Anzelu abimeli Alma mpe bana mibali ya Mosiya

Bobongwani ya Elenge Alma, na Gary L. Kapp

Sanza ya mitano 27–Sanza ya motoba 2: “Babiangemaki Bato ya Nzambe”

Mosiya 25–28

Nsima ya bankola misato ya kofandaka na bamboka ekabwana, Banefi bazalaki bato moko lisusu. Bato ya Limiyi, bato ya Alma, mpe bato ya Mosiya—kutu bato ya Zalayemila, oyo bazalaki bana ya Nefi te,—sikawa banso “batangamaki elongo na Banefi” (Mosiya 25:13). Mingi na bango lisusu balingaki kokoma bandimi ya Eklezia, lokola bato ya Alma bazalaki. Yango wana banso baye “bazalaki na mposa mpo ya kokamata likolo na bango nkombo ya Klisto” babatisamaki, “mpe babiangemaki bato ya Nzambe” (Mosiya 25:23–24). Nsima ya mibu ya etumba mpe bokangami, emonanaki lokola ete nsuka nsuka Banefi bakosepela na eleko moko ya kimya.

Kasi liboso kala, bazangi boyambi babandaki koniokola Basantu. Nini esalaki oyo mingimingi mpasi na motema ezalaki ete mingi ya bazangi boyambi bazalaki bana ya bangomei bayambi to baklisto—“nkola oyo ezalaki komata” (Mosiya 26:1), kobakisaka bana mibali ya Mosiya mpe mwana mobali moko ya Alma. Lisolo yango elobeli boyei ya anzelu moko na ndenge ya likamwisi. Kasi likamwisi ya solo ya lisolo oyo ezali kaka te mpo na baanzelu oyo bazali komonana epai ya bana mibali oyo bazali na mayele mabe. Bobongoli motema ya solo ezali likamwisi oyo, na lolenge moko to mosusu, esengeli kosalama kati na biso banso.

Makanisi mpo ya koyekola na Ndako mpe na Eklezia

Mosiya 26:1–6

Nakoki kosunga basusu baya epayi ya Yesu Klisto.

Bobongoli motema ezali ya moto ye moko—ekoki te kopesama lokola libula epayi ya bana ya bato. Ntango ozali kotanga Mosiya 26:1–6, manyola bantina oyo ekoki kozala ete “nkola oyo ezali komata” ekweyaki mosika, mpe tala mbuma ya kozanga kondima na bango. Okoki lisusu kokanisa etali bato oyo okanisi okoki komema epayi na Klisto. Na boumeli ya boyekoli na yo ya Mosiya 25–28, Molimo akoki koloba na mongongo ya nse makambo oyo okoki kosala mpo na kosalisa bango bakolisa kondima na Yesu Klisto.

Mosiya 26:6–39

Basali ya Nzambe ya sembo balukaka kosala bolingi na Ye.

Ntango mosusu tokokaki kokanisa ete mokambi ya Eklezia lokola Alma ntango nyonso ayebaka likambo ya malamu mpo na kosala. Na Mosiya 26 totangi na ntina ya likambo moko kati na Eklezia oyo Alma atalaki yango mokolo moko te. Alma asalaki nini na likambo oyo? (tala Mosiya 26:13–14, 33–34, 38–39). Likambo ya Alma epesi yo makanisi nini etali lolenge nini okokaki kosalela makambo ya mpasi na libota na yo to na mosala na yo ya Eklezia?

Nkolo ateyaki Alma nini na Mosiya 26:15–32? Yeba ete biyano mosusu ya Nkolo ezalaki te na eyano ya semba na motuna ya Alma. Makanisi nini yango ezali kopesa yo etali losambo mpe kozwa emoniseli ya moto ye moko?

Mitindo Ezali Seko. Kanisa lolenge nini masolo mpe mateya ya makomi etali bomoi na yo. Na ndakisa, okoki komituna, “Makambo nini nakutanaki na yango oyo ekokani na oyo ya Alma?” to “Bosolo nini eteyami na Alma ekoki kosalisa ngai?”

