Alma 20–22

“Çfarë Duhet të Bëj që të Mund të Kem … Jetë të Përjetshme?”

adoleshente duke buzëqeshur

Çfarë mund të të ndihmojë të dëshirosh ta ndjekësh Perëndinë më shumë se çdo gjë tjetër? Babai i mbretit Lamoni kishte qenë dikur një njeri i lig, por pasi mësoi të vërteta thelbësore rreth Shpëtimtarit tonë dhe planit të Atit Qiellor për shpëtimin, dëshirat e tij filluan të ndryshonin në mënyrë të konsiderueshme. Ky mësim mund të të ndihmojë t’i dëshirosh gjërat e Perëndisë më shumë se çdo gjë tjetër që bota ka për të të ofruar.

Dëshmimi për Jezu Krishtin. Kërkoni mundësi për të dëshmuar për fuqinë, mëshirën dhe ndikimin e Zotit në jetën tonë. Nxitini nxënësit të bëjnë pyetjen: “Çfarë më mëson ky fragment i shkrimit të shenjtë rreth Jezu Krishtit që do të më ndihmonte t’i kuptoja dhe të mbështetesha te mësimet dhe Shlyerja e Tij?”

Përgatitja e nxënësve: Ftojini nxënësit të lexojnë kapitujt tek Alma 20 dhe 22, duke kërkuar se si ati i mbretit Lamoni ndryshoi në këto kapituj. Vërini ata të mendojnë për arsyet e mundshme për atë ndryshim.

Veprimtari të Mundshme të të Mësuarit

A je i gatshëm?

A e ke vënë re ndonjëherë se rrethana të caktuara mund të ndikojnë në gatishmërinë tënde për të bërë diçka – ose për të mos bërë diçka?

Për shembull, mendo për situata ku ti do të ishe i gatshëm të bëjë sa vijon. Më pas, mendo për rrethana që do të të bënin më pak të gatshëm për t’i bërë ato.

Merreni parasysh t’i ndani nxënësit në grupe të vogla dhe t’i caktoni çdo grupi të diskutojë për një nga veprimet në vijim. Më pas, anëtarët e çdo grupi mund t’ia tregojnë përgjigjet e tyre klasës.

• Pastroje dhomën tënde të gjumit.

• Lexo një libër.

• Bëj një ecje të gjatë.

Ftojini nxënësit të bëjnë një farë vlerësimi të vetes duke u dhënë udhëzimet vijuese. Mos u kërkoni nxënësve t’i tregojnë përgjigjet e tyre për pyetjet.

Gjëra të caktuara mund të na shtyjnë ta ndjekim Perëndinë.

Gjej një çast për të menduar rreth dëshirave të tua për ta ndjekur Perëndinë. Nëse ndien dëshirën për ta ndjekur Atë, çfarë të ka ndihmuar që ta ndiesh atë dëshirë? Nëse nuk ke aktualisht dëshirë për ta ndjekur Atë, çfarë mendon se kontribuon në ato ndjenja?

Sot ti do të mësosh rreth një njeriu, dëshira e të cilit për ta ndjekur Perëndinë u rrit në mënyrë të konsiderueshme brenda një periudhe të shkurtër. Ndërsa studion, kushtoji vëmendje asaj që e solli këtë ndryshim. Kërko mësime që mund të të ndihmojnë të kesh një dëshirë më të madhe për ta ndjekur Perëndinë dhe për të marrë bekimet që vetëm Ai mund të t’i ofrojë.

Amoni dhe Lamoni takojnë atin e Lamonit

Përmblidheni informacionin vijues për t’i ndihmuar nxënësit të përgatiten për t’i studiuar ngjarjet e kapitullit tek Alma 20. Kini kujdes të mos shpenzoni shumë kohë me këtë pjesë të mësimit. Nxënësit duhet të kenë kohë të mjaftueshme për ta studiuar rrëfimin e Aaronit duke i dhënë mësim atit të Lamonit tek Alma 22.

