Zotërimi Doktrinor: Përsëritje e Vlerësimit 1

1 Nefi 3:7 deri te Mosia 18:8–10

Kjo përsëritje e vlerësimit të zotërimit doktrinor është hartuar si një përvojë e të mësuarit për t’i ndihmuar nxënësit t’i përsëritin 12 fragmentet e zotërimit doktrinor që gjenden nga 1 Nefi deri te Mosia. Ajo do t’i lejojë ata ta demonstrojnë kuptueshmërinë dhe zbatimin e të vërtetave në këto fragmente. Gjithashtu, ajo është hartuar për t’i ndihmuar nxënësit të përgatiten për vlerësimin e ardhshëm (“Zotërimi Doktrinor: Vlerësimi 1”).

Ky mësim për përsëritje ka për qëllim të jetë një përvojë nxënieje virtuale ose me prani fizike.

Përdoreni këtë përsëritje dhe kryejeni vlerësimin e zotërimit doktrinor në çfarëdo kohe pasi të jenë dhënë mësim të gjitha fragmentet e zotërimit doktrinor nga 1 Nefi deri te Mosia. Lejoni kohë të mjaftueshme ndërmjet kësaj përsëritjeje dhe vlerësimit që nxënësit t’i studiojnë fragmentet që nuk i njohin mirë. Mund të jetë e nevojshme ta rregulloni programin mësimor me qëllim që ta realizoni këtë, që vlerësimi të mund të kryhet përpara fundit të gjysmës së parë të kursit.

Veprimtari të Mundshme të të Mësuarit

Merrini parasysh nevojat e nxënësve dhe përzgjidhni nga kjo përsëritje pjesët që do t’i ndihmojnë ata më mirë në përgatitjen për vlerësimin “Zotërimi Doktrinor: Vlerësimi 1”. Gjatë gjithë kësaj përsëritjeje, ftojini nxënësit t’i shenjojnë fragmentet që nuk i dinë mirë, dhe të bëjnë plane për t’i studiuar dhe shqyrtuar ato fragmente në përgatitje për vlerësimin.

Pyetësorët vijues në veprimtaritë e përsëritjes 1 dhe 2 kanë për qëllim t’i ndihmojnë nxënësit t’i përsëritin referencat e zotërimit doktrinor dhe frazat kyç të shkrimit të shenjtë. Veprimtari të ndryshme mund të përdoren për t’i përfshirë nxënësit në procesin e përsëritjes. Disa ide mund të gjenden në programin për telefonat celularë Doctrinal Mastery [Zotërimi Doktrinor].

Veprimtaria 1 e Përsëritjes: Njihi referencat e shkrimit të shenjtë dhe frazat kyç të shkrimit të shenjtë

Ndihmojini nxënësit të shqyrtojnë dhe të përgatiten për t’i lidhur referencat vijuese të shkrimit të shenjtë me frazat kyç të shkrimit të shenjtë. Nxitini nxënësit t’i shenjojnë fragmentet që mund të mos i dinë ende, që të mund të vazhdojnë t’i studiojnë ato para se ta kryejnë vlerësimin.

Një mënyrë për t’i përfshirë nxënësit në këtë përsëritje, është ta shkruani secilën prej 12 referencave të shkrimit të shenjtë në copa letre të veçanta dhe ta shkruani secilën prej 12 frazave kyç të shkrimit të shenjtë në copa letre të veçanta. Më pas ngjitini të 24 copat e letrave në mur në vende rastësore përqark dhomës me shkrimin nga ana e murit që nxënësit të mos munden ta shohin se çfarë ka në letra.

Ftojeni një nxënës të zgjedhë cilëndo letër, ta kthejë nga ana tjetër atë dhe ta lexojë. Ftojini të gjithë nxënësit të shkruajnë se cila mendojnë se është referenca ose fraza kyç e shkrimit të shenjtë që përputhet. Më pas ftojeni të njëjtin nxënës të kthejë edhe një letër tjetër në anën tjetër për të parë nëse letrat përputhen. Nëse përputhen, mos i vini në mur. Nëse nuk përputhen, vëreni nxënësin t’i ngjitë ato në mur përsëri që nxënësit të mund të mos i lexojnë. Më pas ftojeni një nxënës tjetër të zgjedhë dy letrat e radhës. Vazhdojeni këtë proces derisa të gjitha përputhjet të jenë zbuluar dhe të jenë hequr nga muri.

Përgjigjet e duhura: 1-j, 2-c, 3-g, 4-a, 5-l, 6-f, 7-h, 8-i, 9-b, 10-e, 11-k, 12-d

Frazat Kyç	Referencat nga Shkrimet e Shenjta
Frazat Kyç “Zhv[ishe] njeriun e natyrshëm dhe … bëh[u] një shenjtor nëpërmjet shlyerjes së Krishtit Zot.”	Referencat nga Shkrimet e Shenjta 1 Nefi 3:7
Frazat Kyç “Ata janë të lirë të zgjedhin lirinë dhe jetën e përjetshme … ose … robërinë dhe vdekjen.”	Referencat nga Shkrimet e Shenjta 2 Nefi 2:25
Frazat Kyç “Ju duhet të luteni gjithmonë.”	Referencat nga Shkrimet e Shenjta 2 Nefi 2:27
Frazat Kyç “Unë do të shkoj dhe do të bëj gjërat që Zoti ka urdhëruar.”	Referencat nga Shkrimet e Shenjta 2 Nefi 26:33
Frazat Kyç “Pagëz[ohuni] në emrin e Zotit, si një dëshmi … që ju keni hyrë në një besëlidhje me të.”	Referencat nga Shkrimet e Shenjta 2 Nefi 28:30
Frazat Kyç “Ushqehuni me bollëk me fjalët e Krishtit; pasi, vini re, fjalët e Krishtit do t’ju tregojnë të gjitha gjërat që ju duhet të bëni.”	Referencat nga Shkrimet e Shenjta 2 Nefi 32:3
Frazat Kyç “Kur jeni në shërbimin e bashkëqenieve tuaja, ju jeni vetëm në shërbimin e Perëndisë tuaj.”	Referencat nga Shkrimet e Shenjta 2 Nefi 32:8–9
Frazat Kyç “At[a] që zbatojnë urdhërimet e Perëndisë … janë të bekuar në të gjitha gjërat.”	Referencat nga Shkrimet e Shenjta Mosia 2:17
Frazat Kyç “Adami ra që njerëzit të mund të jenë; dhe njerëzit janë, që ata të mund të kenë gëzim.”	Referencat nga Shkrimet e Shenjta Mosia 2:41
Frazat Kyç Perëndia “do t’u jap[ë] fëmijëve të njerëzve rresht pas rreshti, parim pas parimi”.	Referencat nga Shkrimet e Shenjta Mosia 3:19
Frazat Kyç “Besoni në Perëndinë; … besoni se ai ka të gjithë diturinë.”	Referencat nga Shkrimet e Shenjta Mosia 4:9
Frazat Kyç “Të gjithë janë njësoj para Perëndisë.”	Referencat nga Shkrimet e Shenjta Mosia 18:8–10

Veprimtaria 2 e Përsëritjes: Njihi referencat e shkrimit të shenjtë dhe frazat kyç të shkrimit të shenjtë

Ndihmojini nxënësit t’i shqyrtojnë frazat kyç të shkrimit të shenjtë në një mënyrë përfshirëse. Nxitini ata t’i shenjojnë ato që mund të mos i dinë ende, që të mund të vazhdojnë t’i studiojnë ato para se ta kryejnë vlerësimin.

Një mënyrë për ta bërë këtë është t’u caktoni nxënësve të ndryshëm fraza kyç të ndryshme të shkrimit të shenjtë. Ftojeni secilin nxënës të përzgjedhë tri fjalë nga fraza e vet kyç e shkrimit të shenjtë që do të donte t’i linte bosh. Më pas ftojini nxënësit të ngrihen dhe ta lexojnë me radhë frazën e tyre me vendet bosh që zgjodhën, ndërkohë që klasa përpiqet t’i shkruajë fjalët që e kanë vendin në vendet bosh.

Mund të zgjidhni t’i shqyrtoni të 12 frazat kyç të shkrimit të shenjtë në këtë mënyrë, në vend që të shqyrtoni vetëm frazat e sugjeruara në vijim.

Përgjigjet e duhura: 1) zgjedhin; jetën; lirinë; robërinë; 2) shërbimin; qenieve; Perëndisë; 3) e natyrshëm; shenjtor; shlyerjes; 4) Perëndinë; besoni; diturinë; 5) pagëzohuni; dëshmi; besëlidhje

Plotësoji vendet bosh me fjalën ose fjalët që mungojnë nga frazat kyç të shkrimit të shenjtë.

1. “Ata janë të lirë të lirinë dhe e përjetshme … ose … dhe vdekjen” (2 Nefi 2:27).

2. “Kur jeni në e bashkë tuaja, ju jeni vetëm në shërbimin e tuaj” (Mosia 2:17).

3. “Zhv[ishe] njeriun dhe … bëh[u] një nëpërmjet së Krishtit Zot” (Mosia 3:19).

4. “Besoni në ; … se ai ka të gjithë ” (Mosia 4:9).

5. “ në emrin e Zotit, si një … që ju keni hyrë në një me të” (Mosia 18:8–10).

Veprimtaria 3 e Përsëritjes: Zbatoje doktrinën

Veprimtaria vijuese do t’i ndihmojë nxënësit ta demonstrojnë kuptueshmërinë e të vërtetave në fragmentet e zotërimit doktrinor duke i lejuar ata të shpjegojnë se si fragmentet mund të zbatohen në situata nga jeta reale. Nxënësit mund t’i përdorin shkrimet e tyre të shenjta për t’i ndihmuar ata të zgjedhin një ose më shumë fragmente të zotërimit doktrinor që ata e ndiejnë se mund ta ndihmojnë personin e përshkruar në secilin skenar. Ftojini ata të shpjegojnë se si të vërtetat nga fragmenti/et mund ta ndihmojnë personin. Në secilin skenar mund të zbatohen fragmente të shumta të zotërimit doktrinor.

1. Një i ri duhet të marrë një vendim të rëndësishëm që mund të ndikojë shumë në të ardhmen e tij. Ai është në ankth dhe i pasigurt se çfarë zgjedhje të bëjë.

2. Prindërit e një të reje nuk e përkrahin vendimin e saj për t’i zbatuar urdhërimet e Perëndisë. Ajo dëshiron të jetë e bindur, por kjo duket shumë e vështirë në rrethanat e saj.

3. Një nga shokët e tu e përqeshin shokët e tij të klasës për shkak se e jeton ungjillin e Jezu Krishtit. Ti duhet ta sigurosh atë se ia vlen të qëndrojë besnik ndaj besëlidhjeve të tij.

Pasi nxënësit të mbarojnë së diskutuari për tre skenarët e mëparshëm, merreni parasysh t’i ftoni ata të punojnë me një partner për të krijuar skenarë shtesë. Çdo nxënës mund të përzgjedhë një fragment të zotërimit doktrinor për partnerin e vet. Më pas, duke e përdorur fragmentin që partnerët e tyre përzgjodhën për ta, nxënësit mund të mendojnë dhe të japin një skenar kur ai fragment mund ta ndihmojë dikë.

Veprimtaria 4 e Përsëritjes: Përdori parimet e marrjes së njohurisë shpirtërore

Merreni parasysh ta përdorni skenarin vijues për t’i ndihmuar nxënësit t’i përsëritin parimet e marrjes së njohurisë shpirtërore. Mund të jetë e efektshme që nxënësit ta interpretojnë me role këtë veprimtari në grupe me nga tre veta, ku secili nxënës shpjegon një parim të ndryshëm të marrjes së njohurisë shpirtërore.

Ti ke një mike që po bën pyetjen se përse disa gjëra që i janë mësuar në kohët e fundit në shkollë, duket se bien ndesh me atë që Perëndia ka dhënë mësim nëpërmjet shkrimeve të shenjta dhe profetëve bashkëkohorë.

Mësoji mikes sate tre parimet vijuese të marrjes së njohurisë shpirtërore dhe se si ajo mund t’i përdorë ato për t’u drejtuar tek Ati Qiellor për ndihmë për shqetësimet e saj.

• Vepro me besim

• Shqyrtoji konceptet dhe pyetjet me një këndvështrim të përjetshëm

• Kërko kuptueshmëri të mëtejshme nëpërmjet burimeve të caktuara në mënyrë hyjnore

Merreni parasysh t’i ftoni nxënësit të punojnë në grupe me nga tre veta, ku secili nxënës e shkruan përgjigjen e tij ose të saj për pyetjet vijuese në një copë letër.

Më pas, ftojini nxënësit t’i shkëmbejnë letrat dhe të shkruajnë në letrën e nxënësit tjetër se çfarë u pëlqen rreth përgjigjes së atij nxënësi. Më pas kërkojuni atyre t’i shkëmbejnë letrat një herë të dytë në mënyrë që ata t’i jenë përgjigjur të dy anëtarëve të grupit të tyre. Në fund, ftojini ata ta rimarrin letrën e tyre dhe t’i lexojnë përgjigjet e anëtarëve të grupit të tyre.

• Cilat fragmente të zotërimit doktrinor nga 1 Nefi deri te Mosia mund ta ndihmojnë miken tënde? Si mund të ndihmojnë këto fragmente?

• Në ç’mënyrë është e dobishme t’i përdorim parimet e marrjes së njohurisë shpirtërore kur ne po kërkojmë përgjigje për pyetjet apo shqetësimet tona?

• Si i ke përdorur këto parime për t’i ndihmuar të tjerët ose për t’i zgjidhur shqetësimet e tua?

Veprimtaria 5 e Përsëritjes: Fragmente me kuptim të veçantë në jetën tënde

Ftojini nxënësit të reflektojnë mbi një fragment të zotërimit doktrinor që ka ndikuar tek ata gjatë studimit të tyre deri tani në Librin e Mormonit. Ata mund të zgjedhin njërin që i ndihmoi ta ndiejnë dashurinë e Atit Qiellor dhe Jezu Krishtit. Shpjegoni se ata do të kenë mundësi ta tregojnë fragmentin që zgjodhën si pjesë e vlerësimit.

Merreni parasysh t’ua shpërndani nxënësve fletushkën vijuese për t’i ndihmuar ata të përgatiten për vlerësimin (“Zotërimi Doktrinor: Vlerësimi 1”).

Zotërimi Doktrinor: Vlerësimi 1 – Udhëzuesi Studimor

Mësoje përmendsh referencën dhe frazën kyç të shkrimit të shenjtë

Njihu me referencat e shkrimit të shenjtë për zotërimin doktrinor dhe frazat kyç të shkrimit të shenjtë. Nëse dëshiron, mund ta shkarkosh dhe ta përdorësh programin për telefonat celularë Doctrinal Mastery [Zotërimi Doktrinor] që të të ndihmojë për përsëritjen.

