« មរ៉ូណៃ ៧:២០–៤៣ ៖ ‹ ស្វែងរកសេចក្ដីសង្ឃឹមនៅក្នុងព្រះគ្រីស្ទ › » ព្រះគម្ពីរមរមន សៀវភៅសិក្សាសម្រាប់គ្រូបង្រៀន ( ឆ្នាំ ២០២៤ )
« មរ៉ូណៃ ៧:២០–៤៣ » ព្រះគម្ពីរមរមន សៀវភៅសិក្សាសម្រាប់គ្រូបង្រៀន
មរ៉ូណៃ ៧:២០–៤៣
ស្វែងរកសេចក្ដីសង្ឃឹមនៅក្នុងព្រះគ្រីស្ទ
តើអ្នកធ្លាប់ត្រូវការឲ្យមានក្តីសង្ឃឹមច្រើនទៀតក្នុងជីវិតរបស់អ្នកដែរឬទេ ? មរ៉ូណៃ បានធ្វើដំណើរដោយគ្មានគោលដៅជាក់លាក់តែម្នាក់ឯងអស់រយៈពេលជាច្រើនឆ្នាំ បន្ទាប់ពីប្រជាជនរបស់លោកត្រូវបានបំផ្លាញ ក្នុងអំឡុងពេលនោះ លោកបានកត់ត្រាពាក្យរបស់ឪពុកលោកអំពីសេចក្តីសង្ឃឹមដែលយើងអាចមានក្នុងព្រះគ្រីស្ទអំពីអ្វីដែលអស្ចារ្យជាងនេះនៅពេលអនាគត ។ មេរៀននេះអាចជួយអ្នកឲ្យមានអារម្មណ៍ថា មានសេចក្ដីសង្ឃឹមកើនឡើងតាមរយៈព្រះយេស៊ូវគ្រីស្ទ ។
សូមជួយសិស្សឲ្យស្គាល់ពីឥទ្ធិពលរបស់ព្រះអង្គសង្រ្គោះនៅក្នុងជីវិតរបស់ពួកគេ ។ សូមស្វែងរកឱកាសបញ្ជាក់អំពីអំណាចនៃការលើកតម្កើង និងសេចក្ដីមេត្តាករុណារបស់ព្រះអង្គសង្គ្រោះ ដូចដែលបានកត់ត្រានៅក្នុងព្រះគម្ពីរ ។ សូមហៅសិស្សឲ្យពិចារណាអំពីរបៀបដែលព្រះយេស៊ូវគ្រីស្ទបានសម្រាលបន្ទុករបស់ពួកគេឲ្យស្រាល ហើយបានជួយដល់ពួកគេឲ្យស៊ូទ្រាំនឹងការលំបាក ។ សូមលើកទឹកចិត្តពួកគេឲ្យបែរត្រឡប់មកព្រះវរបិតាសួគ៌ និងព្រះយេស៊ូវគ្រីស្ទដោយសេចក្តីជំនឿ ។
ការរៀបចំសិស្ស ៖ សូមពិចារណាអញ្ជើញសិស្សឲ្យអាន ពេត្រុស ទី១ ៣:១៥ ហើយសញ្ជឹងគិតអំពីរបៀប ដែលព្រះយេស៊ូវគ្រីស្ទប្រទានសេចក្តីសង្ឃឹមដល់ពួកគេ ។
សកម្មភាពរៀនសូត្រដែលអាចមាន
ក្ដាប់ជាប់នូវគ្រប់ទាំងអ្វីៗដែលល្អ ។
ប្រសិនបើអាចធ្វើបាន សូមរៀបចំតុមួយដែលមានវត្ថុដែលសិស្សអាចនឹងចង់បាន និងវត្ថុដែលសិស្សអាចនឹងមិនចង់បាន ( ឧទាហរណ៍ អាចជាអាហារ ឬបង្អែមឆ្ងាញ់ៗដាក់នៅលើតុ ព្រមទាំងមានដាក់បន្លែចាស់ៗ និងសំបកថង់ស្គរគ្រាប ) ។ សូមចាប់ផ្តើមដោយអញ្ជើញសិស្សឲ្យមក ហើយ « ក្ដាប់ជាប់ » ជម្រើសមួយដែលពួកគេបានជ្រើសរើសយកវត្ថុមួយពីលើតុ ។ សួរពួកគេថា ហេតុអ្វីបានជាពួកគេជ្រើសរើសអ្វីដែលពួកគេបានរើសយកនោះ ហើយតើពួកគេចាត់ទុកថាវាជា « អ្វីៗដែលល្អ » ដែរឬអត់ ។
នៅក្នុងគម្ពីរ មរ៉ូណៃ ៧ មរមនបាននិយាយថាលោកចង់ជួយដល់ប្រជាជនរបស់លោកឲ្យដឹងអំពីរបៀប ដែលពួកគេអាច « ក្ដាប់ជាប់នូវគ្រប់ទាំងអ្វីៗដែលល្អ » ( ខទី ២១ ) ។
-
នៅពេលដែលមរមនបានប្រើឃ្លា « អ្វីៗដែលល្អ » តើអ្នកគិតថា លោកចង់សំដៅទៅលើអ្វី?
