Төгс эзэмших сургаал: 1-р шалгалтын давтлага

1 Нифай 3:7-оос Мозая 18:8–10

Энэхүү төгс эзэмших сургаалын шалгалтад бэлдэх давтлага нь 1 Нифайгаас Мозая хүртэлх төгс эзэмших сургаалын судрын 12 хэсгийг давтахад суралцагчдад туслах зорилготой. Энэ нь тэдэнд эдгээр эшлэл дэх үнэнийг ойлгож, хэрэгжүүлэх боломжийг харуулна. Мөн энэ нь суралцагчдыг удахгүй болох шалгалтад бэлтгэхэд туслах зорилготой (“Төгс эзэмших сургаал: 1-р шалгалт”).

Энэ давтлага хичээлийг онлайнаар эсвэл биечлэн заах хичээлд ашиглахаар зориулсан.

1 Нифайгаас Мозая хүртэлх төгс эзэмших сургаалын судрын бүх хэсгийг заасны дараа ямар ч үед энэ давтлагыг ашиглаж, төгс эзэмших сургаалын шалгалтыг авах боломжтой. Суралцагчдад сайн мэдэхгүй хэсгүүдээ судлахын тулд энэхүү давтлага, шалгалт хоёрын хооронд хангалттай цаг гаргаж өг. Сургалтын хуваарийг өөрчлөх шаардлагатай байж магадгүй бөгөөд ингэснээр хичээлийн эхний хагас дуусахаас өмнө шалгалт авах боломжтой болно.

Боломжит суралцах үйл ажиллагаа

Суралцагчдын хэрэгцээ шаардлагыг бодолцож үзээд, энэ давтлагын “Төгс эзэмших сургаал: 1-р шалгалтад бэлтгэхэд тэдэнд хамгийн сайн туслах хэсгийг сонго. Суралцагчдыг энэ давтлагын туршид мэдэхгүй судрын хэсгүүдээ тэмдэглэхийн зэрэгцээ шалгалтад бэлтгэхдээ тэдгээр судрын хэсгийг судалж, давтах төлөвлөгөө гаргахад урь.

Давтах үйл ажиллагаа 1, 2-ын доорх асуулт хариултууд нь суралцагчдад төгс эзэмших сургаалын судрын эшлэл, түлхүүр үг хэллэгийг давтахад туслах зорилготой. Суралцагчдыг давтлагад оролцуулахын тулд өөр өөр үйл ажиллагааг ашиглаж болно. Зарим санааг Төгс эзэмших сургаалын гар утасны аппликэйшнээс олж болно.

Давтах үйл ажиллагаа 1: Судрын эшлэл, түлхүүр үг хэллэгийг мэдэж авах

Суралцагчдад дараах судрын эшлэлийг тохирох түлхүүр үг хэллэгтэй нь холбоход бэлтгэхэд тусал. Суралцагчдыг хараахан мэдэхгүй байгаа судрын хэсгүүдээ тэмдэглэн, шалгалт өгөхөөсөө өмнө судлахад урамшуулан дэмж.

Суралцагчдыг давтлагад оролцуулах нэг арга зам нь судрын 12 эшлэл, 12 түлхүүр үг хэллэг бүрийг тус тусад нь цаасан дээр бичих явдал юм. Дараа нь суралцагчид цаасан дээр юу байгааг харахгүй байхаар бүх 24 цаасыг өрөөний эргэн тойрны хананд замбараагүй наа.

Нэг суралцагчийг дурын цаас сонгоод уншихад урь. Бүх суралцагчийг тохирох судрын эшлэл эсвэл түлхүүр үг хэллэгийг юу гэж бодож байгаагаа бичихэд урь. Дараа нь тэр суралцагчийг дахин нэг цаас эргүүлээд, цааснууд нь таарч байгаа эсэхийг шалгуул. Хэрэв цааснууд тохирвол, самбар дээрээс ав. Хэрэв хоорондоо тохирохгүй байвал суралцагчид уншихгүй байхаар хананд буцааж наа. Тэгээд өөр нэг суралцагчаас дараагийн хоёр цаасыг сонгоход урь. Бүх хэсгийг тохируулж, самбараас автал энэ үйлдлийг давт.

