« ថ្ងៃទី ២៤ ខែ មេសា ។ ហេតុអ្វីព្រះប្រទានព្រះបញ្ញត្តិដល់យើង ? ហេលេមិន ១៨–២០ » ចូរមកតាមខ្ញុំ—សម្រាប់កូរ៉ុមបព្វជិតភាពអើរ៉ុន និងថ្នាក់យុវនារី ៖ ប្រធានបទខាងគោលលទ្ធិ ឆ្នាំ ២០២២ ( ឆ្នាំ ២០២១ )

« ថ្ងៃទី ២៤ ខែ មេសា ។ ហេតុអ្វីព្រះប្រទានព្រះបញ្ញត្តិដល់យើង ? » ចូរមកតាមខ្ញុំ—សម្រាប់កូរ៉ុមបព្វជិតភាពអើរ៉ុន និងថ្នាក់យុវនារី ៖ ប្រធានបទខាងគោលលទ្ធិ ឆ្នាំ ២០២២

រូបភាព

ក្រឹត្យវិន័យដប់ប្រការ

ថ្ងៃទី ២៤ ខែ មេសា

ហេតុអ្វីព្រះប្រទានព្រះបញ្ញត្តិដល់យើង ?

និក្ខមនំ ១៨–២០

រូបភាព

រូបតំណាងប្រឹក្សាជាមួយគ្នា

ប្រឹក្សាជាមួយគ្នា

ដឹកនាំដោយសមាជិកម្នាក់ក្នុងគណៈប្រធានកូរ៉ុម ឬគណៈប្រធានថ្នាក់ មានរយៈពេល ១០–២០ នាទី

នៅដើមការប្រជុំ សូមសូត្ររួមគ្នានូវ បាវចនាយុវនារី ឬ បាវចនាកូរ៉ុមបព្វជិតភាពអើរ៉ុន ។ បន្ទាប់មកសូមដឹកនាំការពិភាក្សាមួយអំពីកិច្ចការនៃសេចក្តីសង្រ្គោះ និងភាពតម្កើងឡើង ដោយប្រើសំណួរមួយ ឬច្រើនដូចខាងក្រោម ឬ សំណួររបស់បងប្អូនផ្ទាល់ ( សូមមើល ក្បួនខ្នាតទូទៅ ១០.២, ១១.២, នៅលើគេហទំព័រ ChurchofJesusChrist.org ) ។ ដាក់ផែនការដើម្បីអនុវត្តតាមអ្វីដែលបងប្អូនពិភាក្សា ។

រស់នៅតាមដំណឹងល្អ ។ តើបទពិសោធន៍ថ្មីៗអ្វីខ្លះដែលបាននាំយើងឲ្យខិតកាន់តែជីវិតព្រះវរបិតាសួគ៌ និងព្រះយេស៊ូវគ្រីស្ទ ?
ការមើលថែដល់អ្នកដែលត្រូវការជំនួយ ។ តើថ្មីៗនេះមានមនុស្សម្នាក់ដែលទើបប្ដូរចូលមកក្នុងវួដរបស់យើង ឬទើបចូលក្នុងសាសនាចក្រដែរឬទេ ? តើយើងអាចជួយពួកគេឲ្យមានអារម្មណ៍ស្វាគមន៍ដោយរបៀបណា ?
ការអញ្ជើញមនុស្សទាំងអស់ឲ្យទទួលយកដំណឹងល្អ ។ តើមានសកម្មភាពណាមួយដែលជិតមកដល់ហើយយើងអាចអញ្ជើញមិត្តរបស់យើងឲ្យចូលរួមបានទេ ?
រួបរួមក្រុមគ្រួសារសម្រាប់ភាពអស់កល្បភាពអស់កល្បជានិច្ច ។ តើយើងអាចប្រឹងប្រែងធ្វើអ្វីខ្លះ ដើម្បីកត់ត្រាប្រវត្តិផ្ទាល់ខ្លួនរបស់យើង ?

