Eteru 6–11

Vaaiga Aoao

E ui ina sa umi ma faigata la latou malaga, ae sa iloa e sa Iaretō sa fesoasoani le Alii ia i latou i le aluga o le ala. Ina ua latou taunuu i le nuu folafolaina, sa mananao tagata e filifili se tupu, lea na lapataiina ai e le uso o Iareto o le a taitai atu ai i le faatagataotauaina. Sa lei faalogo tagata i lenei lapataiga, ma sa taunuu ai i ni taunuuga ogaoga mo le tele o augatupulaga. O faapotopotoga faalilolilo na alia’e mai ia i latou ma iu ai ina taitai atu i lo latou faatafunaga.

Saunia e Aoao Atu

O faamatalaga o loo mulimuli mai ua tuuina atu ai i faiaoga ni manatu o mea atonu e manaomia ona muai saunia mo lesona taitasi.

Eteru 6

Faamoemoega o le lesona: O lenei lesona e mafai ona fesoasoani i tamaiti aoga e faatatau tusitusiga paia e aoao ai upumoni ia e mafai ona fesoasoani ia i latou i le taimi o le latou malaga i le olaga.

Sauniuniga a le tamaitiiti aoga:Valaaulia tamaiti aoga e faitau le ‟Faapotopotoga Faalilolilo” i le Taiala i Tusitusiga Paia i le scriptures.ChurchofJesusChrist.org
Anotusi e faaali atu: O laasaga e fa mo le faatatauina o tusitusiga paia
Fautuaga mo le aoaoga faavitiō: A uma ua lava se taimi o tamaiti aoga e faataitai ai ona faatatau tusitusiga paia ia i latou lava, mafaufau e tuu i totonu o potu e taape i ai e faasoa atu ai mea na latou aoaoina ma ni nai tagata o le vasega.

Eteru 7–11

Faamoemoega o le lesona: O lenei lesona e mafai ona fesoasoani i tamaiti aoga ia lagonaina le taua o le mauaina ma le mulimuli i perofeta a le Atua.

Sauniuniga a le tamaitiiti aoga: Valaaulia tamaiti aoga e o mai saunia e faasoa mai nisi o fautuaga faaperofeta po o lapataiga ua tatou maua i o tatou aso. E mafai ona latou maua ni faataitaiga i le Mo Le Malosi o le Autalavou (tamaitusi, 2022) pe mai saunoaga talu ai nei o le konafesi aoao.
Ata: O se tagata i totonu o se sela o le falepuipui
Anomea: Kopi o le Mo Le Malosi o le Autalavou: O Se Taiala mo le Faia o Filifiliga (tamaitusi, 2022) ma lomiga talu ai nei o le konefesi aoao o le Liahona mo tamaiti aoga e le o i ai ni masini faatekinolosi e mafai ona maua ai.
Vitiō: “The Immediate Goodness of God” (11:39; matamata mai le faailotaimi 3:37 e oo i le 6:33)
Fautuaga mo le aoaoga faavitiō: A o tuufaatasia e tamaiti aoga se lisi o lapataiga faaperofeta i ona po nei e mafai ona fesoasoani ia i tatou e aloese ai mai le faatagataotauaina, mafaufau e faaaoga le vaega o le laupapa paepae e faataga ai i latou e tusifaamaumau a latou tali i fesili. Mafaufau e valaaulia i latou e faamatala mai pe aisea na latou tali atu ai i le ala na latou faia ai ma le ala e faaalia ai e nei lapataiga le alofa ma le finagalo o le Atua mo i tatou.

Eteru 8

Faamoemoega o le lesona: O lenei lesona e mafai ona fesoasoani i tamaiti aoga ia malamalama i le manaomia ona teena faapotopotoga faalilolilo e ala i le mulimuli ia Iesu Keriso.

Sauniuniga a le tamaitiiti aoga: Valaaulia tamaiti aoga e faamasani i latou lava i le faauigaga o faapotopotoga faalilolilo e ala i le suesueina o le aotelega i lalo o le ulutala ‟Eteru 8:7–26: E le galue le Alii i le Pogisa” i le otootoga o le suesuega o le “Eteru 6–11: ‘Ina Ia Aveesea Mea Leaga’” i le Sau, Mulimuli Mai ia te A’u—Mo Le Aiga ma le Ekalesia: Tusi a Mamona 2024.

Eteru 12:1–22

Faamoemoega o le lesona: O lenei lesona e mafai ona fesoasoani i tamaiti aoga e faaaoga le faatuatua e maua ai se molimau faaleagaga o le upumoni.

Sauniuniga a le tamaitiiti aoga: Valaaulia tamaiti aoga e mafaufau i faataitaiga mai tusitusiga paia lea na taitai atu ai faatinoga faamaoni i molimau faaleagaga, faamanuiaga, po o tali mai le Atua.
Vitiō: “Do What Mattereth Most” (10:45; matamata mai le faailo taimi 1:56 i le 2:34 ma mai le faailo taimi 2:34 i le 3:10); “The Sustaining Power of Faith in Times of Uncertainty and Testing” (15:54; matamata mai le faailo taimi 5:08 i le 5:53); ‟Pure and Simple Faith” (5:21)
Fautuaga mo le aoaoga faavitiō: A o lei amataina le vasega, fai i se toatasi pe sili atu foi o tamaiti aoga e sauni e faasoa mai ni aafiaga na latou maua ai se molimau faaleagaga o se taunuuga o le ola ai i le talalelei a le Faaola.

Atamai i Aoaoga Faavae: Eteru 12:6

Faamoemoega o le lesona: O lenei lesona e mafai ona fesoasoani ai i tamaiti aoga e tauloto le mau faasino o le atamai i aoaoga faavae ma fasifuaitau autu o le mau mo le Eteru 12:6, faamatala le aoaoga faavae o lo o aoaoina i lenei fuaitau, ma faaaoga mataupu faavae o le mauaina o le malamalama faaleagaga i tulaga masani o le olaga.

Sauniuniga a le tamaitiiti aoga: Valaaulia tamaiti aoga e saili mo fuaitau o mau e mafai ona fesoasoani i se tasi e faatino le faatuatua ia Iesu Keriso. E mafai ona latou suesue i le autu o le ‟Faatuatua” i le Taiala i Tusitusiga Paia po o le Topical Guide e sue ai fuaitau o mau.
Fautuaga mo le aoaoga faavitiō: Mafaufau e tuu tamaiti aoga i ni vaega toalaiti i potu e taape i ai e talanoaina ai le ata faataitai. Afai e te filifilia lenei filifiliga, ia mautinoa e faaali atu fesili e talanoaina i le talanoaga ina ia mafai ona vaai i ai tamaiti aoga.