Мормоны Номын семинарын багшийн гарын авлага (2024)

Агуулга
Нүүр хуудас
Мормоны Номын семинарын багшийн гарын авлага-ын оршил
Мормоны Ном—Оршил материал
Мормоны Номын удиртгал хэсгүүд
1 Нифай 1–5
1 Нифай 6–10
1 Нифай 11–15
1 Нифай 16–22
2 Нифай 1-2
2 Нифай 3–5
2 Нифай 6–10
2 Нифай 11–19
2 Нифай 20–25
2 Нифай 26–30
2 Нифай 31–33
Иаков 1–4
Иаков 5–7
Инос–Мормоны үгс
Moзая 1–3
Moзая 4–6
Moзая 7–10
Moзая 11–17
Moзая 18–24
Moзая 25–28
Мозая 29–Алма 4
Алма 5–7
Алма 8–12
Алма 13–16
Алма 17–22
Алма 23–29
Алма 30–31
Алма 32–35
Алма 36–38
Алма 39–42
Алма 43–52
Алма 53–63
Хиламан 1–6
Хиламан 7–12
Хиламан 13–16
3 Нифай 1–7
3 Нифай 8–11
3 Нифай 12–16
3 Нифай 17–19
3 Нифай 20–26
3 Нифай 27–4 Нифай 1
Moрмон 1–6
Moрмон 7–9
Ифер 1–5
Ифер 6–11
Ифер 12–15
Moронай 1–6
Moронай 7–9
Моронай 10
Хавсралт

Моронай 10:1–7: Мормоны Номын тухай өөрийн гэрчлэлийг хүлээн авах нь

“Моронай 10:1–7: Мормоны Номын тухай өөрийн гэрчлэлийг хүлээн авах нь,” Мормоны Номын багшийн гарын авлага (2024)

“Моронай 10:1-7,” Мормоны Номын багшийн гарын авлага

Моронай 10:1–7

Мормоны Номын тухай өөрийн гэрчлэлийг хүлээн авах нь

Та Сүнсний хүчний дагуу Мормоны Ном үнэн гэсэн сэтгэгдэл эсвэл мэдрэмжийг мэдэрч байсан уу? Хэрэв тийм бол ямар туршлага, үйлдлүүд танд үүнийг олж авахад тусалсан бэ? Моронай сүүлчийн бичээснүүдийнхээ заримд нь Бурхан бол бүх үнэний эх сурвалж гэдгийг онцолсон байдаг. Бид Бурханаар дамжуулан Мормоны Номын үнэн байдал, Есүс Христийн бодит байдал болон “бүх зүйлийн үнэн”-ий тухай хувийн гэрчлэлийг “Ариун Сүнсний хүчээр” хүлээн авч чадна (Моронай 10:5). Энэ хичээл Мормоны Ном үнэн гэдгийг мэдэхэд тань туслах болно.

Хөрвүүлэх зарчмууд дээр анхаарлаа төвлөрүүлэх. Тэнгэрлэг Эцэг, Есүс Христтэй хоёртой харилцах харилцааг нь бэхжүүлж чадах сургаал, зарчмуудыг олж мэдэхэд нь суралцагчдад тусал. Эдгээр үнэн нь тэдний хөрвөлтийг хэрхэн гүнзгийрүүлж, итгэлээр үйлдэхэд нь тусалдгийг шинжлэн судлахад суралцагчдыг урамшуулан дэмж.

Суралцагчийн бэлтгэл: Суралцагчдыг Моронай 10:1–7-г уншаад, Мормоны Номын тухай үнэнийг мэдэхэд юу шаардлагатайг ойлгоход нь туслах ямар нэг үг эсвэл үг хэллэгийг олж мэдэхэд урь.

Боломжит суралцах үйл ажиллагаа

Мормоны Номын гэрчлэл

Таныг Мормоны Номоос анх судалж эхлэх үедээ дараах мэдэгдлүүдийн аль нь танд хамгийн их хамаарч байсныг бод.

Мормоны Номыг үнэн эсэхийг би мэдэхгүй байна.
Мормоны Ном үнэн гэж надад хэлсэн бусад хүмүүст би итгэдэг.
Мормоны Ном үнэн гэдэг сэтгэгдлийг би Ариун Сүнснээс мэдэрсэн.