Зөв хариулт: 1-и, 2-в, 3-ё, 4-а, 5-к, 6-е, 7-ж, 8-з, 9-б, 10-д, 11-й, 12-г

Түлхүүр үг хэллэг	Судрын эшлэл
Түлхүүр үг хэллэг “Эгэл хүмүүнээ орхиж мөн Их Эзэн Христийн цагаатгалаар гэгээнтэн [бол].”	Судрын эшлэл 1 Нифай 3:7
Түлхүүр үг хэллэг “Тэд … эрх чөлөө болон мөнх амьдралыг сонгох эсвэл … боолчлол болон үхлийг сонгох эрхтэй.”	Судрын эшлэл 2 Нифай 2:25
Түлхүүр үг хэллэг “Та нар үргэлж залбирах ёстой.”	Судрын эшлэл 2 Нифай 2:27
Түлхүүр үг хэллэг “Би явж бас Их Эзэний зарлиг болсон тэр зүйлүүдийг биелүүлэх болно.”	Судрын эшлэл 2 Нифай 26:33
Түлхүүр үг хэллэг “Гэрээ байгуулснаа түүний өмнө гэрчилж, Их Эзэний нэрээр баптисм хүрт.”	Судрын эшлэл 2 Нифай 28:30
Түлхүүр үг хэллэг “Христийн үгэн дээр найрла, учир нь болгоогтун, Христийн үгс та нарын хийвэл зохих бүх зүйлийг та нарт хэлэх болно.”	Судрын эшлэл 2 Нифай 32:3
Түлхүүр үг хэллэг “Та нар бусдадаа үйлчилж байгаа нь та нар зөвхөн Бурхандаа үйлчилж байгаа гэдгээ мэдэж болохын тулд буюу.”	Судрын эшлэл 2 Нифай 32:8–9
Түлхүүр үг хэллэг “Бурханы зарлигуудыг дагадаг тэд … бүх зүйлд адислагдсан болой.”	Судрын эшлэл Moзая 2:17
Түлхүүр үг хэллэг “Адам хүмүүн байж болохын тулд унасан; мөн тэд баясгалантай байж болохын тул хүмүүн байх бөлгөө.”	Судрын эшлэл Moзая 2:41
Түлхүүр үг хэллэг Бурхан “Учир нь болгоогтун, би хүмүүний үрст шат шатаар, дүрэм дүрмээр өгөх болно.”	Судрын эшлэл Moзая 3:19
Түлхүүр үг хэллэг “Бурханд итгэ; … Тэр бүх мэргэн ухааныг эзэмшигч гэдэгт итгэ.”	Судрын эшлэл Мозая 4:9
Түлхүүр үг хэллэг “Бурханд бүгд адил.”	Судрын эшлэл Мозая 18:8–10

Давтах үйл ажиллагаа 2: Судрын эшлэл, түлхүүр үг хэллэгийг мэдэж авах

Суралцагчдад судрын түлхүүр үг хэллэгийг сонирхолтой байдлаар давтахад тусал. Тэднийг хараахан мэдэхгүй байгаа судрын хэсгүүдээ тэмдэглэн, шалгалт өгөхөөсөө өмнө судлахад урамшуул.

Үүнийг гүйцэтгэх нэг арга зам нь өөр өөр суралцагчдад судрын өөр өөр түлхүүр үг хэллэгүүдийг оноох юм. Суралцагч бүрийг судрын түлхүүр үг хэллэгээсээ хоосон үлдээхийг хүссэн гурван үгийг сонгоход урь. Дараа нь суралцагчдыг ээлжлэн босож зогсоод өөрсдийн сонгосон хоосон орхисон өгүүлбэрийг уншихад урьж, тэднийг хэлж байх хооронд ангийнхан хоосон зайд орсон үгсийг бичихийг оролдоно.