-
តើអ្វីខ្លះជា « អ្វីៗដែលល្អ » ខាងវិញ្ញាណ និងអស់កល្បជានិច្ចដែលអ្នកចង់ក្តាប់ជាប់ ឬទទួលយកនៅក្នុងជីវិតនេះ ឬជីវិតបន្ទាប់ពីនេះ ?
អ្នកប្រហែលជាចងចាំថា នៅក្នុងគម្ពីរ មរ៉ូណៃ ៧:១២–១៩ មរមនបានបង្រៀនថា គ្រប់ទាំងអ្វីៗដែលល្អកើតចេញពីព្រះយេស៊ូវគ្រីស្ទ ។ សូមអាន មរ៉ូណៃ ៧:២០–២៦ ដោយរកមើលអ្វីដែលមរមនបានបង្រៀនអំពីរបៀបទទួលយកអ្វីៗដែលល្អទាំងនេះមកពីព្រះគ្រីស្ទ ។
-
តើអ្នកបានរកឃើញអ្វីខ្លះ ?
បើចាំបាច់ សូមពន្យល់ថា មរមនបានសង្កត់ធ្ងន់ថាយើងត្រូវមានសេចក្តីជំនឿលើព្រះយេស៊ូវគ្រីស្ទ ។ មរមនបានបង្រៀនថា ដើម្បីជួយដល់យើងឲ្យមានសេចក្ដីជំនឿលើព្រះគ្រីស្ទ ព្រះវរបិតាសួគ៌បានចាត់ពួកទេវតាឲ្យមកបង្រៀនអំពីព្រះរាជបុត្រារបស់ទ្រង់ ។
-
តើដំណើររឿងអ្វីខ្លះដែលអ្នកអាចគិតអំពីការដែលព្រះវរបិតាសួគ៌បានបញ្ជូនទេវតាមកប្រកាសថាព្រះយេស៊ូវគ្រីស្ទ គឺជាព្រះអង្គសង្គ្រោះនៃពិភពលោក ?