Мормоны Номын талаарх гэрчлэлээ одоо бясалган бод. Суралцах явцдаа гэрчлэлээ олж авах, гүнзгийрүүлэх эсвэл бат бөх хэвээр үлдээхийн тулд Их Эзэний танаас хийхийг хүсэх дараагийн алхмуудын талаар бод.

Моронайн сургамж

Моронай эцгийнхээ зарим сургаалыг цэдэглэснийхээ дараа хэн ч Мормоны Ном үнэн гэдгийг хэрхэн өөрөө мэдэж болохыг заасан.

Моронай 10:3–5-ыг уншаад, Мормоны Номын үнэнийг бид хэрхэн мэдэж болох талаар Моронай юу хэлснийг тодруул.

Моронай 10:4–5 нь төгс эзэмших сургаалын судрын хэсэг юм. Төгс эзэмших сургаалын судрын хэсгүүдийг дараа хялбар олохын тулд онцгойлон тэмдэглэ. Та дараагийн хичээл дээр энэ хэсэгт заасан сургаалыг асуултад хариулах эсвэл нөхцөл байдалд хэрэгжүүлэх дадлага хийх боломжтой байх болно.

Дараах гүйцэд бус мэдэгдлийг самбарт бичиж, суралцагчдыг судлах тэмдэглэлдээ гүйцээхийг урь. Дараа нь тэднийг ангиараа самбарт гүйцээж бичихийг урь.

Би Ариун Сүнсний хүчээр Мормоны Ном үнэн гэдгийг мэдэж чадна, учир нь би…

Дараагийн үйл ажиллагааг Моронайн зөвлөгөөний гурван үг хэллэгээр зохион байгуул. Суралцагчдад эдгээр гурван хэллэгийг гүнзгийрүүлэн ойлгоход нь хэрхэн тусалж болох талаар бодож үз. Та суралцагчдыг жижиг бүлгүүдэд хувааж, бүлэг тус бүрд дараах судлах үйл ажиллагаануудын аль нэгийг хуваарилж болно. Эдгээр үйл ажиллагааны зааварчилгааг самбарт харуулах эсвэл бүлэг бүрд хувилж өгөх хоёрын аль нь дээр болохыг тодорхойл. Бүлгүүд хариултаа ярилцсаны дараа ангийнхантайгаа хуваалцаж болно. Суралцагчид мөн самбар дээрх мэдэгдлийн хажууд өөрсдийн санаагаа нэгтгэн дүгнэж болно.

Мормоны Номыг унших

Ерөнхийлөгч Рассэлл М.Нэлсон Мормоны Номыг судалснаар бидний хүлээн авч болох зарим адислалын талаар тайлбарласан. Та эдгээр адислалын талаар судалж байхдаа өөрөө хэрхэн хүлээн авсан байж болох талаараа бод.

Зураг
Ерөнхийлөгч Рассэлл М.Нэлсон

Та нар өдөр бүр Мормоны Номыг залбирч судалбал өдөр бүр илүү сайн шийдвэр гаргадаг болно гэдгийг би амлаж байна. Та нарыг судалж байгаа зүйлийнхээ талаар эргэцүүлэн бодох үед тэнгэрийн цонх нээгдэн, та нар асуултуудынхаа хариултыг болон хувийнхаа амьдралд удирдамж хүлээн авах болно гэдгийг би амлая. (Рассэлл М.Нэлсон, “Мормоны Ном: Үүнгүйгээр таны амьдрал ямар байх байсан бэ?,” 2017 оны 10-р сарын Ерөнхий чуулган, 58)

Ерөнхийлөгч Нэлсоны Мормоны Номыг судалдаг хүмүүст амласан адислалуудын аль нэгийг та хүлээн авч үзсэн үү?

Хүсэл эрмэлзэлтэй суралцагчдыг эдгээр адислалыг хүлээн авсан зарим арга замаасаа хуваалцахад урь. Хэрэв суралцагч ямар нэгэн туршлагыг бодож чадахгүй байвал тэднийг эвгүй байдалд оруулахгүй байх хэрэгтэй гэдгийг анхаар. Тэд Мормоны Номыг үргэлжлүүлэн судалснаар эдгээр адислалыг хүлээн авч чадна гэдгийг тэдэнд батлан хэл.