Referenca e Shkrimit të Shenjtë	Fraza Kyç e Shkrimit të Shenjtë
Referenca e Shkrimit të Shenjtë 1 Nefi 3:7	Fraza Kyç e Shkrimit të Shenjtë “Unë do të shkoj dhe do të bëj gjërat që Zoti ka urdhëruar.”
Referenca e Shkrimit të Shenjtë 2 Nefi 2:25	Fraza Kyç e Shkrimit të Shenjtë “Adami ra që njerëzit të mund të jenë; dhe njerëzit janë, që ata të mund të kenë gëzim.”
Referenca e Shkrimit të Shenjtë 2 Nefi 2:27	Fraza Kyç e Shkrimit të Shenjtë “Ata janë të lirë të zgjedhin lirinë dhe jetën e përjetshme … ose … robërinë dhe vdekjen.”
Referenca e Shkrimit të Shenjtë 2 Nefi 26:33	Fraza Kyç e Shkrimit të Shenjtë “Të gjithë janë njësoj para Perëndisë.”
Referenca e Shkrimit të Shenjtë 2 Nefi 28:30	Fraza Kyç e Shkrimit të Shenjtë Perëndia “do t’u jap[ë] fëmijëve të njerëzve rresht pas rreshti, parim pas parimi”.
Referenca e Shkrimit të Shenjtë 2 Nefi 32:3	Fraza Kyç e Shkrimit të Shenjtë “Ushqehuni me bollëk me fjalët e Krishtit; pasi, vini re, fjalët e Krishtit do t’ju tregojnë të gjitha gjërat që ju duhet të bëni.”
Referenca e Shkrimit të Shenjtë 2 Nefi 32:8–9	Fraza Kyç e Shkrimit të Shenjtë “Ju duhet të luteni gjithmonë.”
Referenca e Shkrimit të Shenjtë Mosia 2:17	Fraza Kyç e Shkrimit të Shenjtë “Kur jeni në shërbimin e bashkëqenieve tuaja, ju jeni vetëm në shërbimin e Perëndisë tuaj.”
Referenca e Shkrimit të Shenjtë Mosia 2:41	Fraza Kyç e Shkrimit të Shenjtë “At[a] që zbatojnë urdhërimet e Perëndisë … janë të bekuar në të gjitha gjërat.”
Referenca e Shkrimit të Shenjtë Mosia 3:19	Fraza Kyç e Shkrimit të Shenjtë “Zhv[ishe] njeriun e natyrshëm dhe … bëh[u] një shenjtor nëpërmjet shlyerjes së Krishtit Zot.”
Referenca e Shkrimit të Shenjtë Mosia 4:9	Fraza Kyç e Shkrimit të Shenjtë “Besoni në Perëndinë; … besoni se ai ka të gjithë diturinë.”
Referenca e Shkrimit të Shenjtë Mosia 18:8–10	Fraza Kyç e Shkrimit të Shenjtë “Pagëz[ohuni] në emrin e Zotit, si një dëshmi … që ju keni hyrë në një besëlidhje me të.”

Zbatoje doktrinën në situata nga jeta reale

• Përdor një ose më shumë fragmente të shkrimit të shenjtë për zotërimin doktrinor për ta ndihmuar dikë që dëshiron udhërrëfim për marrjen e vendimeve të rëndësishme në jetën e tij ose të saj.

• Zgjidh një ose më shumë fragmente për ta ndihmuar dikë që ndien se rrethanat e tij ia bëjnë të vështirë t’i zbatojë urdhërimet e Perëndisë.

• Zgjidhe njërin prej fragmenteve të zotërimit doktrinor dhe mendo për një situatë ku të vërtetat që jepen mësim në atë fragment, mund ta ndihmojnë një adoleshent në jetën e tij ose të saj. Nëse është e mundur, mendo për situata reale që ti i di ose me të cilat je përballur vetë.

• Ji i përgatitur të tregosh se cili nga fragmentet e zotërimit doktrinor ka ndikuar më shumë tek ti. Çfarë të mëson ai fragment rreth Atit Qiellor dhe Jezu Krishtit?

Parimet e marrjes së njohurisë shpirtërore

Shqyrtoji paragrafët 5–12 në pjesën “Marrja e Njohurisë Shpirtërore” te materiali Dokumenti Bazë i Zotërimit Doktrinor (2023). Përsiat se si mund t’i përdorësh parimet e marrjes së njohurisë shpirtërore për ta ndihmuar dikë ta kapërcejë një sfidë ose shqetësim me të cilin ai ose ajo po përballet.

fletushka për sëmundjen shpirtërore