«អាលម៉ា 43, 48–50៖ ការសិក្សាពីបណ្ដាវគ្គសង្គ្រាម» សៀវភៅណែនាំគ្រូបង្រៀនព្រះគម្ពីរមរមន (2024)
«អាលម៉ា 43, 48–50» សៀវភៅណែនាំគ្រូបង្រៀនព្រះគម្ពីរមរមន
អាលម៉ា 43, 48–50
ការសិក្សាពីបណ្ដាវគ្គសង្គ្រាម
ផ្នែកចុងក្រោយនៃសៀវភៅអំពីអាលម៉ាបរិយាយអំពីពេលវេលានៃជម្លោះ និងសង្រ្គាម។ យុទ្ធសាស្ត្រដែលពួកសាសន៍នីហ្វៃប្រើក្នុងសង្គ្រាមទាំងនេះអាចជួយឲ្យយើងបង្កើតយុទ្ធសាស្ត្រដែលយើងអាចប្រើក្នុងការប្រយុទ្ធប្រចាំថ្ងៃរបស់យើងប្រឆាំងនឹងសាតាំងបាន។ មេរៀននេះអាចជួយអ្នកឲ្យប្រដូចព្រះគម្ពីរ/បទគម្ពីរទៅនឹងខ្លួនអ្នកដើម្បីទទួលបានការការពាររបស់ព្រះអម្ចាស់ពីការវាយប្រហារឥតឈប់ឈរ និងដែលកើនឡើងរបស់មារសត្រូវ(បច្ចារមិត្រ)។
ជួយសិស្សឲ្យរកមើលអត្ថន័យផ្ទាល់ខ្លួននៅក្នុងព្រះគម្ពីរ។ ចូរលើកទឹកចិត្តសិស្សឱ្យប្រើជំនាញសិក្សាផ្សេងៗ ដើម្បីលើកកម្ពស់ការយល់ដឹងពួកគេអំពីព្រះគម្ពីរ។ ពួកគេអាចនឹងរកមើលព័ត៌មានលម្អិតនៅក្នុងសាច់រឿង ធ្វើការប្រៀបធៀប និងការភ្ជាប់គ្នារវាងដំណើររឿងព្រះគម្ពីរ និងជីវិតពួកគេ ហើយកំណត់អំពីរបៀបដែលពួកគេត្រូវអនុវត្តជាក់ស្ដែងនូវអ្វីដែលពួកគេបានរៀនហើយ។
ការរៀបចំសិស្ស៖ ចូរហៅសិស្សឲ្យសិក្សា អាលម៉ា 43:18–21, 37–38 ដោយការរកមើលមេរៀនដែលអាចនឹងជួយពួកគេក្នុងការប្រយុទ្ធជាមួយសាតាំងបាន។
សកម្មភាពរៀនសូត្រដែលអាចកើតមាន
ការស្គាល់បច្ចារមិត្រ(សត្រូវ)
ចូរពិចារណាលើការបង្ហាញការថ្លែងខាងក្រោម ខណៈសិស្សកំពុងពិភាក្សាអំពីចម្លើយពួកគេចំពោះសំណួរដែលនៅបន្ទាប់វា។
លោកប្រធាន ប៊យដ៍ ខេ ផាកកឺ (President Boyd K. Packer)( ១៩២៤–២០១៥ ) ក្នុងកូរ៉ុមនៃពួកសាវកដប់ពីរនាក់បានព្រមានថា ៖
អ្នកកំពុងធំឡើងនៅលើទឹកដីសត្រូវ។ … [បច្ចារមិត្ត(សត្រូវ)] នៅក្នុងផ្ទះ, កន្លែងកំសាន្ត, ប្រព័ន្ធឃោសនាផ្សព្វផ្សាយ, ភាសា—អ្វីៗដែលនៅជុំវិញខ្លួនអ្នក។ ក្នុងករណីភាគច្រើន វត្តមានរបស់វាគឺមិនអាចរកឃើញបានទេ។ (ប៊យដ៍ ខេ ផាកកឺ(Boyd K. Packer) «How to Survive in Enemy Territory(របៀបរស់រានមានជីវិតនៅដែនដីសត្រូវ)» New Era(សករាជថ្មី), មេសា 2012,ទំព័រ 2)
-
តើអ្នកមានគំនិត ឬអារម្មណ៍គិតឃើញយ៉ាងណាខ្លះចំពោះការថ្លែងនេះ?