Mosiya 26:15–31

Nzambe alimbisaka ngai na bonsomi nyonso ntango nayamboli mpe nalimbisi basusu.

Boyamboli mpe bolimbisi ezali mito ya makambo oyo ezongaka mbala na mbala na Mosiya 26–27. Luka maloba mpe biteni ya maloba oyo eteyaka na ntina ya boyamboli mpe bolimbisi na Mosiya 26:22–24, 29–31; 27:23–37.

Bato mosusu bakoki komituna soki Nzambe alimbisaka bango mpenza. Ndenge nini okanisi Alma Mpaka akopesa toli na mondimi moko ya Eklezia na Zalayemila oyo azalaki na motungisi wana? Alma ayekolaki nini epai ya Nkolo na Mosiya 26:15–31 oyo ekokaki kosalisa mondimi oyo ya Eklezia? (tala lisusu Moroni 6:8; Malongi mpe Mayokani 19:16–18; 58:42–43).

Elembo ya seminele

Mosiya 27:8–37; 28:1–4

Na nzela ya Yesu Klisto, nakoki kobongwana mpo na kokoma malamu.

Emonanaki polele ete Alma Elenge azalaki na mposa ya kobotama lisusu na molimo. Ye mpe bana mibali ya Mosiya bazalaki “basumuki ya mabe mpenza” (Mosiya 28:4). Kasi noki nsima ya bobongoli motema na ye, Alma atatolaki ete bobongoli motema ezali ntina—mpo na moto nyonso: “Kokamwa te,” elobaki ye, “ete bato banso … basengeli kobotama lisusu” (Mosiya 27:25; nsete ebakisami).

Ntango ozali kotanga oyo etali makambo ya Alma, ezwami na Mosiya 27:8–37, kanisa komitia yomoko kati na lisolo. Okoki kokanisa makambo oyo etali yomei oyo esengeli kobongola. Nani, lokola tata ya Alma, azali kosambela mpo na yo “na bondimi ebele”? Makambo nini esungi “kondimisa [yo] nguya mpe bokonzi ya Nzambe”? (Mosiya 27:14). “Makambo minene” nini Nkolo asali mpo na yo to libota na yo oyo osengeli “komikundola”? (Mosiya 27:14). Oyekoli nini uta na maloba mpe misala ya Elenge Alma etali oyo elimbolami kobotama lisusu? Bandakisa mosusu nini okoki kozwa?

Zwa mwa ntango mpo na kokoma mwa banzela Mobikisi azali kosalisa yo kobongwana—to kobotama lisusu—ata soki makambo na yo ezali ya nsomo te to ya mbalakaka lokola oyo ya Alma. Ezali na loyembo moko oyo okokaki koyemba to koyoka oyo ezali komonisa mayoki na yo, lokola “I Stand All Amazed [Nakamwaki Mingi]”? (Banzembo, no. 193). Nani akoki kozwa litomba soki ayoki makambo oyo okutanaki na yango?

Mpaka David A. Bednar akokanisaki kobotama lisusu na nzela ya konkombre ekomaka madesu (tala “Ye Must Be Born Again [Osengeli Kobotama Lisusu],” Liahona, Sanza ya mitano 2007, 19–22). Kokokanisa oyo eteyi bino nini na ntina ya bobongoli motema?

Tala mpe Mito ya makambo ya Nsango Malamu, “Become like Jesus Christ [Koma lokola Yesu Klisto],” Biblioteke ya Nsango Malamu; “Alma Testifies He Has Been Born of God [Alma Atatoli Abotami na Nzambe]” (video), Biblioteke ya Nsango Malamu.

Mosiya 27:8–24

Nzambe ayokaka nsambo na ngai mpe akoyanola yango engebene na bolingi mpe ngonga na Ye.

