« ថ្ងៃទី ២៧ ខែ មីនា ។ តើខ្ញុំជានរណា ហើយតើព្រះចង់ឲ្យខ្ញុំក្លាយជានរណា ? និក្ខមនំ ១–៦ » ចូរមកតាមខ្ញុំ—សម្រាប់កូរ៉ុមបព្វជិតភាពអើរ៉ុន និងថ្នាក់យុវនារី ៖ ប្រធានបទខាងគោលលទ្ធិ ឆ្នាំ ២០២២ ( ឆ្នាំ ២០២១ )

« ថ្ងៃទី ២៧ ខែ មីនា ។ តើខ្ញុំជានរណា ហើយតើព្រះចង់ឲ្យខ្ញុំក្លាយជានរណា ? » ចូរមកតាមខ្ញុំ—សម្រាប់កូរ៉ុមបព្វជិតភាពអើរ៉ុន និងថ្នាក់យុវនារី ៖ ប្រធានបទខាងគោលលទ្ធិ ឆ្នាំ ២០២២

ថ្ងៃទី ២៧ ខែ មីនា

តើខ្ញុំជានរណា ហើយតើព្រះចង់ឲ្យខ្ញុំក្លាយជានរណា ?

និក្ខមនំ ១–៦

ប្រឹក្សាជាមួយគ្នា

ដឹកនាំដោយសមាជិកម្នាក់ក្នុងគណៈប្រធានកូរ៉ុម ឬគណៈប្រធានថ្នាក់ មានរយៈពេល ១០–២០ នាទី

នៅដើមការប្រជុំ សូមសូត្ររួមគ្នានូវ បាវចនាយុវនារី ឬ បាវចនាកូរ៉ុមបព្វជិតភាពអើរ៉ុន ។ បន្ទាប់មកសូមដឹកនាំការពិភាក្សាមួយអំពីកិច្ចការនៃសេចក្តីសង្រ្គោះ និងភាពតម្កើងឡើង ដោយប្រើសំណួរមួយ ឬច្រើនដូចខាងក្រោម ឬ សំណួររបស់បងប្អូនផ្ទាល់ ( សូមមើល ក្បួនខ្នាតទូទៅ ១០.២, ១១.២, នៅលើគេហទំព័រ ChurchofJesusChrist.org ) ។ ដាក់ផែនការដើម្បីអនុវត្តតាមអ្វីដែលបងប្អូនពិភាក្សា ។

រស់នៅតាមដំណឹងល្អ ។ តើយើងមានអំណរដោយការដើរតាមព្រះយេស៊ូវយ៉ាងដូចម្តេច ?
ការមើលថែដល់អ្នកដែលត្រូវការជំនួយ ។ តើនរណានៅក្នុងវួដ ឬសហគមន៍របស់យើងត្រូវការជំនួយរបស់យើង ? តើយើងអាចជួយដោយរបៀបណា ?
ការអញ្ជើញមនុស្សទាំងអស់ឲ្យទទួលយកដំណឹងល្អ ។ តើយើងអាចជួយគ្នាទៅវិញទៅមកដើម្បីរៀបចំខ្លួនសម្រាប់ការងារការបម្រើជាអ្នកផ្សព្វផ្សាយសាសនាយ៉ាងដូចម្តេច ?
រួបរួមក្រុមគ្រួសារសម្រាប់ភាពអស់កល្បភាពអស់កល្បជានិច្ច ។ តើយើងអាចចូលរួមនៅក្នុងកិច្ចខិតខំរបស់វួដយើងដើម្បីធ្វើកិច្ចការពង្សប្រវត្តិ និងព្រះវិហារបរិសុទ្ធយ៉ាងដូចម្តេច ?

នៅចុងបញ្ចប់នៃមេរៀននេះ សូមធ្វើនូវអ្វីដែលត្រឹមត្រូវដូចខាងក្រោមនេះ ៖

ថ្លែងទីបន្ទាល់អំពីគោលការណ៍ដែលបានបង្រៀន ។
រំឭកសមាជិកថ្នាក់ ឬកូរ៉ុមអំពីផែនការ និងការអញ្ជើញទាំងឡាយដែលបានដាក់អំឡុងការប្រជុំ ។

