Alma 19

“Krahu i Tij Shtrihet tek të Gjithë Njerëzit që Pendohen dhe Besojnë”

Ndërsa mendon për ta shpërndarë ungjillin tek të tjerët, a e ndien ndonjëherë se ka disa njerëz që nuk ka gjasa t’i pranojnë ndonjëherë mësimet e Shpëtimtarit? Si mendon se i sheh Ati Qiellor këta njerëz? Nga përvojat misionare të Amonit me lamanitët, ne shohim se Zoti po i përgatit zemrat e njerëzve nga të gjitha shtresat shoqërore për ta pranuar ungjillin e Tij. Ky mësim mund të të ndihmojë të kuptosh se Zoti i do të gjithë njerëzit dhe dëshiron që ata të vijnë tek Ai.

Respektimi i bindjeve dhe mendimeve të të tjerëve. Kërkoni të nxitni një mjedis ku njerëzit i respektojnë bindjet dhe mendimet e të tjerëve. Nxitini nxënësit të dëgjojnë dhe të mundohen të kuptojnë se përse të tjerët mund të besojnë ndryshe nga ata. Ndihmojini nxënësit të mësojnë t’i pranojnë bindjet e të tjerëve dhe të ushtrojnë përhapjen e bindjeve të tyre me mirësi dhe konsideratë. Kjo praktikë mund t’i përgatitë ata ta shpërndajnë ungjillin tek të tjerët me respekt.

Përgatitja e nxënësve: Ftojini nxënësit të studiojnë kapitullin tek Alma 19 dhe të kërkojnë ndikimin që ungjilli i Shpëtimtarit pati te lamanitët të cilëve Amoni u dha mësim.

Veprimtari të Mundshme të të Mësuarit

Anketo veten

Paraqiteni anketën vijuese dhe jepuni nxënësve kohë të përgjigjen me kujdes dhe me vërtetësi. Ftojini nxënësit t’i tregojnë përgjigjet e tyre nëse ato nuk janë tepër vetjake.

Vlerësoje veten në një shkallë nga 1–5 se sa gjasa mendon se ke për t’i ftuar njerëzit në vijim të mësojnë më shumë rreth ungjillit të Jezu Krishtit.

1. Dikush që ti e njeh, i cili ka shprehur interes për Kishën

2. Një shok, shoqe ose pjesëtar i familjes që në përgjithësi i zbaton tashmë standardet e ungjillit, por nuk është ende një anëtar/e

3. Një shok, shoqe ose pjesëtar i familjes që nuk i zbaton standardet e ungjillit

4. Dikush që ti e njeh, i cili i ka refuzuar ftesat e mëparshme nga të tjerët për të mësuar më shumë rreth ungjillit

Përsiat për arsyet përse u përgjigje në atë mënyrë.

• Si mund të ndikojnë mendimet tona vetjake për të tjerët në përpjekjet tona për ta shpërndarë ungjillin?

Kur bijtë e Mosias e filluan misionin e tyre te lamanitët, shumë njerëz i përqeshën dhe dyshuan se ata do të kishin ndonjëherë sukses mes një populli kaq të lig (shih tek Alma 26:23–25). Megjithatë, Amoni dhe vëllezërit e tij përjetuan sukses. Mund të të kujtohet se pasi Amoni ia dha mësim ungjillin mbretit Lamoni, mbreti i besoi fjalët e Amonit, u lut për mëshirë dhe ra në tokë pasi u pushtua nga Shpirti (shih tek Alma 18:40–43).

Sot ti do të mësosh rreth ngjarjeve që ndodhën në shtëpinë e Lamonit pasi Amoni i dha mësim mbretit. Ndërsa studion, kërko të vërtetat që mund të të ndihmojnë ta kuptosh më mirë mënyrën se si Ati Qiellor i sheh fëmijët e Tij, duke përfshirë ata që mund të duket se nuk kanë gjasa ta pranojnë ungjillin.