Мормоны Номыг уншсанаар ирдэг адислалуудыг таньж мэдэх нь энэ номыг үнэн бөгөөд Бурханаас ирдэг гэдгийг баталж чадна.

Их Эзэний нигүүлслийг тунгаан бод

Хүмүүс Их Эзэний нигүүлслийг хүртдэг судрын ямар жишээнүүд байдаг вэ? Нифай (2 Нифай 4:20–25), Залуу Алма (Алма 36:17–21), эсвэл Аврагчийн айлчлалын үеэр түүний эдгээсэн нифайчууд (3 Нифай 17:6–9) зэрэг цөөн хэдэн жишээг олж болно.
Таны амьдрал эсвэл таньдаг хэн нэгний амьдрал дахь Их Эзэний нигүүлслийн зарим жишээ юу вэ?
Их Эзэний нигүүлслийн талаар тунгаан бодох нь яагаад Ариун Сүнсээр дамжуулан Мормоны Номын талаарх гэрчлэлийг хүлээн авахад тусалж чадна гэж та бодож байна вэ?

Христэд итгэлтэй байж, чин сэтгэлтэйгээр, үнэн хүсэлтэйгээр Бурханаас асуу

Чин сэтгэлтэйгээр Бурханаас асуух гэдэг нь ямар утгатай гэж та бодож байна вэ? Үнэн хүсэлтэйгээр үү? Христэд итгэлтэй байж (Моронай 10:4) уу? Хэрэв танд үүнд хариулахад тусламж хэрэгтэй бол Иосеф Смит—Түүх 1:10–17-г уншаад, залуу Иосеф Смит хэрхэн чин сэтгэлтэйгээр, үнэн хүсэлтэйгээр, Христэд итгэлтэйгээр залбирсныг олж мэд. (Тэмдэглэл: Үнэн хүсэлтэйгээр гэсэн үг хэллэг нь та залбирлынхаа хариуг хүлээн авмагцаа хүлээн авсан илчлэлийнхээ дагуу чин сэтгэлээсээ үйлдэх болно гэсэн үг юм.)
Үүнийг хийх нь Ариун Сүнсээр дамжуулан Мормоны Номын талаар гэрчлэлийг хүлээн авахад бидэнд хэрхэн туслах вэ?

Мормоны Номын талаарх миний хувийн гэрчлэл

Тэргүүн зөвлөлийн ерөнхийлөгч Хэнри Б.Айринг Моронайн амлалтыг хэрэгжүүлсэн туршлагаасаа хуваалцсан. Дараах мэдэгдлийг унш эсвэл ChurchofJesusChrist.org дээрх “Амьд Гэрчлэл” видеог 13:51-ээс 14:31 секунд хүртэл үзнэ үү.

Зураг
Ерөнхийлөгч Хэнри Б.Айринг

Та бүхнийг энэхүү амлалтыг нотолсон эсвэл удахгүй нотолно гэдэгт би итгэж байна. Хариулт нь ганц удаагийн хүчтэй сүнслэг туршлагаар ирэхгүй. Эхний удаа хариулт минь нам гүмхэн ирсэн. Харин Мормоны Номыг уншиж, залбирах бүрд улам илүү хүчтэй мэдрэгдэх болсон юм.

Би өнгөрсөн үйл явдлуудад найдаж амьдардаггүй. Би Мормоны Номын тухай амьд гэрчлэлээ байнга бат бөх байлгаж, бэхжүүлэхийн тулд Моронайн амлалтыг олонтоо хүлээн авдаг. Гэрчлэлээс ирдэг адислал бол байнгын эрх мэт дархлагдсан зүйл гэж би боддоггүй. (Хэнри Б.Айринг, “Амьд гэрчлэл,” 2011 оны 4-р сарын Ерөнхий чуулган)

Бид Мормоны Номыг хэчнээн олон удаа уншсан ч Ерөнхийлөгч Айрингийн үг бидэнд хэрхэн хэрэгжих вэ?
Ариун Сүнс ямар арга замуудаар Мормоны Ном үнэн гэдгийг гэрчилж болох вэ?
Мормоны Номын талаарх гэрчлэл нь Тэнгэрлэг Эцэг болон Түүний Хүү Есүс Христтэй харилцах харилцаа болон гэрчлэлийг тань хэрхэн бэхжүүлэх вэ?

Суралцагчдыг Мормоны Номын талаарх гэрчлэлүүдээ болон энэ номыг үнэн гэдгийг хэрхэн мэдсэн тухайгаа хуваалцахад урь. Та мөн өөрийн гэрчлэлээ хуваалцаж болно.

Дараах нь суралцагчдад Моронай 10:3–5-ыг хэрэгжүүлэхэд тусалж чадна.

Моронай 10:3–5-д заасан зарчмуудыг хэрэгжүүлэхийн тулд юу хийж болохоо судлах тэмдэглэлдээ бич. Та хэрхэн Мормоны Номыг үргэлжлүүлэн судалж, Их Эзэний нигүүлслийн талаар тунгаан бодож, Ариун Сүнсээр дамжуулан гэрчлэхийг Бурханаас асуух талаар бод. Та хаана, хэзээ эдгээрийг хийх вэ? Их Эзэн таны залбиралд хэрхэн хариулж болох вэ?

Тайлбар ба нөхцөл байдлын талаарх мэдээлэл

Бусад хүн Мормоны Ном үнэн гэдгийг хэрхэн мэдсэн бэ?

Дараах эх сурвалжууд нь бусдын туршлагыг ойлгож, суралцахад тань тусална. Бүх видео ChurchofJesusChrist.org дээр бий.

“Receiving a Testimony of the Book of Mormon, Part 1” (Мормоны Номын гэрчлэлийг хүлээн авах нь: 1-р хэсэг) (1:30), Ерөнхийлөгч Боид К.Пакэр
“How I Know the Book of Mormon is True” (Би Мормоны Ном үнэн гэдгийг хэрхэн мэдэх вэ?) (1:11)
“Мормоны Номын хүчээр олдсон минь,” Ахлагч Рубэн В.Аллиауд, 1:21-ээс 4:39 секунд хүртэл
“Түүн рүү эргэ, хариулт ирэх болно” 0:00-ээс 1:06 секунд хүртэл; Ахлагч Жэймс Б.Мартино
“Хэрэв та үнэхээр мэдэхийг хүсвэл мэдэх болно,” Ахлагч Уолтэр Ф.Гонзалез

Сэргээгдсэн Сүмийн эхэн үеийн хөрвөгчид болон удирдагчид болох Зина Янг эгч, Элиза Р.Снөү эгч нар өөр өөр аргаар гэрчлэл хүлээн авсан.

Зина анх 14 настай байхдаа “зочны өрөөний цонхны тавцан дээр хэвтэж буй нэгэн хачирхалтай шинэ ном болох Мормоны Номыг олж харсан” гэж хэлсэн. Тэрээр уг номыг гартаа атгах үедээ “үүнээс мэдрэгдэх Ариун Сүнсний намуухан нөлөөгөөр номыг цээжиндээ тэвэрч, баяр догдлолоор дүүрэн, ‘Энэ бол үнэн, үнэн, үнэн! хэмээн шивнэсэн.’ ”

Элизагийн хувьд итгэл үнэмшил нь тийм ч амархан ирээгүй. Түүний ээж, эгч хоёр нь эхлээд Сүмд нэгдсэн. Элиза Иосеф Смиттэй уулзаж, түүнийг “шударга царайтай” юм гэж бодсон. Алтан ялтсуудыг харж, барьж байсан Гурван Гэрчийн хоёр нь номын тухай ярьж, урьд өмнө хэзээ ч сонсож байгаагүй “тийм гайхалтай гэрчлэл”-ийг тэр сонссон. Гэсэн хэдий ч тэр хэтэрхий хурдан үйлдэж, хууртахыг хүсээгүй. Энэ бүхэн зүгээр л нэг “гэнэтийн зүйл” байж магадгүй гэж бодоод “шийдвэрт хүрэхээсээ” өмнө дөрвөн жил судар судалсны эцэст баптисм хүртэхээр шийдсэн юм. (Janiece Johnson, “A Witness of One’s Own,” Ensign, Dec. 2020, 37)

Өөрийн гэсэн гэрчлэлтэй байх нь намайг хэрхэн адислах вэ?

