Վարդապետության սերտման կրկնություն 9

Ինչպես հասկանալ և բացատրել ճշմարտությունները

Վարդապետության սերտման հատվածները պարունակում են կարևոր ճշմարտություններ Հիսուս Քրիստոսի և Նրա ավետարանի մասին: Այս դասը կօգնի ձեզ հասկանալ վարդապետության սերտման հատվածներում ուսուցանվող վարդապետությունը և բացատրել այն ուրիշներին:

Օգնեք ուսանողներին զարգացնել ավետարանի համոզմունքները ուրիշների հետ քննարկելու կարողությունը: Վարդապետությունը և սկզբունքները բացատրելը, գաղափարներով և համապատասխան փորձառություններով կիսվելը և աստվածային ճշմարտության մասին վկայելը կարող է հստակեցնել ուսանողների հասկացողությունը ավետարանի վարդապետության և սկզբունքների վերաբերյալ և բարելավել ուսանողների՝ ավետարանն ուրիշներին ուսուցանելու կարողությունը: Ուսանողներին հաճախ հնարավորություն տվեք բացատրելու իրենց սովորածը:

Ուսանողի նախապատրաստում. ուսանողներին առաջարկեք պատրաստվել պատմելու որևէ ժամանակի մասին, երբ իրենց կյանքն օրհնվել է մեկի միջոցով, ով նրանց բացատրել է սուրբ գրությունները, կամ, երբ նրանք կարողացել են օրհնել մեկ ուրիշի կյանքը՝ օգտագործելով կամ բացատրելով սուրբ գրությունները:

Հնարավոր ուսումնական վարժություններ

Վարդապետության սերտման սուրբ գրությունների հատվածներին վերաբերող դասը կարող է ուսուցանվել այս կրկնության դասի փոխարեն: Ուսումնասիրեք շրջանի կամ տարածաշրջանի տնօրենի կամ համակարգողի կողմից տրամադրված ժամանակացույցը, որպեսզի հավաստիանաք, որ սուրբ գրությունների վարդապետության սերտման յուրաքանչյուր հատվածի դասն անցկացվելու է այն ժամանակ, երբ ընթանում են սեմինարիայի դասերը:

Բացատրեք սուրբ գրությունների ճշմարտությունները

Ուսանողներին ցուցադրեք հետևյալ հարցը և առաջարկեք նրանց գրատախտակին գրել իրենց պատասխանները:

• Սուրբ գրությունները հասկանալու և բացատրելու ձեր ունակությունը ի՞նչ հանգամանքներում կարող է փոխել կամ փոխել է ինչ-որ մեկի կյանքը:

Յոթանասունից երեց Առնուլֆո Վալենզուելան կիսվել է մի փորձառությամբ, երբ նա կարողացել է օրհնել ուրիշներին՝ հստակ ուսուցանելով սուրբ գրությունները: Դիտեք «Խորությամբ դարձի գանք դեպի Հիսուս Քրիստոսը» տեսանյութի 6:34-7:31 հատվածը, որը հասանելի է այստեղ՝ ChurchofJesusChrist.org,կամ կարդացեք ստորև ներկայացվող խոսքերը:

Deepening Our Conversion to Jesus Christ

Elder Valenzuela teaches that we can deepen our conversion as we study the scriptures and learn more about Jesus Christ.

Երիտասարդ տարիքում միսիա ծառայելիս ես նկատեցի, որ երբ սուրբ գրությունների միջոցով ուսուցանում էինք, շատերի կյանքն էր փոխվում: Ես իմացա դրանց մեջ եղած զորության և այն մասին, թե դրանք ինչպես կարող են փոխել մեր կյանքը: Ամեն մեկը, ում մենք ուսուցանում էինք վերականգնված ավետարանը, եզակի անհատ էր՝ տարբեր կարիքներով: Սուրբ գրությունները՝ սուրբ մարգարեների կողմից գրված մարգարեությունները, այդ մարդկանց բերեցին դեպի Տիրոջ հավատը, հանգեցրին ապաշխարության և փոխեցին նրանց սրտերը:

Սուրբ գրությունները ուրախությամբ լցրեցին այդ մարդկանց սրտերը, երբ նրանք ստացան ոգեշնչում, ուղղորդում, մխիթարություն, ուժ և իրենց կարիքների պատասխանները: Նրանցից շատերը որոշեցին փոփոխություններ կատարել իրենց կյանքում և սկսեցին պահել Աստծո պատվիրանները: (Առնուլֆո Վալենզուելա, «Խորությամբ դարձի գանք դեպի Հիսուս Քրիստոսը», Լիահոնա, նոյեմբեր 2021թ., 60)

