Мормоны Номын семинарын багшийн гарын авлага (2024)

Агуулга
Нүүр хуудас
Мормоны Номын семинарын багшийн гарын авлага-ын оршил
Мормоны Ном—Оршил материал
Мормоны Номын удиртгал хэсгүүд
1 Нифай 1–5
1 Нифай 6–10
1 Нифай 11–15
1 Нифай 16–22
2 Нифай 1-2
2 Нифай 3–5
2 Нифай 6–10
2 Нифай 11–19
2 Нифай 20–25
2 Нифай 26–30
2 Нифай 31–33
Иаков 1–4
Иаков 5–7
Инос–Мормоны үгс
Moзая 1–3
Moзая 4–6
Moзая 7–10
Moзая 11–17
Moзая 18–24
Moзая 25–28
Мозая 29–Алма 4
Алма 5–7
Алма 8–12
Алма 13–16
Алма 17–22
Алма 23–29
Алма 30–31
Алма 32–35
Алма 36–38
Алма 39–42
Алма 43–52
Алма 53–63
Хиламан 1–6
Хиламан 7–12
Хиламан 13–16
3 Нифай 1–7
3 Нифай 8–11
3 Нифай 12–16
3 Нифай 17–19
3 Нифай 20–26
3 Нифай 27–4 Нифай 1
Moрмон 1–6
Moрмон 7–9
Ифер 1–5
Ифер 6–11
Ифер 12–15
Moронай 1–6
Moронай 7–9
Моронай 10
Хавсралт

Алма 43, 48–50: Дайны талаарх бүлгүүдээс суралцах нь

“Алма 43, 48–50: Дайны талаарх бүлгүүдээс суралцах нь,” Мормоны Номын багшийн гарын авлага (2024)

“Алма 43, 48–50,” Мормоны Номын багшийн гарын авлага

Алма 43, 48–50

Дайны талаарх бүлгүүдээс суралцах нь

хориглох газарт буй зэвсэглэсэн нифайчууд

Алма номын сүүлчийн хэсэг нь маргаан, дайны үеийг дүрсэлдэг. Нифайчуудын эдгээр дайнд ашигласан стратеги нь Сатаны эсрэг өдөр тутмын тулаандаа ашиглаж болох стратеги боловсруулахад бидэнд тусалж чадна. Энэ хичээл танд дайсны байнгын бөгөөд өсөн нэмэгдэж буй дайралтад Их Эзэний хамгаалалтыг хүлээн авахын тулд судруудыг өөртэйгөө адилтгахад тусална.

Суралцагчдад судраас утга учрыг олоход нь тусал. Судруудын талаарх ойлголтоо сайжруулахын тулд суралцах янз бүрийн ур чадвар ашиглахад нь суралцагчдыг урамшуулан дэмж. Тэд үйл явдлын тоймоос мэдээлэл хайж, судрын цэдэг, өөрсдийн амьдралын хооронд харьцуулалт, холболт хийж, сурч мэдсэн зүйлээ хэрхэн хэрэгжүүлэхээ тодорхойлж чадна.

Суралцагчийн бэлтгэл: Суралцагчдыг Алма 43:18–21, 37–38-ыг судалж, Сатаны эсрэг тулалдаанд тусалж болох сургамжийг олж мэдэхэд урь.

Боломжит суралцах үйл ажиллагаа

Дайснаа таних нь

Суралцагчдыг дараах асуултуудын хариултыг хэлэлцэж байх үед доорх мэдэгдлийг үзүүл.

Арван хоёр төлөөлөгчийн чуулгын ерөнхийлөгч Боид К.Пакэр (1924–2015) ийн анхааруулсан.

