Ni Jesus ken dagiti pasurotna

Ni Jesus ken dagiti Disipulona, © Balage Balogh/Art Resource, NY

Hulio 23

Ania ti Kaipapanan ti Agbalin a Disipulo ni Jesucristo?

Dagiti Aramid 10–15

icon ti panagiinnuman

Agiinnuman

Idauluan ti maysa a miembro ti panguluen ti klase wenno korum; agarup 10–20 a minuto

Iti rugi ti miting, aggigiddan a mangulit iti Tema ti Young Women wenno ti Tema ti Korum ti Aaronic Priesthood. Kalpasanna idauluan ti panaglilinnawag maipapan iti aramid ti pannakaisalakan ken pannakaitan-ok nga us-usaren ti maysa wenno ad-adu pay a saludsod iti baba wenno saludsod a bukodmo (kitaen iti Sapasap a Handbook,, 10.2, 11.2).ChurchofJesusChrist.org. Mangplano kadagiti wagas nga agtignay iti no ania ti paglilinnawaganyo.

• Agbiag iti ebanghelio. Kasano a naimatangantayon ti ima ti Apo iti biagtayo?

• Aywanan dagiti agkasapulan. Kasano a makapagtitinnulongtayo kadagiti banag a mapaspasarantayo?

• Awisen ti amin nga umawat iti ebanghelio. Kasano a nasaysayaat a mausartayo ti teknolohia kas maysa a ramit a mangibinglay iti ebanghelio?

• Pagkaykaysaen dagiti pamilia para iti kinaagnanayon. Ania dagiti ar-aramidentayo a mangtulong kadagiti pamiliatayo nga umasideg ken ni Jesucristo?

Iti ungto ti adalen, no maitutop, aramidem dagiti sumaganad:

• Paneknekam dagiti pagbatayan a naisuro.

• Palagipam dagiti miembro ti klase wenno korum maipapan kadagiti plano ken awis a naaramid bayat ti miting.

icon iti isuro ti doktrina

Isuro ti Doktrina

Idauluan ti nataengan a lider wenno agtutubo; agarup 25–35 a minuto

Isaganam ti Bagim a Naespirituan

Isurat ti kapitulo 11 ti Dagiti Aramid nga iti umuna a gundaway “naawagan dagiti disipulo a Kristiano” (bersikulo 26). Sagrado a pribilehio ken pagrebbengan ti maam-ammo kas maysa kadagiti disipulo ni Cristo ken maawagan iti naganna. Kas iti kinuna ni President M. Russell Ballard: “Maamiristayo kadi no kasano ti kagasattayo nga umawat iti nagan ti Patpatgen ken Bugbugtong nga Anak ti Dios? Maawatantayo kadi no kasano ti kapateg dayta? Ti nagan ti Mangisalakan ti kakaisuna a nagan iti baba ti langit a mabalin a pakaisalakanan ti tao” (“The Importance of a Name,” Liahona, Nob. 2011, 79).

Ania ti kaipapanan kenka ti agbalin a maysa a Kristiano—maysa a disipulo ni Jesucristo? Ania ti kayat a sawen daytoy kadagiti miembro ti klasem wenno korummo? Kasano a ti panangawat iti naganna iti bagim ket mangimpluensia kenka? Mabalin pay a panunotem dagiti panawen idi pinaregtanaka ti pagwadan ti maysa a tao a nagtignay kas maysa a pudno a disipulo ni Cristo.

Bayat ti panagsaganam a mangisuro, kas pangnayon iti panagbasa iti Dagiti Aramid 10–15, ibilang ti panangbasa iti maysa wenno ad-adu pay a mensahe ti sapasap a komperensia a masarakan iti “Dagiti Pangsuporta a Resources.”

Aggigiddan a Masursuruan

Tapno matulongan dagiti miembro ti klasem wenno korummo no ania ti kaipapanan ti agbalin a maysa a disipulo ni Jesucristo, mabalinmo nga awisen ida a mangileppas iti sumaganad a binatog: “Ti maysa a disipulo ni Jesucristo ket maysa a tao a …” Mabalinda nga irebyu ti Dagiti Aramid 11:19–26, a mangsapsapul kadagiti nalawag a pannakaammo ken pannakaawat kadagiti bersikulo 21, 23–24, 26 maipapan iti no kasano nga impakita dagitoy a miembro ti Simbaan nga isuda dagiti disipulo. Kasano a ti panagbalin a pasurot ni Jesucristo ket mangimpluensia kadagiti pampanunot ken ugalitayo? Mabalin a mangnayon dagiti aktibidad a kas dagitoy iti daytoy a panaglilinnawag.

• Mabalin a makatulong nga ilawlawag no ania ti maysa a disipulo ni Jesucristo (kitaen ti palawag ni Elder Robert D. Hales iti “Dagiti Pangsuporta a Resources”). Mabalinmo nga idawat kadagiti agtutubo a mangibinglay iti sumagmamano a pannursuro ni Jesucristo a mangparegta kadakuada ken ti sumagmamano a banag a nasursuroda manipud iti pagwadanna. Mabalinda ti agsukisok iti sumagmamano kadagiti nasantuan a kasuratan iti “Dagiti Pangsuporta a Resources,” wenno dadduma pay nga ammoda, para kadagiti kapanunotan. Mabalinda nga ilista iti pisarra no ania ti nasursuroda maipapan iti Mangisalakan manipud kadagiti binatog. Kalpasanna mabalinda a pagsasaritaan maipapan kadagiti wagas a sipupudno a masurotda dagiti pannursuro ken pagwadan a nailista iti pisarra.

