Ether Hiding in the Cavity of a Rock (ஏத்தேர் கன்மலை இடுக்கிலே மறைந்திருத்தல்) – காரி எர்னெஸ்ட் ஸ்மித்

நவம்பர் 25–டிசம்பர் 1: “சகலமும் விசுவாசத்தினால் நிறைவேறினது”

ஏத்தேர் 12–15

யாரேதியருக்கு ஏத்தேரின் தீர்க்கதரிசனங்கள் “பெரிதும், அற்புதமுமானவைகளாயிருந்தன” (ஏத்தேர் 12:5). அவன் “மனுஷனுடைய ஆரம்பத்திலிருந்து சகல காரியங்களையும் அவர்களுக்குச் சொன்னான்” (ஏத்தேர் 13:2). அவன் “கிறிஸ்துவின் நாட்களையும்” பிற்கால புதிய எருசலேமையும் முன்னதாகக் கண்டான் (ஏத்தேர் 13:4). “தேவனுடைய வலது பாரிசத்தில், ஆம், ஒரு மேன்மையான உலகத்தின் நம்பிக்கையைப்பற்றி” (ஏத்தேர் 12:4) அவன் பேசினான். ஆனால் அவனுடைய வார்த்தைகளை யாரேதியர் மறுதலித்தனர், அதே காரணத்திற்காக, அவர்களோ “அவைகளைக் [காணாததினிமித்தம்]” (ஏத்தேர் 12:5) தேவனுடைய ஊழியக்காரர்களின் தீர்க்கதரிசனங்களை ஜனங்கள் இன்று புறக்கணிக்கின்றனர். அவநம்பிக்கையுள்ள ஜனங்களிடத்தில் “பெரிதும் அற்புதமுமான காரியங்களைக்” குறித்து தீர்க்கதரிசனமுரைக்க ஏத்தேருக்கு விசுவாசமிருந்ததைப்போல, நம்மால் பார்க்கமுடியாத காரியங்களைப்பற்றிய வாக்குறுதிகள் அல்லது எச்சரிக்கைகளை நம்புவதற்கு விசுவாசம் வேண்டும். “எழுதுவதில் அவனுடைய பெலவீனத்தை” எடுத்துப்போட்டு, அதை பெலனாக்க கர்த்தரால் முடியுமென நம்புவதற்கு மரோனிக்கு விசுவாசமிருந்தது (ஏத்தேர் 12:23–27 பார்க்கவும்). “உறுதியுள்ளவர்களாயும், அசைவில்லாதவர்களாயும், நற்கிரியைகளில் எப்பொழுதும் பெருகுகிறவர்களாயும் இருக்கப்பண்ணி, தேவனை மகிமைப்படுத்தும்படியாக நடத்திச் செல்ல” (ஏத்தேர் 12:4) நம்மை ஆக்குகிற இது, இந்த வகையான விசுவாசம். இவ்விதமாக “சகலமும் விசுவாசத்தினால் நிறைவேறினது” (ஏத்தேர் 12:3).

வீட்டிலும் சபையிலும் கற்றுக்கொள்வதற்கான ஆலோசனைகள்

ஏத்தேர் 12

இயேசு கிறிஸ்துவில் விசுவாசம் பலத்த அற்புதங்களுக்கு நடத்தமுடியும்.

ஏத்தேரின் நாளில் இருந்ததைப் போலவே, தேவனையும் அவருடைய வல்லமையையும் நம்புவதற்கு முன்பு மக்கள் ஆதாரங்களைக் காண விரும்புவது இன்று பொதுவானது. இந்த யோசனையைப் பற்றி ஏத்தேர் 12:5–6லிருந்து நீங்கள் என்ன கற்றுக்கொள்கிறீர்கள்?

நீங்கள் ஏத்தேர் 12 ஐப் படிக்கும்போது, ஒவ்வொரு முறையும் “விசுவாசம்” என்ற வார்த்தையைக் கண்டறியலாம். ஒவ்வொரு சந்தர்ப்பமும் விசுவாசத்தைப் பற்றி என்ன கற்பிக்கிறது என்பதைக் கருத்தில் கொள்ளுங்கள். இது போன்ற கேள்விகள் உதவலாம்: நம்பிக்கை என்றால் என்ன? விசுவாசத்தைக் கடைப்பிடிப்பது என்றால் என்ன? இயேசு கிறிஸ்துவில் விசுவாசத்தின் பலன்கள் என்ன? “உங்கள் விசுவாசத்தின் பரிட்சைக்குப் பின்னர்” (ஏத்தேர் 12:6) நீங்கள் பெற்ற சாட்சிகளைப்பற்றிய உங்கள் சிந்தனைகளையும் நீங்கள் பதிவுசெய்யலாம்.

