« ការរំឭកចំណេះចំណានខាងគោលលទ្ធិ ទី ២២ ៖ អនុវត្ត » ព្រះគម្ពីរមរមន សៀវភៅសិក្សាសម្រាប់គ្រូបង្រៀន ( ឆ្នាំ ២០២៤ )
« ការរំឭកចំណេះចំណានខាងគោលលទ្ធិ ទី ២២ » ព្រះគម្ពីរមរមន សៀវភៅសិក្សាសម្រាប់គ្រូបង្រៀន
ការរំឭកចំណេះចំណានខាងគោលលទ្ធិ ទី ២២
អនុវត្ត
មេរៀននេះ នឹងផ្តល់ឱកាសឲ្យអ្នកអនុវត្តវគ្គបទគម្ពីរចំណេះចំណានខាងគោលលទ្ធិនៃព្រះគម្ពីរមរមនចំពោះស្ថានភាពជីវិតពិត ។
លើកទឹកចិត្តឲ្យសិស្សមានការជ្រើសរើស ។ការផ្តល់ឲ្យសិស្សមានការជ្រើសរើសទៅលើអ្វី ឬរបៀបដែលពួកគេសិក្សានៅក្នុងអំឡុងពេលកំពុងសិក្សាមេរៀនមួយ អាចឲ្យពួកគេអនុវត្តសិទ្ធិជ្រើសរើស និងការរីកចម្រើនខាងវិញ្ញាណរបស់ពួកគេ ។ ការរីកចម្រើននេះ អាចស្ថាបនាសេចក្តីជំនឿរបស់សិស្សទៅលើព្រះវរបិតាសួគ៌ និងព្រះយេស៊ូវគ្រីស្ទ ។
ការរៀបចំសិស្ស ៖ សូមអញ្ជើញសិស្សឲ្យសញ្ជឹងគិត ហើយរៀបចំខ្លួនដើម្បីចែកចាយសេចក្ដីពិត ឬសេចក្ដីបង្រៀនណាមួយមកពីវគ្គបទគម្ពីរចំណេះចំណានខាងគោលលទ្ធិ ដែលវាអនុវត្តចំពោះជីវិតរបស់ពួកគេ ។
សកម្មភាពរៀនសូត្រដែលអាចមាន
មេរៀនវគ្គបទគម្ពីរចំណេះចំណានខាងគោលលទ្ធិ អាចនឹងត្រូវបង្រៀនជំនួសឲ្យមេរៀនរំឭកឡើងវិញនេះ ។ សូមមើលកាលវិភាគល្បឿនបង្រៀនដែលផ្តល់ដោយប្រធាន ឬអ្នកសម្របសម្រួលប្រចាំតំបន់ ឬភូមិភាគ ដើម្បីធានាថាមេរៀនវគ្គបទគម្ពីរចំណេះចំណានខាងគោលលទ្ធិនីមួយៗនឹងត្រូវបានបង្រៀន អំឡុងពេលវគ្គសិក្សារបស់ថ្នាក់សិក្ខាសាលា ។
ស្ថានភាពជីវិតពិត
សូមពិចារណាធ្វើការបង្ហាញ ឬក៏ផ្តល់ជាសាច់រឿងខាងក្រោមឲ្យដល់សិស្ស ។ គោលបំណងនៃការអញ្ជើញសិស្សឲ្យបំពេញសាច់រឿងខាងក្រោមនេះ គឺដើម្បីជួយដល់ពួកគេឲ្យរៀនអនុវត្តសេចក្តីពិតនៅក្នុងព្រះគម្ពីរទៅនឹងជីវិតរបស់ពួកគេផ្ទាល់ ។ សូមអញ្ជើញសិស្សឲ្យបំពេញចន្លោះនៅលើក្រដាសមួយសន្លឹក ដោយខ្លួនពួកគេផ្ទាល់ដោយមិនប្រើឈ្មោះមនុស្ស ដែលសិស្សផ្សេងទៀតក្នុងថ្នាក់ស្គាល់ឡើយ ។