• Ըստ ձեզ՝ սուրբ գրություններն ինչո՞ւ այդքան մեծ ազդեցություն ունեցան այն մարդկանց վրա, ում ուսուցանում էր երեց Վալենզուելան:

  Հետևյալ հարցերի շուրջ մտածելու համար ուսանողները, գուցե, որոշ ժամանակի կարիք ունենան: Գուցե օգտակար լինի հնչեցնել հարցերը, և մինչ դուք կկիսվեք ձեր պատասխանով, թող ուսանողները մտածեն իրենց պատասխանների շուրջ:

• Ե՞րբ է օրհնվել ձեր կյանքը, երբ ինչ-որ մեկը ձեզ բացատրել է սուրբ գրությունները:

• Ե՞րբ եք դուք կարողացել օրհնել ուրիշներին՝ բացատրելով նրանց սուրբ գրությունները:

Խորհեք, թե ինչպես կարող եքզարգացնել սուրբ գրությունները հասկանալու և բացատրելու ձեր կարողությունները: Մտածեք, թե դա ինչպե՞ս կարող է օգնել ձեզ ավելի նմանվել Փրկչին, ով հաճախ էր օգտագործում սուրբ գրությունները ուրիշներին ուսուցանելու համար (տես Ղուկաս 24.27, Հովհաննես 10.34–36):

Մորմոնի Գրքի վարդապետության սերտումը

Մորմոնի Գրքի վարդապետության սերտման առաջին 12 հատվածները թվարկված են ստորև: Կարող եք նշել այդ հատվածները և դրանց հիմնական արտահայտությունը, եթե մինչև հիմա չեք նշել:

Ցուցադրեք հետևյալ աղյուսակը, որպեսզի ուսանողները կարողանան անդրադառնալ դրան դասի ընթացքում:

Վարդապետության սերտման առաջին 12 հատվածները և հիմնական արտահայտությունները

Մորմոնի Գիրք. Ուսուցչի ձեռնարկ (2024)

Սուրբ գրությունների հղումներ	Սուրբ գրության հիմնական արտահայտությունը
Սուրբ գրությունների հղումներ 1 Նեփի 3.7	Սուրբ գրության հիմնական արտահայտությունը «Ես կգնամ ու կանեմ այն բաները, որոնք Տերը պատվիրել է»:
Սուրբ գրությունների հղումներ 2 Նեփի 2.25	Սուրբ գրության հիմնական արտահայտությունը «Ադամն ընկավ, որպեսզի մարդիկ լինեն. և մարդիկ կան, որպեսզի ունենան ուրախություն»:
Սուրբ գրությունների հղումներ 2 Նեփի 2.27	Սուրբ գրության հիմնական արտահայտությունը «Նրանք ազատ են ընտրելու ազատություն և հավերժական կյանք … կամ … գերություն և մահ»:
Սուրբ գրությունների հղումներ 2 Նեփի 26.33	Սուրբ գրության հիմնական արտահայտությունը «Բոլորը նույն են Աստծո համար»։
Սուրբ գրությունների հղումներ 2 Նեփի 28.30	Սուրբ գրության հիմնական արտահայտությունը Աստված «կտա մարդկանց զավակներին՝ տող առ տող, ցուցում առ ցուցում»:
Սուրբ գրությունների հղումներ 2 Նեփի 32.3	Սուրբ գրության հիմնական արտահայտությունը «Սնվեք Քրիստոսի խոսքերով. Քանզի ահա, Քրիստոսի խոսքերը կասեն ձեզ բոլոր բաները, որ դուք պետք է անեք»:
Սուրբ գրությունների հղումներ 2 Նեփի 32.8–9	Սուրբ գրության հիմնական արտահայտությունը «Դուք պետք է միշտ աղոթեք»:
Սուրբ գրությունների հղումներ Մոսիա 2.17	Սուրբ գրության հիմնական արտահայտությունը «Երբ դուք ձեր մերձավորների ծառայության մեջ եք, դուք սոսկ ձեր Աստծո ծառայության մեջ եք»:
Սուրբ գրությունների հղումներ Մոսիա 2.41	Սուրբ գրության հիմնական արտահայտությունը «Նրանք, ովքեր պահում են Աստծո պատվիրանները … օրհնված են բոլոր բաներում»։
Սուրբ գրությունների հղումներ Մոսիա 3.19	Սուրբ գրության հիմնական արտահայտությունը «[Հանեք] բնական մարդուն և [դարձեք] սուրբ, Տեր Քրիստոսի Քավությամբ»։
Սուրբ գրությունների հղումներ Մոսիա 4.9	Սուրբ գրության հիմնական արտահայտությունը «Հավատացեք Աստծուն, … հավատացեք, որ Նա ունի բոլոր իմաստությունը»։
Սուրբ գրությունների հղումներ Մոսիա 18.8–10	Սուրբ գրության հիմնական արտահայտությունը «Մկրտվեք Տիրոջ անունով՝ … որպես մի վկայություն … որ դուք մտել եք նրա հետ ուխտի մեջ»։

