« ថ្ងៃទី ២៨ ខែ ឧសភា ។ តើខ្ញុំអាចធ្វើអ្វីពីឥឡូវនេះដើម្បីរៀបចំខ្លួនសម្រាប់ការយាងមកជាលើកទីពីររបស់ព្រះអង្គសង្រ្គោះ ? យ៉ូសែប ស្ម៊ីធ—ម៉ាថាយ ១; ម៉ាថាយ ២៤–២៥; ម៉ាកុស ១២–១៣; លូកា ២១ » ចូរមកតាមខ្ញុំ—សម្រាប់កូរ៉ុមបព្វជិតភាពអើរ៉ុន និងថ្នាក់យុវនារី ៖ ប្រធានបទខាងគោលលទ្ធិឆ្នាំ ២០២៣ ( ឆ្នាំ ២០២២ )
« ថ្ងៃទី ២៨ ខែ ឧសភា ។ តើខ្ញុំអាចធ្វើអ្វីពីឥឡូវនេះដើម្បីរៀបចំខ្លួនសម្រាប់ការយាងមកជាលើកទីពីររបស់ព្រះអង្គសង្រ្គោះ ? » ចូរមកតាមខ្ញុំ—សម្រាប់កូរ៉ុមបព្វជិតភាពអើរ៉ុន និងថ្នាក់យុវនារី ៖ ប្រធានបទខាងគោលលទ្ធិឆ្នាំ ២០២៣
ទ្រង់យាងមកម្តងទៀតដើម្បីគ្រប់គ្រង និងសោយរាជ្យ ដោយ ម៉ារី អ័រ សៅអើរ
ថ្ងៃទី ២៨ ខែ ឧសភា
តើខ្ញុំអាចធ្វើអ្វីពីឥឡូវនេះដើម្បីរៀបចំខ្លួនសម្រាប់ការយាងមកជាលើកទីពីររបស់ព្រះអង្គសង្រ្គោះ ?
ប្រឹក្សាជាមួយគ្នា
ដឹកនាំដោយសមាជិកថ្នាក់ម្នាក់ ឬគណៈប្រធានកូរ៉ុម មានរយៈពេលប្រហែល ១០–២០ នាទី
នៅដើមការប្រជុំ សូមសូត្ររួមគ្នានូវ បាវចនាយុវនារី ឬ បាវចនាកូរ៉ុមបព្វជិតភាពអើរ៉ុន ។ បន្ទាប់មកសូមដឹកនាំការពិភាក្សាមួយអំពីកិច្ចការនៃសេចក្តីសង្រ្គោះ និងភាពតម្កើងឡើង ដោយប្រើសំណួរមួយ ឬច្រើនដូចខាងក្រោម ឬសំណួររបស់បងប្អូនផ្ទាល់ ( សូមមើល ក្បួនខ្នាតទូទៅ ១០.២, ១១.២ ) ។ ដាក់ផែនការដើម្បីអនុវត្តតាមអ្វីដែលបងប្អូនពិភាក្សា ។
-
ការរស់នៅតាមដំណឹងល្អ ។ តើយើងបានពិភាក្សាគ្នាអ្វីខ្លះពីលើកមុន ហើយតើការអញ្ជើញ ឬការចាត់តាំងអ្វីដែលបានធ្វើឡើង ? តើយើងបានធ្វើអ្វីខ្លះដើម្បីអនុវត្តតាមការអញ្ជើញ ឬការចាត់តាំងទាំងនោះ ?
-
ការមើលថែដល់អ្នកខ្វះខាត ។ តើយើងអាចធ្វើ ឬនិយាយអ្វីខ្លះដើម្បីលួងលោមដល់ជនដែលអាចមានអារម្មណ៍ឯកោ ឬឃ្លាតឆ្ងាយពីព្រះវរបិតាសួគ៌ ?
-
ការអញ្ជើញមនុស្សទាំងអស់ឲ្យទទួលយកដំណឹងល្អ ។ តើមានវិធីអ្វីខ្លះ ដែលយើងអាចជួយអ្នកដទៃទទួលអារម្មណ៍នៃសេចក្តីស្រឡាញ់របស់ព្រះយេស៊ូវគ្រីស្ទ ?
-
ការបង្រួបបង្រួមក្រុមគ្រួសារសម្រាប់ភាពអស់កល្បភាពអស់កល្បជានិច្ច ។ តើយើងអាចចែកចាយគំនិតអ្វីខ្លះជាមួយនឹងគ្នាដើម្បីជួយយើងពង្រឹងក្រុមគ្រួសាររបស់យើង ?