សូមគិតអំពីយុវវ័យដែលអ្នកស្គាល់ ។ សូមសញ្ជឹងគិតពិចារណាអំពីស្ថានភាពខ្លះៗនៃគ្រួសាររបស់ពួកគេអំពីអ្វីដែលពួកគេពេញចិត្ត និងបញ្ហាប្រឈមមុខមួយចំនួនដែលពួកគេជួបប្រទះ ។ សូមពិចារណាទៅលើព័ត៌មាននេះ នៅពេលដែលអ្នកបង្កើតសាច់រឿងស្រមើលស្រមៃមួយ ប៉ុន្តែសាច់រឿងដែលជាក់ស្តែង ដើម្បីប្រើប្រាស់នៅក្នុងមេរៀននេះ ដោយបំពេញនៅចន្លោះខាងក្រោមនេះ ៖
-
( សូមបញ្ចូលឈ្មោះ ) មានអាយុ ឆ្នាំ ហើយមានមនុស្ស នាក់ នៅក្នុងគ្រួសារ ( របស់គាត់ ឬនាង ) ។ ( គាត់ ឬនាង ) ស្រឡាញ់ , និង ។ បញ្ហាមួយចំនួនដែល ( គាត់ ឬ នាង ) កំពុងប្រឈមមុខ គឺ , និង ។ ( គាត់ ឬនាង ) មានអារម្មណ៍ថា ទីបន្ទាល់ ( របស់គាត់ ឬនាង ) អំពីព្រះយេស៊ូវគ្រីស្ទ គឺ ។
របៀបមួយដែលព្រះអម្ចាស់ណែនាំយើងឲ្យឆ្លងកាត់ឧបសគ្គរបស់យើង គឺតាមរយៈការបង្រៀនរបស់ទ្រង់នៅក្នុងបទគម្ពីរនេះ ។ នៅពេលដែលយើងសិក្សា និងអនុវត្តការបង្រៀននៅក្នុងបទគម្ពីរនេះ យើងអាចស្វែងរកចម្លើយ ដើម្បីជួយយើងក្នុងជីវិតរបស់យើង ។
សូមរំឭកសិស្សអំពីការរៀបចំខ្លួនរបស់ពួកគេសម្រាប់ការចូលរៀនមេរៀន ព្រោះពួកគេត្រូវឆ្លើយទៅនឹងសំណួរខាងក្រោមនេះ ។
-
តើតម្លៃនៃការយល់បទគម្ពីរ និងការអនុវត្តបទគម្ពីរនៅក្នុងជីវិតរបស់យើង គឺជាអ្វី ?
-
តើមានរបៀបអ្វីខ្លះដែលអ្នកបានអនុវត្តការបង្រៀនអំពីបទគម្ពីរដោយជោគជ័យនៅក្នុងជីវិតរបស់អ្នក ?
អែលឌើរ ក្រេហ្គ ស៊ី គ្រីស្ទីនសិន នៃពួកចិតសិបនាក់បានពន្យល់អំពីរបៀបដែល យ៉ូសែប ស៊្មីធ បានប្រើប្រាស់លំនាំមួយ ដើម្បីអនុវត្តការបង្រៀនបទគម្ពីរដោយជោគជ័យ ៖
យ៉ូសែបបានអនុញ្ញាតឲ្យបទគម្ពីរនេះជ្រាបចូលក្នុងដួងចិត្តរបស់លោក ។ លោកបានសញ្ជឹងគិតពិចារណាអំពីបទគម្ពីរនេះយ៉ាងស៊ីជម្រៅ ហើយយកបទគម្ពីរទៅអនុវត្តជាមួយនឹងស្ថានភាពរបស់លោកដោយផ្ទាល់ ។ បន្ទាប់មក លោកបានធ្វើតាមអ្វីដែលលោកបានរៀន ។ ( ក្រេហ្គ ស៊ី គ្រីស្ទីនសិន « I Know These Things of Myself » Liahona ខែ វិច្ឆិកា ឆ្នាំ ២០១៤ ទំព័រ ៥១ )
-
តើអ្នកចាប់អារម្មណ៍អ្វីខ្លះចេញពីសេចក្តីថ្លែងការណ៍របស់អែលឌើរ គ្រីស្ទីនសិន ?
