Мормоны Номын семинарын багшийн гарын авлага (2024)

Агуулга
Нүүр хуудас
Мормоны Номын семинарын багшийн гарын авлага-ын оршил
Мормоны Ном—Оршил материал
Мормоны Номын удиртгал хэсгүүд
1 Нифай 1–5
1 Нифай 6–10
1 Нифай 11–15
1 Нифай 16–22
2 Нифай 1-2
2 Нифай 3–5
2 Нифай 6–10
2 Нифай 11–19
2 Нифай 20–25
2 Нифай 26–30
2 Нифай 31–33
Иаков 1–4
Иаков 5–7
Инос–Мормоны үгс
Moзая 1–3
Moзая 4–6
Moзая 7–10
Moзая 11–17
Moзая 18–24
Moзая 25–28
Мозая 29–Алма 4
Алма 5–7
Алма 8–12
Алма 13–16
Алма 17–22
Алма 23–29
Алма 30–31
Алма 32–35
Алма 36–38
Алма 39–42
Алма 43–52
Алма 53–63
Хиламан 1–6
Хиламан 7–12
Хиламан 13–16
3 Нифай 1–7
3 Нифай 8–11
3 Нифай 12–16
3 Нифай 17–19
3 Нифай 20–26
3 Нифай 27–4 Нифай 1
Moрмон 1–6
Moрмон 7–9
Ифер 1–5
Ифер 6–11
Ифер 12–15
Moронай 1–6
Moронай 7–9
Моронай 10
Хавсралт

Алма 40: Сүнсний дэлхий ба Амилуулалт

“Алма 40: Сүнсний дэлхий ба Амилуулалт,” Мормоны Номын багшийн гарын авлага (2024)

“Алма 40,” Мормоны Номын багшийн гарын авлага

Алма 40

Сүнсний дэлхий ба Амилуулалт

Кориантоныг эцэг нь наманчлахад урьсны дараа түүнд Бурханы төлөвлөгөөний талаар, тэр дундаа биднийг нас барсны дараа юу болох талаар зарим асуулт гарч иржээ. Түүний эцэг Алма түүний асуултад хариулж, Тэнгэрлэг Эцэгийн төлөвлөгөөнд Есүс Христ гол үүрэг гүйцэтгэснийг гэрчилсэн юм. Энэ хичээл Аврагчийн таны төлөө хийсэн зүйлд талархах сэтгэлийг тань гүнзгийрүүлж, биднийг нас барсны дараа юу болохыг тайлбарлах боломжийг танд олгоход тусалж чадна.

Есүс Христэд төвлөрөхөд нь суралцагчдад тусал. Багш нар сайн мэдээний үнэнийг илтгэсэн зүйлсийг тайлбарлахад санамсаргүй байдлаар хэт их цаг зарцуулж магадгүй. Энэ нь суралцагчдад Аврагчийг илүү бүрэн дүүрэн мэдэж, хайрлахад нь туслах боломжийг алдахад хүргэж болзошгүй. Есүс Христийн хүч, хайр, нигүүлсэл, Тэнгэрлэг Эцэгийн авралын төлөвлөгөө дэх Түүний гол үүргийг зааж, гэрчлэх цаг гарга.

Суралцагчийн бэлтгэл: Суралцагчдыг биднийг нас барсны дараа юу болж болох талаарх асуултуудыг тунгаан бодож, хуваалцахад бэлдэж ирэхэд урь.

Боломжит суралцах үйл ажиллагаа

Асуулт

Абурто эгчийн амьдралын тухай дараах түүх суралцагчдад Алма 40-ийг судлахад бэлтгэхэд тусалж чадна. Эсвэл суралцагчид үхлийн дараах амьдралын талаарх зарим асуултаа самбар дээр жагсааж бичиж болно.

