Përsëritja 23 e Zotërimit Doktrinor

Mësimi Përmendsh

Mbajtja mend e referencave të shkrimit të shenjtë dhe asaj që jepet mësim në to, mund të të ndihmojë në shumë mënyra. Ky mësim ka për qëllim të të ndihmojë të mësosh përmendsh shumë referenca të shkrimit të shenjtë dhe fraza kyç të shkrimit të shenjtë, ose një fragment të plotë të zotërimit doktrinor nga gjysma e dytë e Librit të Mormonit.

Nxitni të mësuarit përmendsh. Bëni kujdes të mos i shkurajoni nxënësit që mund të kenë vështirësi me të mësuarit përmendsh. Ndihmojni nxënësit që mund të kenë aftësi të kufizuara të të mësuarit t’i gjejnë mënyrat e të mësuarit përmendsh që u përshtaten më mirë nevojave të tyre.

Përgatitja e nxënësve: Ftojini nxënësit të zgjedhin një frazë kyç dhe referencë të shkrimit të shenjtë për zotërimin doktrinor për ta mësuar përmendsh dhe të vijnë në orën mësimore të përgatitur për ta thënë.

Veprimtari të Mundshme të të Mësuarit

Në vend të këtij mësimi përsëritjeje mund të nevojitet të jepet një mësim për fragmentin e zotërimit doktrinor. Referojuni udhëzuesit të ritmit mësimor të ofruar nga drejtori apo bashkërenduesi zonal ose rajonal për t’u siguruar që të jepet çdo mësim për fragmentet e zotërimit doktrinor gjatë zhvillimit të seminarit.

Rëndësia e përsëritjes

Ndihmojini nxënësit ta shohin vlerën e përsëritjes, por mos kaloni shumë kohë këtu. Sigurohuni që nxënësit të kenë kohë të mjaftueshme për t’i mësuar përmendsh frazat ose fragmentet e zotërimit doktrinor më vonë në mësim.

Ka përfitime të mëdha në përsëritjen e një gjëje që duam ta mësojmë ose mbajmë mend. Rendit disa veprimtari që shpesh kërkojnë përsëritje të vazhdueshme.

• Cilat janë disa mënyra se si ke përfituar nga përsëritja e një gjëje shumë herë?

Nëse është e dobishme, merreni parasysh ta diskutoni shkurtimisht faktin që njerëzit më së shumti e harrojnë materialin e sapomësuar pas disa javësh, por mund ta përmirësojnë të mbajturit mend duke iu rikthyer atij. Gjithashtu, në vend që ta mësoni përmendsh të gjithin njëherazi, mund të jetë më e efektshme ta copëtoni materialin në pjesë më të vogla.

Paraqitni një figurë të Jozef Smithit që u vizitua nga Moroni.

Kur profeti Moroni i Librit të Mormonit, tanimë një lajmëtar qiellor, e vizitoi Jozef Smithin, ai e përdori përsëritjen për ta ndihmuar 17-vjeçarin Jozef të mbante mend një mesazh të rëndësishëm.

• Çfarë mban mend rreth këtyre vizitave? (Shih te Joseph Smith – Historia 1:33–49.)

• Çfarë thotë rreth Perëndisë që do ta dërgonte Moronin katër herë për të dhënë të njëjtin mesazh?

Plaku Dejvid A. Bednar, i Kuorumit të Dymbëdhjetë Apostujve, foli për vizitat e përsëritura që i bëri Moroni Jozef Smithit, dhe më pas dha mësim:

“Përsëritja është një mjet nëpërmjet të cilit Fryma e Shenjtë mund ta ndriçojë mendjen tonë, ndikojë në zemrën tonë dhe ta zmadhojë kuptueshmërinë tonë.” (David A. Bednar, “Repeat Over Again … the Same Things as Before” [takim shpirtëror në Universitetin “Brigam Jang” – Ajdaho, 26 janar 2016], byui.edu)

• Çfarë të ndihmon kjo të kuptosh rreth përfitimeve nga studimi i përsëritur i fragmenteve të zotërimit doktrinor dhe frazave kyç të shkrimit të shenjtë?

• Çfarë mund të tregojë kjo rreth shkrimeve të shenjta të veçanta që u zgjodhën që ti të përqendrohesh tek ato dhe t’i përsëritësh ato?

Paraqituni ose jepuni nxënësve një kopje të tabelës vijuese ose ftojini ata ta gjejnë listën e fragmenteve të zotërimit doktrinor te materiali Dokumenti Bazë i Zotërimit Doktrinor (2022).

Ftojini ata t’i shqyrtojnë referencat dhe frazat kyç të shkrimit të shenjtë që i kanë mësuar përmendsh më parë, dhe më pas të vendosin se në cilat fragmente do të duan të përqendrohen për t’i mësuar përmendsh sot.

