“Төгс эзэмших сургаал: Алма 41:10—‘Ёс бус явдал хэзээ ч аз жаргал байгаагүй,’” Мормоны Номын багшийн гарын авлага (2024)
“Төгс эзэмших сургаал: Алма 41:10,” Мормоны Номын багшийн гарын авлага
Төгс эзэмших сургаал: Алма 41:10
“Ёс бус явдал хэзээ ч аз жаргал байгаагүй”
Алма 41:10-аас та “ёс бус явдал хэзээ ч аз жаргал байгаагүй” гэдгийг сурч мэдсэн. Энэ хичээл Алма 41:10-ын төгс эзэмших сургаалын судрын эшлэл, түлхүүр үг хэллэгийг цээжилж, сургаалыг тайлбарлаж, сүнслэг мэдлэг олж авах зарчмуудыг бодит амьдралын нөхцөл байдалд ашиглахад танд тусалж чадна.
Суралцагчдыг идэвхтэй оролцогчид болоход тусал. Суралцагчид сайн мэдээнээс суралцахдаа оюун бодол, зүрх сэтгэлээ оролцуулах үедээ идэвхтэй байдаг. Идэвхтэй оролцоог урих зарим арга замд сайн мэдээний үнэн дэх хамаарлыг олж мэдэхэд суралцагчдад туслах; тэднийг асуулт асууж, хариулт эрэлхийлэхэд урамшуулан дэмжих; мөн тэднийг бодол санаа, туршлага, мэдрэмжээ хуваалцах, судар судлах чадвараа дадлагажуулах, тунгаан бодох, залбирах цаг гаргах зэрэгт урих багтана.
Суралцагчийн бэлтгэл: Суралцагчдыг Алма 41:10-ыг цээжлэхэд урь.
Боломжит суралцах үйл ажиллагаа
Энэхүү төгс эзэмших сургаалын судрын хэсгийн талаарх хичээлийг Алма 34:9–10-ын төгс эзэмших сургаалын судрын хэсгийн хам сэдвийн талаарх Алма 41 хичээлийн дараа заахад зориулсан болно. Хэрэв энэхүү төгс эзэмших сургаалын судрын хэсгийн талаарх хичээлийг өөр долоо хоног руу шилжүүлэх шаардлагатай бол холбогдох хам сэдвийн хичээлийг мөн шилжүүлсэн байхад анхаар.
Цээжлэх ба тайлбарлах
Суралцагчдыг төгс эзэмших сургаалын судрын хэсгүүдээс аль болох ихийг цээжлэхэд урамшуулан дэмж.
Алма 41:10 дахь судрын эшлэл, түлхүүр үг хэллэгийг цээжилж, энэ хэсэгт заасан сургаалыг тайлбарлахад суралцагчдад туслах дараах үйл ажиллагааг эсвэл өөр үр дүнтэй аргыг ашигла.
Суралцагчдыг хоёр хоёроор нь хуваарил. Эхний суралцагчаас “Ёс бус явдал” гэсэн эхний үгийг чанга хэлэхийг хүс. Хоёр дахь суралцагчаас “Ёс бус явдал хэзээ ч” гэсэн эхний болон хоёр дахь үгийг чанга хэлэхийг хүс. Цааш үргэлжлүүлэх бүрдээ нэг үг нэмсээр эшлэлийг гүйцээж, хамгийн сүүлийн сурагч “Ёс бус явдал хэзээ ч аз жаргал байгаагүй” (Алма 41:10) хэмээн эшлэл, үг хэллэгийг бүтнээр нь хэлнэ.
Суралцагчдыг шинээр эхлэх бүрдээ ээлжилж эхлүүлэн, энэ үйл явцыг хэд хэдэн удаа давтан хийхэд урь.
Цээжлэхэд тань туслахын тулд “Алма 41:10 ‘Ёс бус явдал хэзээ ч аз жаргал байгаагүй’” гэсэн төгс эзэмших сургаалын түлхүүр үг хэллэг, эшлэлийг хэд хэдэн удаа давт. Давтах бүрдээ аль болох үг рүүгээ харахгүй байхыг хичээ. Хэрэв та нэмэлт сорилт хийхийг хүсэж байвал судрын хэсгийг бүхэлд нь цээжлэхийг хичээ. Doctrinal Mastery аппликэйшныг ашиглах нь тустай байж болно.
Алма 41:10-т заасан сургаалыг мэдэж байх нь хэн нэгэнд тустай байх нөхцөл байдлыг бод. Тэгээд уг сургаал хэрхэн тухайн нөхцөл байдалд тусалж чадахыг тайлбарла.