នៅចុងបញ្ចប់នៃមេរៀននេះ សូមធ្វើកិច្ចការដូចខាងក្រោម តាមការគួរ ៖
-
ថ្លែងទីបន្ទាល់អំពីគោលការណ៍ដែលបានបង្រៀន ។
-
រំឭកសមាជិកថ្នាក់ ឬកូរ៉ុមអំពីផែនការ និងការអញ្ជើញទាំងឡាយដែលបានដាក់អំឡុងការប្រជុំ ។
បង្រៀនគោលលទ្ធិ
ដឹកនាំដោយអ្នកដឹកនាំជាមជ្ឈិមវ័យ ឬយុវវ័យម្នាក់ រយៈពេលប្រហែល ២៥–៣៥ នាទី
រៀបចំខ្លួនខាងវិញ្ញាណ
តើយុវវ័យដែលបងប្អូនបង្រៀនមានអារម្មណ៍យ៉ាងណាអំពីការរស់នៅក្នុងថ្ងៃចុងក្រោយមុនការយាងមកជាលើកទីពីររបស់ព្រះយេស៊ូវគ្រីស្ទ ? វាជាការពិតណាស់ថា ឥឡូវនេះគឺជាគ្រាដ៏គ្រោះថ្នាក់ ដែលសម្គាល់ដោយទុក្ខលំបាក អំពើទុច្ចរិត និងការបំផ្លិចបំផ្លាញ ។ ប៉ុន្តែនៅពេលដែលព្រះអង្គសង្រ្គោះបានពិពណ៌នាពីសម័យរបស់យើងទៅកាន់ពួកសិស្សរបស់ទ្រង់នៅជិតចុងបញ្ចប់នៃព្រះជន្មរបស់មែងស្លាប់របស់ទ្រង់ ទ្រង់បានប្រទានក្តីសង្ឃឹមដល់យើង ។ ខណៈពេលប្រាប់ពីការមកដល់នៃភាពខ្មៅងងឹត ទ្រង់បានសន្យាថាពន្លឺរបស់ទ្រង់នឹង « [ គ្របដណ្តប់ ] ផែនដីទាំងមូល » កាលទ្រង់យាងមក ( សូមមើល យ៉ូសែប ស្ម៊ីធ—ម៉ាថាយ ១:២២–២៦; សូមមើលផងដែរ គោលលទ្ធិ និង សេចក្តីសញ្ញា ៤៥:៣៤–៣៨ ) ។
តើបងប្អូនអាចជួយយុវវ័យយល់កាន់តែច្បាស់អំពីពរជ័យ និងឱកាសនៃការរស់នៅក្នុងថ្ងៃចុងក្រោយដោយរបៀបណា ? តើបងប្អូនអាចធ្វើអ្វីខ្លះ ដើម្បីបំផុសគំនិតពួកគេឲ្យរៀបចំខ្លួនពួកគេ និងពិភពលោកសម្រាប់ការយាងមកជាលើកទីពីររបស់ព្រះអង្គសង្គ្រោះ ? បន្ថែមពីលើការសិក្សាវគ្គបទគម្ពីរក្នុងសប្តាហ៍នេះ សូមពិចារណាពិនិត្យមើលធនធានមួយចំនួនដែលមាននៅក្នុង « Second Coming of Jesus Christ » នៅក្នុង Gospel Topics ( topics.ChurchofJesusChrist.org ) ។
រៀនជាមួយគ្នា
ដើម្បីជួយយុវវ័យរំឭកឡើងវិញនូវអ្វីដែលពួកគេបានអាននៅក្នុងព្រះគម្ពីរនៅសប្តាហ៍នេះ បងប្អូនអាចសរសេរចំណងជើងទាំងនេះនៅលើក្ដារខៀន ៖ ការព្យាការណ៍ដោយស្រងូតស្រងាត់ និង ការប្រកាសដ៏រុងរឿង ( សូមមើល រ័សុល អិម ណិលសុន « Embrace the Future with Faith » Liahona ខែ វិច្ឆិកា ឆ្នាំ ២០២០ ទំព័រ ៧៣–៧៦ ) ។ បន្ទាប់មកបុគ្គលម្នាក់ៗអាចមើល