ចម្លើយខ្លះអាចមានបញ្ចូលទាំងទេវតាដែលមកជួបអ័ដាម និងអេវ៉ា ( ម៉ូសេ ៥:៦–៩ ) ស្តេចបេនយ៉ាមីន ( ម៉ូសាយ ៣:១–១១ ) និងអ្នកគង្វាល ( លូកា ២:១០–១២ ) ។
អត្ថន័យនៃសេចក្តីសង្ឃឹម
ដើម្បីជួយដល់អ្នកក្នុងការរៀបចំរៀនបន្ថែមទៀតអំពីការបង្រៀនរបស់មរមនទាក់ទងទៅនឹងសេចក្តីសង្ឃឹម សូមអានដំណើររឿងនេះមកពី អែលឌើរ ឌៀថើរ អេហ្វ អុជដូហ្វ ក្នុងកូរ៉ុមនៃពួកដប់ពីរនាក់ ៖
មុនដល់ខួបអាយុ ១២ ឆ្នាំរបស់ខ្ញុំ គ្រួសារយើងត្រូវបង្ខំឲ្យចាកចេញពីផ្ទះពីរដង ហើយចាប់ផ្ដើមជីវិតឡើងវិញក្នុងភាពចលាចល ការភ័យខ្លាច និងភាពមិនប្រាកដប្រជា ដែលបណ្ដាលមកពីសង្គ្រាម និងការបែងចែកខាងនយោបាយ ។ ជាពេលដ៏អន្ទះសាមួយសម្រាប់ខ្ញុំ ប៉ុន្ដែវាគួរឲ្យតក់ស្លុតសម្រាប់ឪពុកម្ដាយជាទីស្រឡាញ់របស់ខ្ញុំ ។ …
ពេលដ៏សោកសៅបន្ទាប់ពីសង្គ្រាមលោកលើកទីពីរនេះ វាជះឥទ្ធិពលយ៉ាងខ្លាំងលើពិភពលោក ។ វាមានឥទ្ធិពលលើខ្ញុំ ។
នៅគ្រានោះ ជាគ្រាដ៏ឯកោបំផុតរបស់ខ្ញុំ ជារឿយៗខ្ញុំឆ្ងល់ថា « តើនៅមានសល់ក្ដីសង្ឃឹមខ្លះទេនៅលើពិភពលោកនេះ ? » ( ឌៀថើរ អេហ្វ អុជដូហ្វ « ព្រះនៅក្នុងចំណោមពួកយើង » លីអាហូណា ខែ ឧសភា ឆ្នាំ ២០២១ ទំព័រ ៨ )
-
តើមានមូលហេតុអ្វីខ្លះដែលបណ្តាលឲ្យមនុស្សមានអារម្មណ៍ថា ខ្វះសេចក្ដីសង្ឃឹមនៅសម័យបច្ចុប្បន្ននេះ ?
សូមពិចារណាសរសេរចម្លើយរបស់សិស្សដាក់នៅលើក្ដារខៀន ។
អែលឌើរ អុជដូហ្វ បានរំឭកថា « ខណៈដែលពិភពលោកបានលិចលង់ក្នុងទុទិដ្ឋិនិយម ភាពល្វីងជូរចត់ ការស្អប់គ្នា និងភាពភ័យខ្លាច » លោកបានរកឃើញអ្វីមួយដែល « បានផ្ដល់សេចក្ដីសង្ឃឹមដល់ [ លោក ] » ( « ព្រះនៅក្នុងចំណោមពួកយើង » លីអាហូណា ខែ ឧសភា ឆ្នាំ ២០២១ ទំព័រ ៨ ) ។
តើអ្នកកំពុងតែខ្វះសេចក្តីសង្ឃឹមក្នុងជីវិតរបស់អ្នកមែនទេ ? សូមគិតអំពីអ្វីដែលអាចនាំសេចក្តីសង្ឃឹមដល់អ្នកនៅក្នុងស្ថានភាពលំបាកបំផុតនេះ ។ នៅពេលដែលអ្នកបន្តសិក្សាមេរៀននេះ សូមស្វែងរកសេចក្តីពិតដែលអាចជួយដល់អ្នកអាចបំពេញដោយក្តីសង្ឃឹម ។
មរមនបង្រៀនអំពីសេចក្តីសង្ឃឹម
សូមអាន មរ៉ូណៃ ៧:៤០–៤៤ ដោយរកមើលអំពីរបៀបដែលសេចក្តីជំនឿរបស់យើងចំពោះព្រះយេស៊ូវគ្រីស្ទទាក់ទងទៅនឹងសេចក្តីសង្ឃឹម ។
ជាផ្នែកមួយនៃការពិភាក្សានេះ អ្នកប្រហែលជាចង់បង្ហាញថា មរមនក៏បង្រៀនថាសប្បុរសធម៌ គឺមានភាពចាំបាច់ដើម្បីរក្សានូវគ្រប់ទាំងអ្វីៗដែលល្អដែលកើតចេញមកពីព្រះគ្រីស្ទ ។ សប្បុរសធម៌នឹងត្រូវលើកឡើងនៅក្នុងមេរៀនបន្ទាប់ ។
-
តើអ្នកនឹងសង្ខេប ខទី ៤១ ដោយពាក្យផ្ទាល់ខ្លួនរបស់អ្នកដោយរបៀបណា ?