Зөвхөн дараах санал болгосон судрын үг хэллэгүүдийг давтахын оронд судрын 12 түлхүүр үг хэллэгийг бүгдийг нь энэ арга замаар давтаж болно.

Зөв хариулт: (1) сонгох; амьдралыг; боолчлол; (2) үйлчилж; бусдадаа; Бурхандаа; (3) эгэл; гэгээнтэн; Цагаатгал; (4) Бурханд; итгэ; мэргэн ухааныг; (5) баптисм; гэрч; гэрээ

Хоосон зайг судрын түлхүүр үг хэллэгээс орхигдсон үг эсвэл үгсээр бөглө.

1. “Тэд … эрх чөлөө болон мөнх сонгох эсвэл … болон үхлийг эрхтэй” (2 Нифай 2:27).

2. “Та нар байгаа нь та нар зөвхөн үйлчилж байгаа гэдгээ мэдэж болохын тулд буюу” (Moзая 2:17).

3. “ хүмүүнээ [орхиж] мөн Их Эзэн Христийн [болж]” (Мозая 3:19).

4. “ итгэ; … Түүнд бүх эзэмшигч гэдэгт ” (Мозая 4:9).

5. “ байгуулснаа , Их Эзэний нэрээр хүртэхэд юу нь та нарт болохгүй байх билээ” (Мозая 18:8–10).

Давтах үйл ажиллагаа 3: Сургаалыг хэрэгжүүлэх

Дараах үйл ажиллагаа нь төгс эзэмших сургаалын судрын хэсгийг бодит амьдралын нөхцөл байдалд хэрхэн хэрэгжүүлж болохыг тайлбарлах боломж олгон, тэдгээрийн талаарх үнэний ойлголтоо харуулахад нь суралцагчдад тусална. Суралцагчид жишээ бүрд дүрсэлсэн хүнд тустай гэж бодож байгаа төгс эзэмших сургаалын судрын нэг эсвэл хэд хэдэн хэсгийг сонгохдоо судраа ашиглаж болно. Судрын хэсэг нь тухайн хүнд хэрхэн тусалж болохыг тайлбарлахад тэднийг урь. Төгс эзэмших сургаалын судрын олон хэсгийг жишээ тус бүр дээр ашиглаж болно.

1. Нэгэн залуу эрэгтэйд өөрийнх нь ирээдүйд ихээхэн нөлөөлж болохуйц чухал шийдвэр гаргах хэрэг гарсан. Тэрээр сандарч мөн ямар сонголт хийхээ мэдэхгүй байв.

2. Залуу эмэгтэйн эцэг эх Бурханы зарлигуудыг дагах түүний шийдвэрийг дэмждэггүй. Тэрээр дуулгавартай байхыг хүсдэг ч энэ нь түүний нөхцөл байдалд ахадмаар хүнд санагддаг.

3. Таны нэг найз Есүс Христийн сайн мэдээний дагуу амьдарсныхаа төлөө ангийнхандаа шоолуулдаг. Та гэрээндээ үнэнч байх нь үнэ цэнтэй гэж түүнд итгүүлэхийг хүсдэг.

Суралцагчдыг өмнөх гурван жишээг хэлэлцэж дууссаны дараа тэднийг өөр нэгэнтэй хамтран ажиллахад урь. Суралцагч бүр хамтрагчдаа төгс эзэмших сургаалын судрын хэсгийг сонгож өгч болно. Дараа нь хамтрагчийнхаа сонгосон судрын хэсгийг ашиглан суралцагчид тухайн хэсэг хэн нэгэнд тусалж болох жишээг бодож, хуваалцаж болно.

Давтах үйл ажиллагаа 4: Сүнслэг мэдлэг олж авах зарчмуудыг ашиглах

Сүнслэг мэдлэг олж авах зарчмуудыг давтахад нь суралцагчдад туслахын тулд дараах жишээг ашигла. Суралцагчид энэ үйл ажиллагааг гурван хүний бүрэлдэхүүнтэй дүрд хувиран тоглож, суралцагч бүр өөр өөр сүнслэг мэдлэг олж авах зарчмыг тайлбарлах нь үр дүнтэй байж болно.

