ព្រះគម្ពីរមរមន សៀវភៅសិក្សាសម្រាប់គ្រូបង្រៀនថ្នាក់សិក្ខាសាលា ( ឆ្នាំ ២០២៤ )

មាតិកា
ទំព័រចំណងជើង
សេចក្តីផ្តើមនៃ ព្រះគម្ពីរមរមន សៀវភៅសិក្សាសម្រាប់គ្រូបង្រៀនថ្នាក់សិក្ខាសាលា
ព្រះគម្ពីរមរមន—ឯកសារណែនាំ
ទំព័របុព្វកថានៃព្រះគម្ពីរមរមន
នីហ្វៃទី ១ ១–៥
នីហ្វៃទី១ ៦–១០
នីហ្វៃទី ១ ១១–១៥
នីហ្វៃទី ១ ១៦–២២
នីហ្វៃទី ២ ១–២
នីហ្វៃទី ២ ៣–៥
នីហ្វៃទី ២ ៦–១០
នីហ្វៃទី ២ ១១–១៩
នីហ្វៃទី ២ ២០–២៥
នីហ្វៃទី ២ ២៦–៣០
នីហ្វៃទី ២ ៣១–៣៣
យ៉ាកុប ១–៤
យ៉ាកុប ៥–៧
អេណុស–ពាក្យសម្ដីនៃមរមន
ម៉ូសាយ ១–៣
ម៉ូសាយ ៤–៦
ម៉ូសាយ ៧–១០
ម៉ូសាយ ១១–១៧
ម៉ូសាយ ១៨–២៤
ម៉ូសាយ ២៥–២៨
ម៉ូសាយ ២៩–អាលម៉ា ៤
អាលម៉ា ៥–៧
អាលម៉ា ៨–១២
អាលម៉ា ១៣–១៦
អាលម៉ា ១៧–២២
អាលម៉ា ២៣–២៩
អាលម៉ា ៣០–៣១
អាលម៉ា ៣២–៣៥
អាលម៉ា ៣៦–៣៨
អាលម៉ា ៣៩–៤២
អាលម៉ា ៤៣–៥២
អាលម៉ា ៥៣–៦៣
ហេលេមិន ១–៦
ហេលេមិន ៧–១២
ហេលេមិន ១៣–១៦
នីហ្វៃទី៣ ១–៧
នីហ្វៃទី ៣ ៨–១១
នីហ្វៃទី ៣ ១២–១៦
នីហ្វៃទី ៣ ១៧–១៩
នីហ្វៃទី ៣ ២០–២៦
នីហ្វៃទី ៣ ២៧–នីហ្វៃទី ៤ ១
មរមន ១–៦
មរមន ៧–៩
អេធើរ ១–៥
អេធើរ ៦–១១
អេធើរ ១២–១៥
មរ៉ូណៃ ១–៦
មរ៉ូណៃ ៧–៩
មរ៉ូណៃ ១០
ឧបសម្ព័ន្ធ

មរ៉ូណៃ ១–៦ ៖ ទិដ្ឋភាពទូទៅ

« មរ៉ូណៃ ១–៦ ៖ ទិដ្ឋភាពទូទៅ» ព្រះគម្ពីរមរមន សៀវភៅសិក្សាសម្រាប់គ្រូបង្រៀន ( ឆ្នាំ ២០២៤ )

« មរ៉ូណៃ ១–៦ » ព្រះគម្ពីរមរមន សៀវភៅសិក្សាសម្រាប់គ្រូបង្រៀន

មរ៉ូណៃ ១–៦

ទិដ្ឋភាពទូទៅ

ដោយសារមរ៉ូណៃមិនព្រមបដិសេធព្រះយេស៊ូវគ្រីស្ទ នោះលោកត្រូវបង្ខំចិត្តរត់គេចដោយគ្មានទិសដៅ នៅទីរហោស្ថានតែម្នាក់ឯង ហើយលាក់ខ្លួនពីពួកសាសន៍លេមិន ។ នៅក្នុងពាក្យចុងក្រោយមួយចំនួនរបស់លោកទៅកាន់មនុស្សជំនាន់ក្រោយ លោកបានបង្រៀនអំពីសិទ្ធិអំណាចក្នុងការធ្វើពិធីបរិសុទ្ធបព្វជិតភាព ។ ដើម្បីធ្វើដូច្នេះ លោកបានរក្សាទុកនូវសេចក្ដីពិតសំខាន់ៗអំពីរបៀបប្រើបព្វជិតភាព ហើយលោកក៏បានផ្ដល់ការណែនាំដើម្បីជួយពង្រឹង និងស្ថាបនាសាសនាចក្រផងដែរ ។

រៀបចំខ្លួនបង្រៀន

ព័ត៌មានខាងក្រោមនេះផ្តល់ជាគំនិតដល់គ្រូបង្រៀន អំពីអ្វីដែលអាចត្រូវរៀបចំទុកជាមុនសម្រាប់មេរៀននីមួយៗ ។