សេចក្តីពិតចេញពីការបង្រៀនរបស់មរមន
សេចក្តីពិតមួយដែលយើងអាចរៀនបានមកពីមរមន គឺប្រសិនបើយើងអនុវត្តសេចក្តីជំនឿលើព្រះយេស៊ូវគ្រីស្ទ នោះយើងអាចមានសេចក្តីសង្ឃឹមតាមរយៈដង្វាយធួនរបស់ទ្រង់ ដើម្បីបានប្រោសឲ្យមានជីវិតដ៏នៅអស់កល្បជានិច្ច ។
-
តើអ្នកគិតថា ការមានសេចក្ដីសង្ឃឹមលើព្រះយេស៊ូវគ្រីស្ទមានន័យដូចម្ដេច ?
នៅពេលដែលសិស្សឆ្លើយតប សូមជួយដល់ពួកគេឲ្យយល់ពីសេចក្តីសង្ឃឹមប្រភេទនេះមិនមែនជាបំណងប្រាថ្នាខាងលោកិយនោះទេ ។ សេចក្តីសង្ឃឹមនៅក្នុងព្រះយេស៊ូវគ្រីស្ទ គឺត្រូវបានបំពេញដោយការធានាថា នៅទីបំផុតយើងនឹងមានលក្ខណសម្បត្តិគ្រប់គ្រាន់សម្រាប់ជីវិតដ៏នៅអស់កល្បជានិច្ច ។
-
តើហេតុអ្វីបានជាយើងត្រូវបន្ទាបខ្លួន ឬ « ស្លូតបូត ហើយសុភាពរាបសា » ( មរ៉ូណៃ ៧:៤៣ ) ដើម្បីអនុវត្តសេចក្ដីជំនឿលើព្រះយេស៊ូវគ្រីស្ទ ហើយមានសេចក្ដីសង្ឃឹម ?
ដើម្បីមើលឃើញគំរូរបស់នរណាម្នាក់ដែលបានរកឃើញសេចក្ដីសង្ឃឹមតាមរយៈសេចក្ដីជំនឿលើព្រះយេស៊ូវគ្រីស្ទ សូមពិនិត្យមើលដំណើររឿងមួយក្នុងដំណើររឿងដូចខាងក្រោម ។ នៅខណៈពេលដែលអ្នកពិនិត្យមើល សូមរកមើលអំពីរបៀបដែលបុគ្គលនោះទទួលបានបទពិសោធន៍តាមរយៈព្រះយេស៊ូវគ្រីស្ទ ។
សូមជ្រើសរើសដំណើររឿងមួយក្នុងចំណោមដំណើររឿងខាងក្រោម ដើម្បីចែកចាយជាមួយសិស្សក្នុងថ្នាក់ ឬត្រៀមដំណើររឿងទាំងអស់ឲ្យបានរួចរាល់ ហើយអនុញ្ញាតឲ្យសិស្សជ្រើសរើសដំណើររឿងណាមួយដែលពួកគេចង់អាន ឬមើល ។
-
សូមអាន អាលម៉ា ២២:១២–១៨ ដែលជាសាច់រឿងរបស់បិតារបស់ស្តេចឡាម៉ូណៃ ។
-
សូមអាន អាលម៉ា ៣៦:១២–២១ ឬមើល«°អាលម៉ាធ្វើទីបន្ទាល់ទៅកាន់កូនប្រុសលោកគឺ ហេលេមិន°» មាននៅគេហទំព័រ ChurchofJesusChrist.org ចាប់ពីនាទីទី ១:៣០ ដល់ ២:៣២°។
7:12អាលម៉ាធ្វើទីបន្ទាល់ទៅកាន់កូនប្រុសលោកគឺ ហេលេមិន អាលម៉ា ៣៦-៣៧
អាលម៉ាតូចពន្យល់ពីការផ្លាស់ប្រែចិត្តជឿរបស់លោក ទៅកាន់កូនប្រុសលោកគឺ ហេលេមិន ។ អាលម៉ាសន្យាថា បើសិន ហេលេមិន រក្សាបទបញ្ញតិនៃព្រះ នោះលោកនឹងរីកចម្រើន ។ អាលម៉ាស្នើសុំឲ្យ ហេលេមិន បន្តរក្សាបញ្ជីពិសិដ្ឋនៃប្រជាជន ។
-
មើល «°Finding Hope through the Resurrection of Christ°» (°៤:៤១°) មាននៅគេហទំព័រ ChurchofJesusChrist.org°។
4:41Finding Hope Through the Resurrection of Christ
Jesus Christ is central to our Heavenly Father’s plan of salvation. Through our Savior’s atonement and resurrection, He made it possible for us to live again with our loved ones for eternity.
