“Алма 34:1–17: “Есүс Христийн хэмжээлшгүй хийгээд мөнхийн цагаатгал,” Мормоны Номын багшийн гарын авлага (2024)
“Алма 34:1–17,” Мормоны Номын багшийн гарын авлага
Алма 34:1–17
Есүс Христийн хэмжээлшгүй хийгээд мөнхийн цагаатгал
Та Есүс Христ мөн Түүний Цагаатгалгүйгээр амьдралаа төсөөлж байсан уу? Амюлек зорамчуудад Бурханы Хүүгийн хэмжээлшгүй хийгээд мөнхийн золиослолгүйгээр бүх хүн хатуурсан, унасан, төөрсөн гэдгийг заасан. Энэ хичээл Есүс Христ хэмжээлшгүй хийгээд мөнхийн цагаатгагч золиослолоороо дамжуулан таныг хэрхэн адисалж болохыг ойлгоход тань туслах зорилготой.
Өндөр хүлээлт тогтоо. Суралцагчид өөрсдөд нь өндөр хүлээлт тавьсныг мэдэх үед тэд ерөнхийдөө эдгээр жишигт хүрэхийг хичээх болно. Зарим суралцагч үе тэнгийнхэндээ эсвэл электрон төхөөрөмжид анхаарлаа сарниулж байж болох юм. Эдгээр болон бусад саад болсон үйлдэл гарсан тохиолдолд эелдэг зөөлөн, хайраар тасралтгүй засаж, залруулж бай. Ингэх нь ангид бүхэлд нь таны хүлээлтийг ойлгоход тусалж, суралцагчдад утга учиртай туршлага хуримтлуулах боломжийг олгоно.
Суралцагчийн бэлтгэл: Суралцагчдыг Есүс Христийн Цагаатгалыг илүү сайн ойлгоход туслах судруудыг олж, судлахад урь. Сэдэвчилсэн гарын авлага, Судруудын удирдамж нь хэрэгтэй эх сурвалж байж болно.
Боломжит суралцах үйл ажиллагаа
Амьдрал хэр өөр байх байсан бэ?
Дараах гүйцэд бус асуултыг үзүүл. Суралцагчдад хамгийн их найдаж явдаг зарим хүн эсвэл зүйл нь байхгүй байсан бол тэдний амьдрал хэр өөр байж болох жишээг хуваалцахад урь. Суралцагчдад жишээ бодоход нь туслахын тулд өөрт үнэ цэнтэй зарим зүйлийг эсвэл зургийг нь авчир.
… байгаагүй бол амьдрал хэр өөр байх вэ?
Та найдаж явдаг хүн эсвэл зүйлтэйгээ уялдуулан энэ асуултад хариулж болох хэд хэдэн арга замыг бод. Жишээлбэл: Та зарим хүн, байнга ашигладаг зарим төхөөрөмж, хэрэгсэл эсвэл таны дуртай үйл ажиллагаа байгаагүй бол амьдрал тань хэр өөр байх талаар бодож болно.
Суралцагчдыг зарим хариултаа хуваалцсаны дараа дараах зургийг үзүүлж, өмнөх өгүүлбэрийг өөрчилж хэл: Есүс Христ, мөн Түүний Цагаатгал байгаагүй бол амьдрал хэр өөр байх байсан бэ?
Суралцагчдыг энэ асуултад хэрхэн хариулахаа, Есүс Христ мөн Түүний Цагаатгал байгаагүй бол амьдрал нь ямар ямар байдлаар өөр байх байсан жагсаалтыг судлах тэмдэглэлдээ бичихэд урь. Тэд хичээлийн төгсгөлд энэ асуултын хариултаа хуваалцах боломжтой болно.
Есүс Христ мөн Түүний Цагаатгал байгаагүй бол таны амьдрал өөр байх байсан зарим арга замын талаар судлах тэмдэглэл дээрээ жагсаалт гаргахад цаг гарга. Та өнөөдөр суралцаж байхдаа Есүс Христ танд хэрэгтэйг илүү сайн ойлгоход туслах үнэнүүдийг сурч мэдэх болно.
Амюлек зорамчуудад Есүс Христийн талаар гэрчилсэн нь
Алма, Амюлек хоёр “Христ гэж үгүй” (Алма 31:16) гэж итгэдэг зорамчуудын дунд номлож байсныг та санаж байгаа байх. Алма Алма 32–33-т цэдэглэсэн захиаснуудаа дуусгасны дараа Амюлек Аврагчийн талаарх гэрчлэлээ хуваалцсан.