Ndërkohë që Amoni po i shërbente dhe po i jepte mësim popullit të mbretit Lamoni në tokën e Ishmaelit, Zoti i zbuloi Amonit se Aaroni dhe të tjerë nga grupi i tyre ishin burgosur në tokën e Midonit. Amoni dhe mbreti bënë plane për të udhëtuar deri atje për të çliruar Aaronin dhe të tjerët. Rrugës për atje, ata takuan atin e Lamonit, i cili ishte mbret mbi të gjithë vendin (shih tek Alma 20:1–8).

Mund të jetë e dobishme t’i ftoni dy ose tre nxënës të gatshëm t’i lexojnë vargjet vijuese ndërsa pjesa tjetër e anëtarëve të klasës i ndjekin në shkrimet e tyre të shenjta.

Lexo tek Alma 20:13–28, duke kërkuar ndërveprimin që ndodhi ndërmjet Amonit, Lamonit dhe atit të Lamonit.

• Në ç’mënyrë e vure re që dëshirat e atit të Lamonit të ndryshonin gjatë gjithë ndërveprimit të tij me Amonin dhe Lamonin?

• Cilat ishin disa nga gjërat që kontribuan në atë ndryshim?

Merre parasysh ta shenjosh në vargun 23 se nga çfarë ishte i gatshëm ati i Lamonit të hiqte dorë nëse Amoni do t’ia kursente jetën. Mund ta krahasosh reagimin e tij në këtë varg me reagimin e tij në vargjet e tjera që do t’i studiosh më vonë në mësim.

Aaroni i jep mësim atit të Lamonit

Pasi Aaroni dhe ata që ishin me të u çliruan nga burgu, Amoni u kthye në vendin e Ishmaelit me mbretin Lamoni. Shpirti e udhëhoqi Aaronin ta vizitonte atin e Lamonit në tokën e Nefit (shih tek Alma 22:1).

Lexo tek Alma 22:2–6, duke kërkuar pyetjet që ati i Lamonit pati ndërsa u takua me Aaronin.

• Çfarë mund të tregosh për Atin Qiellor dhe planin e Tij në përgjigje të pyetjeve të mbretit te vargjet 5–6?

Lexo tek Alma 22:7–14 dhe kërko mënyrën se si Aaroni iu përgjigj pyetjeve të mbretit. Kije parasysh se folja meritonte në vargun 14 do të thotë “të fitosh ose të meritosh”.

• Çfarë mësoi mbreti rreth Perëndisë dhe planit të Tij që me gjasa ndikoi në këndvështrimin e tij për jetën?

• Si mund të ndikojë te ne besimi dhe kuptueshmëria e mësimeve të Aaronit rreth Perëndisë dhe planit të Tij?

Lexo tek Alma 22:15–18, duke kërkuar atë që mbreti dëshiroi dhe ishte i gatshëm të bënte pasi Aaroni i dha mësim.

Para se t’i diskutoni dy pyetjet e radhës, merreni parasysh të ftoni nxënës të shumtë t’i shkruajnë frazat e tyre të parapëlqyera nga këto vargje në tabelë. Mund t’i pyesni nxënësit më pas nëse ndonjë nga frazat përshkruan diçka që ata kanë ndier më parë ose nëse ata kanë ndonjë pyetje. Ftojini nxënësit e gatshëm t’i tregojnë përgjigjet ose përvojat e tyre. Thuajuni nxënësve të mos tregojnë asgjë tepër vetjake ose private.

• Çfarë fjalësh ose frazash të ndihmojnë të kuptosh se dëshirat e mbretit kishin ndryshuar që nga koha kur ai u takua me Amonin dhe Lamonin rrugës për në Midon?

• Nga çfarë tha mbreti te vargjet 15 dhe 18 se do të ishte i gatshëm të hiqte dorë?

• Bazuar në atë që ke mësuar nga studimi yt i kapitujve tek Alma 20 dhe 22, cilët ishin disa nga faktorët që kontribuan në ndryshimin që përjetoi mbreti?

Një e vërtetë që mund të mësojmë nga ky rrëfim është se kur e kuptojmë nevojën tonë për Jezu Krishtin, dëshira jonë për ta ndjekur Atë dhe për t’i marrë bekimet që Ai mund të na ofrojë, rritet.