-
តើមានឧទាហរណ៍អ្វីខ្លះដែលអ្នកអាចគិតអំពីរឿងនោះបង្ហាញឲ្យឃើញច្បាស់ពីអ្វីដែលប្រធាន ផាកកឺកំពុងនិយាយដល់នៅពេលនោះ?
សិស្សគ្រាន់តែត្រូវគិតអំពីចម្លើយពួកគេចំពោះសំណួរក្នុងកថាខណ្ឌខាងក្រោម ជំនូួសឲ្យការឡើងឆ្លើយឮៗ។
ចូរពិចារណាមួយភ្លែតអំពីរបៀបដែលការថ្លែងរបស់ប្រធាន ផាកកឺ ពាក់ព័ន្ធចំពោះអ្នក។ តើមានវិធីអ្វីខ្លះដែលអ្នកកត់សម្គាល់ឃើញការល្បួងរបស់សាតាំងមានឥទ្ធិពលលើអ្នក ឬមនុស្សដែលអ្នកស្រឡាញ់? តើមានកិច្ចខិតខំប្រឹងប្រែងអ្វីខ្លះដែលអ្នកកំពុងធ្វើដើម្បីការពារខ្លួនអ្នកពីការវាយប្រហាររបស់វា?
សង្គ្រាមរវាងពួកសាសន៍នីហ្វៃ និងពួកសាសន៍លេមិន
ចុងបញ្ចប់នៃសៀវភៅអាលម៉ាមានពិពណ៌នាអំពីសង្រ្គាមមួយចំនួនដែលបានកើតឡើងរវាងពួកសាសន៍នីហ្វៃ និងពួកសាសន៍លេមិន។ នៅពេលដែលអ្នកសិក្សាដំណើររឿងទាំងនេះ អ្នកអាចរៀនមេរៀនដ៏មានតម្លៃនានាដែលអាចជួយអ្នកក្នុងការប្រយុទ្ធរបស់អ្នកប្រឆាំងនឹងសាតាំងបាន។ ឧទាហរណ៍ៈ គោលបំណង និងកលល្បិចពួកសាសន៍លេមិនអាចប្រៀបធៀបទៅនឹងគោលបំណង និងកលល្បិចរបស់សាតាំងដែលមានចំពោះយើងបានទេ។
ចូរពិចារណាលើការសរសេរសេចក្ដីយោង និងឈ្មោះបទគម្ពីរខាងក្រោមនៅលើក្ដារខៀន។ នៅខាងលើ អាលម៉ា 43:5–8 ចូរសរសេរ Zerahemnah(សេរ៉ាហិមណា)។ នៅខាងលើ អាលម៉ា 46:3–5, 10 ចូរសរសេរ Amalickiah(អាម៉ាលិកាយ)។ សិស្សអាចនឹងមានការបែងចែកជាក្រុម ហើយចាត់ឲ្យសិក្សាខគម្ពីរមួយឈុតៗបាន
ចូរអាន អាលម៉ា 43:5–8; 46:3–5, 10 ដោយការរកមើលអ្វីដែលមេដឹកនាំទុច្ចរិតពួកសាសន៍លេមិនបានធ្វើដែលនេះស្រដៀងគ្នានឹងគោលបំណង និងកលល្បិចរបស់សាតាំងដែរ។
ចូរពិចារណាលើការហៅអ្នកស្ម័គ្រចិត្ដពីរបីនាក់ឱ្យឡើងមកកាន់ក្ដារខៀន ហើយសរសេរពីគោលបំណង និងកលល្បិចដែលប្រើដោយមនុស្សដែលពួកគេបានសិក្សា។
-
តើមានគោលបំណង និងកលល្បិចរបស់អ្នកដឹកនាំទាំងនេះយ៉ាងណាខ្លះដែលដូចគ្នានឹងរបស់សាតាំង?
