Rebyo 20 sa Doktrinal nga Kahanas

Pagsag-ulo

Kini nga leksiyon makahatag kanimo og oportunidad sa pagsag-ulo sa mga pakisayran sa doktrinal nga kahanas ug sa mahinungdanon nga hugpong sa mga pulong sa kasulatan niini ug gani sa pagsag-ulo sa tibuok mga tudling.

Pagtabang sa mga estudyante nga masabtan ang kamahinungdanon sa pagsag-ulo.Pangita og mga oportunidad sa pagdasig sa mga estudyante sa pagsag-ulo sa kasulatan. Tabangi sila nga makita kon sa unsang paagi ang pagsag-ulo sa kasulatan makapalig-on kanila batok sa tentasyon ug makapalig-on sa ilang relasyon ngadto sa Langitnong Amahan ug ni Jesukristo.

Pagpangandam sa estudyante: Dapita ang mga estudyante sa pagrebyo sa kataposang 12 ka mga tudling sa doktrinal nga kahanas sa Basahon ni Mormon ug sa pagpili og usa (o pipila ka mahinungdanon nga hugpong sa mga pulong sa kasulatan) nga paminaw nila makatabang alang kanila nga sag-ulohon. Hangyoa sila sa pagtambong nga andam sa pagpakigbahin og mga sirkumstansiya diin ang pagsag-ulo niini nga tudling (o niini nga mga hugpong sa mga pulong) mahimong makatabang kanila ug ngano.

Mga Posibleng Kalihokan sa Pagkat-on

Ang usa ka leksiyon sa tudling sa doktrinal nga kahanas mahimong kinahanglan nga itudlo puli niini nga leksiyon sa pagrebyo. Tan-awa ang eskedyul sa pagtudlo nga gihatag sa direktor o koordinitor sa area o rehiyon aron maseguro nga matudlo ang matag leksiyon sa tudling sa doktrinal nga kahanas samtang anaa sa sesyon ang seminary.

Makasunod kita sa ehemplo sa Manluluwas pinaagi sa pagsag-ulo sa mga kasulatan

Ang mosunod gituyo aron tabangan ang mga estudyante nga mosunod sa ehemplo ni Jesukristo ug makakaplag og kadasig sa pagsag-ulo sa mga kasulatan. Mahimo kang magpakita og hulagway sa Manluluwas samtang maghisgot sa Iyang ehemplo.

• Unsa ang pipila ka mga paagi nga kita makasunod sa ehemplo ni Jesukristo?

Usa ka paagi nga kita makasunod sa ehemplo ni Jesukristo mao ang pagsag-ulo sa mga kasulatan. Ang Manluluwas migamit og gisag-ulo nga mga kasulatan sa pagbuntog sa tentasyon (tan-awa sa Mateo 4:1–11) ug sa pagtudlo sa uban (tan-awa sa Lucas 24:27; 3 Nephi 22).

• Unsa ang pipila ka mga sitwasyon diin ang nasag-ulo nga mga kasulatan mahimong makatabang?

Sa imong pagsag-ulo sa mga tudling sa kasulatan sa doktrinal nga kahanas o sa mga mahinungdanon nga hugpong sa mga pulong sa kasulatan, hinumdomi nga ikaw nagsunod sa panig-ingnan ni Jesukristo.

Doktrinal nga Kahanas sa Basahon ni Mormon: Alma–Moroni

Manwal sa Magtutudlo sa Basahon ni Mormon (2024)