មរ៉ូណៃ ១

គោលបំណងមេរៀន ៖ មេរៀននេះអាចជួយជំរុញសិស្សឲ្យដើរតាមព្រះយេស៊ូវគ្រីស្ទជានិច្ច ហើយមិនបដិសេធទ្រង់ឡើយ ។

ការរៀបចំសិស្ស ៖ សូមអញ្ជើញសិស្សឲ្យគិតអំពីបទពិសោធន៍មួយ នៅពេលដែលពួកគេ ឬនរណាម្នាក់ដែលពួកគេស្គាល់បានដើរតាមព្រះយេស៊ូវគ្រីស្ទ ទោះបីជាពួកគេមានអារម្មណ៍ឯកោ ឬត្រូវគេបៀតបៀនក៏ដោយ ។
មាតិកាដែលត្រូវបង្ហាញ ៖ ដ្យាក្រាមពណ៌ ឬក្រដាសពណ៌ដែលមានពណ៌បៃតង លឿង ទឹកក្រូច និងក្រហមសម្រាប់ចែកឲ្យសិស្ស ។ ក្រដាសពណ៌ទាំងនេះប្រៀបដូចជាប័ណ្ណប្រកាស ឬការចុះផ្សាយតាមប្រព័ន្ធផ្សព្វផ្សាយសង្គមដែលអាចជំរុញសិស្សឲ្យមានភាពស្មោះត្រង់ចំពោះព្រះយេស៊ូវគ្រីស្ទដែរ
វីដេអូ ៖ « Be Strong and of a Good Courage » ( ១៦:១៨; សូមមើលចាប់ពីនាទីទី ៥:៤១ ដល់នាទីទី ៦:២២ ); « Moroni Invites All to Come unto Christ » ( ៨:៣៧; សូមមើលចាប់ពីនាទីទី ០:០០ ដល់នាទីទី ៣:៥៩ )
យោបល់សម្រាប់ការបង្រៀនតាមសន្និសីទវីដេអូ ៖ នៅពេលពិភាក្សាអំពីការប្រឆាំងដែលពួកសិស្សរបស់ព្រះគ្រីស្ទអាចនឹងប្រឈមមុខ សូមពិចារណាឲ្យសិស្សទាំងអស់គ្នាចូលរួមតាមរបៀបណាមួយ ។ អ្នកអាចសុំឲ្យសិស្សវាយបញ្ចូលពណ៌ដែលត្រូវនឹងស្ថានភាពនីមួយៗបំផុតចូលទៅក្នុងឈែត ។ អ្នកក៏អាចអនុញ្ញាតឲ្យសិស្សប្រមូលវត្ថុដែលមានពណ៌ដូចនឹងពណ៌ទាំងបួននៅក្នុងបន្ទប់របស់ពួកគេផងដែរ ឬប្រើមុខងារផ្ទៃខាងក្រោយដើម្បីបង្ហាញពណ៌បៃតង លឿង ទឹកក្រូច ឬក្រហម ។

មរ៉ូណៃ ២–៣

គោលបំណងមេរៀន ៖ មេរៀននេះអាចជួយសិស្សឲ្យយល់អំពីសិទ្ធិអំណាចបព្វជិតភាពនៅក្នុងសាសនាចក្ររបស់ព្រះអង្គសង្គ្រោះ ។

ការរៀបចំសិស្ស ៖ សូមពិចារណាអញ្ជើញសិស្សឲ្យនិយាយជាមួយនឹងអ្នកកាន់បព្វជិតភាពម្នាក់ ឬនរណាម្នាក់ដែលបម្រើនៅក្នុងការហៅបម្រើមួយក្នុងសាសនាចក្រ ។ សិស្សអាចសួរបុគ្គលនោះពីអារម្មណ៍របស់គាត់អំពីការទទួលបានសិទ្ធិអំណាចរបស់ព្រះអង្គសង្គ្រោះដើម្បីអនុវត្តតាមទំនួលខុសត្រូវរបស់គាត់ ។
មេរៀនដែលប្រើវត្ថុ ៖ ច្បាប់ចម្លងអំពីពូជពង្សនៃសិទ្ធិអំណាចបព្វជិតភាព; ច្រវ៉ាក់មួយ
យោបល់សម្រាប់ការបង្រៀនតាមសន្និសីទវីដេអូ ៖ ដើម្បីលើកទឹកចិត្តឲ្យមានការចូលរួម អ្នកអាចអញ្ជើញសិស្សឲ្យប្រើប្រាស់មុខងារក្តារខៀន ដើម្បីសរសេរពីរបៀបដែលព្រះវិញ្ញាណបរិសុទ្ធបានប្រទានពរដល់ជីវិតរបស់ពួកគេ ។ បន្ទាប់មក អ្នកអាចអញ្ជើញសិស្សជាច្រើននាក់ឲ្យចែកចាយបទពិសោធន៍ផ្ទាល់ខ្លួនបាន ។