ரசல் எம். நெல்சன், “இயேசு உயிர்த்தெழுந்தார்; அவரில் விசுவாசம் பர்வதங்களை நகர்த்தும்,” லியஹோனா, மே 2021, 101–4 ஐயும் பார்க்கவும்.

மற்றவர்கள் பகிர்ந்து கொள்ளட்டும், சில சமயங்களில் கற்பிக்கட்டும். மக்கள் தாங்கள் கற்றுக்கொள்வதைப் பகிர்ந்து கொள்ள அல்லது முறையான பின்னணியில் கற்பிக்க வாய்ப்புகள் இருக்கும்போது சிறப்பாகக் கற்றுக்கொள்கிறார்கள். வீட்டிலோ அல்லது சபையிலோ, பாடத்தின் ஒரு பகுதியை கற்பிக்க இளைஞர்கள் உட்பட மற்றவர்களை அனுமதிப்பதைக் கருத்தில் கொள்ளவும்.

ஏத்தேர் 12:1–9, 28, 32

“மிகச் சிறந்த நம்பிக்கையை” நமக்கு இயேசு கிறிஸ்து கொடுக்கிறார்.

நம்பிக்கையைப் பற்றிய ஆழமான உள்ளுணர்வுகளுடன், ஏத்தேர் 12 விசுவாசம் பற்றியும் நிறைய சொல்கிறது . உங்கள் படிப்பை இந்தக் கேள்விகள்வழிநடத்துவதாக.

• ஏத்தேர், “ஒரு மேன்மையான உலகத்தை நம்பியிருக்க” (ஏத்தேர் 12:2–5 பார்க்கவும்) என்ன காரணங்களிருந்தன?

• நங்கூரத்தின் நோக்கம் என்ன? ஒரு படகுக்கு நங்கூரம் செய்வது போன்ற நம்பிக்கை உங்கள் ஆத்துமாவுக்கு என்ன செய்யும்? (ஏத்தேர் 12:4 பார்க்கவும்).

• நாம் எதை எதிர்பார்க்க வேண்டும்? (ஏத்தேர் 12:4; மரோனி 7:41 பார்க்கவும்).

• இயேசு கிறிஸ்துவின் சுவிசேஷம் எவ்வாறு “மிக சிறப்பான நம்பிக்கையை” உங்களுக்குக் கொடுத்திருக்கிறது? (ஏத்தேர் 12:32).

மரோனி 7:40–41 பார்க்கவும். ஜெப்ரி ஆர். ஹாலண்ட் “நம்பிக்கையின் பரிபூரண பிரகாசம்,” லியஹோனா, மே 2020, 81–84

ஏத்தேர் 12:23–29 ஐயும் பார்க்கவும்.

இயேசு கிறிஸ்து என் பலவீனத்தை பலமாக மாற்ற முடியும்.

மரோனியின் வல்லமையான எழுத்துக்களை நாம் வாசிக்கும்போது, அவனுடைய “எழுதுவதில் பெலவீனத்தைப்பற்றியும்”, அவனுடைய வார்த்தைகளை ஜனங்கள் கேலிசெய்வார்கள் என அவன் கவலைப்பட்டான் என்பதையும் மறப்பது எளிது (ஏத்தேர் 12:23–25 பார்க்கவும்). உங்கள் சொந்த பலவீனத்தைப் பற்றி நீங்கள் எப்போதாவது கவலைப்பட்டிருந்தால், ஏத்தேர் 12:23–29 இல் மரோனியின் போராட்டங்கள் மற்றும் இரட்சகரின் பதிலைப் பற்றி படிக்கவும். இயேசு கிறிஸ்து உங்கள் பலவீனத்தை அடையாளம் கண்டு உங்களை பலப்படுத்திய நேரங்களையும் நீங்கள் சிந்திக்கலாம்—அவர் அதை முழுவதுமாக அகற்றாவிட்டாலும் கூட. தற்சமயம் நீங்கள் போராடிக்கொண்டிருக்கிற பெலவீனங்களைப்பற்றியும் சிந்தியுங்கள். “பலவீனமானவைகளை வலிமையாக்கும்” இரட்சகரின் வாக்குறுதியைப் பெற நீங்கள் என்ன செய்ய வேண்டும்? (ஏத்தேர் 12:27).