Amoni vazhdoi t’i jepte mësim familjes së Lamonit

Qëllimi i kësaj pjese të mësimit është t’i ndihmojë nxënësit t’i studiojnë ngjarjet e shënuara tek Alma 19 dhe ta përcaktojnë parimin e dhënë mësim te vargu 36. Mund të merrni parasysh të përdorni metoda të ndryshme nga ato të renditura në këtë pjesë për t’i ndihmuar nxënësit ta studiojnë këtë kapitull përpara se ta përcaktojnë parimin.

Për shembull, ju mund ta shfaqni këtë kapitull si një teatër me lexues në të cilin ju përzgjidhni gjashtë nxënës dhe i caktoni secilit një pjesë. Një nxënës mund të shërbejë si tregimtari (i cili mund të lexojë vargjet 1, 6–7, 11–12, 15, 33–36) dhe pesë të tjerët mund të lexojnë fjalët e mbretëreshës ose fjalët për të (vargjet 2, 4–5, 9, 29–30), Amonin (vargjet 3, 6–8, 10, 14, 22–23), mbretin Lamoni (vargjet 12–13, 31), Abishin (vargjet 16–17, 28) dhe lamanitët e tjerë (vargjet 18–21, 24–27, 32). Mund të ndihmojë caktimi i këtyre detyrave përpara fillimit të orës mësimore në mënyrë që nxënësit të mund t’i përcaktojnë vargjet që do të lexojnë.

Një qasje tjetër mund të jetë të shfaqni materialin filmik “Amoni i Shërben dhe i Jep Mësim Mbretit Lamoni” nga kodi kohor 15:18 deri në 23:04. Ky material filmik, në dispozicion në ChurchofJesusChrist.org, përshkruan ngjarjet e shënuara tek Alma 19:1–36. Nxënësit mund të ndjekin në shkrimet e tyre të shenjta ndërkohë që e shohin materialin filmik.

Kur mbretëresha e lamanitëve mësoi për vdekjen e bashkëshortit të saj, ajo dërgoi ta thërritnin Amonin që të fliste me të (shih tek Alma 19:1–3).

Lexo tek Alma 19:4–17, duke kërkuar atë që mbretëresha dhe të tjerët përjetuan pasi folën me Amonin. Nëse dëshiron, mund edhe të shohësh “Amoni i Shërben dhe i Jep Mësim Mbretit Lamoni” nga kodi kohor 15:18 deri në 20:06. Ky material filmik është në dispozicion në ChurchofJesusChrist.org.

Ammon Serves and Teaches King Lamoni | Alma 17–19

Ammon and the sons of Mosiah go to teach the Lamanites the word of God. Ammon becomes King Lamoni’s servant and teaches him the gospel of Jesus Christ.

• Çfarë mëson rreth mbretëreshës nga këto vargje?

• Çfarë kishte mësuar Lamoni rreth Jezu Krishtit gjatë tri ditëve të mëparshme?

• Përse mendon se kjo njohuri i solli Lamonit gëzim të tillë?

Pasi i mblodhi të tjerët në shtëpinë e mbretit, shërbëtorja e mbretëreshës, Abishi, u habit dhe u trishtua kur njerëzit filluan të grindeshin mes tyre se përse mbreti dhe të tjerët ishin të shtrirë në tokë sikur të ishin të vdekur (shih tek Alma 19:18–28).

Lexo tek Alma 19:29–36, duke kërkuar atë që Abishi bëri në këtë çast grindjeje dhe çfarë ndodhi mes lamanitëve më pas. Nëse dëshiron, mund edhe të shohësh “Amoni i Shërben dhe i Jep Mësim Mbretit Lamoni” nga kodi kohor 20:07 deri në 23:04. Ky material filmik është në dispozicion në ChurchofJesusChrist.org.

Ammon Serves and Teaches King Lamoni | Alma 17–19

Ammon and the sons of Mosiah go to teach the Lamanites the word of God. Ammon becomes King Lamoni’s servant and teaches him the gospel of Jesus Christ.

• Çfarë ndikimi pati ungjilli i Jezu Krishtit te lamanitët e shumtë që zgjodhën të besonin?

• Çfarë të vërtete për Zotin dha mësim Mormoni te vargu 36 pasi e tregoi këtë rrëfim?