នៅចុងបញ្ចប់នៃមេរៀននេះ សូមធ្វើនូវអ្វីដែលត្រឹមត្រូវដូចខាងក្រោមនេះ ៖

ថ្លែងទីបន្ទាល់អំពីគោលការណ៍ដែលបានបង្រៀន ។
រំឭកសមាជិកថ្នាក់ ឬកូរ៉ុមអំពីផែនការ និងការអញ្ជើញទាំងឡាយដែលបានដាក់អំឡុងការប្រជុំ ។

បង្រៀនគោលលទ្ធិ

ដឹកនាំដោយអ្នកដឹកនាំជាមជ្ឈិមវ័យ ឬជាយុវវ័យម្នាក់ មានរយៈពេល ២៥–៣៥ នាទី

រៀបចំខ្លួនខាងវិញ្ញាណ

ការអាន និក្ខមនំ ២០ អាចបំផុសបងប្អូនឲ្យគិតពីហេតុផលដែលយើងមានបទបញ្ញត្តិ ។ មនុស្សខ្លះមើលឃើញបទបញ្ញត្តិថាជាការរឹតបន្តឹង ឬជាការចង់គ្រប់គ្រងយើង ។ ប៉ុន្តែដោយសារយើងដឹងថា ព្រះគឺជាព្រះវរបិតាពេញដោយក្ដីស្រឡាញ់ នោះយើងអាចទុកចិត្តក្រឹត្យវិន័យរបស់ទ្រង់គឺសម្រាប់សេចក្ដីល្អរបស់យើង ទោះជាយើងមិនដឹងហេតុផលចំពោះបទបញ្ញត្តិទាំងនោះក្ដី ។ ទ្រង់បានសន្យានឹងយើងថា យើងអាចដឹងថាបទបញ្ញត្តិរបស់យើងគឺជាការពិត នៅពេលយើងរស់នៅតាមបទបញ្ញត្តិទាំងនោះ ( សូមមើល យ៉ូហាន ៧:១៧ ) ។

ប្រធាន រ័សុល អិម ណិលសុន បានបង្រៀនថា « ដោយសារព្រះវរបិតា និងព្រះរាជបុត្រាស្រឡាញ់យើងដោយសេចក្ដីស្រឡាញ់ដ៏ល្អឥតខ្ចោះគ្មានដែនកំណត់ ហើយទ្រង់ទាំងទ្វេជ្រាបដឹងថាយើងមិនអាចមើលឃើញអ្វីគ្រប់យ៉ាងដែលទ្រង់ទតឃើញ នោះទ្រង់បានប្រទានក្រឹត្យវិន័យដល់យើងដែលនឹងដឹកនាំ និងការពារយើង ។ មានទំនាក់ទំនងដ៏រឹងមាំមួយរវាងសេចក្ដីស្រឡាញ់របស់ព្រះ និងក្រឹត្យវិន័យរបស់ទ្រង់ » ( « The Love and Laws of God » [ ការប្រជុំធម្មនិដ្ឋាននៅសាកលវិទ្យាល័យព្រិកហាំ យ៉ង់ ថ្ងៃទី ១៧ ខែ កញ្ញា ឆ្នាំ ២០១៩ ] ទំព័រ ២, speeches.byu.edu ) ។

ហេតុអ្វីបានជាបងប្អូនមានអំណរគុណចំពោះបទបញ្ញត្តិទាំងនោះ ? តើបងប្អូនចង់ឲ្យសមាជិកថ្នាក់ ឬកូរ៉ុមរបស់បងប្អូនយល់ដឹងអ្វីខ្លះអំពីហេតុផលដែលព្រះបានប្រទានបទបញ្ញត្តិ ? បងប្អូនអាចរៀបចំខ្លួនបង្រៀនដោយរំឭក និក្ខមនំ ២០ និងសារលិខិតរបស់ប្រធានដាល្លិន អេក អូក « Loving Others and Living with Differences » ( Liahona ខែ វិច្ឆិកា ឆ្នាំ ២០១៤ ទំព័រ ២៥–២៨ ) ។