Халамжийн нийгэмлэгийн ерөнхий ерөнхийлөгчийн зөвлөлийн зөвлөх Рэйна И.Абурто эгч биднийг нас барсны дараа юу болох талаарх асуултуудад хувийн туршлагаа хуваалцан ийн хариулсан. ChurchofJesusChrist.org дээрх “Булшинд ялалт гэж үгүй” видеог цагийн код 4:21-ээс 5:13 хүртэл үзэж эсвэл дараах мэдэгдлийг унш.

9:18

Би 9 настай байхдаа аймшигт газар хөдлөлтийн үеэр ахыгаа алдсан. Энэ бүхэн гэнэт болсон тул энэ явдлын бодит байдлыг ойлгоход надад цаг хугацаа хэрэгтэй байлаа. Би уй гашууд автаж, “Ахад минь юу тохиолдов?” Тэр хаана байгаа вэ? Тэр хаашаа явсан бэ? Би түүнтэй дахин уулзах болов уу?” гэж өөрөөсөө асуудаг байсан.

Би тэр үед Бурханы авралын төлөвлөгөөний талаар хараахан мэдээгүй байсан юм. Би бид хаанаас ирсэн, бидний амьдралын зорилго юу болох, нас барсны дараа бидэнд юу тохиолдох зэргийг мэдэж авахыг хүсэж байв. Хайртай хүнээ алдах юм уу амьдралдаа хэцүү зүйлстэй тулгарах үед бид бүгдэд ийм хүсэл төрдөггүй гэж үү? (Рэйна И.Абурто, “Булшинд ялалт гэж үгүй,” 2021 оны 4-р сарын Ерөнхий чуулган, 86)

Алмагийн хүү Кориантон мөн үхлийн дараах амьдралын талаар санаа зовж байсан.

Алма 40:1-ийг уншаад, Кориантоны санааг юу зовоож байсныг олж мэд.

Тэр яагаад ийм зүйлд санаа зовсон гэж та бодож байна вэ?

Кориантон Бурханы зарлигуудыг, тэр дундаа ариун явдлын хуулийг зөрчсөн гэдгийг эргэн сана. Тэрээр сонголтоосоо болоод энэ амьдралынхаа дараах нөхцөл байдалд санаа зовсон байж болзошгүй. Кориантоны санаа зовнилыг шийдэж, наманчлахад нь туслахын тулд Алма түүнд сургаалыг заав. Кориантоны санаа зовнилд үзүүлсэн Алмагийн хариу үйлдэл Абурто эгчийнхтэй адил асуулттай байгаа хүмүүст тусалж чадна.

Дараа нь Абурто эгчийг асуултынхаа хариултыг олоход нь номлогчид тусалжээ. Та тэдгээр номлогчийн нэг бөгөөд түүнд заахаар бэлдэж байна гэж төсөөлөөд үз. Абурто эгчийн асуултад хариулахад туслах богино тайлбарыг бэлтгэхийн тулд дараах эх сурвалжуудыг ашигла.

Ангийнхныг хоёр хоёроор нь хуваарилж, номлогчид шиг заахад бэлтгэ. Хоёр хоёроор нь сүнсний дэлхий, амилуулалт хоёрын аль нэгийг судлуулахаар оноож, тохирох тараах материалыг өг.

Суралцагчид Абурто эгчид заах гэж байгаа юм шиг бэлдэхийн оронд ангийн гишүүдийн асуултад хариулт хайж болно.

Суралцагчдад биднийг нас барсны дараа юу болохыг ойлгоход илүү тусламж хэрэгтэй бол дараах видеог ашигла.

ChurchofJesusChrist.org

4:19

Суралцагчдыг бэлдэж дууссаны дараа өөр сэдэв бэлдсэн хос суралцагчийг заахад урь. Тэднийг зааж байх үед шаардлагатай бол тусал.

Хариулт

Суралцагчдыг хичээлээ заасны дараа дараах асуултуудын заримыг эсвэл бүгдийг нь ашиглан, ангийнхантайгаа богино ярилцлага өрнүүл.