យ៉ូសែប ស៊្មីធ—ម៉ាថាយ ១:២២–៣៧ និងសរសេរអ្វីៗដែល « ស្រងូតស្រងាត់ » និង « រុងរឿង » ដែលនឹងកើតឡើងពីមុនព្រះអង្គសង្រ្គោះយាងមក ។ ហេតុអ្វីវាសំខាន់ចំពោះយើងត្រូវដឹងពីព្រឹត្តិការណ៍ទាំងនេះ ? ដើម្បីជួយយុវវ័យរៀនបន្ថែមទៀតអំពីរបៀបរៀបចំខ្លួនសម្រាប់ការយាងមករបស់ព្រះអង្គអង្គសង្រ្គោះ សូមពិចារណានូវសកម្មភាពខាងក្រោម ឬសកម្មភាពមួយរបស់អ្នកផ្ទាល់ ។
-
ខគម្ពីរនៅក្នុង « ធនធានគាំទ្រ » អាចជួយយុវវ័យយល់ពីរបៀបដែលព្រះវរបិតាសួគ៌កំពុងរៀបចំផ្លូវសម្រាប់ការយាងមកជាលើកទីពីររបស់ព្រះរាជបុត្រាទ្រង់ ។ សូមពិចារណាសរសេរព្រឹត្តិការណ៍ដែលបានពិពណ៌នានៅក្នុងខគម្ពីរនេះនៅលើក្ដារខៀន ហើយស្នើសុំឲ្យបុគ្គលម្នាក់ៗអានវគ្គបទគម្ពីរមួយនៃវគ្គបទគម្ពីរទាំងនេះ ។ បុគ្គលម្នាក់ៗអាចផ្គូផ្គងវគ្គបទគម្ពីររបស់ខ្លួនទៅនឹងព្រឹត្តិការណ៍មួយនៅលើក្ដារខៀន ហើយពិភាក្សាអំពីវគ្គបទគម្ពីរនេះជាមួយនឹងថ្នាក់ ។ តើព្រឹត្តិការណ៍ទាំងនេះផ្តល់យោបល់អ្វីខ្លះអំពីតួនាទីរបស់យើងក្នុងការរៀបចំសម្រាប់ការយាងមកជាលើកទីពីររបស់ព្រះអង្គសង្គ្រោះ ? តើយើងត្រូវបានបំផុសគំនិតឲ្យធ្វើអ្វីខ្លះក្នុងនាមជាថ្នាក់ ឬជាកូរ៉ុម ?
-
ប្រធាន រ័សុល អិម ណិលសុន បានផ្តល់ដំបូន្មាន ៖ « តើយើងត្រូវប្រឈមនឹងការព្យាការណ៍ដោយស្រងូតស្រងាត់ និងការប្រកាសដ៏រុងរឿងអំពីជំនាន់របស់យើងយ៉ាងដូចម្ដេច ? ព្រះអម្ចាស់បានប្រាប់យើងដោយការអះអាងដ៏សាមញ្ញ ប៉ុន្តែអស្ចារ្យថា ‹ បើសិនជាអ្នករាល់គ្នាបានប្រុងប្រៀបទុកជាស្រេច នោះអ្នករាល់គ្នានឹងមិនត្រូវខ្លាចឡើយ › [ គោលលទ្ធិ និងសេចក្តីសញ្ញា ៣៨:៣០ ] » ( « Embrace the Future with Faith » ៧៤ ) ។ ដើម្បីជួយយុវវ័យឲ្យកាន់តែត្រៀមខ្លួនសម្រាប់ការយាងមករបស់ព្រះអង្គសង្គ្រោះ សូមពិចារណាស្នើសុំឲ្យពួកគេម្នាក់ៗអានគោលការណ៍នៃការរៀបចំខ្លួនមួយនៃគោលការណ៍បីដែលប្រធានណិលសុនបានចែកចាយនៅក្នុងសារលិខិតរបស់លោក ។ សូមអញ្ជើញពួកគេឲ្យចែកចាយនូវអ្វីដែលពួកគេរៀន ។ តើយើងបានបំផុសគំនិតឲ្យធ្វើអ្វីខ្លះ ដើម្បីធ្វើតាមដំបូន្មានរបស់ប្រធាន ណិលសុន ?