យើងអាចដឹងថា បទបញ្ញត្តិរបស់ព្រះគឺជាការពិត នៅពេលយើងរស់នៅតាមបទបញ្ញត្តិទាំងនោះ ។

រៀនជាមួយគ្នា

ដើម្បីជួយសមាជិកថ្នាក់ ឬកូរ៉ុមរំឭកពីក្រឹត្យវិន័យដប់ប្រការ បងប្អូនអាចស្នើសុំឲ្យពួកគេសរសេរក្រឹត្យវិន័យទាំងនេះឲ្យបានច្រើនតាមដែលពួកគេអាចធ្វើបានដោយប្រើការចងចាំរបស់ពួកគេ ។ ប្រសិនបើពួកគេត្រូវការជំនួយ ពួកគេអាចមើលនៅក្នុង និក្ខមនំ ២០:៣–១៧ ។ ហេតុអ្វីព្រះប្រទានព្រះបញ្ញត្តិដល់យើង ? ដើម្បីជួយឆ្លើយសំណួរនេះ ពួកគេអាចពិភាក្សាក្រឹត្យវិន័យដប់ប្រការមួយចំនួនជាក្រុមតូចៗ ។ តើការរស់នៅតាមបទបញ្ញត្តិទាំងនេះជួយយើងរកឃើញសុភមង្គល ហើយខិតកាន់តែជិតព្រះដោយរបៀបណា ? គំនិតខាងក្រោមនេះអាចជួយមនុស្សដែលបងប្អូនបង្រៀនរៀនបន្ថែមទៀតពីហេតុផលដែលព្រះប្រទានបទបញ្ញត្តិដល់យើង ។

ព្រះគម្ពីរមាននូវចម្លើយចំពោះសំណួរថា « ហេតុអ្វីព្រះប្រទានព្រះបញ្ញត្តិដល់យើង ? » បងប្អូនអាចអញ្ជើញសមាជិកថ្នាក់ ឬកូរ៉ុមដើម្បីរកមើលចម្លើយនៅក្នុងបទគម្ពីរមួយ ឬច្រើនដែលមាននៅក្នុង « ធនធានគាំទ្រ » ។ បន្ទាប់មកសូមឲ្យពួកគេចែកចាយអ្វីមួយដែលពួកគេបានរកឃើញ ។ ពួកគេក៏អាចមើលវីដេអូដូចតទៅនេះស្វែងរកការយល់ដឹងបន្ថែម ៖ « Instructions Included », « Why Does God Give Us Commandments? » ( នៅគេហទំព័រChurchofJesusChrist.org ) ។
ដើម្បីជួយសមាជិកថ្នាក់ ឬកូរ៉ុមយល់ពីហេតុផលដែលព្រះប្រទានបទបញ្ញត្តិដល់យើង បងប្អូនអាចប្រៀបធៀមការមានបទបញ្ញត្តិមកពីព្រះទៅនឹងបទពិសោធន៍ដែលអាចទាក់ទងនឹងពួកគេ ។ ឧទាហរណ៍ បងប្អូនអាចសុំឲ្យពួកគេនឹកស្រមៃថា ពួកគេកំពុងជិះនៅតាមផ្លូវតំបន់ភ្នំក្បែរជ្រោះយ៉ាងជ្រៅមួយ ហើយផ្លូវនោះមានបង្កាន់ដៃរហូត ។ សុំឲ្យពួកគេពិភាក្សាជាមួយនឹងមនុស្សម្នាក់ទៀតអំពីសំណួរដូចតទៅនេះ ៖ តើបទបញ្ញត្តិរបស់ព្រះប្រៀបដូចជាបង្កាន់ដៃនោះយ៉ាងដូចម្ដេច ? តើការគោរពតាមបទបញ្ញត្តិទាំងនោះបានប្រទានពរដល់យើងយ៉ាងដូចម្ដេច ? តើការប្រៀបធៀបផ្សេងទៀតអាចជួយយើងឲ្យយល់អ្វីខ្លះពីហេតុផលដែលព្រះប្រទានបទបញ្ញត្តិដល់យើង និងហេតុផលដែលយើងគួរតែគោរពបទបញ្ញត្តិទាំងនោះ ? សម្រាប់ឧទាហរណ៍មួយចំនួនបងប្អូនអាចអញ្ជើញពួកគេឲ្យរំឭកសារលិខិត ឬវីដេអូមួយដែលមាននៅក្នុង « ធនធានគាំទ្រ » ។ សូមឲ្យពួកគេចែកចាយការប្រៀបធៀបដែលពួកគេរកឃើញ ហើយពិភាក្សាពីអ្វីដែលពួកគេរៀន ។
ការពិភាក្សារបស់បងប្អូនអាចដឹកនាំសមាជិកថ្នាក់ ឬកូរ៉ុមទៅរកការពិភាក្សាពីរបៀបដែលយើងគួរតែប្រព្រឹត្តចំពោះបុគ្គលដែលមិនជឿ ឬរស់នៅតាមបទបញ្ញត្តិមួយចំនួន ។ បងប្អូនអាចអញ្ជើញពួកគេឲ្យរកមើលការប្រឹក្សានៅក្នុងសារលិខិតរបស់ប្រធាន ដាល្លិន អេក អូក « Loving Others and Living with Differences » ។ បងប្អូនអាចសួរសំណួរដូចតទៅនេះ ៖ តើយើងគួរប្រព្រឹត្តចំពោះបុគ្គលដែលជ្រើសរើសរស់នៅខុសប្លែកពីអ្វីដែលយើងធ្វើដោយរបៀបណា ? តើយើងអាចមើលឃើញសេចក្ដីល្អរបស់មនុស្សដទៃដោយរបៀបណា នៅពេលពួកគេធ្វើការជ្រើសរើសខុសប្លែកពីអ្វីដែលយើងធ្វើ ?

