжиглэн тоглож болно.

Арван зарлигаас хоёр эсвэл гурвыг сонго. Тус бүрд нь зүрх зурж, зүрхний дээр зарлигийг бич. Дараа нь зүрх болгонд дараах асуултуудын хариултыг бич.

  • Хэрэв энэ зарлиг хүмүүсийн зүрх сэтгэлд бичигдсэн бол тэд юу хийж эсвэл хийхгүй байж болох вэ?

  • Хүмүүс энэ зарлигийг зүрх сэтгэлдээ бүрэн дүүрэн бичихэд туслахын тулд юу хийж болох вэ?

Есүс Христийг санах

Ноа ба түүний санваартнууд Арван зарлигийг зүрх сэтгэлдээ бичээгүйгээс гадна Мосегийн хуулийн зорилгыг ойлгоогүй.

Moзая 13:28–32-ыг уншаад, Мосегийн хуулийн зорилгыг хайж ол.

  • Абинадай Мосегийн хуулийн талаар Ноагийн санваартнуудад юу ойлгуулахыг хүссэн бэ?

Тэргүүн зөвлөлийн ерөнхийлөгч Даллин Х.Өүкс Есүс Христ хэрэгтэйн талаар ийн заасан.

Ерөнхийлөгч Даллин Х.Өүкс

Эрэгтэй, эмэгтэйчүүд … агуу зүйлсийг авчирч чадна. Гэвч бид бүхий л дуулгавартай байдал, сайн үйлсийн дараа ч Есүс Христийн Цагаатгалын амласан ач ивээлгүйгээр үхлээс мөн өөрсдийн нүглээс аврагдаж чадахгүй. Мормоны Номд үүнийг тодорхой тайлбарласан. Энд “аврал зөвхөн хуулиар ирэх нь үгүй” хэмээн заадаг (Moзая 13:28). Өөрөөр хэлбэл, зөвхөн зарлигуудыг сахиснаар аврал ирдэггүй юм. “Хуулийн дагуу зөвтгөгдөх маханбодь гэж үгүй” (2 Нифай 2:5) … Хүн өөрийнхөө авралыг олж чадахгүй. (Dallin H. Oaks, “Another Testament of Jesus Christ,” Ensign, Mar. 1994, 67)

  • Зарлигууд бидэнд Есүс Христийг санахад хэрхэн тусалж чадах вэ?

  • Бид Есүс Христийг санаснаар зарлигуудыг хэрхэн зүрх сэтгэлдээ бичиж чадах вэ?

Та дагахад хэцүү эсвэл зүрх сэтгэлдээ бичээгүй гэж боддог зарлигийн талаар бод. Та зарлигуудыг эргэцүүлэн бодож байх явцдаа Өсвөр үеийнхний бат бөх байдлын төлөө (товхимол, 2022)-г үзэж болно. Ариун Сүнснээс сүнслэг нөлөө хайж, судлах тэмдэглэл дээрээ дараах асуултад хариул.

Суралцагчдыг дараах асуултыг тунгаан бодож, хариулж байх явцад зөөлөн ая тоглуул. Та суралцагчдад асуултад хариулж чадах зүрхний хэсгийг өгч болно. Дараа нь зорилгыг нь сануулах нэг газарт байрлуулахад урь. Эсвэл тэмдэглэл дээрээ зүрх зурж, дээр нь бичиж, утсаараа зургийг нь авч, долоо хоногийн турш утасныхаа дэлгэц дээр тавьж болно.

  • Есүс Христийг илүү сайн дагаж, энэ зарлигийг зүрх сэтгэлдээ бүрэн бичихийн тулд та юу хийж чадах вэ?