Зураг
Ерөнхийлөгч Боид К.Пакэр

Та нар дайсны газар нутагт өсөж байна. … [Дайсан] гэр оронд чинь, үзвэрийн газар, хэвлэл мэдээллийн хэрэгсэл, хэл яриа гэхчлэн—та нарын эргэн тойронд хаана л бол хаана байж байдаг. Ихэнх тохиолдолд түүний байгаа нь мэдэгддэггүй. (Boyd K. Packer, “How to Survive in Enemy Territory,” New Era, Apr. 2012, 2)

Энэхүү мэдэгдлийн талаар та бүхэнд ямар мэдрэмж, бодол төрж байна вэ?
Ерөнхийлөгч Пакэр юуны талаар ярьж байсныг харуулсан ямар жишээг та бодож чадах вэ?

Суралцагчид чангаар хариулахын оронд зөвхөн дараах догол мөр дэх асуултын хариултын талаар бодох хэрэгтэй.

Ерөнхийлөгч Пакэрын мэдэгдэл танд ямар байдлаар хамааралтай байж болохыг хэсэг хугацаанд тунгаан бод. Сатаны уруу таталт танд болон таны хайртай хүмүүст нөлөөлж байгааг анзаарах ямар ямар арга зам байна вэ? Та түүний дайралтаас өөрийгөө хамгаалахын тулд ямар хүчин чармайлт гаргаж байгаа вэ?

Нифайчууд, леменчүүдийн хоорондох дайнууд

Алма номын төгсгөлд нифайчууд, леменчүүдийн хооронд болсон зарим дайныг дүрсэлсэн байдаг. Та эдгээр цэдгийг судалснаар Сатаны эсрэг тулалдаанд тань туслах үнэ цэнтэй сургамжийг авах болно. Жишээлбэл: Леменчүүдийн зорилго, тактикийг Сатаны бидэнд хандсан зорилго, тактиктай харьцуулж болно.

Дараах судрын эшлэл, нэрийг самбарт жагсаан бичиж болно. Алма 43:5–8-ын дээр Зерахемна гэж бич. Алма 46:3-5, 10-ын дээр Амаликая гэж бич. Суралцагчдыг бүлгүүдэд хуваарилж, нэг нэг бүлэг шүлэг судлах даалгавар өгч болно.

Алма 43:5–8; 46:3–5, 10-ыг уншаад, леменчүүдийн ёс бус удирдагчид Сатаны зорилго, тактиктай адил юу хийснийг олж мэд.

Хэд хэдэн суралцагчийг самбарт урьж, судалж байсан хүнийхээ зорилго, тактикийг бичихэд урь.

Эдгээр удирдагчийн зорилго, тактик Сатаныхтай хэр адил байсан бэ?

Зураг

Моронай ба эрх чөлөөний туг

Нифайчуудын их цэргийг Моронай хэмээх зөвт нэгэн удирдаж байв.

Дараах судрын эшлэлийг самбар дээр Зерахемна, Амаликая нарын тухай өмнөх эшлэлийн хажууд бич. Шинэ эшлэлийн дээр Моронай гэж бич.

Алма 48:11–13, 17-г уншаад, Христийнхтэй адил шинж чанар, Моронайн зан чанарыг олж мэд.

Цөөн хэдэн суралцагчийг самбарт гарган, өөрсдөд нь Аврагчийг сануулдаг Моронайн зан чанарыг бичихэд урь.

Та юу олж мэдсэн бэ?

Судруудыг өөртэйгөө адилтгах нь

Таны судруудад хийсэн харьцуулалт таныг эдгээр цэдгийн бусад мэдээллийг өөрийн амьдралтай зүйрлэхэд эсвэл холбоход бэлдэж чадна.

Дараах алхмуудыг үзүүлснээр суралцагчид хичээлийн турш харах боломжтой болно.

Дараах үйл явц нь судруудыг өөрийн амьдралтай адилтгахад тусална. Судлах тэмдэглэлдээ дараах алхмуудыг бичиж тэмдэглэ. Үүнд:

Чухал мэдээллийг олж харах.
Амьдралаа харьцуулах.
Үнэ цэнтэй сургамж олж авах.
Хувийн амьдралдаа хэрхэн хэрэгжүүлэхээ тодорхойлох.