ធ្វើសកម្មភាពដោយសេចក្ដីជំនឿ

សូមលើកទឹកចិត្តសមាជិកថ្នាក់ ឬកូរ៉ុមឲ្យសញ្ជឹងគិត ហើយកត់ត្រាអ្វីដែលពួកគេនឹងធ្វើដើម្បីធ្វើតាមការបំផុសគំនិត ដែលពួកគេបានទទួលនៅថ្ងៃនេះ ។ ពួកគេអាចចែកចាយគំនិតរបស់ពួកគេបាន ប្រសិនបើពួកគេចង់ចែកចាយ ។ សូមអញ្ជើញពួកគេឲ្យគិត អំពីរបៀបដែលការធ្វើតាមចំណាប់អារម្មណ៍របស់ពួកគេនឹងពង្រឹងទំនាក់ទំនងរបស់ពួកគេជាមួយព្រះវរបិតាសួគ៌ និងព្រះយេស៊ូវគ្រីស្ទ ។

ធនធានគាំទ្រ

ចោទិយកថា ១០:១២–១៣; អាលម៉ា ៣៦:៣០; គោលលទ្ធិ និង សេចក្ដីសញ្ញា ១:២៤–២៨; ៨២:៨–១០; ៩៣:២០, ២៨; ១៣០:១៨–២១ ( ហេតុអ្វីព្រះប្រទានបទបញ្ញត្តិដល់យើង )
ជែហ្វ្រី អ័រ ហូឡិន « We Are All Enlisted » ( Liahona ខែ វិច្ឆិកា ឆ្នាំ ២០១១ ទំព័រ ៤៤–៤៧; សូមមើលផងដែរវីដេអូ « Stay within the Lines » ); រីឆាដ ជី ស្កត « The Atonement Can Secure Your Peace and Happiness » ( Liahona ខែ វិច្ឆិកា ឆ្នាំ ២០០៦ ទំព័រ ៤០–៤២; សូមមើលផងដែរវីដេអូ « A Secure Anchor » ); វ៉ន ជី ខីតឆ៍ « Blessed and Happy Are Those Who Keep the Commandments of God » ( Liahona ខែ វិច្ឆិកា ឆ្នាំ ២០១៥ ទំព័រ ១១៥–១៧ សូមមើលផងដែរ វីដេអូដែលមានចំណងជើងដូចគ្នា )

ការបង្រៀនតាមរបៀបរបស់ព្រះអង្គសង្គ្រោះ

« នៅក្នុងការខិតខំរបស់អ្នកដើម្បីរស់នៅ ហើយបង្រៀនឲ្យកាន់តែដូចជាព្រះអង្គសង្គ្រោះ អ្នកនឹងត្រូវជំពប់ជើងដួលម្ដងម្កាលដោយចៀសពុំរួចនោះទេ ។ ចូរកុំបាក់ទឹកចិត្តឡើយ តែចូរឲ្យកំហុស និងភាពទន់ខ្សោយរបស់អ្នក បង្វែរអ្នកឲ្យទៅរកព្រះវរបិតាសួគ៌ និងព្រះអង្គសង្គ្រោះវិញ » ( ការបង្រៀនតាមរបៀបរបស់ព្រះអង្គសង្គ្រោះទំព័រ១៤ ) ។