• Përse mendon se kuptueshmëria për nevojën tonë për Shpëtimtarin mund të ketë një ndikim kaq të madh në dëshirat dhe veprimet tona?

• Çfarë mund të të ndihmojë ose të ka ndihmuar ta kuptosh më mirë nevojën tënde për Jezu Krishtin?

Si mund të ndikojnë dëshirat tona të drejta te ne

Përvoja e mbretit me Aaronin pati një ndikim të thellë mbi mbretin dhe popullin e tij. Mbreti, bashkëshortja e tij, e gjithë familja e tij dhe shumë lamanitë të tjerë u kthyen në besim te Zoti dhe qenë besnikë ndaj Tij për pjesën tjetër të jetës së tyre (shih tek Alma 22:23; 23:6).

Mendo përsëri për atë që mbreti tha se dëshironte te vargjet 15–18. Këto përfshijnë:

• bekimet e jetës së përjetshme (vargjet 15, 18);

• të “lind[te] nga Perëndia, duke shkulur këtë shpirt të keq nga gjoksi [i tij]” (vargu 15);

• të merrte Frymën e Shenjtë (vargu 15);

• të ishte i mbushur me gëzim (vargu 15); dhe

• të njihte Perëndinë (vargu 18).

Renditini dëshirat e mbretit në tabelë nëse kjo nuk është bërë më parë. Në vend që të bëni pyetjen e radhës, merreni parasysh t’i ftoni nxënësit të shkruajnë një përshkrim të shkurtër në ditarët e tyre të studimit se çfarë lloj personi mund të bëhen pas 5 ose 10 vjetësh nëse do t’i dëshironin vazhdimisht këto gjëra gjatë asaj kohe.

Nxënësit mund t’ia tregojnë më pas idetë e tyre klasës.

• Çfarë ndryshimi mendon se do të bënte në jetën tënde po t’i dëshiroje vazhdimisht këto gjëra?

• Nga çfarë mund të duhet të heqim dorë ose ta ndryshojmë për t’i marrë këto bekime?

Përsiat për atë që ke mësuar dhe ndier ndërsa ke studiuar sot. Merre parasysh se çfarë mund të bësh për t’i dëshiruar më plotësisht bekimet që Ati Qiellor dëshiron të të japë. Mendo për atë që mund të të duhet të bësh ose të braktisësh për t’i marrë këto bekime. Mbaji shënim mendimet dhe mbresat e tua shpirtërore në ditarin tënd të studimit.

Jepuni nxënësve kohë të mjaftueshme për t’i mbajtur shënim mendimet dhe mbresat e tyre në ditarët e tyre të studimit. Merreni parasysh t’i ftoni disa nxënës të gatshëm t’ia tregojnë klasës një pjesë të asaj që shkruan që nuk është tepër vetjake.

Komente dhe Informacion për Rrethanat

Si mund ta përjetoj “gëzim[in] [e] madh” (Alma 22:15) të përshkruar nga ati i Lamonit?

Presidenti Rasëll M. Nelson dha mësim:

Presidenti Rasëll M. Nelson

“Nëse i mbajmë sytë nga bota dhe ndjekim formulat e saj për lumturinë, ne kurrë nuk do ta njohim gëzimin. Të padrejtët mund të përjetojnë një numër të madh emocionesh dhe ndjesish, por ata kurrë nuk do të përjetojnë gëzim! Gëzimi është një dhuratë për besnikët. Ai është dhurata që vjen nga të përpjekurit e qëllimshëm për të jetuar një jetë të drejtë, siç na u mësua nga Jezu Krishti.

Ai na mësoi se si të kemi gëzim. Kur e zgjedhim Atin Qiellor të jetë Perëndia ynë dhe kur mund ta ndiejmë Shlyerjen e Shpëtimtarit që vepron në jetën tonë, ne do të mbushemi me gëzim.” (Rasëll M. Nelson, “Gëzimi dhe Mbijetesa Shpirtërore”, Ensign ose Liahona, nëntor 2016, f. 84)

Çfarë mund të më ndihmojë ta dalloj nevojën time për Jezu Krishtin?