Zotërimi Doktrinor për Librin e Mormonit: Alma–Moroni

Manual i Mësuesit për Librin e Mormonit (2024)

Referenca e Shkrimit të Shenjtë	Fraza Kyç e Shkrimit të Shenjtë
Referenca e Shkrimit të Shenjtë Alma 7:11–13	Fraza Kyç e Shkrimit të Shenjtë “Dhe ai do të shkojë përpara, duke vuajtur dhimbje dhe hidhërime dhe tundime të çdo lloji.”
Referenca e Shkrimit të Shenjtë Alma 34:9–10	Fraza Kyç e Shkrimit të Shenjtë “Duhet të bëhet një shlyerje, … një flijim i pafundmë dhe i përjetshëm.”
Referenca e Shkrimit të Shenjtë Alma 39:9	Fraza Kyç e Shkrimit të Shenjtë “Të mos shkosh më pas epsheve të syve të tua.”
Referenca e Shkrimit të Shenjtë Alma 41:10	Fraza Kyç e Shkrimit të Shenjtë “Ligësia kurrë nuk ka qenë lumturi.”
Referenca e Shkrimit të Shenjtë Helamani 5:12	Fraza Kyç e Shkrimit të Shenjtë “Është mbi shkëmbin e Shëlbuesit tonë … që ju duhet të ndërtoni themelin tuaj.”
Referenca e Shkrimit të Shenjtë 3 Nefi 11:10–11	Fraza Kyç e Shkrimit të Shenjtë “Unë kam plotësuar vullnetin e Atit në të gjitha gjërat që nga fillimi.”
Referenca e Shkrimit të Shenjtë 3 Nefi 12:48	Fraza Kyç e Shkrimit të Shenjtë “[Ji]ni të përkryer, madje, sikurse jam unë, ose të përkryer si Ati juaj që është në qiell.”
Referenca e Shkrimit të Shenjtë 3 Nefi 27:20	Fraza Kyç e Shkrimit të Shenjtë “Ejani tek unë dhe pagëzohuni … që të shenjtëroheni nëpërmjet marrjes së Frymës së Shenjtë.”
Referenca e Shkrimit të Shenjtë Ethëri 12:6	Fraza Kyç e Shkrimit të Shenjtë “Ju nuk do të merrni asnjë dëshmi, deri pas provës së besimit tuaj.”
Referenca e Shkrimit të Shenjtë Ethëri 12:27	Fraza Kyç e Shkrimit të Shenjtë “Në qoftë se njerëzit vijnë tek unë, … atëherë unë do të bëj që gjërat e dobëta, të bëhen të forta në ta.”
Referenca e Shkrimit të Shenjtë Moroni 7:45–48	Fraza Kyç e Shkrimit të Shenjtë “Dashuria hyjnore është dashuria e pastër e Krishtit.”
Referenca e Shkrimit të Shenjtë Moroni 10:4–5	Fraza Kyç e Shkrimit të Shenjtë “Kërkoni me një zemër të sinqertë, me qëllim të vërtetë duke pasur besim në Krisht … [dhe] nëpërmjet fuqisë së Frymës së Shenjtë, ju mund të dini të vërtetën e të gjitha gjërave.”

Nxënësit mund t’i përdorin ushtrimet vijuese ose të tjera për ta mësuar përmendsh referencën dhe frazën kyç të shkrimit të shenjtë ose të gjithë fragmentin. Pas përfundimit, nxënësit mund t’i paraqitin materialet pamore që i krijojnë te mundësia 2 dhe të shpjegojnë se si ajo që bënë, do t’i ndihmojë ta mbajnë mend atë që mësuan përmendsh. Nëse koha e lejon, nxënësit mund t’i përsëritin këto ushtrime për shkrime të tjera të shenjta të zotërimit doktrinor.

Fillo të mësosh përmendsh

Mendo për një ose dy mënyra se si mund ta ftosh Frymën e Shenjtë ta ndriçojë mendjen tënde ndërsa e përdor përsëritjen për të të ndihmuar të mësosh përmendsh. Shembujt vijues mund të të ndihmojnë:

1. Ndaje atë që dëshiron të mësosh përmendsh, në segmente më të vogla dhe përsëriti veçmas.

2. Krijo një material pamor me të gjitha ose disa nga fjalët që dëshiron t’i mësosh përmendsh.

3. Lexo pjesë të fragmentit që dëshiron ta mësosh përmendsh, derisa të mund ta thuash përmendsh pa e parë. Përdorimi i shkronjave të para të fjalëve mund të jetë gjithashtu i dobishëm.

Planifiko të përsëritësh

Ftojini nxënësit ta përmirësojnë të mbajturit mend duke vazhduar të mësojnë përmendsh jashtë orës mësimore. Ndihmojini nxënësit t’ia dalin duke i vënë ata të krijojnë një plan të hollësishëm dhe duke e ndjekur ecurinë e tyre gjatë ditëve dhe javëve të ardhshme.

Mendo për mënyra se si mund të vazhdosh të mësosh përmendsh gjatë ditëve ose javëve në vazhdim. Idetë në vijim mund të të ndihmojnë të vendosësh:

1. Lutju Atit Qiellor për ndihmë për ta kujtuar atë që e mëson përmendsh.

2. Zgjidh një kohë të veçantë të ditës për të thënë sa më shumë përmendsh të mundesh. Mund të vendosësh një zile ore për të të kujtuar në të njëjtën kohë çdo ditë.

3. Ftoje dikë ta kontrollojë përparimin tënd dhe të mësuarit përmendsh duke e ftuar atë t’i shikojë fjalët ndërsa ia thua përmendsh atij ose asaj.