Тэргүүн Зөвлөлийн хоёрдугаар зөвлөх асан, ерөнхийлөгч Дийтр Ф.Угдорф ийн заасан:

Зураг
Ерөнхийлөгч Дийтр Ф.Угдорф

Зарим хүн эдгээр шатлалыг дэндүү хэцүү эсвэл иймэрхүү хүчин чармайлт гаргах нь шаардлагагүй зүйл хэмээн хэлж болох юм. Гэхдээ сайн мэдээний тухай болон Сүмийн талаар хувийн гэрчлэлтэй болох нь таны энэ амьдралдаа олж авах ёстой хамгийн чухал зүйл мөн гэдгийг би та бүхэнд хэлмээр байна. Энэхүү гэрчлэл нь таныг зөвхөн энэ амьдралын тань турш адисалж, удирдаад зогсохгүй, таны мөнх амьдралтай ч мөн шууд холбоотой юм. (Дийтр Ф.Угдорф, “Гэрэл ба үнэний талаарх гэрчлэлийг хүлээн авах нь,” 2014 оны 10-р сарын Ерөнхий чуулга, 23)

Ерөнхийлөгч Рассэлл М.Нэлсон ийн хуваалцсан:

Зураг
Ерөнхийлөгч Рассэлл М.Нэлсон

Та юу үнэн болох талаар эргэлзэх шаардлагагүй (Моронай 10:5). Та хэнд баталгаатай найдаж болох вэ гэдэгт эргэлзэх шаардлагагүй. Та хувийн илчлэлтээр дамжуулан Мормоны Ном бол Бурханы үг, Иосеф Смит бол бошиглогч, энэ бол Их Эзэний Сүм юм гэсэн хувийн гэрчлэлийг хүлээн авч чадна. Бусдын юу хэлэх, хийхээс үл хамааран таны оюунд мөн зүрх сэтгэлд хүргэгдсэн чухам юу үнэн болох талаарх гэрчлэлийг хэн ч авч чадахгүй. (Рассэлл М.Нэлсон, “Сүмд болон бидний амьдралд зориулсан илчлэлт,” 2018 оны 4-р сарын Ерөнхий чуулган, , 119)

Нэмэлт суралцах үйл ажиллагаа

Мормоны Номын талаарх гэрчлэлүүдээ хуваалцах нь

Хичээлийг дуусгахдаа суралцагч бүрд гэрчлэлээ бичих нэг нэг Мормоны Ном өг. Суралцагчид эдгээр Мормоны Номыг хүлээн авахад бэлэн гэж бодож байгаа хэн нэгэнд нь өгч болно. Өөрөөр хэлбэл, суралцагчид эдгээр Мормоны Номыг орон нутгийн номлогчдод өгч, сурталчлах хүчин чармайлтаа хуваалцаж болно.

Ойлгохын тулд дүр зураг бүтээ Моронай 10:3–5

Суралцагчдад Моронай 10:3–5 дахь үгсийг ойлгоход нь туслахын тулд тэд Өсвөр үеийнхний бат бөх байдлын төлөө сэтгүүлийн “Мөр дээр шугам” хэсэгт байдагтай төстэй дүр зургийг бүтээж болно. Жишээнүүдийг 2021 оны 2-р сар, 2022 оны 2-р сар эсвэл сүүлийн үеийн хэвлэлээс үзнэ үү.

Моронай 10. “Ухуулах”

Суралцагчдад ухуулах гэдэг үг нь хүчтэйгээр урамшуулах, ятгах гэсэн утгатай гэдгийг сануул. Моронай 10-аас Моронай энэ үгийг олон удаа ашигласан эсэхийг судлахад суралцагчдыг урь. Моронай биднийг юу хийхэд урьж байна вэ? Эдгээр урилгыг дагах ямар тодорхой аргууд байдаг вэ?

Ариун Сүнс бидэнд бүх зүйлийн үнэнийг мэдэхэд тусалж чадна

Суралцагчид Моронай 10:5–7-г уншаад, Ариун Сүнс тэдэнд суралцах бүхий л үйл явцад нь хэрхэн тусалж болохыг олж мэдэх боломжтой. Үүнийг мэдэх нь суралцагчдын сайн мэдээ болон иргэний боловсролд хэрхэн нөлөөлж болох талаар ярилц. Та мөн Ариун Сүнс үнэнийг алдаанаас ялгахад бидэнд хэрхэн тусалж болохыг ярилцаж болно.