-
មើល «°The Master Healer°» មាននៅលើគេហទំព័រ ChurchofJesusChrist.orgចាប់ពីនាទីទី ១១:៥៣°។
13:0The Master Healer
Sister Stephens testifies of the Savior’s power to heal us from our sins, from the unrighteous actions of others, and from difficulties of mortality.
សូមអញ្ជើញសិស្សឲ្យចែកចាយពីពេលវេលាមួយដែលពួកគេទទួលបានសេចក្ដីសង្ឃឹម តាមរយៈការអនុវត្តសេចក្ដីជំនឿលើព្រះយេស៊ូវគ្រីស្ទ និងប្រសិនបើគ្មានសេចក្ដីសង្ឃឹម តើស្ថានភាពនោះអាចនឹងខុសគ្នាយ៉ាងដូចម្តេច ។
វាមានសារៈសំខាន់ក្នុងការកត់សម្គាល់ថា សូម្បីតែនៅពេលដែលយើងបង្ហាញសេចក្តីជំនឿលើព្រះយេស៊ូវគ្រីស្ទ ហើយមានសេចក្តីសង្ឃឹមចំពោះពរជ័យ ដែលទ្រង់ប្រទានមកនោះ យើងប្រហែលជានៅមានពេលវេលាដែលជួបការលំបាក និងការព្យាយាមនៅក្នុងជីវិតរបស់យើងផងដែរ ។ ប៉ុន្តែ នៅពេលដែលយើងបន្តអនុវត្តសេចក្តីជំនឿលើព្រះអង្គសង្គ្រោះ ហើយផ្តោតលើទ្រង់ និងផ្តោតលើជីវិតដ៏នៅអស់កល្បជានិច្ច ដែលព្រះអង្គសង្រ្គោះប្រទានដល់ពួកយើង នោះយើងនឹងទទួលបានសេចក្តីសង្ឃឹម ដែលយើងស្វែងរកមកនេះ ។
សម្រាប់សកម្មភាពដូចខាងក្រោមនេះ សូមពិចារណាអញ្ជើញសិស្សឲ្យធ្វើការជាមួយគ្នាជាក្រុមតូចៗ ដើម្បីបំពេញសំណៅមេរៀននេះ ។
ស្វែងរកសេចក្ដីសង្ឃឹមនៅក្នុងព្រះយេស៊ូវគ្រីស្ទ
ព្រះគម្ពីរមរមន សៀវភៅសិក្សាសម្រាប់គ្រូបង្រៀន ( ឆ្នាំ ២០២៤ )—« មរ៉ូណៃ ៧:២០–៤៣ ៖ ស្វែងរកសេចក្ដី សង្ឃឹមនៅក្នុងព្រះគ្រីស្ទ »
ដើម្បីជួយដល់អ្នកគិតអំពីរបៀបមានសេចក្ដីសង្ឃឹម ដោយសារព្រះគ្រីស្ទអាចមានឥទ្ធិពលដល់ជីវិតរបស់យើងក្នុងកាលៈទេសៈផ្សេងៗគ្នា សូមជ្រើសរើសសាច់រឿងមួយនៅក្នុងចំណោមសាច់រឿងខាងក្រោម ( ឬបង្កើតសាច់រឿងមួយដោយខ្លួនឯង ) ៖
-