© 2023 by Intellectual Reserve, Inc. All rights reserved.

Մտածեք, թե հետևյալ քայլերն ինչպես կարող են օգնել ձեզ ավելի լավ հասկանալ ու բացատրել սուրբ գրությունների ճշմարտությունները:

Ուսանողներին ցուցադրեք կամ այլ կերպ տրամադրեք ստորև նկարագրված երեք քայլերը:

• Քայլ 1. Հասկացեք սուրբ գրության բովանդակությունը և որոշեք, թե ինչպես եք բացատրելու այն սեփական բառերով: Բովանդակությունը կարող է ներառել այն, թե որտեղ են իրադարձությունները տեղի ունենում, ով ում հետ է խոսում և ինչու: Գլխի վերնագրի և մի քանի հարակից հատվածների ընթերցումը կարող է օգնել դա անելիս:

• Քայլ 2. Հասկացեք սուրբ գրությունների ճշմարտություններն այն չափով, որ կարողանաք բացատրել դրանք: Ձեզ կօգնեն հարցերը, որոնք կարող եք տալ ինքներդ ձեզ, օրինակ՝ Հեղինակն ի՞նչ հիմնական ուղերձներ է փորձում փոխանցել: Հատվածն ի՞նչ է ուսուցանում Երկնային Հոր և Հիսուս Քրիստոսի մասին: Ինչպե՞ս կարող եմ ճշմարտությունները շարադրել պարզ եղանակով: Ի՞նչ իրավիճակներում կարող է մարդն օգուտ ստանալ այդ ուղերձը հասկանալուց:

• Քայլ 3. Մտածեք, թե ձեր բացահայտած ճշմարտություններն ինչպես կարող են օգնել այն մարդուն, որին բացատրում եք դրանք: Մտածեք նրա կյանքի հանգամանքների և նրա խնդիրների մասին: Կապեր ստեղծեք ճշմարտությունների և այդ հանգամանքների ու խնդիրների միջև:

Կիրառեք

Վերևի աղյուսակից ընտրեք վարդապետության սերտման մեկ կամ երկու հատված, որոնք ցանկանում եք ավելի խորությամբ հասկանալ, կամ որոնք, կարծում եք, օրհնություն կլինեն ձեզ կամ ձեզ ծանոթ մեկի համար: Օգտագործեք հենց նոր սովորած քայլերը, որպեսզի շարադրեք, թե ինչպես եք բացատրելու դրանք մեկ ուրիշին:

Ուսումնասիրելու և պատրաստվելու համար բավարար ժամանակ հատկացնելուց հետո կարող եք ուսանողներին առաջարկել դերախաղով միմյանց բացատրել սուրբ գրությունների ճշմարտությունները:

Երբ ավարտեք, պատասխանեք հետևյալ հարցերին.

• Այս քայլերի օգտագործումն ինչպե՞ս օգնեց ձեզ ավելի խորությամբ հասկանալ սուրբ գրությունները։ Այդ քայլերն ինչպե՞ս օգնեցին ձեզ պատրաստվել և հատվածը բացատրել ուրիշներին:

• Ձեր հասկացած և բացատրած ճշմարտությունները ինչպե՞ս կարող են օգնել ձեզ ձեր անձնական հանգամանքներում:

• Սուրբ գրություններն ավելի հետևողականորեն հասկանալու և բացատրելու այդ քայլերի օգտագործումը ինչպե՞ս կարող է օգնել ձեզ ավելի նմանվել Փրկչին: