3 Nephi 17–19

Kinatibuk-ang Pagpasabot

Human sa pagtudlo ngadto sa pundok sa mga katawhan, ang Manluluwas mipahibalo nga panahon na alang Kaniya sa pagbiya. Bisan pa niana, ang ilang mga luha ug tinguha nga Siya magpabilin og diyutay pang panahon mitandog sa Iyang kasingkasing. Sa usa ka katingalahang pagpakita og kaluoy, giayo Niya sila, nag-ampo uban kanila, ug gipanalanginan ang ilang mga anak sa tagsa-tagsa. Siya mitudlo kabahin sa ordinansa sa sakramento, ug gipakita Niya kanila unsaon sa pag-ampo. Ug dayon siya mibiya, ug sa pagkasunod nga adlaw ang panon sa katawhan nanagpundok pag-usab. Sila gibunyagan ug napuno sa Espiritu Santo, ug ang mga anghel mialagad kanila. Si Jesus mitungha pag-usab ug mipadayon sa pagtudlo kanila.

Pangandam sa Pagtudlo

Ang mosunod nga impormasyon naghatag sa mga magtutudlo og mga ideya kon unsa ang kinahanglan nga andamon daan alang sa matag leksiyon.

3 Nephi 17

Katuyoan sa leksiyon: Kini nga leksiyon makatabang sa mga estudyante nga mobati sa kaluoy ni Jesukristo alang kanila.

• Pagpangandam sa estudyante: Dapita ang mga estudyante nga maghunahuna og mga higayon diin sila mibati og kaluoy, kapuangod, o gugma gikan sa Dios. Ang mga estudyante mahimong mangandam sa pagpakigbahin kon sa unsang paagi kini nga mga kasinatian nakaapekto sa ilang mga relasyon ngadto Kaniya.

• Mga bidyo: “Si Jesukristo ug ang mga Anghel Nangalagad uban sa Kaluoy” (11:59; tan-awa gikan sa mga time code 0:12 hangtod sa 1:30 ug 1:30 hangtod sa 11:45)

• Sulod nga ipakita: Ang mga bloke sa kasulatan alang sa mga estudyante aron praktisan sa paghanduraw

• Sugyot sa pagtudlo pinaagi sa videoconference: Aron matabangan ang mga estudyante sa paghanduraw kon unsa ang gibuhat sa Manluluwas diha sa 3 Nephi 17:7–25, mahimo nimong i-post ang mga link sa mga bidyo nga adunay mga time code. Kong gustohon sa mga estudyante, mahimo nilang pagngon ang ilang mga mikropono ug ang ilang mga camera samtang nagtan-aw sila sa mga bidyo. Human sa igong panahon, dapita ang mga estudyante sa pagpakigbahin kon hain sa mga gutlo ang labing makahuluganon kanila.

3 Nephi 18:1–14

Katuyoan sa leksiyon: Kini nga leksiyon makatabang sa mga estudyante nga makabaton og makahuloganon nga mga kasinatian sa paghinumdom sa Manluluwas samtang sila moambit sa sakramento.

• Pagpangandam sa estudyante: Dapita ang mga estudyante sa pagpamalandong kon unsa ka makahuloganon ang ilang mga kasinatian sa sakramento. Dasiga ang mga estudyante sa pagpamalandong kon unsay ilang mahimo aron sa pagpalambo niini.

• Bidyo: “Si Jesukristo nagpaila sa Sakramento ngadto sa mga Katawhan” (10:49; tan-awa gikan sa time code 0:12 hangtod sa 6:12)

• Sulod nga ipakita: Ang pagsukod sa kaugalingon mahitungod sa sakramento

• Sugyot sa pagtudlo pinaagi sa videoconference: Ikonsiderar ang paggamit og whiteboard function aron makamugna og tsart mahitungod sa pagbaton og mas makahuloganon nga kasinatian sa sakramento. Ilista ang mga tubag sa mga estudyante diha sa matag bahin sa tsart.

3 Nephi 18:15–39; 19:19–29

Katuyoan sa leksiyon: Kini nga leksiyon makatabang sa mga estudyante sa pagsunod sa mga pagtulun-an ug ehemplo ni Jesukristo sa pag-ampo sa kanunay ug sa pagbaton og mas makahuloganon nga mga pag-ampo.

• Pagpangandam sa estudyante: Dapita ang mga estudyante sa pagbasa o sa pagpaminaw sa pakigpulong ni Presidente M. Russell Ballard “Panagtukaw Kamo sa Tanang Panahon, ug Manag-ampo” (Liahona, Nob. 2020, 77–79), mangita og mga kamatuoran nga makatabang kanila sa ilang personal nga mga pag-ampo.

• Sulod nga ipakita: Ang mosunud nga kapahayag nga gisulat sa pisara: Kon gusto ko makat-on bahin sa , sundon ko ang panig-ingnan ni tungod kay .

• Bidyo: “Ang mga Disipulo Nangalagad ug si Jesukristo Nag-ampo alang sa Katawhan” (7:30; tan-awa gikan sa time code 3:05 hangtod sa 7:18)

• Sugyot sa pagtudlo pinaagi sa videoconference: Dapita ang mga estudyante sa paggamit sa chat feature sa pagkompleto sa mga kapahayag nga “Makasunod ko sa mga pagtulun-an sa Manluluwas sa pag-ampo pinaagi sa …” ug “Makasunod ko sa ehemplo sa Manluluwas sa pag-ampo pinaagi sa…”

3 Nephi 19

Katuyoan sa leksiyon: Ang katuyoan niini nga leksiyon mao ang pagtabang sa mga estudyante nga mas masabtan kon unsaon sa pagdawat sa mga panalangin sa Espiritu Santo.

• Pagpangandam sa estudyante: Ikonsiderar ang pagdapit sa mga estudyante sa pagtuon sa “Ang mga disipulo ni Jesukristo magtinguha sa gasa sa Espiritu Santo” diha sa latid sa pagtuon alang sa 3 Nephi 17–19 sa Dali, Sunod Kanako—Alang sa Panimalay ug Simbahan: Basahon ni Mormon 2024 ug sa pagtambong nga andam sa pagpakigbahin sa unsay ilang nakat-onan ug gibati samtang sila nagbuhat niini.

• Bidyo: “Having the Holy Ghost” (2:56)

• Sugyot sa pagtudlo pinaagi sa videoconference: Ikonsiderar ang pagtahas sa katunga sa imong mga estudyante sa pagbuhat sa kalihokan A ug ang laing katunga sa pagbuhat sa kalihokan B. Hangyoa ang mga estudyante sa pagpangandam sa pagpakigbahin sa unsay ilang nakat-onan ngadto sa usa ka klasmeyt. Human sa igong panahon sa pagtuon, ibutang ang mga estudyante sa mga breakout room aron makatudlo sila sa usag usa. Kon mahimo, ipares ang mga estudyante kinsa nagtuon sa managlahing mga kalihokan.

Rebyo 20 sa Doktrinal nga Kahanas

Katuyoan sa leksiyon: Kini nga leksiyon makahatag sa mga estudyante og oportunidad sa pagsag-ulo sa mga pakisayran sa doktrinal nga kahanas ug sa mahinungdanon nga hugpong sa mga pulong sa kasulatan niini ug gani sa pagsag-ulo sa tibuok mga tudling.

• Pagpangandam sa estudyante: Dapita ang mga estudyante sa pagrebyo sa kataposang 12 ka mga tudling sa doktrinal nga kahanas sa Basahon ni Mormon ug sa pagpili og usa (o pipila ka mahinungdanon nga hugpong sa mga pulong sa kasulatan) nga paminaw nila makatabang alang kanila nga sag-ulohon. Hangyoa sila sa pagtambong nga andam sa pagpakigbahin og mga sirkumstansiya diin ang pagsag-ulo niini nga tudling (o niini nga mga hugpong sa mga pulong) mahimong makatabang kanila ug ngano.

• Sulod nga ipakita: Ang tsart sa mga pakisayran sa doktrinal nga kahanas gikan sa Alma hangtod sa Moroni

• Sugyot sa pagtudlo pinaagi sa videoconference: Ikonsiderar ang pagbutang sa mga estudyante ngadto sa mga breakout room aron sa pagpraktis sa pagsag-ulo sa doktrinal nga kahanas sa mga kasulatan. Ang usa ka paagi nga sila makapraktis mao ang pagsubli sa pagsulti sa mahinungdanon nga hugpong sa mga pulong sa kasulatan o sa tibuok tudling pinaagi sa pagpulipuli sa mga pulong.