បង្រៀនគោលលទ្ធិ

ដឹកនាំដោយអ្នកដឹកនាំជាមជ្ឈិមវ័យ ឬជាយុវវ័យម្នាក់ មានរយៈពេល ២៥–៣៥ នាទី

រៀបចំខ្លួនខាងវិញ្ញាណ

ភ្លើងឆេះគុម្ពបន្លាតែឥតបានសុសទេ ជាការឃើញដ៏គួរឲ្យចាប់អារម្មណ៍ ហើយវាបានទាក់ទាញចំណាប់អារម្មណ៍របស់ម៉ូសេ ។ ប៉ុន្តែអ្វីដែលកាន់តែទាក់ទាញចំណាប់អារម្មណ៍នោះគឺជាអ្វីដែលបានកើតឡើងបន្ទាប់ទៀត ។ ព្រះបានមានបន្ទូលទៅកាន់ម៉ូសេ ហើយម៉ូសេបានរៀនមើលមកខ្លួនលោក ដូចជាព្រះបានទតឃើញលោកដែរ ។ ដោយមានទស្សនវិស័យនោះម៉ូសេបានសម្រេចកិច្ចការខ្លះៗដោយមានជំនួយពីព្រះអម្ចាស់ដែលលោកគិតថាមិនអាចធ្វើបាន ។ លោកបានប្រឈមមុខនឹងផារ៉ោន និងបានជួយសង្គ្រោះដល់រាស្រ្តរបស់ព្រះ ។

យើងទាំងអស់គ្នាត្រូវការបទពិសោធន៍ដែលជួយយើងផ្លាស់ប្តូរការសង្ស័យលើខ្លួនឯងជាមួយនឹងការយល់ដឹងរបស់ព្រះថាយើងជានរណា ហើយយើងអាចក្លាយជានរណា ។ ជាពិសេស មនុស្សវ័យក្មេងត្រូវបានប្រឈមមុខនឹងសារលិខិតខុសឆ្គងអំពីតម្លៃផ្ទាល់ខ្លួនរបស់ពួកគេ ។ ហើយក៏ដូចជាម៉ូសេដែរ ព្រះបាន « មានការងារឲ្យ [ ពួកគេ ] ធ្វើ » ( បាវចនាកូរ៉ុមបព្វជិតភាពអើរ៉ុន ) ។ ពួកគេមានទុក្ខលំបាករបស់ពួកគេផ្ទាល់ដើម្បីប្រឈមមុខ និងមនុស្សរបស់ពួកគេផ្ទាល់ដើម្បីជួយសង្គ្រោះ ។ តើបងប្អូននឹងជួយពួកគេចងចាំថាពួកគេគឺជាបុត្រី និងបុត្រាបុត្រីសំណព្វរបស់ព្រះមាតាបិតាសួគ៌ « ដែលមាននិស្ស័យនៃព្រះ និងជោគវាសនាដ៏អស់កល្បជានិច្ច » យ៉ាងដូចម្តេច ? ( បាវចនាយុវនារី ) ។ សូមគិតអំពីរឿងនេះនៅពេលបងប្អូនអាន និក្ខមនំ ១–៦ ។ សូមពិចារណាការសិក្សា គោលលទ្ធិ និងសេចក្តីសញ្ញា ១៨:១០–១៥ និងសារលិខិតរបស់ប្រធាន ឌៀថើរ អេហ្វ អុជដូហ្វ ផងដែរ « You Matter to Him » ( Liahona ខែ វិច្ឆកា ឆ្នាំ ២០១១ ទំព័រ ១៩–២២ ) ។

ក្រុមយុវនារីនៅទីធ្លាខាងក្រៅ — ជីវិតរបស់យើងអាចត្រូវបានផ្លាស់ប្តូរ នៅពេលយើងយល់ពីជោគវាសនាពិតប្រាកដរបស់យើងក្នុងនាមជាបុត្រាបុត្រីរបស់ព្រះ ។