-
នៅដើមសារលិខិតរបស់លោកដែលមានចំណងជើងថា « ការត្រៀមខ្លួនសម្រាប់ការយាងត្រឡប់មកវិញរបស់ព្រះអម្ចាស់ » អែលឌើរ ឌី ថត គ្រីស្តូហ្វឺសិន បានពិពណ៌នាអំពីសភាពរបស់ពិភពលោកបន្ទាប់ពីការយាងមកជាលើកទីពីររបស់ព្រះយេស៊ូវគ្រីស្ទ ( Liahona ខែ ឧសភា ឆ្នាំ ២០១៩ ទំព័រ ៨១–៨៤ ) ។ សូមអញ្ជើញយុវវ័យឲ្យពិនិត្យមើលការពិពណ៌នារបស់លោក ហើយប្រៀបធៀបវាជាមួយនឹងសភាពពិភពលោកសព្វថ្ងៃនេះ ។ ពួកគេអាចពិភាក្សាអ្វីដែលយើងអាចធ្វើឥឡូវនេះដើម្បីត្រៀមខ្លួនរស់នៅក្នុងពិភពលោកដូចដែលអែលឌើរ គ្រីស្តូហ្វឺសិន បានពិពណ៌នា ។ ( នៅ កថាខណ្ឌទីបួន នៃសារលិខិតរបស់លោកដែលចាប់ផ្តើមជាមួយ « ទីមួយ ហើយជារឿងដ៏សំខាន់សម្រាប់ការយាងត្រឡប់មករបស់ព្រះអម្ចាស់ » អាចមានសារៈប្រយោជន៍ ) ។ តើសាសនាចក្ររបស់ព្រះអង្គសង្គ្រោះជួយរៀបចំយើងសម្រាប់ការយាងមកជាលើកទីពីររបស់ទ្រង់យ៉ាងដូចម្តេច ? អែលឌើរ គ្រីស្តូហ្វឺសិន បានរៀបរាប់ពីវិធីបីយ៉ាងដែលសាសនាចក្រ « ត្រូវបានផ្ដល់អំណាច និងការបង្គាប់ដើម្បីសម្រេចការរៀបចំដែលចាំបាច់សម្រាប់ការយាងមកជាលើកទីពីររបស់ព្រះអម្ចាស់ » ។ សមាជិកថ្នាក់អាចស្វែងយល់ និងពិភាក្សារឿងទាំងនេះ ។
ប្រសិនបើយើងត្រៀមខ្លួន នោះយើងមិនចាំបាច់ខ្លាចព្រឹត្តិការណ៍ដែលនាំទៅរកការយាងមកជាលើកទីពីររបស់ព្រះអង្គសង្គ្រោះឡើយ ។
ធ្វើសកម្មភាពដោយសេចក្ដីជំនឿ
សូមលើកទឹកចិត្តសមាជិកថ្នាក់ ឬកូរ៉ុមឲ្យសញ្ជឹងគិត ហើយកត់ត្រាអ្វីដែលពួកគេនឹងធ្វើដើម្បីធ្វើតាមការបំផុសគំនិត ដែលពួកគេបានទទួលនៅថ្ងៃនេះ ។ ពួកគេអាចចែកចាយគំនិតរបស់ពួកគេបាន ប្រសិនបើពួកគេចង់ចែកចាយ ។ សូមអញ្ជើញពួកគេឲ្យគិត អំពីរបៀបដែលការធ្វើតាមចំណាប់អារម្មណ៍របស់ពួកគេនឹងពង្រឹងទំនាក់ទំនងរបស់ពួកគេជាមួយព្រះវរបិតាសួគ៌ និងព្រះយេស៊ូវគ្រីស្ទ ។
ធនធានគាំទ្រ
-
គោលលទ្ធិ និងសេចក្តីសញ្ញា ៦៥:១–២ ( ការស្តារឡើងវិញនៃដំណឹងល្អ )
-
គោលលទ្ធិ និងសេចក្តីសញ្ញា ២០:៨–១២ ( ការលេចមកនៃព្រះគម្ពីរមរមន )
-
ម៉ាឡាគី ៤:៥–៦; គោលលទ្ធិ និងសេចក្តីសញ្ញា ១១០:១៣–១៦ ( ការស្តារឡើងវិញនៃកូនសោបព្វជិតភាព )
-
នីហ្វៃទី ៣ ២១:១, ៨ ( ការប្រមូលផ្តុំនៃអ៊ីស្រាអែល )
-
យ៉ូសែប ស៊្មីធ—ម៉ាថាយ ១:២៨–៣០ ( សង្រ្គាម ពាក្យចចាមអារាម និងសេចក្តីទុច្ចរិត )
-
យ៉ូសែប ស៊្មីធ—ម៉ាថាយ ១:៣១ ( ដំណឹងល្អផ្សាយពាសពេញពិភពលោក )
-
ហ្កែរី អ៊ី ស្ទីវ៉ែនសុន « A Good Foundation against the Time to Come » Liahona ខែ ឧសភា ឆ្នាំ ២០២០ ទំព័រ ៤៨–៥២
ការបង្រៀនតាមរបៀបរបស់ព្រះអង្គសង្គ្រោះ
សូមបង្រៀនអ្នករៀនថា ពេលខ្លះព្រះវិញ្ញាណនឹងបង្រៀនពួកគេនូវរឿងជាច្រើនអំឡុងការពិភាក្សាក្នុងថ្នាក់ ដែលពុំដែលបានថ្លែងចេញឮៗ ។