Presidenti Ezra Taft Benson (1899–1994) dha mësim:

Presidenti Ezra Taft Benson

“Po ashtu si një njeri nuk dëshiron vërtet ushqim derisa të jetë i uritur, po ashtu ai nuk e dëshiron shpëtimin e Krishtit derisa ta dijë se përse ka nevojë për Krishtin.

Asnjë nuk e di mjaftueshëm dhe siç duhet arsyen pse ka nevojë për Krishtin derisa të kuptojë e të pranojë doktrinën e Rënies dhe pasojat e saj mbi të gjithë njerëzimin. Dhe asnjë libër tjetër në botë nuk e shpjegon këtë doktrinë jetësore pothuajse si Libri i Mormonit.” (Ezra Taft Benson, “The Book of Mormon and the Doctrine and Covenants”, Ensign, maj 1987, f. 85)

Si ndryshoi ati i Lamonit nga ndërveprimi i tij i parë me Amonin deri në kohën kur ai mori mësime nga Aaroni?

Teksa shërbente si anëtar i Të Shtatëdhjetëve, Plaku Terens M. Vinson, dha mësim:

Veprimtari Plotësuese të të Mësuarit

Mësim nga shembujt e Amonit dhe Aaronit me shpërndarjen e ungjillit

Mund të jetë e dobishme t’i ftoni nxënësit të përqendrohen në atë që ata mësojnë rreth shpërndarjes së ungjillit tek të tjerët nga mësimet e Amonit tek Alma 18:24–39 për mbretin Lamoni dhe nga mësimet e Aaronit tek Alma 22:1–14 për atin e mbretit Lamoni. Merreni parasysh t’i ftoni nxënësit t’i diskutojnë disa ose të gjitha pyetjet vijuese si pjesë e këtij diskutimi:

Në cilat të vërteta u përqendruan Amoni dhe Aaroni ndërkohë që jepnin mësim? Përse janë ato të vërteta të rëndësishme për t’ua dhënë mësim atyre që po mësojnë rreth ungjillit?

Çfarë mund të mësoni nga mënyra se si edhe Amoni, edhe Aaroni, iu përgjigjën pyetjeve që iu bënë që mund t’ju ndihmojnë ndërsa u jepni mësim të tjerëve rreth ungjillit?

Alma 22:14. “Njeriu … nuk mund të meritonte asgjë për veten e tij”

Për t’i ndihmuar nxënësit ta kuptojnë më mirë mësimin e Aaronit që njeriu nuk mund të meritojë asgjë për veten e tij, merreni parasysh të jepni sa vijon nga Plaku Dejll G. Renland, i Kuorumit të Dymbëdhjetë Apostujve: “Ju nuk fitoni një bekim – ai mendim është i rremë – por ju vërtet duhet të kualifikoheni për të. Shpëtimi ynë vjen vetëm nëpërmjet meritave dhe hirit të Jezu Krishtit” (“Të Mbushur me Bekime”, Ensign ose Liahona, maj 2019, f. 71).

Nxënësit mund të shohin gjithashtu materialin filmik “Të Mbushur me Bekime” nga kodi kohor 0:00 deri në 1:14, në dispozicion në ChurchofJesusChrist.org, për të parë ide të tjera nga Plaku Renland rreth kësaj teme.

Alma 22:18. Braktisja e mëkateve për të njohur Perëndinë

Merreni parasysh ta diskutoni deklaratën plot lutje të mbretit te vargu 18 se ai do t’i braktiste të gjithë mëkatet e tij për ta njohur Perëndinë. Mund t’i ftoni nxënësit të mendojnë rreth mënyrës se si pendimi për mëkatet tona na ndihmon ta njohim Perëndinë më plotësisht. Merreni parasysh t’i ftoni ata të mendojnë për mëkatet që duan t’i “braktis[in]” ose për të cilët duan të pendohen për të marrë bekimet që Perëndia dëshiron t’ua japë atyre. Pyetini nxënësit se çfarë mund t’u duhet të bëjnë për t’i mposhtur ato mëkate.