អ្នកប្រហែលជាបានឃើញលំនាំខាងក្រោមនៅក្នុងឧទាហរណ៍របស់ យ៉ូសែប ៖
-
សិក្សាបទគម្ពីរដោយដួងចិត្តបើកចំហ ។
-
សញ្ជឹងគិតពិចារណាអំពីបទគម្ពីរឲ្យស៊ីជម្រៅ ។
-
អនុវត្តការបង្រៀនទៅនឹងស្ថានភាពនេះ ។
-
ធ្វើសកម្មភាពតាមអ្វីដែលបានរៀន ។
ការប្រើប្រាស់លំនាំ
ប្រសិនបើមានប្រយោជន៍ អ្នកអាចបង្ហាញតារាងខាងក្រោមអំពីវគ្គបទគម្ពីរចំណេះចំណានខាងគោលលទ្ធិ ឬផ្តល់ច្បាប់ចម្លងរបស់វាឲ្យដល់សិស្សសម្រាប់អនុវត្តនូវសកម្មភាពខាងក្រោម ។
សូមពិចារណាទៅលើសាច់រឿងដែលអ្នកបានបង្កើតមុននេះ ។ សូមពិនិត្យមើលវគ្គបទគម្ពីរចំណេះចំណានខាងគោលលទ្ធិខាងក្រោម ហើយសរសេរលើក្រដាសនៅក្រោមសាច់រឿងរបស់អ្នកដោយយោងទៅលើវគ្គបទគម្ពីរមួយក្នុងចំណោមវគ្គបទគម្ពីរទាំងនេះ ដែលអ្នកគិតក្នុងចិត្តថា វាមានប្រយោជន៍សម្រាប់បុគ្គលម្នាក់នេះនៅក្នុងសាច់រឿងរបស់អ្នកដើម្បីអនុវត្ត ។ សូមធ្វើតាមជំហានបីដំបូងនៃលំនាំខាងលើនេះ ។ សូមសិក្សាវគ្គបទគម្ពីរដោយដួងចិត្តបើកចំហ ។ សូមសញ្ជឹងគិតឲ្យបានស៊ីជម្រៅ ។ បន្ទាប់មក សូមសរសេរអំពីមូលហេតុដែលធ្វើឲ្យអ្នកមានអារម្មណ៍ថា វគ្គបទគម្ពីរនេះមានប្រយោជន៍សម្រាប់អ្នកដើម្បីអនុវត្ត ។
ចំណេះចំណានខាងគោលលទ្ធិនៃព្រះគម្ពីរមរមន ៖ អាលម៉ា–មរ៉ូណៃ
ព្រះគម្ពីរមរមន សៀវភៅសិក្សាសម្រាប់គ្រូបង្រៀន ( ឆ្នាំ ២០២៤ )
|
សេចក្តីយោងបទគម្ពីរ |
ឃ្លាបទគម្ពីគន្លឹះ |
|---|---|
សេចក្តីយោងបទគម្ពីរ | ឃ្លាបទគម្ពីគន្លឹះ « ហើយទ្រង់នឹងយាងទៅដោយរងការឈឺចាប់ និងទុក្ខវេទនា និងការល្បួងគ្រប់បែបយ៉ាង » ។ |
សេចក្តីយោងបទគម្ពីរ | ឃ្លាបទគម្ពីគន្លឹះ « ជាការចាំបាច់ត្រូវតែមានដង្វាយធួនមួយកើតឡើង … ការបូជាមួយដ៏និរន្តរ៍ និងអស់កល្បជានិច្ច » ។ |
សេចក្តីយោងបទគម្ពីរ | ឃ្លាបទគម្ពីគន្លឹះ « កុំទៅតាមសេចក្តីសម្រើបនៃភ្នែករបស់ខ្លួនឡើយ » ។ |
សេចក្តីយោងបទគម្ពីរ | ឃ្លាបទគម្ពីគន្លឹះ « សេចក្ដីទុច្ចរិតពុំដែលជាសុភមង្គលឡើយ » ។ |
សេចក្តីយោងបទគម្ពីរ | ឃ្លាបទគម្ពីគន្លឹះ « គឺនៅលើសិលានៃព្រះដ៏ប្រោសលោះនៃយើង…ដែលកូនត្រូវសង់គ្រឹះរបស់កូន » ។ |