Алма 34:1–10-ыг уншаад, Есүс Христ мөн Түүний Цагаатгалын талаар Амюлек юу хуваалцсаныг олж мэд.
Алма 34:9–10 бол төгс эзэмших сургаалын судрын хэсэг юм. Төгс эзэмших сургаалын судрын хэсгүүдийг дараа нь хялбар олохын тулд онцгойлон тэмдэглэ. Та дараагийн хичээл дээр асуултад эсвэл нөхцөл байдалд энэ хэсэгт заасан сургаалыг хэрэгжүүлэх дадлага хийх боломжтой болно.
-
Есүс Христ мөн Түүний Цагаатгалын талаарх ямар үг, хэллэг танд онцгой ач холбогдолтой санагдсан бэ? Яагаад?
-
Та эдгээр шүлгээс Есүс Христ яагаад бидний төлөө цагаатгалыг хийх хэрэгтэй байгаа талаар юу сурч мэдсэн бэ?
-
Та Алма 34:8–10 дээрх Амюлекийн сургаалыг үнэний мэдэгдэл гэж хэрхэн дүгнэх вэ?
Та дараахтай төстэй үнэнийг олж мэдсэн байж болно: Есүс Христийн хэмжээлшгүй хийгээд мөнхийн цагаатгалгүйгээр бүх хүн төрөлхтөн үүрд төөрөлдөх байв.
-
Яагаад Есүс Христ мөн Түүний Цагаатгалгүйгээр бүх хүн төрөлхтөн “гарцаагүй мөхөх ёстой” эсвэл үүрд төөрөлдөх вэ?
Суралцагчдаас Есүс Христ мөн Түүний Цагаатгалгүйгээр хувь хүний хувьд төөрөлдөх зарим нөхцөл байдлын талаар бодохыг хүс. Үүнийг хийх нэг арга бол тэднийг 2 Нифай 9:6–12-ыг судалж, бидэнд яагаад Аврагч хэрэгтэй байгааг тодорхойлсон сургаалыг хайж олоход урих юм.
хэмжээлшгүй хийгээд мөнхийн
10-р шүлэг-ийн төгсгөл дэх “хэмжээлшгүй хийгээд мөнхийн” гэсэн үгсийг тэмдэглээд, судлах тэмдэглэлдээ дараах бүдүүвчийг хуулж бич:
Суралцагчдыг хуулж бичихэд зориулан энэ бүдүүвчийг самбар дээр зур.
-
Есүс Христийн Цагаатгал хэмжээлшгүй хийгээд мөнхийн гэдэг нь юу гэсэн үг гэж та бодож байна вэ?
Ерөнхийлөгч Рассэлл М.Нэлсон дараах ойлголтыг хуваалцсан.
Түүний Цагаатгал хэмжээлшгүй хийгээд эцэс төгсгөлгүй юм. Энэ нь бас бүх хүн төрөлхтөн үхлээс үүрд мөнх аврагдах учраас хэмжээлшгүй юм. Энэ нь бас Түүний зовлон юутай ч зүйрлүүлшгүй байснаараа хэмжээлшгүй. Энэ нь бүх хүний төлөө, тухайлбал нэг удаа хийгдсэн цар хүрээгээрээ хэмжээлшгүй юм. Цагаатгалын нигүүлсэл нь тоо томшгүй олон хүнд хүрээд зогсохгүй мөн Түүний бүтээсэн хязгааргүй тооны дэлхийд хүрдэг. Энэ нь хүмүүний аливаа хэмжүүрийг эсвэл мөнх бусын тухай ойлголтыг давснаараа хэмжээлшгүй байсан. (Russell M. Nelson, “The Atonement,” Ensign, Nov. 1996, 35)
-
Та энэ мэдэгдлээс Есүс Христийн тухай мөн Түүний цагаатгагч золиослолын талаар юу сурч мэдэж, мэдэрсэн бэ?
Энэ нь танд ямар хамааралтай вэ?
Дараах тайлбарын нэг хэсэг болгон “Тайлбар ба нөхцөл байдал” хэсэг дэх Далын ахлагч Майкл Жон Ү.Тэгийн мэдэгдлийг хуваалцах нь тустай байж болно.
Аврагч Цагаатгалаараа дамжуулан хэмжээлшгүй олон хүнийг адислахын зэрэгцээ таныг биечлэн адисалж чадна. Судлах тэмдэглэл дээрх бүдүүвчээ дараах байдлаар шинэчил.