រៀនជាមួយគ្នា

សមាជិកថ្នាក់ ឬកូរ៉ុមរបស់បងប្អូនប្រហែលជាបានអាន និក្ខមនំ ១–៦ នៅសប្ដាហ៍នេះ ។ ដើម្បីបំផុសគំនិតពួកគេឲ្យចែកចាយអ្វីដែលពួកគេបានរៀន នោះបងប្អូនអាចសួរពួកគេពីអារម្មណ៍របស់ម៉ូសេអំពីការហៅបម្រើរបស់លោកឲ្យរំដោះកូនចៅអ៊ីស្រាអែល ( សូមមើល និក្ខមនំ ៣:១១ ) ។ តើសេចក្តីពិតអ្វីដែលព្រះអម្ចាស់បានជួយផ្លាស់ប្តូរទស្សនវិស័យរបស់ម៉ូសេ ? ( សូមមើល និក្ខមនំ ៣:៤–១៥; ៤:១០–១៧; សូមមើលផងដែរ ម៉ូសេ ១:៣–១១ ) ។ តើសេចក្តីពិតនេះអាចជួយដល់ម៉ូសេយ៉ាងដូចម្តេច ? តើសេចក្តីពិតនេះអាចជួយយើងយ៉ាងដូចម្តេច ? សូមប្រើសកម្មភាពមួយដូចខាងក្រោមដើម្បីជួយសមាជិកថ្នាក់ ឬកូរ៉ុមរកឃើញអ្វីដែលព្រះបានបើកសម្តែងអំពីអត្តសញ្ញាណ តម្លៃ និងសក្តានុពលដ៏ទេវភាពរបស់ពួកគេ ។

ប្រធាន ឌៀថើរ អេហ្វ អុជដូហ្វ បានមានប្រសាសន៍ថា « ព្រះអម្ចាស់ប្រើជញ្ជីងខុសពីជញ្ជីងរបស់លោកិយ ដើម្បីថ្លឹងតម្លៃនៃព្រលឹងមួយ » ( « You Matter to Him » ទំព័រ ២២ ) ។ ដើម្បីពិភាក្សាពីគំនិតនេះ បងប្អូនអាចសរសេរនៅលើក្ដារខៀននូវសំណួរថា តើពិភពលោកនេះបង្ហាញដល់បុគ្គលម្នាក់ថាគាត់ត្រូវបានគេឲ្យតម្លៃតាមរបៀបណា ? សូមអញ្ជើញមនុស្សដែលបងប្អូនបង្រៀនឲ្យផ្ដល់ចម្លើយ ។ ប្រសិនបើយើងបានវិនិច្ឆ័យពីតម្លៃរបស់យើងតាមវិធីនេះ តើអារម្មណ៍ទាំងនេះអាចជះឥទ្ធិពលដល់ការជ្រើសរើសរបស់យើងតាមរបៀបណា ? បន្ទាប់មកបងប្អូនអាចសរសេរនៅលើក្ដារខៀននូវសំណួរថា តើពិភពលោកនេះបង្ហាញដល់បុគ្គលម្នាក់ថាគាត់ត្រូវបានគេឲ្យតម្លៃតាមរបៀបណា ? នៅពេលយុវវ័យចែកចាយពីចម្លើយរបស់ពួកគេ សូមលើកទឹកចិត្តពួកគេឲ្យអាន យ៉ូហាន ៣:១៦; គោលលទ្ធិ និង សេចក្ដីសញ្ញា ១៨:១០–១៥; លូកា ១៥:៣–៦, ១១–៣២ ។ ពួកគេក៏អាចអានវគ្គចុងក្រោយនៃសារលិខិតរបស់ប្រធាន អុជដូហ្វផងដែរ ។ ប្រសិនបើយើងបានវិនិច្ឆ័យពីតម្លៃរបស់យើងតាមវិធីនេះ តើអារម្មណ៍ទាំងនេះអាចជះឥទ្ធិពលដល់ការជ្រើសរើសរបស់យើងតាមរបៀបណា ?
ស្លាកទាំងឡាយជះឥទ្ធិពលដល់អារម្មណ៍របស់យើង និងរបៀបដែលយើងប្រព្រឹត្តចំពោះខ្លួនឯង និងមនុស្សដទៃ ។ ដើម្បីជួយសមាជិកថ្នាក់ ឬកូរ៉ុមឲ្យពិចារណាពីរបៀបដែលពួកគេកំណត់ខ្លួនឯង នោះបងប្អូនអាចផ្ដល់ឲ្យពួកគេម្នាក់ៗនូវស្លាកឈ្មោះទទេរមួយចំនួន ។ ស្លាកឈ្មោះនីមួយៗអាចសរសេរនៅផ្នែកខាងលើថា « សួស្ដី ខ្ញុំគឺ … » ។ សូមអញ្ជើញពួកគេឲ្យគិតពីពាក្យ ឬឃ្លាខុសៗគ្នាមួយចំនួនដែលពួកគេអាចសរសេរនៅលើស្លាកឈ្មោះរបស់ពួកគេ ។ ប្រសិនបើព្រះវរបិតាសួគ៌បំពេញស្លាកឈ្មោះទាំងនោះឲ្យយើង តើទ្រង់អាចនឹងសរសេរអ្វីខ្លះ ? តើទ្រង់អាចនឹងសរសេរអ្វីខ្លះ ប្រសិនបើស្លាកឈ្មោះទាំងនោះបានសរសេរថា « សួស្ដី ខ្ញុំអាចប្រែក្លាយជា … » ? សមាជិកថ្នាក់ ឬកូរ៉ុមអាចពិចារណាសំណួរទាំងនេះកាលកំពុងអាននូវបទគម្ពីរមួយចំនួនដូចតទៅនេះ ៖ យ៉ូហាន ទី១ ៣:១–៣; មរ៉ូណៃ ១០:៣២–៣៣; គោលលទ្ធិ និង សេចក្ដីសញ្ញា ៧៦:៦៩–៧០; ៨៤:៣៧–៣៨ ។
សារលិខិតនៃសន្និសីទទូទៅនៅក្នុង « ធនធានគាំទ្រ » មាននូវគំរូអំពីមនុស្សដែលជីវិតបានផ្លាស់ប្ដូរ ដោយសារពួកគេបានរៀនអំពីអត្តសញ្ញាណពិតរបស់ពួកគេថាជាបុត្របុត្រីរបស់ព្រះ ។ សូមពិចារណាផ្ដល់ឧទាហរណ៍មួយក្នុងចំណោមឧទាហរណ៍ទាំងនេះដល់សមាជិកថ្នាក់ ឬកូរ៉ុមដើម្បីសញ្ជឹងគិត ហើយចែកចាយជាមួយនឹងក្រុម ។ បងប្អូនក៏អាចពិភាក្សាអំពីរបៀបដែលការដឹងថាយើងទាំងអស់គ្នាគឺជាបុត្រាបុត្រីរបស់ព្រះបានជះឥទ្ធិពលដល់ជីវិតរបស់បងប្អូន ។ សូមអញ្ជើញសមាជិកថ្នាក់ ឬកូរ៉ុមឲ្យធ្វើរឿងដូចគ្នានេះ ។