កងទ័ពពួកសាសន៍នីហ្វៃនៅពេលនោះមានការដឹកនាំដោយបុរសសុចរិតម្នាក់ឈ្មោះមរ៉ូណៃ។
ចូរពិចារណាលើការសរសេរសេចក្ដីយោងបទគម្ពីរខាងក្រោមនៅលើក្ដារខៀននៅជាប់នឹងសេចក្ដីយោងពីមុនអំពីសេរ៉ាហិមណា និងអាម៉ាលិកាយ។ ចូរសរសេរពាក្យ Moroni(មរ៉ូណៃ) នៅខាងលើសេចក្ដីយោងថ្មីនេះ។
សូមអាន អាលម៉ា 48:11–13, 17 ដោយការរកមើលលក្ខណៈដូចព្រះគ្រីស្ទ ឬបុគ្គលិកលក្ខណៈរបស់មរ៉ូណៃ។
សូមហៅអ្នកស្ម័គ្រចិត្តពីរបីនាក់ឲ្យឡើងមកក្ដារខៀន ហើយសរសេរបុគ្គលិកលក្ខណៈរបស់មរ៉ូណៃដែលរំឭកពួកគេអំពីព្រះអង្គសង្គ្រោះ។
-
តើអ្នកបានរកឃើញអ្វីខ្លះ ?
ការប្រដូចព្រះគម្ពីរ/បទគម្ពីរទៅនឹងអ្នកខ្លួនឯង
ការប្រៀបធៀបដែលអ្នកបានធ្វើរហូតមកដល់ពេលនេះនៅក្នុងបទគម្ពីរអាចរៀបចំអ្នកឱ្យត្រៀមប្រៀបធៀប ឬភ្ជាប់ទំនាក់ទំនងព័ត៌មានលម្អិតផ្សេងទៀតពីដំណើររឿងទាំងនេះទៅនឹងជីវិតផ្ទាល់ខ្លួនអ្នកបាន។
សូមបង្ហាញជំហានខាងក្រោម ដើម្បីឲ្យសិស្សអាចមើលជំហានទាំងនោះពេញមួយមេរៀន ។
ដំណើរការខាងក្រោមអាចជួយអ្នកឲ្យប្រដូចព្រះគម្ពីរ/បទគម្ពីរទៅនឹងជីវិតអ្នកបាន។ សូមកត់ត្រាជំហានទាំងនេះនៅក្នុងសៀវភៅកំណត់ហេតុការសិក្សារបស់អ្នក ។
-
ស្វែងរកព័ត៌មានលម្អិតសំខាន់ៗ។
-
ធ្វើការប្រៀបធៀបទៅនឹងជីវិតរបស់អ្នក។
-
ស្វែងយល់ពីមេរៀនដ៏មានតម្លៃ។
-
កំណត់ការអនុវត្តផ្ទាល់ខ្លួន។
អនុវត្តជំនាញសិក្សាព្រះគម្ពីរ/បទគម្ពីរនៃការប្រដូចដោយប្រើដំណើរការនេះ នៅពេលដែលអ្នករៀនអំពីការប្រយុទ្ធគ្នារវាងពួកសាសន៍នីហ្វៃ និងពួកសាសន៍លេមិន។
ជំហានខាងក្រោមនេះមានគោលបំណងណែនាំសិស្សក្នុងការប្រៀបធៀបបទព្រះគម្ពីរ ហើយរៀបចំពួកគេឲ្យធ្វើវាដោយខ្លួនឯងនៅពេលក្រោយនៅក្នុងមេរៀន ។
ជំហានទី ១ ៖ រកមើលព័ត៌មានលម្អិតសំខាន់ៗ
សូមអាន អាលម៉ា 43:17–21, 37–39, 51–54 ដោយការរកមើលព័ត៌មានលម្អិតសំខាន់ៗ។ ព័ត៌មានលម្អិតទាំងនេះអាចមានជាអាទិ៍មនុស្ស ទីកន្លែង វត្ថុ ឬសកម្មភាពដែលមានការផ្ដោតជាសំខាន់លើ។