Таны хувьд сүнсний дэлхий, амилуулалт хоёрын талаар сурч мэдсэн зүйл тань яагаад чухал вэ?
Энэ мэдлэг Тэнгэрлэг Эцэг, Есүс Христ хоёрын тухай таны бодол санаанд хэрхэн нөлөөлж байна вэ?
Өнөөдөр та ямар ямар асуултад хариултаа авсан бэ?
Та ямар асуултын хариултыг үргэлжлүүлэн хайхыг хүсэж байна вэ?

Бидэнд одоохондоо асуултын бүх хариулт байхгүй байж болох бөгөөд хариултгүй байх нь жирийн зүйл гэдгийг суралцагчдад сануул. Тэднийг хариултаа хайж байхдаа сүнслэг мэдлэг олж авах зарчмуудыг дагахад урь.

Амилуулалтын бэлэг, Есүс Христийн Цагаатгалын ачаар сүнсний дэлхийд хүлээн авч чадах амар амгалангийн талаарх гэрчлэлээ хуваалц.

Тайлбар ба нөхцөл байдлын талаарх мэдээлэл

Алма 40:16–20. Эхний Амилуулалт гэж юу вэ?

Арван хоёр төлөөлөгчийн чуулгын ахлагч Брүс Р.Макконки (1915–1985) ийн заасан.

Энэ амилуулалтын өглөө гарч ирэх хүмүүс селестиел биестэй, селестиел алдар сууг өвлөх болно; Эдгээр нь Христийн анхны үр жимс юм. Энэ амилуулалтын үдээс хойш гарч ирэх хүмүүс террестриел биестэй, улмаар тэрхүү хаант улсыг өвлөн авах болно; тэднийг ирэх үед нь Христийнх гэж дүрсэлнэ. Эдүгээг хүртэл амилсан бүх хүн селестиел бие хүлээн авсан; террестриел биесийн ирэлт нь Хоёр дахь ирэлтийн дараа эхэлдэг. (Сургаал ба Гэрээ 76:50–80; 88:95–99.) (Bruce R. McConkie, Doctrinal New Testament Commentary [1965], 1:196)

Алма 40:21–22. “Мөн Бурханы өмнө зогсохоор авчрагдан” гэдэг нь юу гэсэн утгатай вэ?

Арван хоёр төлөөлөгчийн чуулгын ахлагч Д.Тодд Кристоффэрсон ийн заасан.

Есүс Христ Цагаатгал ба Амилалтаараа уналтын бүх талыг ялсан юм. Бие махбодын үхэл нь түр зуурынх бөгөөд бүр сүнсний үхэлд хүртэл төгсгөл ирж, бид бүгд наанадаж л шүүгдэхээр түр хугацаагаар ч болов Бурханы дэргэд буцаж очих болно. Бидэнд бусад бүх зүйлийг ялах хүчийг болон үүрдийн амьдралыг өгдөг Түүний хүчинд бид бүрэн итгэж, найдаж болно. (Д.Тодд Кристоффэрсон, “Есүс Христийн амилалт,” 2014 оны 4-р сарын Ерөнхий чуулган, 133)

Алма 40:23. Амилсан бие ямар байх вэ?

Далын ахлагч Пол В.Жонсон ийн заасан.

Амилалт нь хүний сүнсэнд бие махбодтойгоо дахин нэгдэх боломжийг олгодог бөгөөд харин энэ удаа бие нь үхэшгүй, төгс хэлбэртэй байх бөгөөд өвдөлт, өвчин, бусад асуудалд захирагдахгүй байх болно [Алма 11:43-ыг үзнэ үү]. …

Хүн бүрд биеийн, оюун санааны, сэтгэл хөдлөлийн хязгаарлалт, сул тал гэж байдаг. Хэдийгээр эдгээр саад бэрхшээлийн зарим нь одоо хэцүү байж болох ч эцсийн эцэст шийдвэрлэгдэх болно. Биднийг амилуулагдсаны дараа эдгээр асуудлын аль нь ч бидэнд саад болж чадахгүй. (Пол В.Жонсон, “Тэнд цаашид үхэл үгүй болно,” 2016 оны 4-р сарын Ерөнхий чуулган, 111)