இயேசு கிறிஸ்துவின் கிருபையின் மூலம் மற்றவர்கள் எவ்வாறு பலம் பெற்றார்கள் என்பதை அறிய பின்வரும் பகுதிகளைத் தேடுவதைக் கருத்தில் கொள்ளவும்:

• ஏனோக்கு (மோசே 6:31–34; 7:13)

• மோசே (யாத்திராகமம் 4:10–12; 14:31)

• கிதியோன் (நியாயாதிபதிகள் 6:12–16; 8:22–23)

• பேதுரு (லூக்கா 5:8–10; 22:55–62; அப்போஸ்தலர் 4:13–21)

• மரோனி (ஏத்தேர் 12:23–29)

• ஜோசப் ஸ்மித் (ஜோசப் ஸ்மித்—வரலாறு 1:28; கோட்பாடும் உடன்படிக்கைகளும் 35:17; 135:3)

ஏத்தேர் 13:13–22; 14–15

கர்த்தருடைய தீர்க்கதரிசிகளைப் புறக்கணித்தல் ஆவிக்குரிய அபாயத்தில் நம்மை வைக்கிறது.

வரலாற்றுப் பூர்வமாக, யாரேதியரின் இராஜாவாக இருப்பது ஒரு அபாயகரமான நிலை. “பலசாலிகளான அநேகர் எழும்பி அவனை அழிக்க வகை தேடியதில்” (ஏத்தேர் 13:15–16) குறிப்பாக கொரியாந்தமருக்கு இது உண்மையாயிருந்தது. ஏத்தேர் 13:15–22ல் அவனைப் பாதுகாத்துக்கொள்ள கொரியாந்தமர் என்ன செய்தான் மற்றும் அதற்குப் பதிலாக தீர்க்கதரிசி ஏத்தேர் அவனுக்கு என்ன ஆலோசனையளித்தான் என்பதையும் கவனிக்கவும். ஏத்தேர் புஸ்தகத்தின் எஞ்சியவற்றை நீங்கள் வாசிக்கும்போது, தீர்க்கதரிசிகளைப் புறக்கணித்தலின் விளைவுகளைப்பற்றி சிந்திக்கவும். “கர்த்தருடைய ஆவி அவர்களோடு கிரியை செய்வதிலிருந்து [நின்றுபோகும்போது]” ஜனங்களுக்கு என்ன நேரிடுகிறது? (ஏத்தேர் 15:19). இந்த கதையிலிருந்து நாம் என்ன கற்றுக்கொள்ள வேண்டும் என்று கர்த்தர் விரும்பலாம்? அவருடைய தீர்க்கதரிசிகளைப் பின்பற்ற நீங்கள் என்ன செய்வீர்கள் என்பதைக் கருத்தில் கொள்ளவும்.

பிள்ளைகளுக்கு போதிப்பதற்கான ஆலோசனைகள்

ஏத்தேர் 12:6–22

விசுவாசம் என்பது நம்மால் பார்க்க முடியாத காரியங்களை நம்புவதாகும்.

• ஏத்தேர் 12:6லிருந்து “காணப்படாதவை நம்பப்படுவதே விசுவாசம்” என்று உங்களுடன் மீண்டும் சொல்ல உங்கள் பிள்ளைகளுக்கு உதவுவதைக் கவனியுங்கள். ஏத்தேர் 12:13-15, 19-21 இல் உள்ள விசுவாசத்தின் உதாரணங்களைக் காட்டும் படங்களை அவர்கள் பார்த்து மகிழலாம்.  ஒவ்வொரு கதையைப் பற்றியும் உங்கள் பிள்ளைகளுக்கு என்ன தெரியும் என்பதை விளக்கட்டும். விசுவாசத்தின் இந்த உதாரணங்களைப் பற்றி விவாதிக்க உங்களுக்கு உதவும் சில கேள்விகள் இதோ:

  • இந்த மக்கள் எதை எதிர்பார்த்தார்கள்?

  • அவர்களுடைய விசுவாசம் எவ்வாறு சோதிக்கப்பட்டது?

  • அவர்களின் நம்பிக்கையால் என்ன நடந்தது?

