អាលម៉ា 53–63

ទិដ្ឋភាព​ទូទៅ

ប្រជាជនអាំម៉ូនបានផ្ដល់ឲ្យយើងនូវគំរូដ៏មានឥទ្ធិពលចំពោះការរក្សាសេចក្ដីសញ្ញា សូម្បីតែពេលប្រឈមនឹងផលវិបាកដ៏លំបាកក៏ដោយ។ ក្នុងអំឡុងពេលនៃសង្រ្គាមដ៏ធំ កូនប្រុសពួកគេត្រូវបានដឹកនាំដោយ ហេលេមិន ទៅកាន់ជ័យជំនះនានាដែលបានសង្គ្រោះជីវិតមនុស្សជាច្រើននាក់។ ពួកទាហានក្មេងៗទាំងនេះបានគោរពតាម⁠«គ្រប់ទាំងពាក្យបញ្ជាយ៉ាងពិតប្រាក» ដោយការដាក់⁠«ជំនឿទុកចិត្តរបស់ពួកគេលើព្រះជានិច្ច» (អាលម៉ា 57:21, 27)។ ក្រោយមក ពេហូរ៉ាន ដែលជាប្រធានចៅក្រមនៃពួកសាសន៍នីហ្វៃ បានរងការចោទប្រកាន់ដោយច្រឡំថាបានធ្វេសប្រហែសប្រើកងទ័ពខុសនៅក្នុងសមរភូមិ ហើយត្រូវសម្រេចជ្រើសយករបៀបឆ្លើយតប។

រៀបចំ​បង្រៀន

ព័ត៌មានខាងក្រោមនេះផ្តល់ជាប្រភេទគំនិតឲ្យដល់គ្រូបង្រៀនអាចត្រូវការរៀបចំទុកជាមុនសម្រាប់មេរៀននីមួយៗ ។ 

អាលម៉ា 53

គោលបំណងមេរៀន៖ គោលបំណងនៃមេរៀននេះគឺដើម្បីជួយបង្កើនដំណោះស្រាយបញ្ចប់របស់សិស្សក្នុងការរក្សាសេចក្តីសញ្ញាពួកគេជាមួយព្រះ។

• ការរៀបចំសិស្ស៖ ចូរហៅសិស្សឲ្យរកមើលពាក្យថា៖ សេចក្ដីសញ្ញា នៅក្នុង សេចក្ដីណែនាំដល់បទគម្ពីរទាំងឡាយ ឬ វចនានុក្រមព្រះគម្ពីរ និងដើម្បីត្រៀមផ្សព្វផ្សាយមូលហេតុដែលការរក្សាសេចក្ដីសញ្ញាជាមួយព្រះមានសារៈសំខាន់។

• កម្រងរូបភាពដែលត្រូវបង្ហាញ៖ ក្រាហ្វិកបង្ហាញផ្លូវទៅរកសេចក្ដីសញ្ញា (រូបភាពនៃប្រជាជនអាំម៉ូនកំពុងកប់អាវុធពួកគេ)។

• ការណែនាំប្រាប់អំពីការប្រៀនតាមវីដេអូ៖ ចូរពិចារណាលើការហៅសមាជិកដ៏មានជំនឿស៊ប់នៃក្រុមជំនុំ ឬសាខាក្រុមជំនុំនៅមូលដ្ឋានឱ្យចូលថ្នាក់រៀន ឬថតវីដេអូដោយសង្ខេបអំពីរបៀបដែលព្រះអម្ចាស់បានប្រទានពរដល់ពួកគេសម្រាប់ការរក្សាសេចក្ដីសញ្ញាពួកគេជាមួយទ្រង់។ ត្រូវប្រាកដថាទទួលបានការអនុញ្ញាតពីអ្នកសម្របសម្រួល ឬអ្នកគ្រប់គ្រងកម្មវិធីរបស់អ្នក និងអ្នកដឹកនាំបព្វជិតភាពក្នុងតំបន់ មុនពេលធ្វើការអញ្ជើញ ។ 