Dëshira e Zotit që të gjithë të vijnë tek Ai

Nga fjalët e Mormonit te vargu 36, ne mësojmë se krahu i Zotit shtrihet për të gjithë njerëzit që do të pendohen dhe besojnë në emrin e Tij. Merre parasysh ta shenjosh këtë të vërtetë në shkrimet e tua të shenjta.

Në këtë kontekst, krahu i Zotit që shtrihet përfshin mëshirën dhe gatishmërinë e Tij për të falur.

• Çfarë përvojash të kanë ndihmuar ta shohësh vërtetësinë e këtij parimi në jetën tënde ose në jetën e të tjerëve?

Ftojini nxënësit të tregojnë përvoja që nuk janë tepër vetjake. Ju mund të doni gjithashtu të tregoni një përvojë.

Mund të jetë gjithashtu e dobishme të kaloni kohë duke gjetur shembuj nga jeta e Shpëtimtarit në të cilat Ai demonstroi gatishmërinë e Tij për t’i zgjatur dorën njerëzve nga të gjitha shtresat shoqërore, për t’i ndihmuar ata të vijnë tek Ai. Ndër shumë të tjera, disa shembuj të fragmenteve të shkrimit të shenjtë ku mund t’i referoni nxënësit përfshijnë vargjet te Mateu 9:10–13; Marku 5:25–34; Lluka 5:18–25 dhe Gjoni 8:2–11. Ju mund t’i vini gjithashtu nxënësit të studiojnë vargun te 2 Nefi 26:33 dhe ta lidhin këtë varg me vargun tek Alma 19:36 në shkrimet e tyre të shenjta.

Ndonjëherë ne mund të vendosim në mënyrë të gabuar se dikush nuk do të ishte i/e interesuar për ungjillin për shkak të mënyrës se si ai person duket ose asaj që ai ose ajo ka bërë në të kaluarën. Gjej një çast për të përfytyruar dikë në këtë situatë. Ky mund të jetë një person i veçantë që ti e njeh, ose thjesht mund të mendosh për njerëz që në përgjithësi i përshtaten këtij përshkrimi.

Mund t’u kërkoni nxënësve të vizatojnë një figurë personi në ditarët e tyre të studimit, e cila përfaqëson personin e përshkruar në paragrafin e mëparshëm. Ata mund t’i mbajnë shënim përgjigjet e tyre për pyetjet vijuese poshtë figurës së njeriut që vizatuan. Më pas, diskutojeni atë që nxënësit shkruan.

• Si ndihet Perëndia për këtë person?

• Si mund të ndikojë kuptueshmëria për mënyrën se si ndihet Perëndia për këtë person në ndjenjat e tua ndaj tij?

Dëshmoni për të vërtetat që keni diskutuar sot dhe nxitini nxënësit të përpiqen t’i shohin të tjerët më shumë siç i sheh Perëndia.

Komente dhe Informacion për Rrethanat

A mund të kthehem në besim te Zoti nëpërmjet një përvoje të fuqishme?

Lamanitët të cilëve Amoni u dha mësim, e përjetuan kthimin në besim te Zoti në një mënyrë aq dramatike saqë u pushtuan nga Shpirti dhe ranë në tokë. Kjo nuk është mënyra tipike se si shumica e fëmijëve të Atit Qiellor e përjetojnë kthimin në besim.

Plaku Dejvid A. Bednar, i Kuorumit të Dymbëdhjetë Apostujve, dha mësim:

Converted unto the Lord

Knowing that the gospel is true is the essence of a testimony. Consistently being true to the gospel is the essence of conversion.

“Për shumë prej nesh, kthimi në besim është një proces i vazhdueshëm dhe jo një ngjarje që ndodh vetëm një herë e që vjen si pasojë e një përvoje të fuqishme ose dramatike. Rresht pas rreshti dhe parim pas parimi, gradualisht dhe pothuajse pa u kuptuar, shtysat tona, mendimet tona, fjalët tona dhe veprat tona pajtohen me vullnetin e Perëndisë. Kthimi në besim te Zoti kërkon si këmbëngulje ashtu edhe durim.” (Dejvid A. Bednar, “Të Kthyer në Besim te Zoti”, Liahona, nëntor 2012, f. 108)

Si ndihet Jezu Krishti për ata që nuk pranohen nga të tjerët?

