Seminari
Mormoni 9:7–27: “Një Perëndi Mrekullish”

“Mormoni 9:7–27: ‘Një Perëndi Mrekullish’”, Manual i Mësuesit për Librin e Mormonit (2024)

“Mormoni 9:7–27”, Manual i Mësuesit për Librin e Mormonit

Mormoni 9:7–27

“Një Perëndi Mrekullish”

Pamja
Krishti duke shëruar një burrë të verbër

Ndonjëherë kur lexojmë rreth mrekullive në shkrimet e shenjta, ne mund të pyesim veten se përse nuk kemi mrekulli të ngjashme në kohën tonë. Moroni e dinte se disa njerëz do ta shtronin këtë pyetje në ditët e fundit. Ky mësim mund të të ndihmojë ta kuptosh se si të pasurit e besimit në Perëndi mund ta lejojë Atë të kryejë mrekulli në jetën tënde.

Ndërtoni besim te Jezu Krishti. Studimi i shkrimeve të shenjta mund t’i ndihmojë nxënësit të arrijnë ta njohin Jezu Krishtin. Nxitini ata t’i afrohen Shpëtimtarit duke u përqendruar te parimet që kthejnë në besim dhe duke ushtruar besim në Të ndërsa studiojnë.

Përgatitja e nxënësve: Ftojini nxënësit të lexojnë ose dëgjojnë bisedën e Plakut Ronald A. Rasband “Vini Re! Unë Jam një Perëndi Mrekullish” dhe të mendojnë rreth asaj që mësojnë ose çfarë pyetjesh kanë rreth mrekullive. Kjo bisedë është në dispozicion në ChurchofJesusChrist.org.

Veprimtari të Mundshme të të Mësuarit

Një Perëndi mrekullish

Për t’i ndihmuar nxënësit të diskutojnë se si Perëndia vazhdon të bëjë mrekulli ndër fëmijët e Tij sot, merreni parasysh të tregoni një përvojë ose skenar. Mund t’u kërkoni nxënësve të vrasin mendjen përse disa njerëz i shohin mrekullitë thjesht si rastësi.

Ne mund të mendojmë se shumë ngjarje në jetën tonë janë mrekulli. Megjithatë, disa mund t’i shohin ato vetëm si rastësi. Mendo për disa shembuj mrekullish që disa veta mund t’i ngatërrojnë me rastësitë.

  • Çfarë mendon se i bën njerëzit t’i ngatërrojnë mrekullitë me rastësi?

  • Përse do të ishte e rëndësishme që njerëzit të kenë besim që Perëndia po bën mrekulli në jetën tonë sot?

Reflekto mbi besimin tënd se Perëndia mund të bëjë mrekulli. Sa fort beson te mrekullitë në shkrimet e shenjta, në jetën e të tjerëve dhe në jetën tënde?

Moroni dëshmon për mrekullitë e Perëndisë

Moroni, që e pa kohën tonë, u shkroi një mesazh atyre që e mohojnë se ende mund të ndodhin mrekulli.

Lexo te Mormoni 9:7–11, duke kërkuar se çfarë dha mësim Moroni rreth Perëndisë.

  • Çfarë të bie në sy nga këto vargje?

  • Çfarë të vërtetash mund të përcaktosh?

Merreni parasysh t’i shkruani këto të vërteta në tabelë.

Dy të vërteta që Moroni i dha mësim, janë që Perëndia është i njëjtë dje, sot dhe përgjithmonë dhe se Perëndia është një Perëndi mrekullish.

  • Si mund të ndikojë kuptueshmëria e këtyre të vërtetave në besimin tonë te Perëndia?

Krijoni një mënyrë se si mund t’i ndihmoni nxënësit të mendojnë më thellësisht për mësimet e Moronit në këtë kapitull. Një mënyrë mund të jetë t’i vini nxënësit të krijojnë një pamflet që përmbledh dhe jep shembuj të mësimeve të Moronit. Nxënësit mund të punojnë individualisht ose në grupe të vogla. Siguroni letër, mjete për të shkruar, si dhe udhëzimet e nevojshme. Mbase mund të keni figura të Shpëtimtarit duke kryer mrekulli që ata t’i presin dhe ngjisin për t’i përdorur si kapak për pamfletin. Nxënësit mund të bëjnë edhe një paraqitje digjitale ose të një lloji tjetër të zgjedhur prej tyre.

Imagjino sikur je në gjendje ta ndihmosh Moronin ta japë mesazhin e tij duke përgatitur një paraqitje që i shpjegon këto të vërteta.

Krijo një pamflet duke e palosur një fletë letër në gjysmë, në mënyrë që të përfitosh një kapak, dy pjesë të brendshme dhe një pjesë të pasme. Për të të ndihmuar për organizimin e pamfletit tënd, merre parasysh ta emërtosh çdo pjesë dhe të vendosësh një figurë ose ilustrim mbi kapak.

  • Pjesa një (kapaku): “Perëndia është një Perëndi mrekullish”.

  • Pjesa dy: “Shembuj mrekullish”.

  • Pjesa tre: “Mrekullitë që ndodhin sot”.

  • Pjesa katër: “Si ta ftosh Perëndinë të bëjë mrekulli”.