Mbala mosusu ozalaki na ezalela ya Mpaka Alma elongo na moto moko ya libota oyo azali kosala maponi ya kobebisa. Omoni nini na Mosiya 27:8–24 oyo epesi yo elikya? Lolenge nini biteni oyo ekokaki kopesa nguya na nsambo na yo na litomba ya basusu?

Mpo na makanisi mosusu, tala bobimisi ya sanza oyo Liahona mpe For the Strength of Youth bazulunale.

Makanisi mpo na Koteya Bana

Mosiya 26:30–31

Nkolo alingi ngai nalimbisa.

• Mpo na kosalisa bana na yo bazwa oyo Nkolo ateyaki Alma etali bolimbisi, okokaki kobengisa bango mpo na kotanga Mosiya 26:29–31 mpe kotanga mbala boni liloba “limbisa” ebimi. Milongo oyo eteyi biso nini mpo na oyo etali kolimbisa basusu? (Tala lisusu “Help Me, Dear Father [Salisa Ngai, Tata ya Bolingo],” Children’s Songbook, 99.)

• Mpo na konyata ndakisa ya Mobikisi ya bolimbisi, okokaki kolakisa elilingi ya Ye na ekulusu mpe kotanga elongo Luka 23:33–34. Yesu asengaki Tata na Lola asala nini mpo na bato oyo batiaki Ye na ekulusu? Nsima ya lisolo oyo, bana na yo bakokaki kosala masano ya kolimbisana.

• Ntango mosusu ezalaka mpasi tomilimbisa ntango tosali mabunga. Ndenge nini maloba ya Nzambe epai ya Alma ekoki kosalisa? Bana na yo bakoki kosala lokola bazali kosolola na moto oyo akanisi te ete Nzambe akolimbisa bango mokolo mosusu. Benga bana na yo baluka eloko moko na kati ya Mosiya 26:22–23, 29–30 oyo ekoki kosalisa moto yango.

Mosiya 27:8–37

Yesu Klisto asalisaka ngai nakoma lokola Ye.

• Bobongoli motema ya Elenge Alma mpe bana mibali ya Mosiya ekokaki kolakisa bana na bino ete, na nguya ya Mobikisi, moto nyonso akoki kobongwana. Yo to bana na yo bokoki kosalela mayemi na mwango oyo, lonkasa ya mosala ya poso oyo, mpe mwa makomi ya ntina uta Mosiya 27:8–37 to kobeta lisolo (tala lisusu “Mokapo 18: Elenge Alma Ayamboli,” na Masolo ya Buku ya Mormon, 49–52). Pesa bokasi ya ntina mingi na molongo 24, mpo na koteya ete Alma ayambolaki mpe Yesu Klisto asalisaki ye kobongwana. Tika bana na yo basala lisolo yango soki balingi.Libota na yo ekoki kosepela kosakana na lisolo ya Samwele Molamani?

Bazali komema Elenge Alma na ndako ya tata na ye

Tata na Ye Asepeli,, na Walter Rane

Mosiya 27:8–24

Nakoki kobondela mpe kokila bilei mpo Nzambe apambola bato oyo nalingaka.

• Tanga elongo Mosiya 27:8–24, mpe senga bana na yo bayeba nini Alma mpe bato na ye basalaki mpo na kosunga Elenge Alma. Osila kokila bilei mpe kobondela mpo na moto? Yebisa bana na yo makambo oyo okutanaki na yango, mpe tika bango bakabola oyo ya bango.

• Yo to bana na yo oyebi moto oyo azali na mposa ya lisalisi ya Nzambe? Kolandaka ndakisa ya Alma, mbala mosusu bokokaki kosambela elongo mpo na moto wana mpe, soki bana na bino bazali na makoki, kokila bilei mpo na bango mpe.

Mpo na makanisi mosusu, tala bobimisi ya sanza oyo Moninga zulunale.

anjelu abimeli Elenge Alma

Elili ya anjelu abimeli Elenge Alma, na Kevin Keele

lonkasa ya mosala: Yesu Klisto asalisaka ngai nakoma lokola Ye.