Motra Sheron Iubank, ish-Këshilltare e Parë në Presidencën e Përgjithshme të Shoqatës së Ndihmës, dha mësim:

Krishti: Drita që Shkëlqen në Errësirë

Motra Iubank na mëson se nëse e bëjmë Krishtin qendrën e jetës sonë, Ai do të na mbështetë në sprovat tona dhe do të jetë drita jonë në errësirë.

“Dhiata e Re tregon përpjekjet e mëdha që bëri Jezusi për t’i ndihmuar të gjithë llojet e njerëzve: lebrozët, tagrambledhësit, fëmijët, galileasit, prostitutat, gratë, farisenjtë, mëkatarët, samaritanët, të vejat, ushtarët romakë, shkelësit e kurorës, njerëzit e papastër sipas ligjit. Thuajse në çdo tregim, Ai ndihmonte dikë që nuk pranohej në shoqëri sipas traditës.” (Sheron Iubank, “Krishti: Drita që Shkëlqen në Errësirë”, Liahona, maj 2019, f. 74)

Si ndikon tek unë përpjekja për t’i parë të tjerët ashtu siç i sheh Perëndia?

Plaku Dejll G. Renland, i Kuorumit të Dymbëdhjetë Apostujve, dha mësim:

Through God’s Eyes

Dale G. Renlund teaches that to truly serve others, we need to see them as Heavenly Father sees them.

“Që t’u shërbejmë të tjerëve me efektshmëri, ne duhet t’i shohim ata nëpërmjet syve të një prindi, nëpërmjet syve të Atit Qiellor. Vetëm atëherë ne mund të fillojmë ta kuptojmë vlerën e vërtetë të një shpirti. Vetëm atëherë ne mund ta ndiejmë dashurinë që Ati Qiellor ka për të gjithë fëmijët e Tij. Vetëm atëherë ne mund ta ndiejmë shqetësimin përkujdesës të Shpëtimtarit për ta.” (Dejll G. Renland, “Nëpërmjet Syve të Perëndisë”, Liahona, nëntor 2015, f. 94)

Veprimtari Plotësuese të të Mësuarit

Përpjekjet e kaluara të nefitëve për ta shpërndarë ungjillin te lamanitët

Nga fillimi i mësimit, nxënësit do të mësojnë se shumë nga nefitët e përqeshën Amonin dhe vëllezërit e tij për përpjekjen e tyre për t’u predikuar lamanitëve (shih tek Alma 26:23–25). Mund të jetë e dobishme të vini në dukje se disa nga këto ndjenja mund të jenë ndikuar nga përpjekjet e kaluara të nefitëve për t’u predikuar lamanitëve. Ju mund të studioni vargjet te Jakobi [LiM] 7:24 dhe Enosi 1:20 për të lexuar rreth këtyre përpjekjeve të kaluara.

Alma 19:36. Krahu i Perëndisë shtrihet tek të gjithë

Jesus is Real: Calyann's Experience with the Book of Mormon

Friends, fun, success—Calyann had it all! That was until she realized she lived in a prison of her own making. While learning of Jesus Christ, Calyann felt His love, which is available to all who seek Him.

Përgjigje të ngjashme në mes të shumë vetëve që u kthyen në besim te Zoti në Librin e Mormonit

Shumë nga njerëzit në Librin e Mormonit që e përjetuan kthimin në besim në mënyra dramatike, thanë gjëra të ngjashme pas përvojës së tyre të kthimit në besim. Ata shpesh e lavdëruan Perëndinë, folën për dëshirat e tyre të ndryshuara dhe i nxitën të tjerët ta ndiqnin Shpëtimtarin. Nxënësit mund të jenë të interesuar të shohin shembuj të këtij modeli. Merreni parasysh të tregoni vargjet vijuese dhe t’i ftoni nxënësit të kërkojnë ngjashmëritë te përgjigjet e njerëzve që flasin: Mosia 5:2–3; 27:23–26; Alma 19:12–14, 29, 33.