Tebetembwa 11

N na Kanga n Riki n Itiaki ao ni Manga Kukurei Imwiin Karaoan Te Bure?

Itaia 1–12

Te Uaia ni Marooro

E kairaki irouia kaain te beretitentii n te kooram ke te kiraati; e na kabanea 10–20 te miniti

Ni moan waakin te bootaki, ikotaki kaokioka n atonga Ana Botoniango te Bootaki n Ataeinnaine ke ana Botoniango Te Nakoanibonga ae te Aaron. Ngkanne kaira te marooro iaon te mwakuri ni kamaiu ao karietataaki kabongana teuana ke raka man taian titiraki inano ke oin am titiraki (taraa General Handbook, 10.2, 11.2, ChurchofJesusChrist.org). Babaire ao mwakuria te bwai ae maroroakinaki.

• Maiuakina te euangkerio. E kanga te rairaki nakon te Uea e buokiira ni mwakuri ma kangaanga ao kataaki?

• Tararuakiia naake iai kainnanoia. Antai ae ti ataia ae e kainanoa ara tataro ao ara iraorao?

• Kaoakiia ni kabane bwa a na karekea te euangkerio. Tera babaire n tibwaakin te euangkerio are e a ti ni marooroakinaki inanon te bowi ni kauntira n te uoote ibukiia kairake? E na kanga ara kiraati ke kooram ni karinaki n te waaki?

• Katiteuanakiia utu in akea tokina. A kanga mwakurian rongorongon te utu e na kakorakora reitakira ma Tamara are i Karawa ao Iesu Kristo?

N tokin te reirei, ngkana e riai, karaoi waaki aikai:

• Kaota koauan te reirei are e reiakinaki.

• Kauringa te kiraati ao membwa n te kooram iaon babaire ao kakao ake a karaoaki n tain te bootaki.

Reirei te Reirei

Kairaki iroun te tia kairiiri ae ikawai ke te kairake; 25–35 te miniti

Katauraoiko n te Maiu n Tamnei

Ngkana ti namakina te bure imwiin karaon te bure, iai ara rinerine. Namakin aikai, ngkai a kamaraki, a kona n riki bwa te kakabwaia ngkana a kamwaingiira nakon te raira nnano. Ma Tatan e tuangiira bwa namakin aikai n nanonaki bwa te Atua e aki tangiriira ao e kataia ni karaoiira n namakina te aki unganano ao bwarannano. A na bon iai aomata are ko reireiniia ake a rawawata ma aekan namakin akanne. A na namakina te mimi ngkana a kona n riki ni kaitiakaki ao ni manga kukurei. . Ko na kanga ni kona ni buokiia ni ukora te kantaninga inanon Ana Mwakuri ni Kamaiu te Tia Kamaiu?

Te burabeti ae Itaia e katanoata kaitiakakia aomata ibukin aia bure. Ma e kakoaua naba bwa ibukin te Tia Kamaiu, “ngkana tao ai aroni kunnikai aika uraura ami bure, ao a na riki ni mainaina n ai aron te tino”.‘(Itaia 1:18). Iangoa raoi aei ngkai ko wareka Itaia 1–12 te wiiki aei. Tera kaungaan nanoia koraki ake ko reireiniia n rairaki nakon Iesu Kristo ma te onimaki bwa te rawawatan aia bure a kona ni uotaki nako? Ko riai naba kamatebwaia ana marooro Titita Sharon Eubank are e kakoaua iroun Kristo “Kristo: Te Ota are Ota ibuakon te Ro” (Riaona, Meei 2019, 73–76).

Ibukin Iesu Kristo, karawawataara n te bure e kona ni uotaki nako.

Te Uaia n Reirei

Ni katauraoi ibukin te marooro are e kateitei iaon Itaia 1–12, ko kona ni tuanga tatabeman kairake ni uota te bwai teuana ae uraura ao te bwai teuana ae mainaina nakon te bootaki. Ko kona ni kaotii bwaai aika ngkai a warewae n ikotaki Isaiah 1:16–18. Ngkanne kairke a kona n tibwai oin aia taeka bwa tera ae a reiakinna man kiibu aikai. (Taraa ana marooro Sister Sharon Eubank man kibu18 inanon “Kristo: Te Ota are Ota ibuakon te Roo.”) Aikai tabeua waaki ni kakukurei tabeua are e kona ni kaungai aia onimaki ni mwaakan te Tia Kamaiu ni karaoira n te itiaki n tamnei.