Pakisayran sa Kasulatan	Mahinungdanon nga Hugpong sa mga Pulong sa Kasulatan
Pakisayran sa Kasulatan Alma 7:11–13	Mahinungdanon nga Hugpong sa mga Pulong sa Kasulatan “Ug siya magpadayon, mag-antos sa mga sakit ug mga kasakit ug mga pagtintal sa matag matang.”
Pakisayran sa Kasulatan Alma 34:9–10	Mahinungdanon nga Hugpong sa mga Pulong sa Kasulatan “Kinahanglan gayod nga adunay pag-ula nga pagahimoon, … usa ka walay kinutoban ug walay kataposan nga sakripisyo.”
Pakisayran sa Kasulatan Alma 39:9	Mahinungdanon nga Hugpong sa mga Pulong sa Kasulatan “Ayaw na pagsunod sa mga tinguha nga daotan sa imong mga mata.”
Pakisayran sa Kasulatan Alma 41:10	Mahinungdanon nga Hugpong sa mga Pulong sa Kasulatan “Ang pagkadaotan dili mahitabo nga kalipay.”
Pakisayran sa Kasulatan Helaman 5:12	Mahinungdanon nga Hugpong sa mga Pulong sa Kasulatan “Diha sa lig-on nga sukaranan sa atong Manunubos … nga kamo kinahanglan gayod motukod sa inyong tukoranan.”
Pakisayran sa Kasulatan 3 Nephi 11:10–11	Mahinungdanon nga Hugpong sa mga Pulong sa Kasulatan “Ako mituman sa kabubut-on sa Amahan sa tanan nga mga butang gikan sa sinugdanan.”
Pakisayran sa Kasulatan 3 Nephi 12:48	Mahinungdanon nga Hugpong sa mga Pulong sa Kasulatan “[Pagmahingpit] sama nga Ako ingon, o ang inyong Amahan kinsa anaa sa langit hingpit.”
Pakisayran sa Kasulatan 3 Nephi 27:20	Mahinungdanon nga Hugpong sa mga Pulong sa Kasulatan “Duol ngari kanako ug magpabunyag … aron kamo mahimo nga pagasantoson pinaagi sa pagdawat sa Espiritu Santo.”
Pakisayran sa Kasulatan Ether 12:6	Mahinungdanon nga Hugpong sa mga Pulong sa Kasulatan “Kamo dili makadawat og saksi hangtod human sa pagsulay sa inyong hugot nga pagtuo.”
Pakisayran sa Kasulatan Ether 12:27	Mahinungdanon nga Hugpong sa mga Pulong sa Kasulatan “Kon ang mga tawo moduol ngari kanako … niana Ako mohimo sa mahuyang nga mga butang nga mahimo nga malig-on ngadto kanila.”
Pakisayran sa Kasulatan Moroni 7:45–48	Mahinungdanon nga Hugpong sa mga Pulong sa Kasulatan “Ang gugma nga putli mao ang tiunay nga gugma ni Kristo.”
Pakisayran sa Kasulatan Moroni 10:4–5	Mahinungdanon nga Hugpong sa mga Pulong sa Kasulatan “Mangutana sa kinasingkasing, uban sa tinuod nga katuyoan nga may hugot nga pagtuo kang Kristo … [ug] pinaagi sa gahom sa Espiritu Santo kamo mahimo nga masayod sa kamatuoran sa tanan nga mga butang.”

© 2024 by Intellectual Reserve, Inc. All rights reserved.

Ikonsiderar ang pagbahin sa mga estudyante ngadto sa gagmay nga mga grupo ug dapita sila sa pagpili og usa ka tudling sa doktrinal nga kahanas gikan sa tsart nga gusto nilang isag-ulo. Awhaga ang matag grupo nga hilom nga pagatun-an ang pinili nga tudling sulod sa pipila ka minuto. Ang mga estudyante mahimong makigtinabangay sa ilang grupo sa pagsag-ulo sa tudling gamit ang hugpong sa hugpong [phrase by phrase] nga kalihokan nga gihulagway sa ubos, uban pang mga pamaagi nga ilang gipraktis kaniadto, o sa pagsag-ulo nga feature sa app sa Doktrinal nga Kahanas.

Laing kapilian mao ang paghatag sa matag grupo og usa ka blangko nga piraso sa papel. Ang usa ka estudyante magsugod pinaagi sa pagsulat sa pakisayran sa kasulatan diha sa papel. Dayon kana nga estudyante mopasa niini sa sunod nga estudyante, kinsa mosulat sa unang pulong sa tudling. Ang papel ipasa, nga ang matag estudyante magsulat og usa ka pulong hangtod nga ang tibuok tudling makompleto. Laing kapilian mao ang paghatag sa matag estudyante og 10 kasegundo sa pagsulat kutob sa mahimo sa dili pa ipasa ang papel ngadto sa sunod nga estudyante. Ang mga grupo mahimong mobuhat niini sa makadaghang higayon, maningkamot sa pagkompleto niini sa mas paspas sa matag higayon.

Rebyoha

Imbis nga pasulaton ang mga estudyante og mubo nga sulat kanimo, ikonsiderar ang pagpasulat kanila og usa ka sulat ngadto sa ilang kaugalingon karon o sa umaabot nga kaugalingon. Ang laing kapilian mao ang pagpahisgot kanila sa mosunod nga mga pangutana nga magpares o diha sa ginagmayng grupo.

Pagsulat og mubo nga sulat ngadto sa imong magtutudlo. Ilakip ang mosunod:

• Ang tudling sa kasulatan o ang mahinungdanon nga hugpong sa mga pulong sa kasulatan nga imong gipaningkamotan sa pagsag-ulo ug hain nga mga paagi sa pagsag-ulo ang imong gigamit

• Mga kahimtang nga imong giatubang karon o atubangon sa umaabot diin ang pagsag-ulo niini nga tudling o mahinungdanon nga hugpong sa mga pulong makatabang

• Ang imong mga hunahuna kon sa unsang paagi ang pagsag-ulo sa mga kasulatan makatabang kanimo sa pagsunod sa ehemplo ni Jesukristo

Pangita og mga kahigayonan sa kanunay nga pagsulti og balik sa nasag-ulo nga pakisayran ug sa tudling sa kasulatan (o sa mahinungdanon nga hugpong sa mga pulong).