Суралцагчдыг бодож олсон нөхцөл байдлаа ангийнхандаа хуваалцах замаар нэг нэгэнтэйгээ харилцахад урь. Нөхцөл байдлаа хуваалцсаны дараа ангийнхан Алма 41:10 дахь үнэн хэрхэн тусалж чадах тухай тайлбарлаж болно.
Амьдралд хэрэгжүүлэх дадлага
Ангийнхныг гурав гурваар нь бүлгүүдэд хуваарил. Суралцагч бүрээс сүнслэг мэдлэг олж авах өөр өөр зарчмыг сонгож, Төгс эзэмших сургаалыг судлах үндсэн материал (2022)-аас сонгосон зарчимдаа тохирох догол мөрүүдийг уншихыг хүс. Суралцагчдыг дуусах үед тэднийг зарчмаа бүлгийнхэндээ тайлбарлаж өгөхөд урь. Дараах тохируулах дасгал ажил нь олж мэдсэн зүйлсээ эргэн санахад суралцагчдад тусална. Тохируулах дасгал ажлын зөв хариулт: (1) Б, Е; (2) В, Д; (3) А, Г.
Төгс эзэмших сургаалыг судлах үндсэн материал (2022)-аас сүнслэг мэдлэг олж авах дараах гурван зарчим бүрийг давт. Дараа нь A–Е хүртэлх мэдэгдлүүдийг зохих зарчимтай нь тохируул. Зарчим бүр хоёр мэдэгдэлтэй холбоотой байна.
-
“Тэргүүн зөвлөл ба Арван хоёр төлөөлөгчийн чуулга өнөө үеийн дэлхий дээрх Их Эзэний бошиглогчид бөгөөд үнэний амин чухал эх сурвалж мөн.”
-
“Бид ойлголтоо хөгжүүлж, асуудлыг шийдвэрлэхээр эрэлхийлж байхдаа Есүс Христийн талаар аль хэдийн бидэнд буй гэрчлэл дээрээ тулгуурлах нь зүйтэй.”
-
“Бид [асуултуудыг] авралын төлөвлөгөө, Аврагчийн сургаалуудын агуулгын хүрээнд авч үздэг.”
-
“Найдваргүй эх сурвалжийг таньж мэдэн, зайлсхийж сурах нь биднийг буруу ташаа мэдээллээс болон итгэлийг устгахыг эрэлхийлэгчдээс хамгаална.”
-
“Бид аливаа зүйлийг Их Эзэний мэлмийгээр харахын тулд Ариун Сүнснээс тусламж эрэлхийлдэг.”
-
“Бид үргэлжлүүлэн хариулт эрэлхийлэхдээ хэзээ нэгэн цагт хариултаа олно гэдэгт найдан, итгэлтэй амьдрах ёстой.”
Хариултууд нь энэ хичээлийн төгсгөлд бий.
Хэрэв суралцагчдыг сүнслэг мэдлэг олж авах зарчмыг давтуулахаар бүлгүүдэд хуваарилсан бол тэднийг бүлэг хэвээр нь байлгах нь тустай байж болох юм.
Дараах жишээг үзүүлж тавьснаар суралцагчид үүн дээр хамтран ажиллах үедээ байнга харах боломжтой болно.
Дараах жишээг унш.
Сүмийн гишүүн Карлос Бурханы зарлигуудыг дагахын чухлыг ойлгох гэж хичээж байна. Тэрээр саяхан танд “Зарлигуудыг зөрчдөг ч үнэхээр сайхан амьдарч байгаа олон хүнийг би мэднэ. Аз жаргалтай байхын тулд зарлигуудыг сахих ёстой гэж чи яаж хэлж чадаж байна аа?” гэж хэлэв. Та Карлосын ний нуугүй асуултыг ойлгож байгаа ч хариулахын тулд бүх бодлоо цэгцлэх цаг танд хэрэгтэй мэт санагдана. Та хоёр түүний асуултын талаар маргааш илүү дэлгэрэнгүй ярилцахаар тохиролцоно.
Карлосын асуултыг ярилцахдаа бэлдэхийн тулд сүнслэг мэдлэг олж авах зарчмуудыг болон Алма 41:10-ыг судлахдаа сурч, мэдэрсэн зүйлсээ ашигла.
Тэнгэрээс томилогдсон эх сурвалжаар дамжуулан илүү ихийг ойлгож авахаар эрэлхийлэх
-
Судрууд бол асуултуудад маань хариулахад тусалж чадах тэнгэрээс томилогдсон эх сурвалж юм. Алма 41:10-ыг уншаад, хариулахад тань туслах дор хаяж нэг төгс эзэмших сургаалын судрын хэсгийг ол.