សូមស្នើឲ្យសិស្សឡើងនិយាយប្រាប់ព័ត៌មានលម្អិតសំខាន់ៗដែលពួកគេបានរកឃើញមាននៅក្នុងខគម្ពីរទាំងនេះ។ ការណ៍ទាំងនេះអាចមានការសរសេរនៅលើក្ដារខៀនបាន។ បើចាំបាច់ត្រូវការ សូមជួយសិស្សឱ្យកំណត់ប្រភេទព័ត៌មានលម្អិតខាងក្រោម។
ព័ត៌មានលម្អិតមួយចំនួនដែលអ្នកប្រហែលជាបានកត់សម្គាល់រួចហើយនោះរួមមាន មរ៉ូណៃដែលកំពុងការពារកងទ័ពគាត់ដែលមានពាក់អាវក្រោះ និងសម្លៀកបំពាក់ក្រាស់ៗ ពួកសាសន៍លេដែលមិនមានពាក់អាវក្រោះការពារ ហើយពួកសាសន៍នីហ្វៃដែលកំពុងកម្ចាត់ឬផ្ចាញ់ពួកសាសន៍លេមិន បើទោះបីជាមានចំនួនច្រើនមហិមាក៏ដោយ។
ជំហានទី ២ ៖ ធ្វើការប្រៀបធៀបទៅនឹងជីវិតអ្នក
ចូរគិតអំពីរបៀបនៃព័ត៌មានលម្អិតដែលអ្នកបានកំណត់ប្រភេទនៅក្នុងជំហានមុនអាចនឹងមានការប្រៀបធៀបទៅនឹងអ្វីដែលខាងព្រលឹងវិញ្ញាណ ឬទៅនឹងស្ថានភាពជាក់ស្ដែងនៅក្នុងជីវិតអ្នក។
-
តើអ្នកអាចធ្វើការប្រៀបធៀបអ្វីខ្លះជាមួយនឹងព័ត៌មានលម្អិតដែលអ្នកបានកំណត់ប្រភេទនៅក្នុងជំហានមុន? (បើចាំបាច់ត្រូវការសូមមើល គោលលទ្ធិ និងសេចក្ដីសញ្ញា 27:1, 15–18 ឬ អេភេសូរ 6:11–16។ អ្នកអាចនឹងធ្វើសេចក្ដីយោងខគម្ពីរទាំងនេះជាមួយនឹងខគម្ពីរក្នុង អាលម៉ា 43បាន។)
អ្នកប្រហែលជាបានប្រៀបធៀបគ្រឿងសឹកឬអាក្រោះការពាររបស់ពួកសាសន៍នីហ្វៃទៅនឹងគ្រឿងសឹកឬអាវក្រោះការពាររបស់ព្រះរួចហើយ។ លើសពីនេះអ្នកប្រហែលជាបានប្រៀបធៀបជ័យជម្នះរបស់ពួកសាសន៍នីហ្វៃទៅនឹងការយកឈ្នះសាតាំង និងការល្បួងរបស់វាដែររួចហើយដែរ។
ជំហានទី ៣ ៖ រុករកមើលពីមេរៀនដ៏មានតម្លៃ
ចួរគិតអំពីអ្វីដែលអ្នកបានរៀនពីដំណើររឿងនេះដែលអាចអនុវត្តជាក់ស្ដែងចំពោះអ្នកបាន។ អ្នកក៏ប្រហែលជាអាចគិតអំពីអ្វីដែលអ្នករៀនអំពីព្រះអង្គសង្គ្រោះដែរ ។
សូមហៅសិស្សច្រើននាក់ឲ្យឡើងនិយាយប្រាប់ចម្លើយពួកគេចំពោះសំណួរខាងក្រោម ។
-
តើមេរៀនអ្វីខ្លះដែលអ្នករៀនពីការប្រយុទ្ធគ្នានេះរវាងពួកសាសន៍នីហ្វៃ និងពួកសាសន៍លេមិនដែលអាចនឹងជួយអ្នកក្នុងការប្រយុទ្ធប្រឆាំងនឹងសាតាំងបាន ?
-
តើដំណើររឿងនេះបង្រៀនអ្នកអ្វីខ្លះអំពីព្រះយេស៊ូវគ្រីស្ទ ?