Нэмэлт суралцах үйл ажиллагаа

Үйл явдлын дараалал

Нас барсныхаа дараа бид юутай тулгарах талаар мэдэхэд суралцагчдад туслах нь тэдэнд мөнхийн талаас харахад тусалж мөн үхэлтэй холбоотой зарим айдсыг нь арилгаж чадна. Үхэл, сүнсний дэлхий, амилуулалт эцсийн шүүлт гэсэн үгсийг тус тусад нь цаасан дээр бичээд, самбар дээр энд тэнд тавь. Суралцагчдыг Алма 40:6–7, 11–14, 21–23-ыг уншихад уриад, самбар дээрх үйл явдлыг тохиолдох дарааллын дагуу байрлуулахыг хүс. Мөн үйл явдлууд нь ямар утгатай болох, Тэнгэрлэг Эцэгийн төлөвлөгөөнд тус бүр ямар үүрэг гүйцэтгэх талаар ярилц.

Наманчлах мэдлэг

Суралцагчдад Алма 40:11–26 дээрх Алмагийн үгс нь энэ амьдралд Аврагчид ирж, нүглээ наманчлахын чухлыг мэдрэхэд тусалж чадна. Та самбар дээр Зөв шударга (наманчлагч) ба Ёс бус (үл наманчлагч) гэж бичээд, суралцагчдыг Алма 40:11–26-аас эдгээр бүлэг хүн тус бүрийн байдал нас барсных нь дараа ямар байхыг дүрсэлсэн үг, хэллэгийг олж, самбар дээр жагсаан бичихэд урьж болно. Дараа нь ангийн гишүүдийг “Эдгээр сургаал биднийг наманчлахад хэрхэн өдөөж чадах вэ?” гэсэн асуултад дүн шинжилгээ хийхэд урь.

(Энэ нь наманчлахаасаа өмнө нас барсан ойр дотно хүмүүст нь Аврагчаар дамжуулан найдвар байсаар байгааг ойлгоход суралцагчдад тусалж болно. Суралцагчдыг 1 Петр 3:18–20 болон Сургаал ба Гэрээ 138:29–37-д байгаа үнэнийг уншиж, ярилцахад урь.)

Сүнслэг мэдлэг олж авах

Сүнслэг мэдлэг олж авах зарчмуудыг давтахад суралцагчдад туслахын тулд Алма 40-ийг ашигла. Суралцагчдад Алма 40:1–3, 9 дээрх Алмагийн асуултыг олж тогтооход тусалж эхлээд, дараа нь Алма хэрхэн итгэлээр үйлдсэн (Алма 40:5–6), өөрийн асуултыг мөнхийн талаас нь хэрхэн шинжсэн (Алма 40:9–13, 23–26) мөн илүү сайн ойлгохын тулд тэнгэрээс томилогдсон эх сурвалжуудад хэрхэн хандсан (Алма 40:3) талаарх шүлгүүдийг хайж олоход урь.

Суралцагчдыг “Асуултынхаа хариултыг хайж байхдаа сүнслэг мэдлэг олж авах зарчмуудыг хэрэгжүүлэх Алмагийн жишээг та хэрхэн дагаж чадах вэ?” гэсэн асуултад дүн шинжилгээ хийхэд урьж, суралцсан зүйлээ хэрэгжүүлэхэд нь тусал.

Алмагийн хариулах асуултууд

Суралцагчдад Алма 40-ийн хэд хэдэн шүлгийг оноож, сүнсний дэлхий, амилуулалтын талаарх Алмагийн хариулсан асуултуудыг тэдгээр шүлгээс олж мэдэхэд урь. Дараа нь суралцагчид олж мэдсэн асуулт мөн хариултуудаа хуваалцаж болно.