ធ្វើសកម្មភាពដោយសេចក្ដីជំនឿ

សូមលើកទឹកចិត្តសមាជិកថ្នាក់ ឬកូរ៉ុមឲ្យសញ្ជឹងគិត ហើយកត់ត្រាអ្វីដែលពួកគេនឹងធ្វើដើម្បីធ្វើតាមការបំផុសគំនិត ដែលពួកគេបានទទួលនៅថ្ងៃនេះ ។ ពួកគេអាចចែកចាយគំនិតរបស់ពួកគេបាន ប្រសិនបើពួកគេចង់ចែកចាយ ។ សូមអញ្ជើញពួកគេឲ្យគិត អំពីរបៀបដែលការធ្វើតាមចំណាប់អារម្មណ៍របស់ពួកគេនឹងពង្រឹងទំនាក់ទំនងរបស់ពួកគេជាមួយព្រះវរបិតាសួគ៌ និងព្រះយេស៊ូវគ្រីស្ទ ។

ធនធានគាំទ្រ

ចយ ឌី ចូនស៍ « Value beyond Measure » Liahona ខែ វិច្ឆិកា ឆ្នាំ ២០១៧ ទំព័រ ១៣–១៥ ។
ប្រៃអិន ខេ ថៃលើរ « Am I a Child of God? » Liahona ខែ ឧសភា ឆ្នាំ ២០១៨ ទំព័រ ១២–១៤
« Our True Identity », « How Can I See Myself as God Does? » ដកស្រង់ពី « Face to Face with Elder Rasband, Sister Oscarson, and Brother Owen » ( វីដេអូ ), ChurchofJesusChrist.org
« All About Me » ដកពិសោធន៍នៅលើគេហទំព័រ FamilySearch.org/discovery

ការបង្រៀនតាមរបៀបរបស់ព្រះអង្គសង្គ្រោះ

« ប្រសិនបើយុវវ័យទទួលអារម្មណ៍ថា បងប្អូនទុកចិត្តពួកគេ ភាពជឿជាក់របស់ពួកគេលើសក្ដានុពលដ៏ទេវភាពរបស់ពួកគេនឹងចម្រើនឡើង ហើយពួកគេនឹងធ្វើឲ្យបងប្អូនភ្ញាក់ផ្អើលជាមួយនឹងអ្វីដែលពួកគេអាចសម្រេចបាន » ( ការបង្រៀនតាមរបៀបរបស់ព្រះអង្គសង្គ្រោះទំព័រ ២៨ ) ។