Нифайчууд, леменчүүдийн хоорондох тулалдааны талаар суралцахдаа энэ үйл явцыг ашиглан, судар судлаад адилтгах ур чадварыг дадлагажуул.

Дараах алхам нь суралцагчдыг судруудыг адилтгахад чиглүүлж, дараа нь хичээл дээр үүнийг бие даан хийхэд бэлтгэхэд зориулагдсан болно.

Алхам 1: Чухал мэдээллийг олж харах

Алма 43:17–21, 37–39, 51–54-ийг уншаад, чухал мэдээллийг олж мэд. Эдгээр мэдээлэлд хүмүүс, газар орон, эд зүйл эсвэл үйлдэл орж болно.

Суралцагчдаас эдгээр шүлгээс олж мэдсэн чухал мэдээллээ хуваалцахыг хүс. Эдгээрийг самбарт бичиж болно. Шаардлагатай бол суралцагчдад дараах чухал мэдээллийг олж тогтооход тусал.

Моронай цэргүүдээ хуяг дуулга, зузаан хувцсаар хамгаалж байсан бол леменчүүд ямар ч хамгаалалтын хуяг өмсөөгүй байсныг мөн леменчүүд тоо хэмжээгээрээ хамаагүй их байсан ч нифайчууд ялсныг та анзаарсан байх.

Алхам 2: Амьдралтайгаа харьцуулах

Өмнөх алхам дээр тодорхойлсон мэдээллийг ямар нэг сүнслэг байдлын зүйлтэй эсвэл таны амьдралын нөхцөл байдалтай хэрхэн харьцуулж болох талаар бод.

Та өмнөх алхам дээр тодорхойлсон мэдээлэлтэй ямар харьцуулалт хийж чадах вэ? (Хэрэв шаардлагатай бол Сургаал ба Гэрээ 27:1, 15–18 эсвэл Ефес 6:11–16-г үзнэ үү. Та эдгээр шүлгийг Алма 43 дахь шүлгүүдтэй хооронд нь холбож болно.)

Та нифайчуудын хуяг дуулгыг Бурханы хуяг дуулгатай зүйрлэсэн байж магадгүй. Та бас нифайчуудын ялалтыг Сатаныг болон түүний уруу таталтыг ялсантай харьцуулсан байж болох юм.

Алхам 3: Үнэ цэнтэй сургамжийг олж авах

Танд нөлөөлсөн цэдгээс юу сурч мэдсэн тухайгаа бод. Та мөн Аврагчийн тухай юу сурч мэдсэнээ бодож болох юм.

Олон суралцагчийг дараах асуултын хариултыг хуваалцахад урь.

Нифайчууд, леменчүүдийн хоорондох тулаанаас Сатаны эсрэг тулаанд тань тусалж болох ямар сургамжийг та олж мэдсэн бэ?
Энэ цэдэг Есүс Христийн талаар танд юу зааж байна вэ?

Бидний сурч мэдэж болох нэг зарчим бол Сатантай тэмцэхэд бидэнд хэрэгтэй хамгаалалтыг Есүс Христ бидэнд өгдөг гэсэн зарчим юм.

Алхам 4: Хувийн амьдралдаа хэрхэн хэрэгжүүлэхээ тодорхойлох

Өмнөх алхам дээр тодорхойлсон сургамжаа хэрхэн хэрэгжүүлэх талаар эргэцүүлэн бод.

Сатаны эсрэг Есүс Христийн хамгаалалтыг авахын тулд та юу хийж чадах вэ?

Энэ үнэнийг хэрэгжүүлэх олон арга замын дотроос та залбирал (Сургаал ба Гэрээ 10:5-ыг үзнэ үү), судар судлах (1 Нифай 15:24-ийг үзнэ үү) эсвэл Их Эзэний зарлигуудыг сахих (Мозая 2:41-ийг үзнэ үү) гэх зэрэг үнэнч үйлдлээр дамжуулан Аврагчийн хамгаалалт хэрхэн боломжтой болох талаар бодож байсан байх.

