Aiseia ej jeje ioon peba jāljel ko

Pāpode 26–M̧aaj 3: “Etan Naaj Ān̄inn̄in … Irooj in Aenōm̧m̧an”

2 Nipai 11–19

Jeje ioon pileij ko ejjab pidodo, im pileij ko reddik an Nipai eaar jab bwe. Kōn menin etke Nipai ej kōm̧m̧ane elōn̄ kape ko jen elōn̄ jeje ko an rikanaan Aiseia n̄an ļo̧o̧k ko an? Ekar kōm̧m̧ane kōnke ekar kōņaan bwe jen tōmak ilo Jisōs Kraist. “Aō ej m̧ōņōņō,” ekar je, “ilo kam̧ool n̄an armej ro aō m̧ool eo kōn itok eo an Kraist” (2 Nipai 11:4). Nipai ekar lo ta eo enaaj waļo̧k n̄an armej ro an ilju im jekļaj. Ekar lo bwe, kōjekdo̧o̧n kōjeraam̧m̧an ko aer reļļap, renaaj utiej bōro, jum̧ae, im m̧weie (lale 1 Nipai 12; 15:4–6). Eaar bar lo ejja bar būrabōļōm̧ ko ilo tōre in ad (lale 1 Nipai 14). Jeje ko an Aiseia raar kakkōļ ņae kain jerawiwi rot in. Ak raar bar leļo̧k kōjatdikdik n̄an Nipai juon ilju im jekļaaj eaiboojoj—juon jem̧ļo̧k n̄an jab jerawiwi, n̄an aiintok ro retiljek, im “meram eļap” n̄an armej ro raar “etetal ilo marok” (2 Nipai 19:2). Aolepen menin eaar waļo̧k kōnke “juon ajri [ekar] lo̧tak” eo enaaj kōjem̧ļo̧k aolep akwāāl—“Irooj in Aenōm̧m̧an” (2 Nipai 19:6).

Ļōmņak ko n̄an Ekkatak ilo M̧weeo im ilo Kabun̄ in

Elmen aō maron̄ meļeļe ļo̧k katak ko an Aiseia?

Nipai eaar kile bwe jet, “naan ko an Aiseia rejjab lem waan” (2 Nipai 25:4). Ak eaar bar kwaļo̧k ļōmņak ko n̄an jipan̄ kōj lo meļeļe ilo jeje ko an Aiseia:

• “Karōki naan ko n̄an” kwe make (2 Nipai 11:2). Elōn̄ katak ko an Aiseia ewōr meļeļeier im rekkar. N̄an waanjon̄ak, n̄e kwoj riiti kōn pād ilo aolep jikin ko ilo 2 Nipai 14:5–6, ļōmņake elmen an eoon kein jerbal n̄an m̧weeo im̧ōm̧. Kajjitōkin kwe make, “Ta eo Jemedwōj Ilan̄ ekōņaan bwe in ekkatak?”

• Pukot kōkkaļļe ko kōn Jisōs Kraist (lale 2 Nipai 11:4). Elōn̄ katak ko an Aiseia kōn Rilo̧mo̧o̧r rej kwaļo̧k kōn kōkkaļļe ko. N̄an waanjon̄ak, elmen an Rilo̧mo̧o̧r bōk jikin ilo 2 Nipai 19:2? Ta kōkkaļļe in ej katakin eok kōn E?

• “Kappukot n̄an “obrak kōn jitōbōn kanaan” (2 Nipai 25:4). Ilo am̧ ekkatak, jar kōn jetōbin tōl. Kwomaron̄ jab meļeļe aolep men otemjeļo̧k ilo juon, ak Jetōb emaron̄ jipan̄ eok jeļā ta eo kwoj aikuji.

Kwomaron̄ bar lo jipan̄ n̄an etal n̄an jipan̄ in ekkatak ko study helps ilo jeje ko rekwojarjar, ekoba footnote ko, jebta heading ko, im Unin Tōļ n̄an Jeje ko Rekwojarjar. Bok in Mormon im Kallim̧ur M̧okta rej bok in katakin ko ewōr ie kakkobaba in meļeļe ko me remaron̄ jipan̄ eok ekkatak kōn jeje in katak ko an Aiseia.

2 Nipai 11–19

Aiseia ekar kam̧ool kōn Jisōs Kraist.