Суралцагчид Карлост тусалж чадах нэмэлт төгс эзэмших сургаалын судрын хэсгийг олж, ярилцахын тулд бүлгээрээ ажиллаж болно. Зарим тус болох сударт 2 Нифай 2:25, 27 ба Мозая 2:41-ийг багтааж болно.
-
Нэмэлт авахаар давтахад Карлосыг урьж болох зарим эх сурвалжийн талаар бод. Та сүнслэг байдлын талаарх эх сурвалжийг юу найдвартай болгодгийг ч тайлбарлаж болно.
Утга санаа болон асуултыг мөнхийн талаас нь шинжлэн судлах
Бүлгийн гишүүд дараах асуулт бүрд ганцаараа хариулж, дараа нь бүлгийнхэндээ хариултаа хуваалцаж болно.
Карлост ямар таамаглал байгааг тодорхойлоход суралцагчдад тусал. Хэрэв суралцагчдад туслалцаа хэрэгтэй бол дараахын нэгийг эсвэл хоёуланг нь хуваалц. Үүнд: Карлос зарлигууд нь хүмүүсийг хааж боодог эсвэл сонгох чадварыг нь хязгаарладаг гэж боддог байж магадгүй. Тэрээр аз жаргалыг зуурдын таашаалаас олж болно гэж буруу бодож магадгүй.
Дараах асуултууд нь Карлосын гаргаж буй таамгуудыг тодорхойлоход тусалж чадна:
-
Зарлигуудын тухай эсвэл аз жаргалын талаар түүнд ямар таамаг байж болох вэ?
-
Сайн мэдээний ямар сургаал түүний асуулттай холбоотой эсвэл хариулт өгч чадах вэ?
-
Карлос Тэнгэрлэг Эцэгийн тухай мөн Түүний төлөвлөгөө, хүүхдүүдтэйгээ хэрхэн харьцдаг талаар юу мэдэх хэрэгтэй гэж та бодож байна вэ?
Итгэлээр үйлдэх
Бүлэг дэх суралцагчдыг зарлигуудыг тодорхойлохын тулд ганцаараа ажиллахад урьж, дараа нь жишээгээ хуваалцахаар цуглаж болно. Тэд Карлост илүү ихийг ойлгож авахаар эрэлхийлэх эсвэл зарлигуудыг дагах төлөвлөгөө гаргах замаар хэрхэн итгэлээр үйлдэх зөвлөмж санал болгохоор хамтдаа ажиллаж болно.
Карлос Тэнгэрлэг Эцэгийн зарлигуудыг илүү сайн ойлгохыг эрэлхийлснээр итгэлээр үйлдэж чадна. Тэр зарлигуудын ач холбогдлын талаар илүү ихийг ойлгохыг эрэлхийлэхийн хэрээр зарлигуудыг сахихыг сонгох нь бас итгэлээр үйлдэх хэрэг болно. Дор хаяж хоёр зарлиг сонгоод, тэдгээрийг сахиснаар Карлост аз жаргалыг мэдрэхэд хэрхэн тусалж болохыг эсвэл тэдгээрийг зөрчсөнөөр түүнийг хэрхэн зовлон зүдгүүрт хүргэж болохыг тодорхойл. Та мөн эдгээр зарлигийг сахиснаар танд хэрхэн аз жаргал авчирсан тухайгаа хуваалцаж болно.
Суралцагчдыг бэлдсэн зүйлээ хуваалцахад урь. Хэрэв цаг гарвал ангийнхныг Карлос хэрхэн хариулж болох тухай янз бүрийн хувилбарыг бодоход урь. Дараа нь суралцагчдыг бүлэг рүүгээ буцаж очоод, төлөвлөгөөгөө тохируулан өөрчлөхөд урь. Суралцагчид ангийнхны өмнө эсвэл бүлэг дотроо дүрд хувирч тоглож болно. Тэд мөн дүрд хувирч тоглон бие биедээ мессеж бичиж болно.
Төгс эзэмших сургаалын давтлага
Дараах давтлагыг дараа дараагийн хичээл дээр хийж болно. Суралцагчдаас Алма 41:10-ын гол түлхүүр үг хэллэгийг санаж чадах эсэхийг асуу. Хэрэгтэй бол тэдэнд энэ хичээл дээр хийж гүйцэтгэсэн цээжлэх үйл ажиллагааг сануул. Суралцагчдыг эшлэл, түлхүүр үг хэллэгийг цээжлэх хүртлээ давтахад урь.
Тохируулах дасгал ажлын зөв хариулт: (1) Б, Е; (2) В, Д; (3) А, Г.