Moronae 7–9

Vaaiga Aoao

O Moronae, o le na fealualuai na o ia mo le tele o tausaga ina ua mavae le faaumatiaina o lona nuu, na tusi faamaumauina upu a lona tama e uiga i le faamoemoe e mafai ona tatou maua ia Keriso i mea silisili atu o le a oo mai. Sa ia uunaia i tatou e faaaoga le Malamalama o Keriso ia iloa ai le sa’o mai le sese. Sa ia aoao mai le ala e “taofi mau ai i mea lelei uma” (Moronae 7:20, 25), aemaise lava le alofa mama, “le alofa le pona o Keriso” (Moronae 7:47). Sa ia faasoa mai foi se tusi mai lona tama o loo aoao mai ai e faapea, e faaolaina fanau laiti e ala i le Togiola a Keriso ma e le manaomia le papatisoga.

Saunia e Aoao Atu

O le faamatalaga lenei ua tuuina atu ai i faiaoga ni manatu o mea atonu e manaomia ona muai saunia mo lesona taitasi.

Moronae 7:1–19

Faamoemoega o le lesona: O lenei lesona e mafai ona fesoasoani i tamaiti aoga e faalagolago ia Iesu Keriso e faamasino i le va o le lelei ma le leaga.

Sauniuniga a le tamaitiiti aoga: Valaaulia tamaiti aoga e o mai saunia e faasoa mai pe faapefea ona tosinaina filifiliga latou te faia e ala i lo latou talitonuga ia Iesu Keriso.
Ata e faaali atu: O le ata o loo i ai sikuea e lua e foliga mai o ni lanu eseese o le efuefu
Mea faitino: Se moliuila mo le lesona faatino fautuaina
Fautuaga faafaiaoga faavitio: Ina ia faia le lesona faatino i le moliuila, ia mautinoa e pogisa le avanoa o loo siomia ai oe. Mafaufau e tapuni ia pola, siitia atu i se potu e le tele ni faamalama, po o le tuu o se palanikeke i ou luga ma luga o lau komepiuta. (Atonu e te manao e faataitai lenei mea e faaaoga ai lau meapueata o le komepiuta a o lei amataina le vasega ina ia mautinoa ua pogisa le eria.) Valaaulia tamaiti aoga e faitau se mau po o se kata e te uuina i luga o le mea pueata a o pogisa pea. Ona faasusulu atu lea o se moliuila i luga o le kata po o le mau ma fai atu i tamaiti aoga e toe taumafai. E mafai foi ona aoga le valaaulia muamua o se tamaitiiti aoga e fai lenei lesona faatino i le vasega.

Moronae 7:20–43

Faamoemoega o le lesona: O lenei lesona e mafai ona fesoasoani i tamaiti aoga ia lagona le faamoemoe faateleina e ala mai ia Iesu Keriso.

Sauniuniga a le tamaitiiti aoga: Mafaufau e valaaulia tamaiti aoga e faitau le 1 Peteru 3:15 ma mafaufau loloto pe faapefea ona tuu atu e Iesu Keriso ia i latou le faamoemoe.
Mea faitino: O se laulau e i ai ni mea eseese, e aofia ai meaai mama e ono mafaufau i ai tamaiti aoga e lelei ma leaga
Vitio: “Alma Testifies to His Son Helaman” (7:09; matamata mai le faailo taimi 1:30 i le 2:32); “Mauaina o le Faamoemoe e ala i le Toetu o Keriso” (4:41); “O Le Fomai Sili” (13:00; matamata mai le faailo taimi 8:49 i le 11:53)
Pepa e tufa atu: “Mauaina o le Faamoemoe ia Iesu Keriso”
Fautuaga faafaiaoga faavitio: Mafaufau e faaaoga lau meapueata e faaali atu ai le siata ua saunia mo le lesona faatino ma fesili atu i tamaiti aoga po o a mea o le a latou mafaufau i ai e lelei ae o le a foi le mea latou te le manatu e lelei.

Moronae 7:44–48

Faamoemoega o le lesona: O lenei lesona ua faamoemoe e fesoasoani i tamaiti aoga ia malamalama ma saili le alofa mama i o latou olaga.

Sauniuniga a le tamaitiiti aoga: Valaaulia tamaiti aoga e mafaufau i faataitaiga ina ua faaalia e le Faaola le alofa, faapea foi ma faataitaiga o le alofa faaKeriso i aso nei.
Vitio: “The Coat” (2:07); “Gordon Hinckley: Lessons I Learned as a Boy” (4:04); “Charity: An Example of the Believers” (4:50); “Charity Never Faileth” (19:48; matamata mai le faailo taimi 15:05 i le 17:22)
Ata e faaali atu: Se ata o le Faaola
Fautuaga faafaiaoga i fesootaiga faavitio: Mafaufau e valaaulia tamaiti aoga e faaaoga le vaega o talanoaga tusitusi e faasoa mai ai ni a latou fesili o i ai e uiga i le alofa mama. O lenei mea o le a avanoa ai a latou fesili mo tagata o le latou vasega e faitau i le taimi o le isi vaega o le lesona. Ona faaali atu lea o gaoioiga e mafai e tamaiti aoga ona fai e taumafai ai e sue tali i a latou fesili.

Atamai i Aoaoga Faavae: Moronae 7:45–48

Faamoemoega o le lesona: O lenei lesona e mafai ona fesoasoani ai i tamaiti aoga e tauloto le mau faasino o le atamai i aoaoga faavae ma fasifuaitau autu o le mau mo le Moronae 7:45–48, faamatala le aoaoga faavae o loo aoaoina i lenei fuaitau, ma faaaoga mataupu faavae o le mauaina o le malamalama faaleagaga i tulaga moni o le olaga.

Sauniuniga a le tamaitiiti aoga: Valaaulia tamaiti aoga e mafaufau i ni tulaga na latou oo i ai pe molimauina lea e mafai ai ona latou faatinoina le alofa mama
Anotusi e faaali atu: O se atatusi o se fatu i luga o le laupapa faatasi ai ma le mau faasino ma upu o le fasifuaitau autu o le mau o loo tusia faataamilo i le fatu i soo se faasologa
Fautuaga faafaiaoga faavitio: Ina ia fesoasoani i au tamaiti aoga e toe faamanatu ia mataupu faavae o le mauaina o le malamalama faaleagaga, mafaufau e faafefiloi upu o loo i mataupu faavae taitasi e tolu. Ta taitasi mataupu faavae ua faafefiloi i le talanoaga ma valaaulia tamaiti aoga e tali mai i faaupuga sa’o i le vave e mafai ai.

Moronae 8

Faamoemoega o le lesona: O lenei lesona ua faamoemoe e fesoasoani i tamaiti aoga ia malamalama atili pe aisea e le manaomia ai ona papatiso tamaiti laiti ma mea o loo aoao mai ai i tatou e uiga i le Tama Faalelagi ma Iesu Keriso.

Sauniuniga a le tamaitiiti aoga: E mafai ona e faasoa atu le tala mai le amataga o le lesona po o se mea e talitutusa ma fai atu i tamaiti aoga e mafaufau pe faapefea ona latou tali atu i lea tulaga.
Vitio: “And a Little Child Shall Lead Them” (16:55; matamata mai le faailo taimi 4:40 i le 5:59)
Fautuaga faafaiaoga faavitio: E mafai ona e toe fatuina faaeletonika le siata ma faasoa atu lau lauie i tamaiti aoga. A o latou lipoti mai mea na latou maua i a latou suesuega, e mafai ona e taina mea na latou maua i le koluma talafeagai.