អាលម៉ា 56

គោលបំណងមេរៀន៖ មេរៀននេះមានគោលបំណងជួយសិស្សឲ្យយល់បានថា នៅពេលដែលពួកគេអនុវត្តសេចក្ដីជំនឿលើព្រះយេស៊ូវគ្រីស្ទដោយក្លាហាន ព្រះអម្ចាស់នឹងប្រទានពរពួកគេដោយព្រះចេស្ដារបស់ទ្រង់។

• ការរៀបចំសិស្ស៖ ចូរពិចារណាលើការហៅសិស្សឲ្យគិតអំពីយុវជន ឬក្រុមយុវជនដែលបានបង្ហាញសេចក្តីជំនឿដ៏អស្ចារ្យលើព្រះអម្ចាស់ ទោះបីជាមានការការប្រឈមនឹងបញ្ហាលំបាកយ៉ាងណាក៏ដោយ។

• ក្រដាសចែកឲ្យសិស្ស៖ «ស្ថានភាពដែលពួកអ្នកចម្បាំងក្មេងៗ 2,000 នាក់បានប្រឈមមុខ»

• ការណែនាំប្រាប់អំពីការប្រៀនតាមវីដេអូ៖ ចូរពិចារណាលើការបង្ហាញសកម្មភាពដែលត្រូវគ្នាដល់ថ្នាក់រៀនទាំងមូល។ នៅពេលដែលសិស្សដឹងចម្លើយត្រឹមត្រូវហើយ សូមហៅពួកគេឱ្យប្រើមុខងារគំនូរ ដើម្បីភ្ជាប់សេចក្ដីយោងត្រឹមត្រូវទៅនឹងសេចក្ដីសង្ខេប ឬសរសេរចម្លើយពួកគេដោយការប្រើមុខងារឆាត។

អាលម៉ា 57

គោលបំណងមេរៀន៖ មេរៀននេះមានការរៀបចំឡើងដើម្បីជួយសិស្សឲ្យខិតខំធ្វើ⁠ឬគោរពតាមបទបញ្ញត្តិរបស់ព្រះដោយភាពពិតប្រាកដ។

• ការរៀបចំសិស្ស៖ ចូរហៅសិស្សអ្នកឱ្យគិតពីគំរូនៃការគោរពប្រតិបត្តិរបស់ព្រះអង្គសង្គ្រោះចំពោះព្រះវរបិតាសួគ៌ ហើយសញ្ជឹងគិតលើអ្វីដែលពួកគេបានរៀនពីគំរូទាំងនោះ។

• ការណែនាំប្រាប់អំពីការប្រៀនតាមវីដេអូ៖ ចូរផ្តល់ពេលឲ្យសិស្សបំពេញសកម្មភាពពីរក្នុងចំណោមសកម្មភាពទាំងបីដែលមានដាក់ស្លាក A, B, និង C ។  ចូរដាក់ពួកគេជាក្រុមតូចៗនៅបន្ទប់បំបែក ហើយហៅសិស្សម្នាក់ៗឱ្យឡើងនិយាយប្រាប់សមាជិកក្រុមពួកគេនូវការយល់ដឹងពីសកម្មភាពមួយដែលពួកគេបានបានសម្រេចជ្រើសយក។ បន្ទាប់មកលាយបញ្ចូលគ្នានូវក្រុមសិស្សពីបន្ទប់បំបែកនានា ហើយហៅសិស្សម្នាក់ៗឱ្យឡើងនិយាយប្រាប់ទៅសមាជិកក្រុមថ្មីៗរបស់ពួកគេនូវការយល់ដឹងពីសកម្មភាពផ្សេងទៀតដែលពួកគេបានសម្រេចជ្រើសយក។ ចូរនាំសិស្សចូលថ្នាក់រៀនជុំគ្នាម្ដងទៀត ហើយហៅសិស្សឲ្យឡើងនិយាយប្រាប់អ្វីដែលមានអត្ថន័យដែលពួកគេបានស្វែងយល់ដឹងពីសមាជិកម្នាក់ទៀតនៃថ្នាក់រៀន។

