Alma 39–42

Kinatibuk-ang Pagpasabot

Timan-i: Ang materyal alang sa Alma 39 gilakip sa miaging hugpong sa lima ka mga leksiyon.

Human siya gidapit sa iyang amahan sa paghinulsol, adunay pipila ka mga pangutana si Corianton mahitungod sa laraw sa Dios, lakip ang unsay mahitabo kanato human kita mamatay. Gitudloan ni Alma si Corianton og importante nga mga kamatuoran aron sa pagtabang kaniya nga makasabot sa laraw sa Langitnong Amahan sa pagpahiuli. Si Corianton naglisod usab sa pagsabot sa katinuod sa kaangayan ug kaluoy sa Dios. Gitabangan siya ni Alma sa pagpalapad sa iyang panglantaw sa atong mahigugmaong Langitnong Amahan ug sa Iyang laraw alang kanato.

Pangandam sa Pagtudlo

Ang mosunod nga impormasyon naghatag sa mga magtutudlo og mga ideya kon unsa ang kinahanglan nga andamon daan alang sa matag leksiyon.

Alma 40

Katuyoan sa leksiyon: Kini nga leksiyon makatabang sa mga estudyante sa pagpalawom sa ilang pasalamat sa unsay nahimo sa Manluluwas alang kanila ug makahatag kanila og kahigayonan sa pagpasabot kon unsay mahitabo human kita mamatay.

• Pagpangandam sa estudyante: Dapita ang mga estudyante sa pagpamalandong sa ilang mga pangutana mahitungod sa unsay mahitabo human kita mamatay ug sa pagtambong nga andam sa pagpakigbahin.

• Mga bidyo: “Ang Lubnganan Walay Kadaogan” (9:18; tan-awa gikan sa time code 4:21 hangtod sa 5:13)

• Mga Handout: “Ang Kalibotan sa Espiritu”; “Pagkabanhaw”

• Sugyot sa pagtudlo pinaagi sa videoconference: Human mabahin ang mga estudyante ngadto sa mga manag-pares ug nakagahin og panahon sa pag-andam sa unsay ilang itudlo sa usa sa duha ka mga hilisgotanan, ibutang ang matag manag-pares diha sa usa ka breakout room nga adunay kauban nga manag-pares nga nagtuon sa laing hilisgotanan. Dapita ang mga manag-pares nga magpuli-puli sa pagtudlo sa usag-usa. Sa higayon nga mag-uban na og balik ang mga estudyante, dapita sila sa pagpakigbahin kon unsay ilang naganahan mahitungod kon giunsa sa laing manag-pares ang pagtudlo kanila.

Alma 41

Katuyoan sa leksiyon: Kini nga leksiyon makatabang sa mga estudyante nga makita kon sa unsang paagi nga ang pagkadaotan dili mosangpot sa kalipay.

• Pagpangandam sa estudyante: Dapita ang mga estudyante sa paghunahuna kon sa unsang paagi ang pagsunod sa mga sugo nakahatag kanila og kalipay ug nakatabang kanila nga mobati nga andam sa pagsugat sa Dios human niining kinabuhia.

• Sugyot sa pagtudlo pinaagi sa videoconference: Ikonsiderar ang paggamit sa “whiteboard” feature aron sa paghimo og duha ka listahan nga giulohan og “Kalipay” ug “Kasakit” ug tugotan ang mga estudyante nga magdugang og mga kinaiya sa matag listahan nga mosangpot sa kalipay o sa kasakit.

Doktrinal nga Kahanas: Alma 41:10

Katuyoan sa leksiyon: Kini nga leksiyon makatabang sa mga estudyante sa pagsag-ulo sa tudling sa doktrinal nga kahanas ug sa mahinungdanon nga hugpong sa mga pulong sa kasulatan sa Alma 41:10, mapasabot ang doktrina, ug mabansay ang paggamit sa mga baroganan sa pag-angkon og espirituhanong kahibalo sa tinud-anay nga mga sitwasyon kinabuhi.

• Pagpangandam sa estudyante: Dapita ang mga estudyante sa pagsag-ulo sa Alma 41:10.

• Butang nga ipakita: Ang senaryo diha sa pagbansay sa paggamit

• Sugyot sa pagtudlo pinaagi sa videoconference: Ikonsiderar ang pagpakita ug paggamit sa “isag-ulo” nga feature sa Doktrinal nga Kahanas nga app aron sa pagtabang sa mga estudyante nga makabansay sa pagsag-ulo sa tibuok tudling sa doktrinal nga kahanas. Sa matag higayon nga isaysay sa mga estudyante ang tudling, mahimo nimong gamiton ang slide nga function diha sa ubos sa screen aron makuha ang usa ka pulong hangtod nga ang unang letra sa matag pulong na lamang ang mahabilin.

Alma 42, Bahin 1

Katuyoan sa leksiyon: Gituyo kini nga leksiyon aron matabangan ang mga estudyante nga mas masabtan ang kinaiya sa Langitnong Amahan isip parehong usa ka makiangayon ug maluloy-on nga binuhat.

• Pagpangandam sa estudyante: Ikonsiderar ang pagdapit sa mga estudyante nga makig-istorya sa usa ka sakop sa pamilya o sa higala mahitungod sa pipila ka nagkalainlaing mga ideya nga aduna ang mga tawo bahin sa kinaiya sa Dios.

• Bidyo: “Gawasnon sa Kahangtoran, nga Molihok alang sa Ilang Kaugalingon” (14:51; tan-awa gikan sa time code 5:40 hangtod sa 6:50)

Alma 42, Bahin 2

Katuyoan sa leksiyon: Kini nga leksiyon makatabang sa mga estudyante nga makasabot kon sa unsang paagi ang Pag-ula ni Jesukristo nagtugot kanila nga makadawat sa kaluoy nga gisaad sa laraw sa Langitnong Amahan.

• Pagpangandam sa estudyante: Dapita ang mga estudyante sa pagpangita og ehemplo diha sa mga kasulatan sa usa ka tawo o sa grupo sa mga tawo nga nagpakita og sinsero nga paghinulsol.

• Mga butang nga ipakita: Usa ka drowing sa mga timbangan

• Sugyot sa pagtudlo pinaagi sa videoconference:Ikonsiderar ang pagpakita sa hulagway sa timbangan ug sa pagmarka niini atol sa panahon sa presentasyon. Mahimo nimong gamiton ang “whiteboard” nga feature o magbuhat og presentasyon nga magpakita sa mga timbangan ug dayon tagsa-tagsa nga ibutang ang mga marka.