Судруудыг адилтгах дасгалыг дахин хий

Дараах нь суралцагчдад судруудыг өөрсөдтэйгөө адилтгах ур чадварыг ашиглахад туслах зорилготой. Шаардлагатай бол суралцагчдад хамтран ажиллах хамтрагчийг эсвэл бүлгийг томил. Дараах судруудыг үзүүлж, суралцагчдыг хичээлийн эхэнд үзүүлсэн дөрвөн алхмыг судалж байхдаа ашиглах боломжтой болгоход чиглүүл.

Дараах шүлгээс дор хаяж хоёрыг сонгоод, судлах явцдаа дөрвөн үе шаттай судруудыг адилтгах үйл явцыг ашиглан дадлага хий.

Алма 48:7–9; 49:13–15

Суралцагчдад сурч мэдсэн, мэдэрсэн зүйлээ хуваалцах боломжийг олго. Та мөн эдгээр шүлгээс өөрийн мэдэрсэн ойлголтыг нэмэх талаар бодож болох юм.

Та судалсан цэдгээсээ ямар чухал мэдээллийг олж мэдсэн бэ?
Та эдгээр мэдээлэл, амьдралынхаа үзэл бодлын хооронд ямар харьцуулалт хийсэн бэ?
Та энэ цэдгээс ямар сургамж олж мэдсэн бэ?
Эдгээр сургамжийг та амьдралдаа хэрхэн хэрэгжүүлж болох вэ?

Тайлбар ба нөхцөл байдлын талаарх мэдээлэл

Өнөөдөр бид ямар арга байдлаар сүнслэг дайнд оролцож байна вэ?

Ерөнхийлөгч Рассэлл М.Нэлсон ийн заасан.

Зураг
Ерөнхийлөгч Рассэлл М.Нэлсон

Нүгэлтэй тулалдах тулаан бол бодит. Дайсан гэрчлэлийг үгүй хийж, Их Эзэний ажилд саад болохын тулд хичээл зүтгэлээ өсгөн нэмэгдүүлж байна. Тэр Их Эзэний баяр баясгалан, хайраас хүртэхэд бидэнд саад болохын тулд цэргүүдээ хамгийн хүчирхэг зэвсгүүдээр агсаж байна. (Рассэлл М.Нэлсон, “Бид илүү сайн үйлдэж, илүү сайн байж чадна,” 2019 оны 4-р сарын Ерөнхий чуулган, 78)

Дайсан илүү ширүүнээр итгэл рүү мөн бидэн рүү, бидний гэр бүл рүү дайрч довтолж байна. Сүнслэг байдлын хувьд давж гарахын тулд бид сөрөг стратеги ба урьдчилсан төлөвлөгөөтэй байх хэрэгтэй. (Рассэлл М.Нэлсон, “Нээлтийн үг,”2018 оны 10-р сарын Ерөнхий чуулган, 4)

Би дайснаас хамгаалагдахын тулд юу хийж болох вэ?

Ерөнхийлөгч Рассэлл М.Нэлсон ийн тайлбарласан.

Зураг
Ерөнхийлөгч Рассэлл М.Нэлсон

Бидэнд “хэрэв [бид] бэлтгэгдэх аваас, [бид] эмээх нь үгүй” Сургаал ба Гэрээ 38:30) хэмээн амласан. Энэхүү баталгаа өнөөдөр гүн гүнзгий утга учрыг агуулдаг. Урьд өмнө тохиож байгаагүй өнөөдрийн сорилт бэрхшээлийг үл харгалзан Есүс Христ дээр сууриа тавьдаг, Түүний хүчээр хэрхэн зэвсэглэхээ мэддэг хүмүүс энэ эрин үеийн өвөрмөц түгшүүрт эрсдэх нь үгүй хэмээн Их Эзэн тунхаглажээ. (Рассэлл М.Нэлсон, “Ариун сүм ба таны сүнслэг байдлын суурь,” 2021 оны 10-р сарын Ерөнхий чуулган, 47)

Гэр орноо аюулгүй газар болгохын тулд би юу хийж болох вэ?