Сургуульд заасан зарим зүйл яагаад сударт болон өнөөгийн бошиглогчдоор дамжуулан заасан Бурханы сургаалуудтай зөрчилдөж байгааг эргэцүүлдэг нэгэн найз танд бий.

Найздаа сүнслэг мэдлэг олж авах дараах гурван зарчмын тухай мөн түүний асуудлыг шийдвэрлэхэд Тэнгэрлэг Эцэгийн тусламжийг авахын тулд тэдгээрийг хэрхэн ашиглаж болох тухай заа.

• Итгэлээр үйлдэх

• Утга санаа болон асуултуудыг мөнхийн талаас нь шинжлэн судлах

• Тэнгэрээс томилогдсон эх сурвалжуудаар дамжуулан илүү гүн гүнзгий ойлголт олж авахыг эрэлхийлэх

Суралцагчдыг гурван хүнтэй бүлэг болон ажиллахад мөн хүн бүрийг цаасан дээр дараах асуултуудын аль нэгд хариулан бичихэд урь.

Дараа нь суралцагчдын цаасыг солилцуулж, өөр суралцагчдын цаасан дээр тухайн суралцагчийн хариултаас юу нь таалагдаж байгааг бичихэд урь. Дараа нь тэднээс дахин нэг удаа цаасаа солилцохыг хүс, ингэснээр тэд хоёр бүлгийн суралцагчдад хоёуланд нь хариулсан байх болно. Төгсгөлд нь тэднийг өөр өөрсдийн цаасыг буцааж авч, бүлгийн гишүүдийн хариултыг уншихад урь.

• 1 Нифайгаас Мозая хүртэлх аль төгс эзэмших сургаалын судрын хэсэг таны найзад тус болох вэ? Эдгээр судрын хэсэг түүнд хэрхэн тусалж болох вэ?

• Бид асуултынхаа эсвэл асуудлынхаа хариултыг эрэлхийлэхдээ сүнслэг мэдлэг олж авах зарчмуудыг ашиглах нь хэр тустай вэ?

• Та бусдад туслахад эсвэл өөрийн асуудлыг шийдвэрлэхэд эдгээр зарчмыг хэрхэн ашиглаж байсан бэ?

Давтах үйл ажиллагаа 5: Таны хувьд онцгой утга агуулгатай судрын хэсгүүд

Суралцагчдыг Мормоны Номоос өнөөг хүртэл судлах явцад нөлөөлсөн төгс эзэмших сургаалын хэсгийн талаар эргэцүүлэн бодоход урь. Тэд Тэнгэрлэг Эцэг, Есүс Христ хоёрын хайрыг мэдрэхэд тусалсан судрын нэг хэсгийг сонгож магадгүй. Шалгалтын нэг хэсэг болгож, сонгосон судрын хэсгээ хуваалцах боломж тэдэнд гарна гэдгийг тайлбарла.

Шалгалтад (“Төгс эзэмших сургаал: 2-р шалгалт”) бэлдэхэд нь тэдэнд туслахын тулд дараах тараах материалыг өг.

Төгс эзэмших сургаал: 1-р шалгалтын зааварчилгаа

Судрын эшлэл, түлхүүр үг хэллэгийг цээжлэх

Төгс эзэмших сургаалын судрын эшлэл, түлхүүр үг хэллэгийг сайн мэддэг бол. Та давтахдаа Doctrinal Mastery гар утасны аппликэйшныг татаж аван ашиглаж болох юм.