  விசுவாசத்தைப் பயிற்சி செய்வதில் உங்கள் சொந்த அனுபவங்களையும் நீங்கள் பகிர்ந்து கொள்ளலாம்.

ஏத்தேர் 12:4, 32

நம்பிக்கை என் ஆத்துமாவிற்கு ஒரு நங்கூரம் போன்றது.

• நம்பிக்கையைப் பற்றி ஏத்தேர் 12:4 என்ன கற்பிக்கிறது என்பதைப் புரிந்துகொள்ள, நீங்களும் உங்கள் பிள்ளைகளும் ஒரு படகு மற்றும் நங்கூரத்தின் படத்தைப் பார்க்கலாம். படகுகளுக்கு ஏன் நங்கூரங்கள் தேவை? நங்கூரம் இல்லாத படகிற்கு என்ன நடக்கும்? ஏத்தேர் 12:4ஐ நீங்கள் ஒன்றாகப் வாசிக்கும்போது, நங்கூரம் படகுக்கு உதவும் விதத்தில் நம்பிக்கை எவ்வாறு நமக்கு உதவுகிறது என்பதைப் பற்றி பேசுங்கள். ஒரு படகு மற்றும் நங்கூரம் ஆகியவற்றின் படங்களை வரைய உங்கள் பிள்ளைகளை அழைக்கவும், அதனால் அவர்கள் நம்பிக்கையைப் பற்றி மற்றவர்களுக்கு கற்பிக்க முடியும்.

• இந்த வரையறை மற்றும் ஏத்தேர் 12:4, 32 ஆகியவற்றின் படி நாம் எதை எதிர்பார்க்க வேண்டும்? (மரோனி 7:40–42 ஐயும் பார்க்கவும்). நம்பிக்கைக்கு எதிர்மாறான வார்த்தைகளுடன், நம்பிக்கைக்கான பிற வார்த்தைகளையும் உங்கள் பிள்ளைகள் சிந்திக்க உதவுங்கள். உங்களுக்கு நம்பிக்கை அளிக்கும் சில சுவிசேஷ சத்தியங்களையும் நீங்கள் ஒருவருக்கொருவர் பகிர்ந்து கொள்ளலாம்.

ஏத்தேர் 12:23–29

இயேசு கிறிஸ்து நான் ஆவிக்குரிய ரீதியில் வலுவாக இருக்க உதவ முடியும்.

• மரோனியைப் போலவே குழந்தைகள் சில சமயங்களில் பலவீனமாக உணரும் சூழ்நிலைகளை எதிர்கொள்கின்றனர். ஏத்தேர் 12:23–25 இல் மரோனி ஏன் இவ்வாறு உணர்ந்தான் என்பதைக் கண்டறிய உங்கள் பிள்ளைகளுக்கு உதவுங்கள், மேலும் அவர்களுக்கு எப்போதாவது இதே போன்ற உணர்வுகள் இருந்ததா என்று அவர்களிடம் கேளுங்கள். மரோனிக்கு கர்த்தர் எவ்வாறு உதவினார் என்பதைக் கண்டறிய 26–27 வசனங்களைப் படிக்க அவர்களை அழைக்கவும்.

• ஒருவேளை உங்கள் குழந்தைகள் பலவீனமான மற்றும் வலுவான ஒன்றை வரையலாம். பின்னர் அவர்கள் ஏத்தேர் 12:23–29 இலிருந்து சில வார்த்தைகளையும் சொற்றொடர்களையும் சேர்த்து, இரட்சகர் எவ்வாறு நமது பலவீனத்தை பலமாக மாற்ற முடியும் என்பதைப் பற்றி அவர்களுக்குக் கற்பிக்கலாம். உங்கள் பிள்ளைகளுக்கு இருக்கும் பலவீனத்தைப் பற்றி சிந்திக்க ஊக்குவிக்கவும், பின்னர் பலம் பெற இரட்சகரின் உதவியை நாடவும். கடினமான ஒன்றைச் செய்வதற்கு இரட்சகர் உங்களுக்கு உதவிய அனுபவத்தையும் நீங்கள் பகிர்ந்து கொள்ளலாம்.

Marvelous Were the Prophecies of Ether (ஏத்தேரின் தீர்க்கதரிசனங்கள் பெரிதும் அற்புதமுமானவைகள்) – வால்டர் ரானே