• Idawat kadagiti miembro ti klase wenno korum a mangpanunot maipapan no ania ti kaipapanan ti agbalin a maysa a Kristiano. Mabalinda nga ilista dagiti kababalin a namnamaenda a makita iti biag ti maysa a tao a sumurot ken ni Jesucristo (kitaen, kas pagarigan, iti Juan 13:34–35). Mabalinmo a guduaen dagiti agtutubo iti dua a grupo ken idawat iti tunggal grupo a mangbasa iti maysa kadagiti sumaganad a mensahe a mangsapsapul kadagiti nayon a kababalin a mainayonda iti listaanda: Elder Terence M. Vinson, “True Disciples of the Savior” (Liahona, Nob. 2019, 9–11) ken Elder Massimo De Feo, “Pure Love: The True Sign of Every True Disciple of Jesus Christ” (Liahona, Mayo 2018, 81–83). Awisem dagiti agtutubo a mangutob iti maysa a banag iti listaan a kayatda a padur-asen.

• Mabalinmo a saludsoden dagiti miembro ti klase wenno korum no ania ti kaipapanan kadakuada ti maawagan iti nagan ni Jesucristo. Nalabit a mabalinda nga ibinglay dagiti padasda idi naammuan ti maysa a tao a miembroda ti Ti Simbaan ni Jesucristo dagiti Santo iti Ud-udina nga Aldaw. Kasano ti riknatayo maipapan iti panagbalin a maam-ammo a kas pasurot ni Jesucristo ken miembro ti Simbaanna? Mabalin pay a sukisoken dagiti agtutubo ti sumagmamano a nasantuan a kasuratan wenno maysa kadagiti mensahe iti “Dagiti Pangsuporta a Resources,” a mangsapsapul kadagiti nalawag a pannakaammo ken pannakaawat a mangparegta kadakuada a mangsurot iti nagan ni Jesucristo, nga inawatdan iti bagbagida. Kasano a ti pannakaawagtayo iti nagan ni Jesucristo ket makaapekto kadagiti pili nga aramidentayo?

dagiti agtutubo a babbai a magmagna

Kas miembro ti Simbaan ni Cristo, datayo dagiti disipulona ken naawagan iti naganna.

Agtignay iti Pammati

Allukoyem dagiti miembro ti korum wenno klase a mangutob ken mangisurat no anianto ti aramidenda nga agtignay kadagiti impresion nga inawatda ita nga aldaw. No kayatda, mabalinda nga ibinglay dagiti kapanunotanda. Awisem ida a mangpanunot maipapan iti no kasano a ti panagtignay kadagiti impresionda ti mangpapigsanto kadagiti relasionda iti Nailangitan nga Ama ken ni Jesucristo.

Dagiti Pangsuporta a Resources

• Mateo 5:38–47; 6:19–21; 7:1–5; 25:31–40; Lucas 10:25–37; Juan 13:34–35; 14:15 (dagiti pannursuro ni Jesucristo)

• Mateo 4:1–11; Marcos 6:35–44; Lucas 4:16–19; 22:39–42; 23:33–34; Dagiti Aramid 10:38 (pagwadan ni Jesucristo)

• Jeremias 15:16; Mosiah 5:7–15; Alma 46:12–15; 3 Nephi 27:3–8 (panangawat iti nagan ti Mangisalakan iti bagbagitayo)

• Lisa L. Harkness, “Honoring His Name,” Liahona, Nob. 2019, 60–62

• Paul B. Pieper, “All Must Take upon Them the Name Given of the Father,” Liahona, Nob. 2018, 43–45

• Insuro ni Elder Robert D. Hales: “Ania ti kaipapanan ti agbalin a maysa a disipulo ni Apotayo a Jesucristo? Ti maysa a disipulo ket maysa a nabuniagan ken natallugod a mangawat kenkuana iti nagan ti Mangisalakan ken mangsurot Kenkuana. Agpasnek ti maysa a disipulo tapno agbalin a kas Kenkuana babaen ti panangtungpal kadagiti bilinna iti mortalidad, maipada la unay iti maysa nga agdadamo no agkalikagum nga agbalin kas iti apona.

  “Madamdamag ti adu a tao ti balikas a disipulo ket ipagarupda a kaipapanan daytoy laeng ti ‘pasurot.’ Ngem ti pudpudno a kinadisipulo ket maysa a kasasaad ti tao. Isingasing daytoy ti ad-adda pay a panagadal ken panangyaplikar iti listaan dagiti napipintas a kababalin. Agbiag dagiti disipulo tapno mayabel dagiti kinatao ni Cristo iti nginabras dagiti kinataoda, kas iti panagbalin a maysa a naespirituan a tapisera” (“Becoming a Disciple of Our Lord Jesus Christ,” Liahona, Mayo 2017, 46).

Panangisuro iti Wagas ti Mangisalakan

Kas maysa a mannursuro, mayallukoymo dagiti makaparegta a panaglilinnawag a pinabaknang dagiti padas ken pammaneknek dagiti agad-adal.