Kōnke Aiseia ekar kōjerbal kajin eo eļap kōkkaļļe ie, emaron̄ pidodo n̄an ad jab kile kajoor in kam̧ool eo an kōn Jisōs Kraist. Pukot Rilo̧mo̧o̧r ilo 2 Nipai 13:13; 14:4–6; 15:1–7; 16:1–7; 17:14; 18:14–15; 22:2. Ta eo eoon kein rej katakin eok kōn E?

Kanaan eo ilo 2 Nipai 19:6 ekōllaajrake jet taitōļ ko kōn Jisōs Kraist. Elmen An kar kakūrm̧ool jerbal kein ilo mour eo am̧?

Bar lale Ulisses Soares, “Jisōs Kraist: Rikāājmour Jetōb eo Ad,” Liaona, Māe 2021, 82–84.

2 Nipai 12–13; 15

Jua im m̧weie renaaj ettā.

Nipai eaar lo bwe jua eaar anjo̧ ioon armej ro an (lale 1 Nipai 12:19). Kōn menin eaar jab kabwilōn̄ Nipai bwe en kwaļo̧k n̄an armej ro an kōn naan in kakkōļ eo an Aiseia kōn jua. Ilo jebta12 im13, pukot naan ko me Aiseia ej kōjerbali n̄an kōjerbal jua, āinwōt ettoon im nana. Ilo 2 Nipai 15:1–24, pukot kōkkaļļe in naan ko rej kōmeļeļeik uwaakin juwa. Innām kwomaron̄ kajjieon̄ kōmeļeļeiki ta eo kwaar riiti ilo naan ko am make. Ļōmņak kōn kilen am̧ naaj kāālet n̄an ettā.

Lale barāinwōt “Chapter 18: Beware of Pride” Teachings of Presidents of the Church: Ezra Taft Bensonn (2014), 229–40.

pija in jemenere

2 Nipai 12:2–3

Tampeļ eo ej m̧weo im̧ōn Irooj.

Aiseia eaar ņaetan tampeļ eo “toļ im̧ōn Irooj” (2 Nipai 12:2). Etke juon toļ ej juon kōkaļļe em̧m̧an n̄an tampeļ?

Elmen am̧ maron̄ kōmeļeļeik n̄an ro jet etke jej aikuji tampeļ ko? Kwomaron̄ lo jet uwaak ko rekkar ilo 2 Nipai 12:2–3 im ennaan eo an Būreejtōn Russell M. Nelson “Tampeļ E im Pedped Eo Am Ilo Jetōb” (Liaona, Okt. 2021, 93–96). Pedped ioon ta eo kwoj riiti, ta eo Irooj ekōņaan bwe kwon ekkatak im en̄jake ilo m̧weeo Im̧ōn ekwojarjar? Ta en̄jake ko am̧ ijeņ?

Kwomaron̄ lo kajjitōk in intōpiu n̄an peba in deļōn̄ tampeļ ilo peij 36–37 in N̄an Kōkajoorļo̧k Jodikdik Ro: Juon Tōl n̄an Kōm̧m̧ani Kāālet ko. Ļōmņak in riiti kajjojo ļain im kajjitōk ippam̧ make, ta eo kajjitōk in ej katakin n̄a kōn wāween ko an Irooj? Elmen an jipan̄ eō “etetal ilo iaļ ko an”?

Bar lale Gospel Topic ko, “Temples,” Gospel Ļāibrāre; “Jabōn Tol,” Al, no 5.

2 Nipai 12–19

Jisōs Kraist enaaj pinmuur armej ro An.

Kōjekdo̧o̧n nana ko eaar loi, Aiseia eaar lo kōjatdidik eo an ilju im jekļaj. Ļōmņak in ekkatak eoon kein kajjojo ilaļ. Je juon ak elōn̄ļo̧k m̧ool ko ilo kajjojo eoon ej kwaļo̧k kōn tōre in ad: 2 Nipai 12:1–5; 14:2–6; 15:20–26; 19:2–8. Etke kwoj en̄jake eoon kein raorōk n̄an kōj n̄an meļeļe?

N̄an ļōmņak ko reļļapļo̧k, lale ennaan eo an allōn̄ in an Liaona im N̄an Kōkajoorļo̧k Jodikdik ro māākjiin ko.