យ៉ាកុបបានធ្លាក់ចូលក្នុងទម្លាប់នៃការប្រព្រឹត្តអំពើបាបម្តងទៀត ដែលគាត់បានគិតថា គាត់បានឈប់រួចហើយ ។
-
ឪពុករបស់ បេកកា បានឈប់មកព្រះវិហារ ហើយបានប្រកាសថា គាត់លែងជឿលើព្រះទៀតហើយ ។
-
អាណាលីស កំពុងមានការលំបាក់ក្នុងការរក្សាកាតព្វកិច្ចនៅឯសាលា កន្លែងធ្វើការ និងនៅឯផ្ទះ ។
សូមបំពេញប្រយោគទាំងនេះ ដោយរៀបរាប់អំពីរបៀបដែលបុគ្គលម្នាក់ៗអាចមើលឃើញស្ថានភាពរបស់ពួកគេខុសពីនេះ ៖
-
ដោយគ្មានសេចក្ដីសង្ឃឹមនៅក្នុងព្រះយេស៊ូវគ្រីស្ទ
-
ដោយមានសេចក្ដីសង្ឃឹមនៅក្នុងព្រះយេស៊ូវគ្រីស្ទ
ចូរពិភាក្សាសំណួរខាងក្រោម ៖
-
តើបុគ្គលរូបនេះអាចអនុវត្តសេចក្តីជំនឿលើព្រះយេស៊ូវគ្រីស្ទបានដោយរបៀបណា ? សូមព្យាយាមស្វែងរកបទគម្ពីរមួយចេញពីព្រះគម្ពីរដើម្បីបញ្ចូលទៅក្នុងចម្លើយរបស់អ្នក ។
-
តើការអនុវត្តសេចក្ដីជំនឿតាមវិធីបែបនេះអាចជួយបុគ្គលនេះឲ្យមានសេចក្ដីសង្ឃឹមបន្ថែមទៀតតាមរយៈព្រះយេស៊ូវគ្រីស្ទបានយ៉ាងដូចម្ដេច ?
-
តើអ្នកអាចនិយាយអ្វីខ្លះទៅកាន់បុគ្គលនេះ ប្រសិនបើគាត់ ឬនាងសួរអ្នកថា ហេតុអ្វីអ្នកមានសេចក្តីសង្ឃឹមលើព្រះយេស៊ូវគ្រីស្ទ ? ( សូមមើល ពេត្រុស ទី១ ៣:១៥ ) ។
© 2023 by Intellectual Reserve, Inc. All rights reserved.
បន្ទាប់ពីក្រុមទាំងនោះបានបញ្ចប់សកម្មភាពរួចហើយ សូមអញ្ជើញពួកគេឲ្យមានអ្នកនិយាយម្នាក់ចែកចាយសាច់រឿងមួយ ដែលពួកគេបានពិភាក្សា ដែលពួកគេគិតថា មានប្រយោជន៍បំផុត ។
សូមចែកចាយទីបន្ទាល់របស់អ្នកអំពីការមានសេចក្តីសង្ឃឹមលើព្រះអង្គសង្គ្រោះ ។ សូមចងចាំថា សិស្សមួយចំនួនរបស់អ្នក ប្រហែលជាកំពុងស្វែងរកសេចក្តីសង្ឃឹមបន្ថែមទៀតនៅក្នុងជីវិតរបស់ពួកគេផងដែរ ។ ទីបន្ទាល់របស់អ្នក និងទីបន្ទាល់ពីមិត្តភក្តិរបស់ពួកគេអាចជាពរជ័យដ៏ធំមួយដល់ពួកគេហើយជួយលើកទឹកចិត្តពួកគេឲ្យមានសេចក្តីសង្ឃឹមបន្ថែមទៀត ។