Sanza ya zomi na mibale 30–Sanza ya yambo 5: “Bozongisi Elakama Ezali Kokende Liboso”

Bozongisi ya Litondi ya Nsango Malamu ya Yesu Klisto

Lolelenge nini osepeli bokundoli ya mibu 200 ya likambo moko oyo ebongolaki mokili? Wana ezali motuna oyo Bokambi ya Yambo mpe Lisanga Likoki ya Bapostolo Zomi na Mibale bamanyolaki ntango sanza ya minei 2020 ekomaki pembeni, na bokundoli mibu 200 uta Limoni ya Yambo ya Joseph Smith. “Tomitunaki soki tosengelaki kotonga monima,” Mokambi Russell M. Nelson amikundolaki. Kasi lokola tokanisaki nguya ya libaku moko oyo ya kitoko mpe ya mokili mobimba ya Limoni wana ya Yambo, tondimamaki na motema kotonga monima ya sima ya makasi to mabanga te kasi ya maloba … , ya kokomama na ‘bitando’ ya mabanga” te kasi ya nyatamana na ‘bitando ya misuni’ ya mitema na biso.[2 Bakolinti 3:3]” (“Yokela Ye,” Liahona, Sanza ya mitano 2020, 90).

Monima ya maloba bakelaki ebengami “Bozongisi ya Litondi ya Nsango malamu ya Yesu Klisto: Esakola ya Mibu Nkama mibale na Mokili.” Ezali monima kaka te mpo na Limoni ya Yambo kasi lisusu mpo na makambo nyonso yesu asalaki—mpe azali kokoba kosala—uta ntango wana. Bozongisi ya nsango malamu na Ye ebandaki ntango moto moko atalelaki Nzambe mpe ayokelaki Ye. Ezali kokoba lolenge kaka wana: motema moko, boyebi ya bule moko na mbala moko—ata mpe ya yo.

Makanisi mpo na koteya na Ndako mpe na Eklezia

“Nzambe alingaka bana na Ye na bikolo nyonso ya mokili.”

Na makanisi na yo, mpo na nini esakola etali Bozongisi elingaki kobanda na maloba etali bolingo ya Nzambe? Ntango ozali koyekola esakola yango, luka maloba ya bolingo ya Nzambe mpo na “bana na Ye na bikolo nyonso ya mokili.” Lolenge nini Bozongisi ya nsango malamu esalisaki yo oyoka bolingo na Ye?

Tala lisusu Gerrit W. Gong, “All Nations, Kindreds, and Tongues,” Liahona, Sanza ya Zomi na moko 2020, 38–41.

Bozongisi ebandaki na eyano moko na motuna moko.

Ekoki kolobama ete Mobikisi abandaki Bozongisi ya nsango malamu na Ye na koyanolaka motuna moko. Nsango nini oyoki esakola ya Bozongisi ezali na yango mpo na moto oyo azali na mituna etali Nzambe, nsango malamu, to “lobiko ya molimo na ye, mobali [to mwasi]”? Okoki lisusu koyekola Joseph Smith—Mambi ya kala 1:5–20 mpo na komona maye okoki koyekola uta na Joseph Smith etali kozwa biyano na mituna ya nsango malamu.

Tala lisusu Makambo mpe Mituna, “Koluka Biyano,” Bibilioteki ya Nsango Malamu.

Makambo na molayi uta na Bamposa ya Motema na Ngai,, na Walter Rane

Yesu Klisto azongisi Eklezia na Ye.

Oyebi nini oyo etali “Eklezia ya Klisto ya Boyokani ya Sika,” oyo Mobikisi azongisaki na nzela ya Joseph Smith? Kanisa koyekola makomi oyo mpe kosalaka molongo ya makambo ya Eklezia na Ye:

• Matai 16:15–19

• Malako 16:15–18

• Luka 6:12–13

• Misala 4:34–35

• 1 Bakolinti 15:29

• Baefese 4:11–15

Nsima, okoki kobalisa makomi oyo ezali likolo na maye ezali na nse, oyo ezali kolimbola lolenge nini Yesu klisto azongisaki makambo wana ya Eklezia na Ye na nzela ya Joseph Smith:

• Malongi mpe Mayokani 18:37–38; 107:23–24

• Malongi mpe Mayokani 51:3; 70:14

• Malongi mpe Mayokani 84:64–72;

• Malongi mpe Mayokani 110:11–16

• Malongi mpe Mayokani 124:31, 36

• Biteni ya Bondimi 1:6

Mpo na nini ozali na botondi mpo na Bozongisi ya nsango malamu ya Yesu Klisto?

Mpaka Jeffrey R. Holland mpe mwasi na ye kala bamekaki kokanisa lolenge nini balingaki komiyoka kozalaka na bomoi liboso Eklezia ezongisama. “Nini tolingaki kozala na yango?” bamitunaki. Tanga etali boyebi na bango na “Pole Ebonga nie ya Elikya,” (Liahona, Sanza ya mitano 2020, 81-82). Lolenge nini Bozongisi esalisaki kokokisa baelikya ya molimo na yo?

Tala lisusu Makambo mpe Mituna, “Bopengwi mpe Bozongisi ya Nsango Malamu,” Bibiliyoteki ya Nsango Malamu.

“Bozongisi elakama ezali kokende liboso.”