Pukot Jon̄ok ko. Ilo jeje ko rekwojarjar jemaron̄ lo jon̄ok ko me rej kwaļo̧k kilen an Irooj jerbal. Ilo 2 Nipai 11–19, kwomaron̄ pukot jon̄ak ko me ej kwaļo̧k elmen an Irooj kakkōļ kōn jerawiwi im jeo̧rļo̧k bōd an armej ro rej ukweļo̧k.

Ļōmņak ko n̄an Katakin Ajri ro

2 Nipai 12:2–3

Tampeļ eo ej m̧weo im̧ōn Irooj.

• Aiseia eaar kōmeļeļe bwe tampeļ ej āinwōt “toļ im̧ōn Irooj.” Ajri ro nejum̧ emaron̄ itok limoier tallōn̄ toļ ilo ami riiti 2 Nipai 12:2–3. Jipan̄ er pukot naan ko ilo eoon kein me rej kōmeļeļeik etke ewōr ad tampeļ.

• N̄an kōmeļeļeik naan eo “jenaaj etetal ilo iaļ ko An” jān 2 Nipai 12:3, kwomaron̄ kōm̧m̧ane juon iaļ ioon laļ, tōļļo̧k n̄an juon pijain tampeļ. Ilo an ajri ro nejum̧ etetal ilo iaļ eo, remaron̄ ba etan men ko remaron̄ kōm̧m̧ani n̄an etetal ilo iaļ ko an Irooj.

• Bōlen ajri ro nejum̧ remaron̄ jin̄a pija in aer make etal n̄an tampeļ. Remaron̄ bar al ak ron̄jake juon al kōn tampeļ āinwōt “I Love to See the Temple”” (Children’s Songbook,, 95). Jipan̄ er pukōt naan ko ilo al eo me rej katakin kōn ta in tampeļ im ta eo jej kōm̧m̧ane ijeņ.

2 Nipai 11:4–7; 17:14; 19:6

Jisōs Kraist ej aō Rilo̧mo̧o̧r.

• Ewōr jet etan Jisōs Kraist ilo 2 Nipai 11:4–7; 17:14; 19:6. Jipan̄ ajri ro nejum̧ pukoti im kōnono kake ta meļeļeier. N̄an waanjon̄ak, “Kraist” meļeļein “ekkapit” im “Immanuel” meļeļein “Anij ippād.” Ta eo āt kein rej katakin kōj kōn Jisōs?

• Kwaļo̧k jidikin pija eo “The Christ Child” (Gospel Library) me ej kwaļo̧k oktak in an armej ro lo Jisōs jinoin. Kabōjrak pija eo ilo iien ekōnono ko, im kajjitōk ippān ajri ro nejum̧ kōn ta eo armej ro rekar en̄jake. Ta eo jej en̄jake n̄e jen kar pād ijeņ? Elmen ad naaj en̄jake n̄e jej bar lo E?

2 Nipai 15:20

Setan ej kajjieon̄ kapok eō kōn em̧m̧an im nana.

• Kwaļo̧k n̄an ajri ro juon men emeo̧ ak kōmmōn̄, āinwōt pikōļ ak ļaiim̧, itulowaan juon kilin tōn̄al. Riit ippān doon 2 Nipai 15:20. Elmen an Setan kajjieon̄ kōm̧m̧ani men ko renana bwe ren em̧m̧an kalimjōki? Kwomaron̄ bar kwaļo̧k pija eo me 90 jekōn in “You Will Be Freed” (Gospel Library). Etke rieon̄ad eo eaar ukōt m̧ōōran mo̧o̧r eo an? Etke Setan ej ukōt m̧ōōran jerawiwi? Elmen an Jisōs Kraist jipan̄ kōj bōbrae ad po ippān Setan?

N̄an ļōmņak ko reļļapļo̧k, lale ennaan eo an allōn̄ in eo Jera māākjiin.

Panama City Panama Temple

Panama City Panama Temple “N̄e toļ an im̧ōn Irooj naaj kajutak e ilo ioon toļ ko, … im aolep laļ renaaj ibebļo̧k n̄an e” (2 Nipai 12:2).

peij in m̧akūtkūt: tampeļ ej m̧weo im̧ōn Irooj