Gjatë gjithë mësimit, shto mendimet, ndjenjat, mbresat dhe idetë që të lindin ndërsa studion.

Shembuj mrekullish

Lexo te Mormoni 9:11–18, duke kërkuar mrekullitë që Moroni donte që t’i dallojmë. Rendite atë që zbulove, në faqen e dytë të pamfletit tënd.

Pasi t’i kesh përcaktuar disa mrekulli që i përmendi Moroni, rendit mrekulli të tjera nga shkrimet e shenjta që mund të të vijnë në mendje.

  • Çfarë të ndihmojnë këto mrekulli të kuptosh rreth Atit Qiellor dhe Jezu Krishtit?

Mrekullitë që ndodhin sot

Lexo te Mormoni 9:19, duke kërkuar atë që dha mësim Moroni rreth mrekullive sot.

Plaku Ronald A. Rasband, i Kuorumit të Dymbëdhjetë Apostujve, dha mësim rreth mënyrës se si mund t’i dallojmë mrekullitë në kohën tonë.

Pamja
Plaku Ronald A. Rasband

“Mrekullitë, shenjat dhe çuditë gëlojnë mes pasuesve të Jezu Krishtit sot, në jetën tuaj dhe në jetën time. Mrekullitë janë vepra hyjnore, shpërfaqje dhe shprehje të fuqisë së pakufishme të Perëndisë dhe një pohim se Ai është ‘i njëjti dje, sot dhe përgjithmonë’. …

Shumë prej jush kanë dëshmuar mrekulli, më shumë nga sa mund ta përfytyroni. Ato mund të duken të vogla krahasuar me ngritjen e të vdekurve nga Jezusi. Por nuk është madhështia ajo që e dallon një mrekulli, por vetëm fakti që vjen nga Perëndia.” (Ronald A. Rasband, “Vini Re! Unë Jam një Perëndi Mrekullish”, Liahona, maj 2021, f. 109–110)

  • Çfarë mund të na ndihmojë të kuptojmë kjo thënie rreth mrekullive?

  • Cilat janë disa mrekulli të mëdha dhe të vogla që mund të vijnë nga Perëndia sot?

Në faqen e tretë të pamfletit tënd të emërtuar “Mrekullitë që ndodhin sot”, shkruaj mrekullitë që ti ose ata që ti njeh, i keni dëshmuar.

Merreni parasysh t’i ftoni nxënësit t’i tregojnë mrekullitë që i kanë përjetuar. Nuk duhet t’u kërkoni atyre të tregojnë ndonjë gjë që e ndiejnë se është tepër vetjake ose e shenjtë. Kjo mund të jetë një kohë e përshtatshme për t’i treguar mrekullitë që ju i keni përjetuar, duke përfshirë ato të voglat që mund të konsiderohen si rastësi.

Për një shembull materiali filmik, ju mund të shfaqni “Sanctify Yourselves” [“Shenjtëroni Veten Tuaj”] ose një përvojë të treguar nga Plaku Ronald A. Rasband te materiali filmik “Sipas Qëllimit Hyjnor” nga kodi kohor 7:16 deri në 8:19.

Si ta ftosh Perëndinë të bëjë mrekulli

Mendo rreth disa mrekullive që ti e ndien se janë më të nevojshmet ose më të shpresuarat sot.

Lexo te Mormoni 9:20–28, duke kërkuar atë që Perëndia na kërkon të bëjmë që të mund të na bekojë me mrekulli.

  • Si mund ta ftojmë Perëndinë të bëjë mrekulli në jetën tonë?

Lexoje thënien vijuese nga Presidenti Rasëll M. Nelson ose shikoje materialin filmik “Fuqia e Hovit Shpirtëror”, nga kodi kohor 13:30 deri në 14:05, në dispozicion në ChurchofJesusChrist.org.

Pamja
Presidenti Rasëll M. Nelson

“Zoti do t’ju bekojë me mrekulli nëse besoni tek Ai, ‘pa dyshuar asgjë’. Bëjeni punën shpirtërore që nevojitet për të kërkuar mrekulli. Kërkojini Perëndisë në lutje që t’ju ndihmojë të ushtroni atë lloj besimi. Ju premtoj se mund ta përjetoni vetë faktin që Jezu Krishti ‘i jep forcë të lodhurit dhe rrit fuqinë e të këputurit’.” (Rasëll M. Nelson, “Fuqia e Hovit Shpirtëror”, Liahona, maj 2022, f. 99–100)

  • Çfarë të bie në sy nga fjalët e Presidentit Nelson?

  • Çfarë pune shpirtërore mund të na nevojitet të bëjmë për të kërkuar mrekulli?

Merreni parasysh t’i ftoni nxënësit t’ia tregojnë njëri-tjetrit pamfletet e tyre në orën mësimore. Ata mund të shtojnë në to çdo gjë që e mësojnë nga bashkëmoshatarët e tyre. Më pas mund t’i diskutoni pyetjet vijuese.

  • Çfarë mësove ose ndjeve rreth Perëndisë ndërsa studiove te Mormoni 9?

  • Çfarë do të bësh për t’i ftuar mrekullitë e Tij në jetën tënde?

Shtyp në Letër