• Rinanoan katooto n tamnei man te raira nnano e kona ni buokiia koraki ake ko reireiniia ni katea aia onimaki bwa Iesu Kristo e kona ni karaoiia bwa a na itiaki n tamnei. Ko riai ni koreia iaon te burakibooti aara n aron Tauro (rimwi Bauro), Aramwa te teei, Teeterom, ao taian Aentaai-Nibwaai-Riaai. Ko kona ni korea naba uoua kurubu ibukin bwaai ni kairi man koroboki aika tabu: Mwakuri 8:3; Motiaea 27:8–10; Aramwa 11:21–23; Aramwa 17:12–15 (aomata aika inanon rawawatan aia bure) ao Mwakuri 9:13–20; Aramwa 36:17–24; Alma 15:5–12; Alma 23:6–12 (imwina rairakiia aomata aikai nakon te Tia Kamaiu ao rairi nanoia). Kairake a kona ni kaboraoi aara n tatabeua ma koroboki aika tabu ni kabwarabwara te aomata anne. Bukin tera aomata aikai a karaoa te raira nnano? Tera taekan te rongorongo aei n reirei iaon kukurei nanon te Tia Kamaiu n kabwarabure? Ti noori tabeua baten are ti kona n iria?

• Ni buokiia koraki ake ko reireiniia n oota raoi kabwarakin buure, ko kona n anganiia tatabeman aomata ni kakae kaokoron aroia ke kaikonaki ni kamatebwaia. Aikai ko kona n reitia ma te nati ae bakatae (taraa Ruka 15:11–24); te Tia Kamaiu aron ara Tia Kawakin tiibu (barakurabe 5–8 man ana marooro Unimwaane Dale G. Renlund “Our Good Shepherd (Ara Tia Kawakin Tiibu ae Raoiroi)” [Riaona, Meei 2017, 29–32]); ao te biano ae uruaki (moan ana marooro Titita Cristina B. Franco “The Healing Power of Jesus Christ (Mwaakan Iesu Kristo ni Kamaiu)” [Riaona, Nob. 2020, 60–62]). Kairake a kona n kabwaranakoa tatabeua kakaokoron aroia ke kaikonaki ao marooroakin bwa tera ae e reirei taekan ana tangira te Tia Kamaiu ao mwaakan te mwakuri ni kamaiu.

• Namakinan te nanokawaki bwa ti a tia ni bure ao kairiira nakon te raira nano. Namakinan te aki unganano ke aki tau bukin ara bure e bon aki ibuobuoki ao ni kona tauira man te raira nnano. Am kiraati ke kooram a kona ni wareware n ikotaki te mwakoro e atuunaki “Godly Sorrow” inanon ana marooro Beretitenti Dieter F. Uchtdorf “You Can Do It Now!” (Riaona, Nov. 2013, 55–57). Tera te kaokoro imaenan te nanokawaki ibukin te bure are e kairi nakon te raira nano ao te nanokawaki are e kairi nakon te bwarannano? (taraa naba 2 I Korinto 7:9–10; Moomon 2:12–14). Ngkana temanna e namakina te konaa aoon taian namakin ni bure ao bwarannano ibukin te bure, tera ae ti riai n taekinna ni buoka teuanne ke neienne n rairaki nakon te Tia Kamaiu? Kaoia kairake n tibwai aia koaua iroun te Tia Kamaiu ao Ana nanoanga.

Karaoia inanon te Onimaki

Kaunga te kiraati ke membwa n te kooram bwa a na iangoi man korei baike a na karaoi n mwakurii namakin ake a karekei n te bong aei. Ngkana a tangiria, a kona n tibwauai aia iango. Kaoiia n iangoa taekana bwa e kanga mwakurian aia namakinan are e na kakorakorai reitakiia ma Tamara are i Karawa ao Iesu Kristo.

Reitan Bwaai n Mwakuri

• Dallin H. Oaks, “Kaitiakaki man te Rairannano,” Riaona, Meei 2019, 91–94

• “Repentance through the Atonement of Jesus Christ,” mwakoro 3 n Tataekina Au Euangkerio (2019), 62–63.

• “Repentance: A Joyful Choice” (witeo), ChurchofJesusChrist.org

Reirei n ana Kawai te Tia Kamaiu

“Ana kakoaua te Tia Kamaiu i bon irouna e anga te kariaia nakon Ana taeka. … Ngkai ko kakoaua man koauan te reirei, te Tamnei e na kamatoa koauan te reirei inanoia koraki ake ko reireiniia” (Reirei n Ana Kawai te Tia Kamaiu 21).