មរ៉ូណៃ ៤–៥

គោលបំណងមេរៀន ៖ មេរៀននេះអាចជួយសិស្សឲ្យរក្សាសេចក្ដីសញ្ញាដែលពួកគេបានធ្វើ នៅពេលពួកគេទទួលទានសាក្រាម៉ង់ ដើម្បីឲ្យពួកគេអាចមានព្រះវិញ្ញាណរបស់ព្រះអម្ចាស់គង់នៅជាមួយនឹងពួកគេ ។

ការរៀបចំសិស្ស ៖ សូមពិចារណាអញ្ជើញសិស្សឲ្យត្រៀមខ្លួនរួចជាស្រេចមុនមកថ្នាក់ ដើម្បីសូត្រការអធិស្ឋានសាក្រាម៉ង់ឲ្យបានច្រើនតាមដែលពួកគេអាចធ្វើបាន ។
មាតិកាដែលត្រូវបង្ហាញ ៖ តារាងដែលមានចំណងជើងថា « សេចក្ដីសញ្ញាសាក្រាម៉ង់ »
យោបល់សម្រាប់ការបង្រៀនតាមសន្និសីទវីដេអូ ៖ សូមពិចារណាបែងចែកសិស្សទៅជាបីក្រុម ដោយប្រើមុខងារបំបែកក្រុម ដើម្បីពិភាក្សាអំពីការសន្យាមួយក្នុងចំណោមការសន្យាទាំងបីដែលយើងធ្វើ នៅពេលយើងទទួលទានសាក្រាម៉ង់ ។ បន្ទាប់មក អ្នកអាចដាក់សិស្សចូលទៅក្នុងក្រុមបំបែកថ្មីជាមួយសិស្សដែលបានសិក្សាការសន្យាមួយទៀតក្នុងចំណោមការសន្យាផ្សេងទៀត ។ សូមអញ្ជើញសិស្សឲ្យបង្រៀនគ្នាទៅវិញទៅមកអំពីការសន្យា ដែលពួកគេបានពិភាក្សាជាមួយនឹងក្រុមដើមរបស់ពួកគេ ។

មរ៉ូណៃ ៦

គោលបំណងមេរៀន ៖ មេរៀននេះអាចជួយសិស្សឲ្យខិតខំបម្រើអ្នកដទៃ និងធ្វើតាមព្រះអង្គសង្គ្រោះក្នុងនាមជាសមាជិកនៃសាសនាចក្រនៃព្រះយេស៊ូវគ្រីស្ទនៃពួកបរិសុទ្ធថ្ងៃចុងក្រោយ ។

ការរៀបចំសិស្ស ៖ សិស្សអាចមករៀនដោយបានត្រៀមខ្លួនរួចជាស្រេចដើម្បីចែកចាយរបៀបដែលសមាជិកសាសនាចក្រទាំងអស់អាចពង្រឹងគ្នាទៅវិញទៅមកបាន ទោះបីជាមិនមានការហៅជាផ្លូវការនៅក្នុងវួដ ឬសាខាក៏ដោយ ។
រូបភាព ៖ ក្រុមជំនុំសាសនាចក្រចម្រុះ
វីដេអូ ៖ « The Needs before Us » ( ១២:០៦; សូមមើលចាប់ពីនាទីទី ៧:៤០ ដល់នាទីទី ៨:២៥ ); « Eyes to See » ( ៩:៤៤; សូមមើលចាប់ពីនាទីទី ៤:៥៥ ដល់នាទីទី ៦:៥៥ )
យោបល់សម្រាប់ការបង្រៀនតាមសន្និសីទវីដេអូ ៖ សូមអញ្ជើញសិស្សឲ្យប្រើមុខងារឈែត ដើម្បីចែកចាយគោលការណ៍ដែលពួកគេរកឃើញនៅក្នុង មរ៉ូណៃ ៦:៤–៩ ។

ការរំឭកចំណេះចំណានខាងគោលលទ្ធិទី ២៥

គោលបំណងមេរៀន ៖ មេរៀននេះនឹងផ្តល់ឱកាសឲ្យសិស្សរៀនអនុវត្តតាមវគ្គបទគម្ពីរចំណេះចំណានខាងគោលលទ្ធិជាក់ស្ដែងចំពោះគោលដៅរបស់ពួកគេ ដើម្បីក្លាយដូចជាព្រះអង្គសង្គ្រោះ ។

ការរៀបចំសិស្ស ៖ សូមពិចារណាឲ្យសិស្សនិយាយជាមួយឪពុកម្តាយរបស់ពួកគេ ឬអ្នកដឹកនាំសាសនាចក្រម្នាក់អំពីគោលដៅដែលពួកគេបានកំណត់ ។ ពួកគេអាចពិភាក្សាអំពីភាពជោគជ័យ និងបញ្ហាប្រឈម ដែលពួកគេកំពុងតែជួបប្រទះ ។
មាតិកាដែលត្រូវបង្ហាញ ៖ ច្បាប់ចម្លងនៃ ការអភិវឌ្ឍផ្ទាល់ខ្លួន ៖ សៀវភៅមគ្គុទ្ទេសក៍សម្រាប់យុវវ័យ