សេចក្តីយោងបទគម្ពីរ | ឃ្លាបទគម្ពីគន្លឹះ « យើងបានធ្វើការនេះ ដោយបានស៊ូទ្រាំតាមព្រះហឫទ័យនៃព្រះវរបិតាចំពោះគ្រប់ការណ៍ទាំងអស់ ចាប់តាំងពីដើមដំបូងមក » ។ |
សេចក្តីយោងបទគម្ពីរ | ឃ្លាបទគម្ពីគន្លឹះ « បានល្អឥតខ្ចោះដូចជាយើង ឬដូចជាព្រះវរបិតារបស់អ្នករាល់គ្នាដែលគង់នៅស្ថានសួគ៌ ទ្រង់ល្អឥតខ្ចោះដែរ » ។ |
សេចក្តីយោងបទគម្ពីរ | ឃ្លាបទគម្ពីគន្លឹះ « ចូរមករកយើង ហើយទទួលបុណ្យជ្រមុជទឹក… ប្រយោជន៍ឲ្យអ្នករាល់គ្នាអាចបានញែកចេញបរិសុទ្ធ ដោយការទទួលនូវព្រះវិញ្ញាណបរិសុទ្ធ » ។ |
សេចក្តីយោងបទគម្ពីរ | ឃ្លាបទគម្ពីគន្លឹះ « អ្នករាល់គ្នាពុំទទួលសាក្សីឡើយ លុះដល់ពេលក្រោយពីការសាកល្បងនៃសេចក្ដីជំនឿរបស់អ្នកសិន » ។ |
សេចក្តីយោងបទគម្ពីរ | ឃ្លាបទគម្ពីគន្លឹះ « បើសិនជាមនុស្សលោកមករកយើង … យើងនឹងធ្វើឲ្យអ្វីដែលទន់ខ្សោយក្លាយទៅជាខ្លាំងពូកែចំពោះពួកគេវិញ » ។ |
សេចក្តីយោងបទគម្ពីរ | ឃ្លាបទគម្ពីគន្លឹះ « សេចក្ដីសប្បុរស គឺជាសេចក្ដីស្រឡាញ់ដ៏សុទ្ធសាធនៃព្រះគ្រីស្ទ » ។ |
សេចក្តីយោងបទគម្ពីរ | ឃ្លាបទគម្ពីគន្លឹះ « សូមសួរដោយចិត្តស្មោះសរ ដោយស្មោះអស់ពីចិត្ត ដោយមានសេចក្ដីជំនឿជឿដល់ព្រះគ្រីស្ទ … [ និង ] ដោយព្រះចេស្ដានៃព្រះវិញ្ញាណបរិសុទ្ធ នោះអ្នករាល់គ្នាអាចស្គាល់សេចក្ដីពិតនៃគ្រប់ការណ៍ទាំងអស់ » ។ |
ការអនុវត្តបទគម្ពីរ
ដើម្បីបន្តធ្វើតាមគំរូខាងលើ សូមព្យាយាមអនុវត្តបទគម្ពីរដែលអ្នកបានជ្រើសរើសចំពោះបុគ្គលម្នាក់នេះនៅក្នុងសាច់រឿងរបស់អ្នក ដោយអញ្ជើញគាត់ឲ្យអនុវត្តសកម្មភាពអ្វីដែលត្រូវបានបង្រៀន ។ ជំហានខាងក្រោមអាចមានប្រយោជន៍ដើម្បីអនុវត្តសកម្មភាពបែបនេះ ៖
សូមពិចារណាបែងចែកសិស្សជាបួនក្រុម រួចហើយបង្ហាញការណែនាំខាងក្រោមនេះ ។
សិស្សអាចចាប់ផ្តើមដោយហុចក្រដាសដែលមានសាច់រឿងរបស់គាត់ ឬនាង និងបានជ្រើសរើសបទគម្ពីរយោងរួចហើយទៅកាន់បុគ្គលម្នាក់ទៀតនៅក្នុងក្រុមនេះ ។ បន្ទាប់មក សិស្សអាចពិនិត្យមើលទៅលើសាច់រឿង និងវគ្គបទគម្ពីរនៅលើក្រដាសនេះ ហើយបំពេញជំហាន « ក » នៅលើក្រដាសនោះ ។
បន្ទាប់មក អាចបញ្ជូនក្រដាសនេះទៅឲ្យសិស្សម្នាក់ផ្សេងទៀត ដែលជាអ្នកបានបំពេញជំហាន « ខ » រួចហើយបញ្ជូនក្រដាសម្តងទៀតទៅឲ្យសិស្សផ្សេងទៀត ដែលជាអ្នកបានបំពេញជំហាន « គ » ។