អាលម៉ា 59–61

គោលបំណងមេរៀន៖ មេរៀននេះអាចបំផុសគំនិតសិស្សឱ្យក្លាយខ្លួនកាន់តែដូចព្រះយេស៊ូវគ្រីស្ទ នៅពេលដែលពួកគេឆ្លើយតបចំពោះកំហុសអ្នកដទៃដោយការបង្កើនសេចក្តីស្រឡាញ់ និងការអត់ធ្មត់។

• ការរៀបចំសិស្ស៖ សូមអញ្ជើញសិស្សឲ្យមកថ្នាក់រៀបចំដើម្បីចែកចាយអ្វីដែលធ្វើឲ្យវាពិបាកក្នុងការរស់នៅតាមការបង្រៀនរបស់ព្រះអង្គសង្គ្រោះដែលមាននៅក្នុង នីហ្វៃទី 3 11:29–30 ប៉ុន្តែមូលហេតុដែលវាមានតម្លៃក្នុងការរស់នៅតាមការបង្រៀនទាំងនោះ។

• ការណែនាំប្រាប់អំពីការប្រៀនតាមវីដេអូ៖ ដើម្បីចាប់ផ្ដើមដំណើរការមេរៀន⁠ចូរពិចារណាលើការបង្ហាញ ការថ្លែងដោយ⁠អ៊ែលឌើរ⁠ដេវិដ⁠អេ⁠បេនដា (David A. Bednar) មកពី កូរ៉ុមនៃពួកសាវកដប់ពីរនាក់។⁠ បន្ទាប់មក ចូរហៅសិស្សឱ្យប្រើមុខងារឆាត ដើម្បីសរសេរហេតុផលបន្ថែមដែលយើងអាចនឹងមានអារម្មណ៍គិតឃើញថារងការបំពាន។

ការរំឭកចំណេះចំណានខាងគោលលទ្ធិទី⁠16

គោលបំណងមេរៀន៖ មេរៀននេះអាចជួយឲ្យសិស្សអនុវត្តសេចក្តីពិតពីវគ្គចំណេះចំណានខាងគោលលទ្ធិនៅក្នុងពាក់កណ្តាលទីពីរនៃព្រះគម្ពីរមរមនដល់ជីវិតពួកគេ។

• ការរៀបចំសិស្ស៖ ចូរហៅសិស្សឲ្យរៀបចំត្រៀមខ្លួនផ្សព្វផ្សាយពរជ័យ ឬអត្ថប្រយោជន៍ណាមួយដែលពួកគេបានកត់សម្គាល់ពីការខិតខំអនុវត្តព្រះគម្ពីរក្នុងជីវិតពួកគេ ។

• វីដេអូ៖ «ការដោះស្រាយបញ្ហាជីវិតដោយការប្រើព្រះគម្ពីរមរមន» (1:00)

• មាតិកាដែលត្រូវបង្ហាញ៖ «ចំណេះចំណានខាងគោលលទ្ធិនៃព្រះគម្ពីរមរមន៖ អាលម៉ា–មរ៉ូណៃ»

• ការណែនាំប្រាប់អំពីការប្រៀនតាមវីដេអូ៖ ចូរផ្តល់ពេលគ្រប់គ្រាន់ឱ្យសិស្សធ្វើពីជំហាន A, B, និង C ដើម្បីអនុវត្តវគ្គចំណេះចំណានខាងគោលលទ្ធិចំពោះសេណារីយោដែលពួកគេបានសម្រេចជ្រើសយក។ ចូរហៅសិស្សឱ្យប្រើរូបតំណាងលើកមេដៃ ឬវាយពាក្យថា៖ «រួចរាល់» នៅក្នុងការឆាត នៅពេលដែលពួកគេត្រៀមខ្លួនរួចរាល់ដើម្បីនិយាយប្រាប់⁠ឬផ្សព្វផ្សាយការយល់ដឹងពួកគេក្នុងថ្នាក់រៀនរួចមក។ សិស្សនឹងមានអារម្មណ៍គិតឃើញថា⁠ការនិយាយប្រាប់⁠ឬការផ្សព្វផ្សាយកាន់តែមានទំនុកចិត្ត បើមានការផ្តល់ពេលគ្រប់គ្រាន់ឲ្យពួកគេរៀបចំត្រៀមខ្លួន។