Судрын эшлэл	Судрын түлхүүр үг хэллэг
Судрын эшлэл 1 Нифай 3:7	Судрын түлхүүр үг хэллэг “Би явж бас Их Эзэний зарлиг болсон тэр зүйлүүдийг биелүүлэх болно.”
Судрын эшлэл 2 Нифай 2:25	Судрын түлхүүр үг хэллэг “Адам хүмүүн байж болохын тулд унасан; мөн тэд баясгалантай байж болохын тул хүмүүн байх бөлгөө.”
Судрын эшлэл 2 Нифай 2:27	Судрын түлхүүр үг хэллэг “Тэд … эрх чөлөө болон мөнх амьдралыг сонгох эсвэл … боолчлол болон үхлийг сонгох эрхтэй.”
Судрын эшлэл 2 Нифай 26:33	Судрын түлхүүр үг хэллэг “Бурханд бүгд адил.”
Судрын эшлэл 2 Нифай 28:30	Судрын түлхүүр үг хэллэг Бурхан “Учир нь болгоогтун, би хүмүүний үрст шат шатаар, дүрэм дүрмээр өгөх болно.”
Судрын эшлэл 2 Нифай 32:3	Судрын түлхүүр үг хэллэг “Христийн үгэн дээр найрла, учир нь болгоогтун, Христийн үгс та нарын хийвэл зохих бүх зүйлийг та нарт хэлэх болно.”
Судрын эшлэл 2 Нифай 32:8–9	Судрын түлхүүр үг хэллэг “Та нар үргэлж залбирах ёстой.”
Судрын эшлэл Moзая 2:17	Судрын түлхүүр үг хэллэг “Та нар бусдадаа үйлчилж байгаа нь та нар зөвхөн Бурхандаа үйлчилж байгаа гэдгээ мэдэж болохын тулд буюу.”
Судрын эшлэл Moзая 2:41	Судрын түлхүүр үг хэллэг “Бурханы зарлигуудыг дагадаг тэд … бүх зүйлд адислагдсан болой.”
Судрын эшлэл Moзая 3:19	Судрын түлхүүр үг хэллэг “Эгэл хүмүүнээ орхиж мөн Их Эзэн Христийн цагаатгалаар гэгээнтэн [бол].”
Судрын эшлэл Мозая 4:9	Судрын түлхүүр үг хэллэг “Бурханд итгэ; … Тэр бүх мэргэн ухааныг эзэмшигч гэдэгт итгэ.”
Судрын эшлэл Мозая 18:8–10	Судрын түлхүүр үг хэллэг “Гэрээ байгуулснаа түүний өмнө гэрчилж, Их Эзэний нэрээр баптисм хүрт.”

Сургаалыг бодит амьдралын нөхцөл байдалд хэрэгжүүлэх

• Амьдралдаа чухал шийдвэр гаргахын өмнө удирдамж заавар авах хэрэгтэй хэн нэгэнд туслахын тулд төгс эзэмших сургаалын судрын нэг эсвэл хэд хэдэн хэсгийг ашигла.

• Өөрийнх нь нөхцөл байдал Бурханы зарлигуудыг дагахад хэцүү болгодог хэмээн боддог хүнд туслахын тулд судрын хэд хэдэн хэсгийг сонго.

• Төгс эзэмших сургаалын судрын аль нэгэн хэсгээс сонгоод, тухайн хэсэгт заасан үнэнүүд өсвөр насны хүүхдийн амьдралд тусалж болох нөхцөл байдлыг бод. Боломжтой бол мэддэг эсвэл өөрт тулгарсан бодит нөхцөл байдлын талаар бод.

• Төгс эзэмших сургаалын судрын аль аль хэсэг танд хамгийн их нөлөөлсөн талаар хуваалцахад бэлд. Тухайн хэсэг Тэнгэрлэг Эцэг, Есүс Христ хоёрын талаар танд юу заадаг вэ?

Сүнслэг мэдлэг олж авах зарчмууд

2023 оны Төгс эзэмших сургаалыг судлах үндсэн материалын “Сүнслэг мэдлэг олж авах” хэсгийн 5–12-р догол мөрийг давт. Тулгарч буй сорилт бэрхшээл, асуудлыг даван туулахад нь хэн нэгэнд туслахын тулд сүнслэг мэдлэг олж авах зарчмуудыг хэрхэн ашиглаж болохыг тунгаан бод.