Энэ талаар илүү ихийг мэдэхийн тулд дараах видеог үз.

Нэмэлт суралцах үйл ажиллагаа

Алма 50:17–23. “Ийм аз жаргалтай үе хэзээ ч байгаагүй билээ”

Суралцагчдад амьдралынхаа аз жаргалтай үеүдийн талаар бодоход тусал. Та суралцагчдыг Алма 50:17–23-ыг уншиж, нифайчууд яагаад адислагдаж, аз жаргалтай байсныг олж мэдэхэд урьж болно. Дараа нь та “Та 19-р шүлэг-ээс Их Эзэний талаар амьдралд тань тусалж чадах юуг сурч мэдэж байна вэ?”, “Бид амьдралын хүнд хэцүү үеийг туулсан ч Их Эзэнд дуулгавартай байх талаар юу санаж болох вэ?” гэх зэрэг асуултуудыг ярилцаж болно.

Ерөнхийлөгч Рассэлл М.Нэлсон “Бид амьдралаа Есүс Христэд болон Түүний сайн мэдээнд төвлөрүүлбэл юу тохиолдож, юу тохиолдохгүй байгаагаас үл хамааран баяр баясгаланг мэдрэх боломжтой” хэмээн дурдсан (“Баяр баясгалантай байж, сүнслэг байдлын хувьд тэсэж үлдэх нь,” 2016 оны 10-р сарын Ерөнхий чуулган, 72).

Алма 50–51. Энх тайвныг хадгалахын тулд хуваагдал, зөрчилдөөнөөс зайлсхий

Самбар дээр зөрчилдөөн гэдэг үгийн ижил утгатай үгсийг бич эсвэл зөрчилдөөнийг дүрсэлж болох энгийн хэдэн зураг зур. Суралцагчдаас зөрчилдөөн амьдралд хэрхэн сөргөөр нөлөөлж байгааг харсан эсэхийг нь асуу.

Суралцагчид нифайчуудад үзүүлсэн зөрчилдөөний нөлөөг олж мэдэхийн тулд дараах судрын эшлэлүүдийг уншиж болно.

Алма 50:23–26, 35–36

Алма 51:1–8, 14–16, 21

Суралцагчдад сурч мэдсэн зүйлээ амьдралдаа хэрхэн хэрэгжүүлж болохыг олж мэдэхэд нь тусал: Гэр бүл, найз нөхөд, нийгэм амар амгалан байх нь таны хувьд ямар утга учиртай вэ? Та амьдралынхаа эдгээр талбарт зөрчилдөөнийг шийдвэрлэхэд хэрхэн тусалж болох вэ?

Алма 50:1–6. Бэлтгэхээ хэзээ ч бүү зогсоо

Суралцагчид Алма 50:1–6-г уншаад, нифайчуудын бэлтгэлийг харуулсан зургийг зурж болно. Суралцагчдад аюул нүүрлээгүй үед ч бэлтгэхийн чухлыг ойлгоход нь туслахын тулд ерөнхийлөгч Нэлсоны энэхүү мэдэгдлийг ашигла.

“Бүх зүйл сайн сайхан байсан ч Ахмад Моронай хүмүүсээ бэлтгэсээр байсан. Тэр огтхон ч амсхийгээгүй. Тэр хэзээ ч тайвшраагүй билээ.

Дайсан хэзээ ч дайралтаа зогсоохгүй. Тиймээс бид ч гэсэн хэзээ ч бэлтгэлээ зогсоож болохгүй!” (Рассэлл М.Нэлсон, “Ирээдүйгээ итгэлээр хүлээн ав,” 2020 оны 10-р сарын Ерөнхий чуулган, 79)