-
សូមកត់ត្រារបៀបមួយឬពីរ ដែលបុគ្គលនេះអាចអនុវត្តដោយសេចក្តីជំនឿ ដែលផ្អែកលើសេចក្តីពិតនៅក្នុងវគ្គបទគម្ពីរចំណេះចំណានខាងគោលលទ្ធិ ។ ឧទាហរណ៍ នរណាម្នាក់ដែលខិតខំព្យាយាមអនុវត្តការបង្រៀននៅក្នុង អេធើរ ១២:២៧ ដែលប្រហែលជាអាចនឹងស្វែងរករបៀប ដើម្បីអភិវឌ្ឍភាពរាបសារដែលជាគុណលក្ខណៈដូចព្រះគ្រីស្ទ ឬធ្វើសកម្មភាពដើម្បីចូលមករកព្រះគ្រីស្ទ ដូចជាការទទួលទានសាក្រាម៉ង់រៀងរាល់សប្តាហ៍ដោយចិត្តផ្តោតលើព្រះអង្គសង្គ្រោះ ។
-
សូមកត់ត្រានូវអ្វីដែលអ្នកចង់និយាយ ដើម្បីលើកទឹកចិត្ត និងជំរុញចិត្តបុគ្គលនេះឲ្យចង់ធ្វើសកម្មភាពដែលគាត់បានរៀនសូត្រ ។ ដោយដាក់បញ្ចូលពីរបៀបអនុវត្តសារលិខិតដែលអាចមានផលវិជ្ជមានទៅលើទំនាក់ទំនងរបស់បុគ្គលនោះជាមួយព្រះវរបិតាសួគ៌ និងព្រះយេស៊ូវគ្រីស្ទ និងសេចក្តីប្រាថ្នា និងសមត្ថភាពរបស់គាត់ឬនាង ដើម្បីក្លាយដូចជាទ្រង់ទាំងទ្វេ ។
-
សូមកត់ត្រាទីបន្ទាល់របស់អ្នកអំពីសេចក្ដីពិត ដែលបានបង្រៀននៅក្នុងវគ្គបទគម្ពីរ ឬបទពិសោធន៍ដែលទាក់ទងទៅនឹងវគ្គបទគម្ពីរនេះផងដែរ ។
ឥឡូវនេះ អាចបញ្ជូនក្រដាសទាំងអស់ទៅកាន់អ្នកនិពន្ធដើមវិញ ដើម្បីឲ្យគាត់ឬនាងអាចពិនិត្យមើល និងរៀនសូត្រអំពីអ្វីដែលសិស្សផ្សេងទៀតបានសរសេរ ។
អនុវត្តវគ្គបទគម្ពីរនៅក្នុងជីវិត របស់អ្នក
សូមលើកទឹកចិត្តសិស្សឲ្យកត់ត្រាចម្លើយរបស់ពួកគេចំពោះសំណួរខាងក្រោមនេះចូលក្នុងសៀវភៅកំណត់ហេតុការសិក្សារបស់ពួកគេ ។
-
តើសេចក្ដីពិតដែលអ្នកបានសិក្សា និងបានពិចារណាអនុវត្តចំពោះស្ថានភាពជីវិតរបស់អ្នកដោយរបៀបណា ?
-
តើមានសកម្មភាពអ្វីខ្លះដែលអ្នកមានអារម្មណ៍ថា ទទួលបានការបំផុសគំនិតឲ្យធ្វើ ? ( ឧទាហរណ៍ អ្នកអាចដឹងអំពីវិធីដើម្បីកែតម្រូវការសិក្សាបទគម្ពីរផ្ទាល់ខ្លួនរបស់អ្នក ដើម្បីផ្តោតយកចិត្តទុកដាក់បន្ថែមទៀតលើការអនុវត្តសេចក្តីពិតដែលអ្នករកឃើញ ។ សូមពិចារណាអំពីរបៀបដែលអ្នកអាចប្រើប្រាស់លំនាំដែលអ្នកបានអនុវត្តនៅក្នុងមេរៀននេះ ដើម្បីធ្វើបែបនេះ ) ។
-
តើសកម្មភាពរបស់អ្នកអាចមានផលវិជ្ជមានលើទំនាក់ទំនងរបស់អ្នកជាមួយនឹងព្រះវរបិតាសួគ៌ និងព្រះយេស៊ូវគ្រីស្ទដោយរបៀបណា ?