គោលការណ៍មួយដែលយើងអាចសិក្សាស្វែងយល់បាននោះគឺថា ព្រះយេស៊ូវគ្រីស្ទ ផ្តល់ឱ្យយើងនូវការការពារដែលយើងត្រូវការនៅក្នុងការប្រយុទ្ធប្រឆាំងនឹងសាតាំង។
ជំហានទី ៤ ៖ កំណត់ការអនុវត្តជាក់ស្ដែងផ្ទាល់ខ្លួន
ចូរពិចារណាលើរបៀបដែលអ្នកអាចប្រើមេរៀនដែលអ្នកបានកំណត់ប្រភេទហើយនេះនៅក្នុងជំហានពីមុន។
-
តើអ្នកអាចធ្វើអ្វីបានខ្លះដើម្បីទទួលបានការការពារពីព្រះយេស៊ូវគ្រីស្ទប្រឆាំងនឹងសាតាំង ?
ក្នុងចំណោមវិធីជាច្រើនដែលត្រូវប្រើសេចក្ដីពិតនេះ អ្នកប្រហែលជាបានគិតអំពីរបៀបដែលការការពាររបស់ព្រះអង្គសង្គ្រោះអាចមានតាមរយៈការប្រព្រឹត្តដ៏ស្មោះត្រង់ដូចជាការអធិស្ឋាន (សូមមើល គោលលទ្ធិ និងសេចក្ដីសញ្ញា 10:5) ការសិក្សាខគម្ពីរ (សូមមើល នីហ្វៃទី 1 15:24) ឬការបន្តគោរពតាមក្រឹត្យវិន័យនៃព្រះអម្ចាស់ (សូមមើល ម៉ូសាយ 2:41)។
អនុវត្តការប្រដូចព្រះគម្ពីរ/បទគម្ពីរជាថ្មី
ជំហានខាងក្រោមមានគោលបំណងជួយសិស្សឲ្យប្រើជំនាញនៃការប្រៀបធៀបបទព្រះគម្ពីរដោយខ្លួនពួកគេផ្ទាល់ ។ បើចាំបាច់ត្រូវការ ចូរចាត់សិស្សឱ្យដៃគូ (ពីរៗនាក់)ឬជាក្រុមមួយឲ្យធ្វើកិច្ចការជាមួយគ្នា។ សូមបង្ហាញព្រះគម្ពីរ/បទគម្ពីរខាងក្រោមនេះ ហើយនាំសិស្សទៅកាន់ជំហានទាំងបួនដែលបានបង្ហាញពីមុននៅក្នុងមេរៀន ដើម្បីឲ្យពួកគេអាចប្រើវាបាននៅពេលកំពុងសិក្សា។
ចូរជ្រើសរើសយ៉ាងហោចណាស់ពីរវគ្គនៃខគម្ពីរខាងក្រោម ហើយ(នៅពេលអ្នកសិក្សា) អនុវត្តជាក់ស្ដែងដោយប្រើដំណើរការបួនជំហានសម្រាប់ការប្រដូចព្រះគម្ពីរ/បទគម្ពីរ។
សូមផ្តល់ឱកាសដល់សិស្សឡើងនិយាយប្រាប់នូវអ្វីដែលពួកគេបានស្វែងយល់ដឹងពីការសិក្សារបស់ពួកគេ ។ លើសពីនេះអ្នកអាចនឹងពិចារណាលើការបន្ថែមការយល់ធ្លុះជ្រៅ (សុភវិនិច្ឆ័យ)ផ្ទាល់ខ្លួនអ្នកពីខគម្ពីរទាំងនេះផងដែរ។
-
តើមានព័ត៌មានលម្អិតសំខាន់ៗអ្វីខ្លះដែលអ្នកកំណត់ប្រភេទដំណើររឿងដែលអ្នកបានសិក្សារួចហើយ?
-
តើមានការប្រៀបធៀបអ្វីខ្លះដែលអ្នកបានធ្វើរវាងព័ត៌មានលម្អិតទាំងនោះ និងទិដ្ឋភាពនៃជីវិតរបស់អ្នក ?
-
តើមានមេរៀនមួយ ឬច្រើនដូចម្ដេចខ្លះដែលអ្នកបានរៀនពីដំណើររឿងនេះ?
-
តើអ្នកអាចយកមេរៀនទាំងនេះមកអនុវត្តជាក់ស្ដែងក្នុងជីវិតអ្នកដោយរបៀបណា?