Osila kokanisa mokolo moko lokola ozali eteni ya bozongisi ya nsango malamu? Kanisa maloba oyo uta na Mokambi Dieter F. Uchtdorf: “ntango mosusu tokanisaka Bozongisi ya nsango malamu lokola eloko moko oyo ekoka, esila kotikala nsima na biso. … Ya solo, Bozongisi ezali kokoba kosalema; tozali kobika yango sikawa mpenza” (“Are You Sleeping through the Restoration? (Ezali Yo Kolala na kati na Bozongisi?),” Liahona, Sanza ya mitano 2014, 59).

Ntango ozali komilengela mpo na koyekola lolenge nini nsango malamu ezongisamaki na mibu 1800, okoki kobanda na komanyola lolenge nini yango ezongisamaki na bomoi na yo. Tanga esakola ya Bozongisi na mituna lokola oyo na makanisi: lolenge nini nayei koyeba ete oyo ezali solo? Lolenge nini nakosala elongo kati na Bozongisi lelo?

“Lola efungwami.”

Nini elingi koloba “lola efungwami” mpo na yo? Elembo nini ozali komona na miso—na esakola ya Bozongisi, na Eklezia lelo, na makomi, mpe na bomoi na yo—ete lola solo efungwami?

Okoki lisusu kobakisa “The Morning Breaks” (Hymns, no. 1) lokola eteni ya boyekoli na yo. Omoni nini na loyembo oyo oyo ezali kobakisa na bososoli na yo ya maloba “lola efungwami”?

Tala lisusu; Quentin L. Cook, “The Blessing of Continuing Revelation to Prophets and Personal Revelation to Guide Our Lives (Lipamboli ya Bokobi ya Emoniseli epai ya Baprofeta mpe Emoniseli na biso moko mpo na Kokamba Babomoi na Biso moko),” Liahona, Sanza ya mitano 2020, 96–100.

Koyekola elongo. Mokambi Nelson abengisaki biso “toyekola [esakola ya Bozongisi] na biso moko mpe elongo na bato ya libota [na biso] mpe baninga” (“Yokela Ye,” 92). Kanisa lolenge nini okoki kobakisa basusu na boyekoli na yo.

Mpo na makanisi koleka, tala nsango ya sanza oyo na bamagazini Liahona mpe Mpo na Bokasi ya Bilenge .

Makanisi mpo na Koteya Bana

“Tosakoli na lokumu .”

• ntango ozali kotanga biteni ya esakola ya Bozongisi elongo na bana na yo (to kotala video ya mokambi Nelson kotangaka yango), salisa bango bamona milongo oyo ebandi na biteni ya maloba lokola,” “tosakoli,” to “totatoli.” Bosolo nini baprofeta mpe bapostolo na biso bazali kosakola? Ntango mosusu yo mpe bana na yo bokoki kokabola matatoli na bino moko ya misusu ya bosolo kaka oyo.

  The Restoration of the Fulness of the Gospel of Jesus Christ

“Joseph Smith … azalaki na mituna.”

• ekoki kozala malamu mpo na bana na yo bayekola mituna misusu Joseph Smith azalaki na yango oyo ekambaki na Bozongisi ya nsango malamu ya Mobikisi. Salisa bango bamona bandakisa misusu na Joseph Smith—Mambi ya Kala 1:10, 29, 68. Lolenge nini topambolami lelo mpo ete Nzambe ayanolaki mituna ya Joseph Smith?

• Okoki lisusu kopesa bana na yo litomba ya kosolola na oyo etali mituna bazali na yango. Oyekoli nini uta na Joseph Smith etali lolenge nini kozwa biyano? (tala Joseph Smith—Mambi ya Kala 1:8–17; tala lisusu milongo 3 mpe 4 ya “This Is My Beloved Son,” Children’s Songbook, 76).

“Bantoma ya lola bayaki mpo na kolakisa Joseph.”

• Banani bazalaki “Bantoma ya lola [oyo] bayaki mpo na kolakisa Joseph”? Bana na yo bakoki kosepela koluka bililingi na bango na Gospel Art Book (tala, nimelo. 91, 93, 94, 95). Lolenge nini moko na moko ya bantoma asalisaki “kozongisa Eklezia ya Yesu Klisto”? Makomi epesami makanisi na lokasa ya molulu ya poso oyo ekoki kosalisa bana na yo bayanola motuna oyo.

Yesu Klisto azongisi Eklezia na Ye.

• Lolenge nini okoki kosalisa bana na yo basosola maye elingi koloba Eklezia ya Mobikisi ezongisama? Ntango mosusu bakoki kotonga linongi ya mindondo te na biliki to bakopo mpe “kozongisa,” to kotonga yango lisusu. To, soki bana na yo basila naino kozongisa eloko moko te mpo ete ebungisamaki to ebebaki, okoki kokokisisa boyebi wana na Mobikisi kozongisaka Eklezia na Ye. Salisa bango bamona biloko eyebana elobelami na esakola ya Bozongisami oyo Mobikisi azongisaki.

“Lola efungwami.”

• Mpo na kolakisa maye eteni ya maloba “lola efungwami” elingi koloba, ntango mosusu okoki kokabola nsango moko elongo na bana na yo, yambo nsima ya ekuke ya kokangama mpe nsima na nzela ya ekuke moko ya kofungwama. Tika bango basala ngala ya kokabola nsango moko mpe. Nsango nini Nkolo azali na yango mpo na biso? Boyebi nini esungi biso toyeba ete lola efungwami mpo na biso?

Mpo na makanisi koleka, tala nsango ya sanza oyo na magazini ya Moninga .