Дараах үйл ажиллагаа нь Аврагч Цагаатгалаараа дамжуулан өөрсдийг нь хэрхэн биечлэн адисалж болохыг илүү сайн ойлгоход суралцагчдад тусална. Дараах эх сурвалжуудыг үзүүлж эсвэл хэвлэж өгөөд, суралцагчдад бие даан эсвэл бүлгээр судлах цаг гаргаж өг. Суралцагчдыг эдгээр эх сурвалжаас Есүс Христ Цагаатгалаараа дамжуулан хэрхэн тэднийг биечлэн адисалж болохыг тодорхойлсон үг хэллэгийг олж тогтооход урь.
Суралцагчид жагсаалт дахь судрууд, мэдэгдлүүдээс гадна өөр судрыг эсвэл Сүмийн удирдагчдын бусад мэдэгдлийг олж болно.
Дараах эх сурвалжуудыг судалж, Аврагч хэмжээлшгүй хийгээд мөнхийн Цагаатгалаараа дамжуулан таныг хэрхэн биечлэн адисалж чадах арга замуудыг олж мэд.
Ням гаргийн ерөнхий ерөнхийлөгч асан Тэд Р.Каллистэр ийн заасан.
Заримдаа би өөрсдийгөө уучлах тал дээр асуудалтай, өөрийн мэдэлгүй алдаа гарган, Аврагчийн гэтэлгэх хүч чадалд хязгаар тавьдаг сайн гэгээнтнүүдтэй уулзаж байсан. Тэд өөрийн мэдэлгүй хэмжээлшгүй Цагаатгалыг өөрсдийнх нь яг тэр гэм нүгэл эсвэл сул талд ямар нэгэн байдлаар үйлчилдэггүй мэт болгож хязгаарлан өөрчилсөн байдаг. Гэвч хэмжээлшгүй Цагаатгалд бүх гэм нүгэл, сул тал орохоос гадна энэ нь бусдын зовлон шаналал, хүчирхийлэл бүрийг хамарсан байдаг. (Тэд Р.Каллистэр, “Есүс Христийн Цагаатгал,” 2019 оны 4-р сарын Ерөнхий чуулган, 104)
Судалсан зүйлээсээ юу сурч мэдэж, мэдэрсэн талаар нь суралцагчидтайгаа ярилц. Тэднийг Есүс Христ Цагаатгалаараа дамжуулан тэднийг хэрхэн биечлэн адисалж болохыг тодорхойлсон үг хэллэгээ хуваалцахад урь. Жишээлбэл: Суралцагчид “тэрээр өөрийн нь нэрэнд итгэх тэд бүгдэд авралыг авчрах болно” (Алма 34:15); “Бурхан … үхэл болон тамаас … зугтах бидний замыг бэлтгэх” (2 Нифай 9:10); эсвэл “Их Эзэн, бибээр [нүглүүдээ наманчилсан] тэдгээрийг нь цаашид санах нь үгүй” (Сургаал ба Гэрээ 58:42) гэх мэт хэллэгүүдийг онцолж болно.
Энэ ярилцлагын дараа Есүс Христ, мөн Түүний Цагаатгал байгаагүй бол амьдрал нь ямар байх байсан талаар судлах тэмдэглэлдээ бичсэн жагсаалтад нь суралцагчдыг хандуул. Суралцагчид сурч мэдсэн зүйл дээрээ үндэслэн жагсаалтаа шинэчилж болно. Суралцагчдыг жагсаалтаа хамтрагчдаа эсвэл ангийнхандаа хуваалцахад урь. Суралцагчдаас өнөөдөр сурч мэдсэн зүйлээсээ жагсаалтдаа нэмсэн зүйлээ хуваалцахыг хүс. Мөн тэд өөрсдийн сурч мэдсэн зүйлээсээ илүү утга учиртай гэсэн жагсаалтдаа оруулсан зүйлээ хуваалцаж, яагаад оруулснаа тайлбарлаж болно.
Ярилцсан үнэнийхээ талаар гэрчил. Суралцагчдыг хичээлийн үеэр хүлээн авсан өдөөлт бүрийнхээ дагуу үйлдэхэд урамшуулан дэмж.
-
Аврагч Өөрийн хэмжээлшгүй хийгээд мөнхийн Цагаатгалаар дамжуулан таныг биечлэн адислах арга замын талаар та юу сурч мэдсэн бэ?
-
Есүс Христ мөн Түүний Цагаатгал байгаагүй бол таны амьдрал ямар байх байсан бэ?